Futnot

a Sampela Kristen i wok long haus sik ol i bin tingim dispela samting olsem husat i bos. Ating wanpela dokta em i gat wok long putim oda long ol marasin samting bilong ol sikman. Maski sikman i no sakim, olsem wanem wanpela dokta Kristen i bos em inap orait long ol i givim blut long sikman o rausim bel taim em i save long tok bilong Baibel long ol dispela samting? Tasol ating wanpela nes i wok long wanpela haus sik na em i no gat namba. Taim em i mekim wok bilong em, ating dokta bai tokim em long skelim ol blut bilong mekim sampela wok long en o lukautim wanpela meri i rausim bel. Olsem tok bilong 2 King 5:​17-​19 i makim, em inap ting olsem em i no gat namba long givim tok long ol long givim blut long man o rausim bel, em inap mekim tasol wok bilong helpim ol sikman. Tasol em i ken skelim yet maus bilong bel bilong em, bambai ‘long ai bilong God em i no pilim olsem em i bin mekim wanpela rong.’​—⁠Aposel 23:⁠1.