Futnot

b Narapela lo i helpim dispela tok i olsem: Sapos ol i bin bagarapim kok o bol bilong wanpela man, dispela man i no inap kam insait long lain bilong God. (Lo 23:⁠1) Tasol buk Insight on the Scriptures i tok, dispela i makim olsem ‘long laik bilong ol yet, ol i rausim o bagarapim bol bambai ol i ken mekim pasin nogut, olsem pasin sodom samting.’ Olsem na pasin bilong rausim bol o mekim narapela samting na meri i no ken kisim bel, em i no insait long dispela lo. Buk Insight i tok moa: ‘Jehova i tok profet long taim em bai orait long ol man em ol i bin rausim bol bilong ol na ol bai kamap wokman bilong em, na sapos ol i bihainim tok, nem bilong ol bai winim tru nem bilong ol man i gat ol pikinini man na meri. Krais Jisas i pinisim Lo, olsem na ol manmeri i bilip, maski ol i gat wanem kain namba o ol i stap olsem wanem long skin long bipo, ol inap kamap pikinini spirit bilong God. Ol samting bilong skin i narapela kain, i tekewe.​—⁠Ais 56:​4, 5; Jo 1:12.’