Rot Bilong Kisim Bek Yumi Long Sin na i Dai
35 Namba wan man Adam em i mekim rong, a? Laip bilong em na gutpela ples paradais i lus, na yumi olgeta yumi save dai, long wanem yumi pikinini bilong em.—Rom 5:12; 3:23
36 I gat wanpela rot tasol bilong helpim yumi bambai yumi inap kisim bek laip i stap gut oltaim, em olsem: Wanpela man em i gutpela olgeta em i mas i dai bilong helpim o baim bek yumi.—1 Korin 15:45; Rom 5:19, 21
37 Jisas em i Pikinini bilong God. Em i gutpela olgeta. Em i no mekim wanpela rong.—Hibru 5:9; 7:26
38 Em i larim ol man i no laikim God ol i kilim em i dai.—Aposel 2:23
Em i givim em yet olsem ofa bilong helpim yumi.—1 Timoti 2:6
39 Ol i planim Jisas long wanpela hul bilong ston. Em i stap long matmat inap tripela de. Na bihain God i kirapim bek em.—Aposel 2:24
40 Em i go bek long heven. Nau em inap askim God long helpim ol manmeri i bihainim tok bilong God.—Hibru 9:24; 1 Jon 2:1, 2