“Taim mi wokim na strongim as bilong dispela graun, yu stap we? Sapos yu save gut long ol dispela samting, yu mas tokim mi. Husat i bin tingim na putim ol mak bilong dispela graun? Ating yu save, a? Na husat i bin pulim ol lain bilong metaim ol hap bilong graun?

Jop 38:​4-6.

11. Jop 38:​4-6 i mas helpim yumi long tingim wanem ol samting?

¹¹ Jop​—⁠o yumi yet​—⁠i stap we taim God i wokim graun? Olsem wanem? Yumi bin stap olsem man bilong wokim piksa bilong graun na long dispela piksa yumi bin metaim ol hap bilong graun? Nogat tru! Ol manmeri i no stap yet taim ol dispela samting i bin kamap.