Yumi Inap Abrusim Belhat Bilong God

4, 5. Wanem samting i kamapim ples klia olsem belhat bilong God i stap long dispela taim nogut bilong nau?

⁴ Tok bilong Baibel na ol samting i bin kamap i soim olsem kirap long taim Adam i mekim sin, belhat bilong God ‘i bin stap’ long olgeta manmeri. (Jo. 3:​36) Samting i kamapim ples klia dispela samting em olsem: I no gat wanpela man i bin abrusim dai. Wok bos bilong Satan i no bin lukautim ol man taim ol bikpela bagarap i kamap, na i no gat wanpela gavman long graun i bin helpim ol manmeri bilong en long kisim ol samting ol i mas i gat. (1 Jo. 5:19) Olsem na ol man i wok yet long kisim ol hevi bilong woa, pasin raskol, na pasin bilong i stap rabis.

Baibel i tok: “Man i bilip long Pikinini, em i gat laip i stap gut oltaim oltaim. Tasol man i no bihainim tok bilong Pikinini, em bai i no inap kisim laip. Nogat. Belhat bilong God i stap long em.” (Jo. 3:36) Yes, olgeta man husat i stap laip na bilip long Jisas na long ofa bilong em taim pasin nogut bilong nau i pinis, ol bai abrusim dispela belhat bilong God i laik kamap.

18. Man i bilip long ofa bilong Krais, em i mas mekim wanem ol samting?

¹⁸ As skripsa bilong dispela stadi, Jon 3:​36, i soim olsem man i bilip long Bikpela Jisas Krais em i mas bihainim tok bilong em. Pasin bilong bilip long ofa bilong Jisas i mas kirapim yumi long bihainim ol tok bilong em na sakim ol pasin em i tok long yumi mas abrusim. (Mk. 7:​21-23)