-
Kisim Skul Long Pasin Bilong DanielWastaua (Stadi)—2023 | Ogas
-
-
6. Wanem samting i helpim Daniel long strongim bel?
6 Wanem samting i helpim Daniel long strongim bel long laip olgeta bilong em? Taim Daniel i liklik, em i lain long pasin bilong papa na mama bilong em. I klia tru olsem ol i bihainim tok Jehova i givim long ol papamama Israel, na ol i skulim pikinini bilong ol long Lo Bilong God. (Lo 6:6-9) Daniel i save long ol bikpela astok bilong Lo, olsem Tenpela Lo, na tu, em i save long ol narapela tok bilong Lo long wanem ol samting ol Israel i ken kaikai o ol i no ken kaikai.b (Wkp. 11:4-8; Dan. 1:8, 11-13) Daniel i save tu long histori bilong lain bilong God na em i save long samting i bin painim ol taim ol i sakim ol lo bilong Jehova. (Dan. 9:10, 11) Ol samting i kamap long laip bilong Daniel i helpim em long bilip tru olsem Jehova na ol strongpela ensel bilong Em i stap bilong helpim em.—Dan. 2:19-24; 10:12, 18, 19.
-
-
Kisim Skul Long Pasin Bilong DanielWastaua (Stadi)—2023 | Ogas
-
-
b Ating i gat tripela risen na Daniel i tingim kaikai bilong ol Babilon olsem em i no klin long ai bilong God: (1) Ating em abus bilong animal em God i tambuim ol long kaikai. (Lo 14:7, 8) (2) Ating ol i no rausim gut blut long abus. (Wkp. 17:10-12) (3) Ol man i tingim pasin bilong kaikai ol dispela kaikai olsem hap wok bilong lotuim ol god giaman.—Skelim Wok Pris 7:15 na 1 Korin 10:18, 21, 22.
-