• Yumi Mas Stap Olsem Ol Manmeri Bilong Bilip
    Wastaua—1999 | Disemba 15

    • 8 Habakuk i no save long wanem taim Jerusalem bai bagarap. Na ol Kristen long taim bilong ol aposel, ol tu i no save long wanem taim ol pasin na lo bilong lain Juda bai pinis. Na long nau tu, yumi no save long “wanem de na wanem aua” kot bilong Jehova bai pinisim ol pasin nogut bilong dispela graun. (Matyu 24:36) Orait, yumi ken tingim bekim Jehova i givim long Habakuk, em bekim i gat tupela hap bilong en. Namba wan: Em i strongim Habakuk olsem pinis bai kamap long taim stret. God i tok, “Yu mas wet liklik na em bai i kamap,” maski long tingting bilong yumi ol man i olsem pinis i no kamap kwik. (Habakuk 2:⁠3) Namba tu: Jehova i tokim Habakuk olsem: “Ol man i bihainim tru pasin bilong God, ol i stretpela man na ol bai i stap laip.” (Habakuk 2:⁠4) Em ol gutpela tok tru na i no hatwok long kisim save long en, a? Pinis i kamap long wanem taim, dispela em i no bikpela samting, nogat; bikpela samting em yumi wok yet long bihainim pasin bilong bilip long i stap bilong yumi.

      9. Olsem wanem ol wokboi bilong Jehova i bihainim tok bilong em, ol i abrusim bagarap (a) long 607 B.C.E.? (b) bihain long 66 C.E.? (c) Bilong wanem em i bikpela samting long yumi strongim bilip bilong yumi?

      9 Taim ol Babilon i daunim na kisim ol samting bilong Jerusalem long yia 607 B.C.E., Jeremaia, kuskus bilong em Baruk, Ebedmelek, na ol Rekap i stap gut long God, ol i lukim tok promis Jehova i bin givim long Habakuk i kamap tru. Ol i ‘stap laip,’ long wanem, ol i abrusim bikpela bagarap bilong Jerusalem. Bilong wanem ol i abrusim bagarap? Jehova i mekim gut long ol, long wanem, ol i stap gut long em. (Jeremaia 35:​1-​19; 39:​15-​18; 43:​4-7; 45:​1-5) Ol Kristen Hibru long taim bilong ol aposel ol i givim bel long tok bilong Pol, long wanem, taim ol ami bilong Rom i kam pait long Jerusalem long yia 66 C.E., na bihain ol i kirap lusim Jerusalem na i olsem i no gat as na ol i mekim olsem, ol dispela Kristen i bihainim gut tok bilong Jisas na ol i ranawe. (Luk 21:​20, 21) Ol i ‘stap laip,’ long wanem, ol i stap gut long God. Na i wankain long yumi, yumi bai stap laip yet sapos yumi stap gut long God taim pinis i kamap. Man! Dispela em i bikpela as na yumi mas strongim bilip bilong yumi long nau, a?

  • Yumi Mas Stap Olsem Ol Manmeri Bilong Bilip
    Wastaua—1999 | Disemba 15

    • a Pol i kamapim tok bilong Habakuk 2:4 bilong Baibel Septuagint, na dispela hap tok “sapos em i surik, orait bai mi no amamas long em” i stap long dispela ves. Dispela tok i no stap long ol olpela rait Hibru i stap yet. Sampela i tok, ol olpela rait Hibru bilong bipo ol i no stap moa, ol i as bilong Baibel Septuagint. Tasol maski Pol i kisim tok long wanem rait, em i raitim dispela tok long pas bilong em na spirit holi bilong God i bin stiaim em long mekim olsem. Olsem na God i as bilong dispela tok.