Taim Jisas i gat 2-pela krismas samting, Josep na Maria i lusim Isip na bringim em i go long Nasaret. Ating long dispela taim, ol i gat dispela wanpela pikinini tasol. Bihain, Josep na Maria i kamapim sampela pikinini moa, em ol hap brata bilong Jisas. Nem bilong ol Jems, Josep, Saimon, na Judas. Na tu, tupela i kamapim sampela pikinini meri, em ol hap susa bilong Jisas. Olsem na Jisas i gat ol brata na susa i kamap bihain long em, olsem 6-pela samting.

Famili bilong Josep i go bikpela, olsem na em i mas wok hat bilong sapotim ol. Em i wanpela kapenta. Josep i mekim bikpela long Jisas olsem pikinini bilong em yet, olsem na ol man i kolim Jisas olsem “pikinini bilong kapenta.” (Matyu 13:55) Josep i skulim Jisas long kamap wanpela kapenta, olsem na em i skul gut long mekim dispela wok. Bihain, ol manmeri i tok long Jisas olsem: “Em dispela kapenta.”—Mak 6:3.