Kamapim Save Long Taim Stret

Brens-ofis bilong ol Witnes Bilong Jehova long Jemani i bin kisim pas bilong wanpela lapun bruder Katolik. Em i tok:

‘Inap 25 yia mi stap long haus bilong ol lapun, long wanem, haus bruder mi bin stap long en i pas. I gat sampela tok bilong yupela mi no wanbel long en, tasol samting mi bin kaunim nau long Wastaua i helpim mi long save, yupela kamapim save long taim stret. Tru tumas, yupela i truim dispela tok promis yupela mekim long pes 2 [bilong Wastaua] long “was long ol samting i kamap long graun olsem Baibel i tok profet long en.”

‘Yupela i no pret long tokaut stret long tok bilong Pol long 1 Tesalonaika 5:3: “Ol manmeri bai i tok olsem: ‘Nau em i gutpela taim tru. Yumi stap gut,’ na wantu tasol samting bilong bagarapim ol bai i kamap long ol.” Long lotu bilong mi ol i no kamapim insait bilong dispela tok olsem yupela i mekim. Wanpela man i no inap tok spirit holi i no stap wantaim ol Witnes Bilong Jehova. Bai mi amamas long kaunim ol nius bilong yupela olgeta taim.’

Sapos yu bihainim pasin bilong dispela bruder Katolik na kaunim dispela nius, yu tu inap lain long ol samting i kamap long graun i truim tok profet bilong Baibel, na klostu nau Kingdom bilong God bai pinisim ol pasin nogut na kamapim paradais long olgeta hap.

Sapos yu laik kisim sampela save moa, o yu laik bai wanpela i kam lukim yu long haus na lainim yu long ol tok bilong Baibel, no gat pe, orait raitim pas long I.B.S.A., Box 636, Boroko, N.C.D., Papua New Guinea, o lukim atres long pes 5 em i stret long yu.

[Piksa long pes 32]

Wastaua

Baibel i Tok Wanem Long Gutaim?