Filemon 10, 11, 18​​—Bipo Onesimus “i no save mekim gutpela wok,” tasol olsem wanem na nau em i “mekim gutpela wok”? Onesimus i no laik i stap olsem wokboi nating na em i ranawe long bos bilong em Filemon husat i stap long Kolosi. Onesimus i ranawe i go long Rom. Ating Onesimus i stilim tu sampela mani samting long bos bilong em bilong baim rot bilong em i go long Rom​—Rom i stap longwe olsem 1,400 kilomita. Tru tumas, em i no bin mekim gutpela wok bilong helpim Filemon. Tasol long Rom, Pol i helpim Onesimus long kamap Kristen. Nau em i wanpela Kristen, olsem na dispela man bipo “i no save mekim gutpela wok” nau em i “mekim gutpela wok.”

Filemon 4-7. Em i gutpela samting long yumi tok amamas long ol wanbilip bilong yumi long strongpela bilip bilong ol na pasin bilong ol long laikim tru ol arapela.