Yu Save Sekim Notisbot Long Olgeta Wik?

Ol elda, kongrigesen sevan, na ol narapela husat i gat wok insait long kongrigesen, ol i save sekim notisbot long olgeta wik bambai ol i ken save long wanem taim ol i gat asainmen. Tasol olgeta pablisa long kongrigesen i mas sekim notisbot na bai ol i ken lukim ol bikpela toksave. Yu save long wanem taim em i taim bilong yu long klinim Haus Kingdom? Olsem wanem? Wasman sekit o brens ofis i bin salim wanpela spesel pas long kongrigesen? Yu save long het tok bilong pablik tok bilong dispela wik na bai yu ken singautim Baibel sumatin bilong yu? Olsem wanem? Ol i bin senisim ol taim bilong ol miting o taim na ples bilong bung bilong autim tok? Ol dispela kain toksave ol i no mekim moa long taim bilong ol miting, na ating ol elda i no inap toksave long olgeta wan wan pablisa. Olsem na yumi mas sekim notisbot long olgeta wik. Sapos yumi sekim notisbot long olgeta wik, orait yumi inap mekim olgeta samting “long gutpela pasin na ol samting i mas ron gut.”—1 Kor. 14:40.