Jisas i Dai Bilong Helpim Tu Brata Bilong Yu

Jisas i givim laip bilong em long helpim ol sinman. (Ro 5:8) Yumi wan wan i tenkyu olsem Jisas i kamapim pasin laikim bilong em taim em i givim laip bilong em long helpim yumi. Na yumi mas tingim olsem Krais i dai bilong helpim tu brata bilong yumi. Olsem wanem yumi inap kamapim pasin laikim bilong Krais long ol bratasista bilong yumi, em ol man i gat sin wankain olsem yumi? Skelim dispela 3-pela rot. Namba 1, yumi inap kisim sampela moa pren, em ol lain i no gat wankain sindaun olsem bilong yumi. (Ro 15:7; 2Ko 6:12, 13) Namba 2, yumi inap was gut long mekim tok na samting we inap mekim ol narapela i bel hevi. (Ro 14:13-15) Namba 3, sapos wanpela i rongim yumi, yumi ken hariap long fogivim em. (Lu 17:3, 4; 23:34) Sapos yumi wok strong long bihainim pasin bilong Jisas long dispela 3-pela rot, Jehova bai wok yet long blesim kongrigesen wantaim bel isi na pasin wanbel.

LUKIM VIDIO KAMAP GUTPELA MOA! NA BEKIM OL DISPELA ASKIM:

• 

  Pastaim Miki i gat wanem tingting long kongrigesen bilong em?

• 

  Wanem samting i senisim tingting bilong em?

• 

  Olsem wanem eksampel bilong Jisas i helpim Miki long senisim tingting bilong em? (Mk 14:38)

• 

  Olsem wanem Sindaun 19:11 inap helpim yumi long holim stretpela tingting long wanbilip Kristen?