ASKIM 17
Olsem wanem Baibel inap helpim famili bilong yu?
MARITMAN/PAPA
“Ol maritman i mas laikim meri bilong ol olsem ol i laikim bodi bilong ol yet. Man i laikim meri bilong en, em i laikim em yet. Long wanem, i no gat wanpela man i save heitim bodi bilong em yet, nogat. Em i save givim kaikai long en na tingim olsem samting i dia tumas . . . Yupela olgeta wan wan i mas laikim ol meri bilong yupela olsem yupela i save laikim yupela yet.”
“Yupela ol papa, yupela i no ken sikirapim bel bilong ol pikinini bilong yupela, nogat. Oltaim yupela i mas mekim bikpela long ol na trenim ol olsem Jehova i makim, na putim tingting bilong em long bel bilong ol.”
MARITMERI
“Maritmeri i mas i gat bikpela rispek long man bilong en.”
“Yupela ol maritmeri, yupela i mas daun long man bilong yupela, dispela pasin i stret long ai bilong Bikpela.”
PIKININI
“Ol pikinini, yupela i mas bihainim tok bilong papamama bilong yupela olsem God i laikim, dispela em i stretpela pasin. ‘Onarim papa bilong yu na mama bilong yu.’ Dispela em i namba 1 lo i gat promis long en olsem: ‘Yu ken i stap gut na stap longpela taim long dispela graun.’”
“Yupela ol pikinini, yupela i mas bihainim tok bilong papamama bilong yupela long olgeta samting. Bikpela i save laikim dispela kain pasin.”