Siku Leri U Nga Fanelangiki U Ri Rivala

Madyambu ya le mahlweni ko va a fa, Yesu u avelane ni vadyondzisiwa va yena xinkwa xo kala comela ni xinwelo xa vhinyo, kutani a ku: “Endlani leswi hi ku ndzi anakanya.”—Luka 22:19.

Lembe leri xiendlakalo lexi xi ta va hi Ravuntlhanu, April 14 endzhaku ka ku pela ka dyambu. Hi ku yingisa xileriso xa Yesu, timiliyoni ta Timbhoni ta Yehovha ni vanhu lava tsakelaka emisaveni hinkwayo va ta va va hlengeletanile hi vusiku lebyi byo hlawuleka leswaku va phindha Xitsundzuxo lexi hi mukhuva lowu Yesu a leriseke ha wona. Wa rhambiwa hi malwandla swinene ku ta hlengeletana na hina. Hi kombela u vonana ni Timbhoni ta Yehovha ta ndhawu ya ka n’wina leswaku u kuma nkarhi lowu kongomeke ni ndhawu yo hlanganyela eka yona.