Ku Dyuhala; Vadyuhari
Ku endleka yini loko hi ya hi kula?
Vona nhlokomhaka leyi nge, “Nchavelelo—Swiphiqo Leswi Vangiwaka Hi Ku Vabya Kumbe Ku Dyuhala””
Swikombiso swa le Bibeleni leswi nga hi pfunaka:
Ekl 12:1-8—Hi ku tirhisa marito yo tlhokovetsela, Hosi Solomoni u hlamusela mavabyi ma’wana lama vangiwaka hi ku dyuhala, yo tanihi ku nga voni kahle (“vavasati lava nga ta hlometela emafasitereni va kuma ku ri munyama”) ku nga twi kahle (“risimu leri vavasati va ri yimbelelaka ri twalela ehansi”)
Xana vadyuhari va nga tshama va tsakile ku nga khathariseki miringo ni swiphiqo leswi vaka kona hileswi ti dyaka ti ya emagoveni?
Swikombiso swa le Bibeleni leswi nga hi pfunaka:
1Sa 12:2, 23—Muprofeta Samuwele loyi a a dyuharile a a yi tiva ndlela leyi a swi ri swa nkoka hayona ku ya emahlweni a khongelela vanhu va Yehovha
2Sa 19:31-39—Hosi Davhida u khense Barizilayi loyi a a dyuharile hileswi a n’wi seketeleke naswona hi ku titsongahata u byele Hosi Davhida leswaku a nge swi koti ku ya n’wi tirhela eYerusalema
Ps 71:9, 18—Leswi Davhida a a chava leswaku a nga ha ri wa nkoka hileswi a dyuharile, u kombele Yehovha leswaku a nga tshiki ku n’wi tirhisa kambe a n’wi nyika matimba leswaku a ta kota ku dyondzisa lava nga ta va kona hi Yena
Lk 2:36-38—Muprofeta wa xisati Ana loyi a a ri noni leyi dyuhaleke, u katekisiwile hikwalaho ka ku tinyiketela ni hi ntirho wakwe wo tshembeka
Yehovha u va tiyisekisa njhani vadyuhari leswaku i va nkoka eka yena?
Ps 92:12-14; Swiv 16:31; 20:29; Esa 46:4; Tit 2:2-5
Swikombiso swa le Bibeleni leswi nga hi pfunaka:
Gn 12:1-4—Loko Abrahama a ri ni malembe ya 75, Yehovha u n’wi nyike xiavelo lexi a xi lava leswaku a suka etikweni ra rikwavo vutomi byakwe hinkwabyo
Dn 10:11, 19; 12:13—Ntsumi yi endzele muprofeta Daniyele loyi a a ri emalembeni ya va-90 yi n’wi tiyisekisa leswaku i wa nkoka eka Yehovha nileswaku u ta katekisiwa hikwalaho ka ku tshembeka kakwe
Lk 1:5-13—Yehovha u katekise Zakariya na Elizabeta lava a va dyuharile hi ku endla leswaku hi singita va kuma n’wana, ku nga Yohane
Lk 2:25-35—Yehovha u endle leswaku Simiyoni loyi a a dyuharile a va ni njombo yo vona ricece leri a ri ti va Mesiya; Simiyoni u profete hi yena
Mi 7:23, 30-36—Muprofeta Muxe a a ri ni malembe ya 80 loko Yehovha a n’wi hlawula ku rhangela vanhu Vakwe, ku nga Vaisrayele
Vadyuhari vo tshembeka va fanele va khomiwa njhani?
Swikombiso swa le Bibeleni leswi nga hi pfunaka:
Gn 45:9-11; 47:12—Yosefa u rhumele rito eka tata wakwe Yakobo a tlhela a n’wi khathalela kukondza a fa
Rt 1:14-17; 2:2, 17, 18, 23—Rhuti u seketele Nawomi wansati loyi a a dyuharile hi marito ni hi swiendlo
Yh 19:26, 27—Loko a ri karhi a fa emhandzini ya nxaniso, Yesu u kombele muapostola Yohane leswaku a hlayisa mana wakwe loyi a dyuhaleke