Xana U Hlamula Hi Ku Kariha?

“Ku hlamula lo’kunene ka releta v̌ukari, kambe ku v̌ulav̌ula lo’ku tlhav̌aka ku pfuša timholov̌o.” Ku vula Swivuriso 15:1.

Loko u khunguvanyisiwe hi un’wana, xana u susumeteleka ku tirihisela ni ‘ku n’wi endla leswaku a va ni xiphemu xa miehleketo ya wena’? Sweswo swi nga yisa eka vuyelo lebyikulu ngopfu.

Edorobeni ra New York, ntombhi yin’wana yi vuye ekaya endzhaku ka ku phikizana lokukulu ehenhleni ka ku xavisa loku nga nyawuriki evuxaviselweni bya phayi ivi yi byela tatana wa yona wa muundli ha swona. U [tatana] tlhelerile ku ya vulavularisana ni n’wini wa xitolo. Dzolonga ri tlhekekile, naswona n’wini wa xitolo u duvurile wanuna loyi a fa.

Xana ku landzela xitsundzuxo xa xivuriso lexi nga laha henhla a ku ta va ku pfunile eka xiyimo xo fana ni xexo ke? Tsundzuka xiendlakalo lexi katsaka Abigail na Davhida, hi laha xi rhekhodiweke ha kona eka 1 Samuel 25:2-35. Davhida a a ri kusuhi ni ku endla xihoxo lexikulu loko a kuma xiviko lexo biha lexi humaka eka majaha lama vuyeke hi le ka Nabal, nuna wa Abigail. Ngati leyi nga hava nandzu a yi ta va yi halatiwile. Nhlamulo leyinene ya Abigail, kun’we ni mintirho ya yena ya musa ni ku titsongahata, swi hete vukari lebyikulu bya Davhida ni vavanuna va yena.