Ku Tsutsumela Ka Vakriste ePella

HI 33 C.E., Yesu Kriste u tsundzuxe valandzeri vakwe ku “tsutsumela etintshaveni” loko va vona “Yerusalema wu rhendzeriwile hi tinyimpi.” (Luka 21:20-24) Kambe kahle-kahle va tsutsumele kwihi? Mudyondzi wa timhaka ta le vuxeni na n’wamatimu wa Mufurwa Joseph Ernest Renan wa hlamula a ku: “Xivandla lexi hlawuriweke hi varhangeri va tiko ra [Vukriste] leswaku xi tirha tanihi khokholo-nkulu ra Kereke leyi tsendzelekaka a ku ri Pella, rin’wana ra madoroba ya Dekapolisi, leri nga ekusuhi ni ribuwa ra le ximatsini ka Yordani exiyin’weni xo tsakisa, lexi eka tlhelo rin’wana xi langutaneke ni rivala hinkwaro ra Ghor ni lexi eka lerin’wana xi nga ni magodi lama khehlekeke, lexi eku sunguleni ka xona xi nga ni xinambyana. Ku hava ku hlawula ka vutlhari loku a ku ta va ku endliwile. Yudiya, Idumiya, Periya na Galeliya a ya ri edzongeni; Samariya ni ribuwa ra Iwandle a ya ri exiyin’weni xa mpfilumpfilu . . . Xisweswo Scythopolis na Pella a yi ri miti ya le kusuhi na Yerusalema leyi nga katsekiki. Pella, hi xiyimo xa rona endzhandzeni wa Yordani, ri fanele ri nyikele ku rhula lokukulu ku tlula Scythopolis, leri ri veke rin’wana ra makhokholo ya Rhoma. Pella a wu ri muti wo ntshunxeka ku fana ni madoroba man’wana ya Dekapolisi . . . Leswaku va sirheleteka kwalaho a va fanele ku boxa nchavo wa nhlaselo wa [Vayuda] erivaleni . . . Hi le dorobeni leri Iwisanaka ni Vayuda laha Kereke ya Yerusalema yi kumeke ku sirheleteka eka minchavo ya mavuthu lama rhendzeleke muti.”