Switiviso

◼ Minkandziyiso leyi nga ta fambisiwa hi June: Xana Bibele Yi Dyondzisa Yini Hakunene? Ringetani hi matimba ku sungula tidyondzo ta le kaya ta Bibele. July na August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge, Xana Xikwembu Xa Hi Khathalela Hakunene? September: Xana Bibele Yi Dyondzisa Yini Hakunene?

◼ Leswi July yi nga ni mahelo-vhiki ya ntlhanu, yi ta va n’hweti ya kahle yo teka vuphayona bya nkarhinyana.

◼ Eka Nhlangano wa Ntirho wa vhiki rin’wana hi September ku ta buriwa hi vhidiyo leyi nge Young People Ask—How Can I Make Real Friends? Loko ku ri ni lava lavaka tikopi ta vhidiyo leyi, va fanele va endla xikombelo xa tona hi ku hatlisa evandlheni.

◼ Ku bumabumeriwa leswaku fomo leyi nge Application for Regular Pioneer Service (S-205) yi rhumeriwa erhavini ka ha sale masiku ya 30 leswaku ku fika siku leri muhuweleri a endleke xikombelo xo sungula ha rona. Matsalana wa vandlha u fanele a kambisisa tifomo ku vona loko ti tatiwe kahle. Loko lava endleke xikombelo va nga ha ri tsundzuki siku leri va khuvuriweke ha rona, va fanele va tsala siku leri va anakanyaka rona ivi va tiyiseka leswaku va ri tsala kun’wana leswaku va nga ha ri rivali. Matsalana u fanele a tsala siku leri ekhadini leri nge Congregation’s Publisher Record (S-21).

◼ Mavandlha ma fanele ma sungula ku endla swikombelo swa mphakelo lowu ringaneke wa tifomo leti nga ta tirhisiwa eka lembe ra ntirho ra 2007, loko ma endla swikombelo swa wona swa tibuku hi July. Hi kombela leswaku mi nga endli swikombelo swa tifomo leti landzelaka hikuva ti ta rhumeriwa ni mphakelo wa tifomo ta lembe ni lembe ta vandlha: Congregation Report (S-1), Report Card Envelopes (rce), Fomo Ya Ku Rhumela Mali Ya Munyikelo (S-20), Xiviko Xa Ku Kamberiwa Ka Tiakhawunti Ta Vandlha (S-25), Phepha Ra Tiakhawunti (S-26) na Xiviko Xa Tiakhawunti Ta Vandlha Xa N’hweti Ni N’hweti (S-30). Hi kombela leswaku mi tirhisa tifomo hinkwato hi vukheta. Ti fanele ti tirhiseriwa ntirho wa tona ntsena.

◼ Ti-CD Letintshwa Leti Kumekaka:

Buku Yanga Ya Timhaka Ta Bibele—Xinghezi

Nghwazi Leyi Tshameke Yi Hanya—Xinghezi

◼ Ti-DVD Letintshwa Leti Kumekaka:

Tikarhatele Ku Fikelela Tipakani Leti Kombisaka Ku Xixima Xikwembu—Ririmi ra Mavoko ra le Amerika