Xiyimiso Xa Xikolo Xa Vutirheli Bya Le Tilweni Xa 2007

SWILETELO

Hi lembe ra 2007 ku ta tirhisiwa xiyimiso lexi landzelaka loko ku fambisiwa Xikolo xa Vutirheli bya le Tilweni.

MINKANDZIYISO LEYI NGA TA TIRHISIWA: Vuhundzuluxeri Bya Misava Leyintshwa Bya Matsalwa Yo Kwetsima [bi12-TS], Xihondzo xo Rindza [w-TS], Vuyeriwa Eka Vuleteri Bya Xikolo Xa Vutirheli Bya Le Tilweni [be-TS], “Matsalwa Hinkwawo Ma Huhuteriwe Hi Xikwembu Naswona Ma Pfuna” [si-TS], na Ku Hlamulana Hi Matsalwa [rs-TS].

Xikolo xi fanele xi sungula HI NKARHI hi risimu, xikhongelo ni marito yo koma yo amukela kutani xi ya emahlweni hi ndlela leyi hlamuseriweke laha hansi. Mulanguteri wa xikolo u ta vitana xivulavuri ha xin’we.

YINHLA YO TIRHELA EKA YONA: 5 wa timinete. Mulanguteri wa xikolo, mupfuni wa mulanguteri wa xikolo kumbe nkulu un’wana la fanelekaka u ta hlamusela yinhla yo tirhela eka yona leyi humaka ebukwini leyi nge Xikolo Xa Vutirheli. (Emavandlheni lama nga ni nhlayo yitsongo ya vakulu, ku nga tirhisiwa malandza ya vutirheli lama fanelekaka.)

NKULUMO NO. 1: 10 wa timinete. Nkulumo leyi yi ta nyikeriwa hi nkulu la fanelekaka kumbe nandza wa vutirheli, naswona yi ta tekiwa eka Xihondzo xo Rindza, ebukwini leyi nge Vuyeriwa Eka Vuleteri Bya Xikolo Xa Vutirheli Bya Le Tilweni, kumbe leyi nge “Matsalwa Hinkwawo Ma Huhuteriwe Hi Xikwembu Naswona Ma Pfuna.” Yi ta nyikeriwa hi khume ra timinete tanihi nkulumo yo laya. Xikongomelo xa yona a ku fanelanga ku va ku hlanganisa rungula ntsena kambe ku fanele ku va ku kombisa ndlela leyi rungula ra nkulumo leyi nyikeriwaka ri tirhaka ha yona, ku kandziyisiwa tinhla-nkulu leti nga ta pfuna vandlha swinene. Ku fanele ku tirhisiwa xihloko lexi kombisiweke. Ku languteriwe leswaku vamakwerhu lava averiweke nkulumo leyi va tikarhatela ku hlayisa nkarhi lowu vekiweke. Loko swi laveka, xivulavuri xi nga nyikiwa ndzayo etlhelo.

TINHLA-NKULU TA KU HLAYA KA BIBELE: 10 wa timinete. Eka timinete leto sungula ta ntlhanu, nkulu la fanelekaka kumbe nandza wa vutirheli u fanele a nyikela tinhla-nkulu leti, a endla leswaku ti pfumelelana ni swilaveko swa vandlha. A nga ha hlamusela ndzima yihi ni yihi leyi a averiweke yona ya ku hlaya ka Bibele ka vhiki rero. Tinhla-nkulu a ti fanelanga ti va nkatsakanyo wa tindzima leti averiweke. Xikongomelo-nkulu i ku pfuna vayingiseri leswaku va twisisa leswaku ha yini rungula ra kona ri ri ra nkoka nileswaku i ra nkoka hi ndlela yihi. Xivulavuri xi fanele xi xiya leswaku xi nga tluli timinete ta ntlhanu leti xiyenge lexi xi vekeriweke tona. Xi fanele xi tiyiseka leswaku timinete ta ntlhanu leti siyeriweke tinhlamuselo ta vayingiseri ti tirhiseriwa xikongomelo xexo. Vayingiseri va fanele va komberiwa ku nyikela tinhlamuselo to koma (hi tisekoni leti nga tluliki 30) ta leswi va swi kumeke swi ri tinhla ta nkoka eka ku hlaya ka Bibele ni ndlela leyi swi va pfunaka ha yona. Kutani mulanguteri wa xikolo u ta kombela swichudeni leswaku swi ya etitlilasini leti swi averiweke ku nyikela tinkulumo eka tona.

NKULUMO NO. 2: 4 wa timinete kumbe ehansinyana ka tona. Leyi i nkulumo ya ku hlaya leyi nga ta nyikeriwa hi makwerhu wa xinuna. Xichudeni xi fanele xi hlaya rungula leri xi averiweke rona handle ka xingheniso kumbe mahetelelo. Mulanguteri wa xikolo u ta tsakela swinene ku pfuna swichudeni leswaku swi twisisa rungula leri swi ri hlayaka, swi hlaya hi nkhuluko, swi kandziyisa mhaka hi ndlela leyi faneleke, swi cinca-cinca rito hi mfanelo, swi koka moya endhawini leyi faneleke ni ku hlaya swi tlhela swi vulavula hi ndlela ya ntumbuluko.

NKULUMO NO. 3: 5 wa timinete. Nkulumo leyi yi ta averiwa makwerhu wa xisati. Swichudeni leswi nga ta averiwa nkulumo leyi swi ta hlawula mahlelelo ya nkulumo kumbe swi hlawuleriwa wona eka nxaxamelo lowu nga eka tluka 82 ebukwini leyi nge Xikolo Xa Vutirheli. Xichudeni xi fanele xi tirhisa nhloko-mhaka leyi xi averiweke yona kutani xi yi nyikela hi ndlela leyi fambisanaka ni swiyimo swa nsimu ya vandlha leri xi nga eka rona. Loko ku nga kombisiwanga laha nkulumo yi faneleke yi tekiwa kona, xichudeni xi fanele xi tikumela rungula ra nkulumo leyi hi ku endla ndzavisiso eka minkandziyiso leyi hi yi tirhisaka. Swichudeni leswintshwa swi fanele swi averiwa tinkulumo leti nga ni swikombo. Mulanguteri wa xikolo u ta tsakela ngopfu ku vona ndlela leyi xichudeni xi ndlandlamuxaka rungula ra nkulumo ha yona, ni ndlela leyi xi n’wi pfunaka ha yona n’wini wa muti leswaku a anakanyisisa hi Matsalwa ni ku twisisa tinhla-nkulu ta bulo. Mulanguteri wa xikolo u ta hlawula mupfuni wun’we wa nkulumo leyi.

NKULUMO NO. 4: 5 wa timinete. Xichudeni xi fanele xi tiakela nkulumo hi nhloko-mhaka leyi xi averiweke yona. Loko ku nga kombisiwanga laha nkulumo yi faneleke yi tekiwa kona, xichudeni xi fanele xi tikumela rungula ra nkulumo leyi hi ku endla ndzavisiso eka minkandziyiso leyi hi yi tirhisaka. Loko nkulumo leyi yi averiwe makwerhu wa xinuna, u ta yi nyikela hi ku kongoma eka vayingiseri lava nga kona eHolweni ya Mfumo. Loko yi averiwe makwerhu wa xisati, nkarhi hinkwawo yi fanele yi nyikeriwa ku fana ni Nkulumo No. 3. Mulanguteri wa xikolo a nga ha avela Nkulumo No. 4 eka makwerhu wa xinuna loko a vona swi fanerile. Xiyani leswaku minkarhi hinkwayo tinhloko-mhaka leti nga ni swinyeletana ti fanele ti averiwa vamakwerhu va xinuna naswona va fanele va ti nyikela tanihi nkulumo.

NDZAYO: Yi nga tluli minete. Mulanguteri wa xikolo a nge yi tivisi ka ha ri emahlweni yinhla leyi xichudeni xi tirhelaka eka yona. Loko xichudeni xa No. 2, xa No. 3 ni xa No. 4 xi heta ku nyikela nkulumo ya xona, mulanguteri wa xikolo u ta xi bumabumela hikwalaho ka matshalatshala lawa xi ma endleke ni hi yinhla leyinene ya nkulumo leyi xi yi kombiseke. Xikongomelo xa yena a hi ku vula ntsena a ku, “u endle kahle” kambe i ku kombisa leswaku ha yini mhaka ya kona yi nyikeriwe kahle. Xichudeni ha xin’we xi nga ha nyikiwa ndzayo yin’wana leyi akaka endzhaku ka nhlangano kumbe hi nkarhi wun’wana, loko swi fanerile.

NKARHI: Tinkulumo hinkwato ni tinhlamuselo ta mulanguteri wa xikolo a swi fanelanga swi dya nkarhi. Nkulumo No. 2 ku ya eka No. 4 ti fanele ti yimisiwa hi vutlhari loko nkarhi wu herile. Loko makwerhu la nyikelaka nkulumo yo pfula leyi vulavulaka hi yinhla yo tirhela eka yona, kumbe la nyikelaka Nkulumo No. 1 kumbe tinhla-nkulu ta ku hlaya ka Bibele, a dya nkarhi, u fanele a nyikiwa ndzayo etlhelo. Hinkwerhu hi fanele hi namarhela nkarhi lowu hi nyikiweke wona. Nongonoko hinkwawo wu fanele wu va 45 wa timinete, ku nga katsiwi risimu ni xikhongelo.

XIPHEPHANA XA NDZAYO: Xi kumeka ebukwini.

MUPFUNI WA MULANGUTERI WA XIKOLO: Huvo ya vakulu yi nga ha hlawula nkulu la nga ni vuswikoti, loko a ri kona leswaku a va mupfuni wa mulanguteri wa xikolo. Loko ku ri ni vakulu vo hlayanyana evandlheni, lembe ni lembe ku nga ha hlawuriwa makwerhu un’wana la fanelekaka leswaku a va mupfuni wa mulanguteri wa xikolo. Ntirho wa yena ku ta va ku nyikela ndzayo ya le tlhelo eka vamakwerhu lava nyikelaka Nkulumo No. 1 ni tinhla-nkulu ta ku hlaya ka Bibele loko swi fanerile. A swi bohi leswaku a nyikela ndzayo minkarhi hinkwayo endzhaku ka loko tinkulumo teto ti nyikeriwe hi vakulu-kulobye kumbe malandza ya vutirheli.

BULO RA MPFUXETO: 30 wa timinete. Endzhaku ka tin’hweti tin’wana ni tin’wana timbirhi, mulanguteri wa xikolo u ta fambisa bulo ra mpfuxeto. Ku ta rhanga ku nyikeriwa nkulumo leyi vulavulaka hi yinhla yo tirhela eka yona ni tinhla-nkulu ta ku hlaya ka Bibele, leswi nga ta nyikeriwa hilaha swi hlamuseriweke hakona laha henhla. Bulo ra mpfuxeto ri ta va ri sekeriwe eka rungula leri dyondziweke exikolweni eka tin’hweti timbirhi leti hundzuke ku katsa ni leri dyondziweke hi vhiki rero ra bulo ra mpfuxeto. Loko vandlha ra n’wina ri ri ni nhlengeletano ya xifundzha kumbe ri endzeriwe hi mulanguteri wa xifundzha hi vhiki ra bulo ra mpfuxeto, bulo rero ra mpfuxeto (swin’we ni xiyimiso hinkwaxo xa vhiki rero) swi ta endliwa eka vhiki leri landzelaka kutani xiyimiso xa vhiki leri taka xi endliwa hi vhiki ra nhlengeletano ya xifundzha kumbe ra ku endza ka mulanguteri wa xifundzha. Loko mulanguteri wa xifundzha a endzele vandlha hi vhiki ra bulo ra mpfuxeto, risimu ni nkulumo ya yinhla yo tirhela eka yona swin’we ni tinhla-nkulu ta ku hlaya ka Bibele swa vhiki rero swi ta tirhisiwa hilaha swi kombiweke hakona exiyimisweni. Kambe nkulumo yo laya (leyi faneleke yi landzela leya yinhla yo tirhela eka yona) ku ta nyikeriwa ya vhiki leri taka. Eka Xikolo xa Vutirheli bya le Tilweni xa vhiki leri landzelaka ku ta va ni nkulumo ya yinhla yo tirhela eka yona ni tinhla-nkulu ta ku hlaya ka Bibele tanihi ntolovelo ivi ku landzela bulo ra mpfuxeto.

XIYIMISO

Jan. 1 Ku Hlaya Ka Bibele: Esaya 24-28 Risimu 33

Yinhla Yo Tirhela Eka Yona: Ku Endla Leswaku Rungula Ra Nkulumo Ri Tirha (be-TS tl. 158 ¶2-4)

No. 1: Ku Lunghiselela Swiavelo Leswi Nyikiwaka Swichudeni eXikolweni (be-TS tl. 43 ¶1–tl. 44 ¶3)

No. 2: Esaya 26:1-18

No. 3: Ku Susa Khwiri—Ha Yini Ku Siveriwile? (rs-TS tl. 84 ¶4–tl. 86 ¶1)

No. 4: Hi Nga ‘Ambala Hosi Yesu Kreste’ Hi Ndlela Yihi? (Rhom. 13:14)

Jan. 8 Ku Hlaya Ka Bibele: Esaya 29-33 Risimu 42

Yinhla Yo Tirhela Eka Yona: Ku Pfuna Van’wana Leswaku Va Kuma Yinhla (be-TS tl. 158 ¶5–tl. 159 ¶3)

No. 1: Ku Lunghiselela Nhloko-mhaka Swin’we Ni Mavekelo Ya Nkulumo (be-TS tl. 44 ¶4–tl. 46 ¶2)

No. 2: Esaya 30:1-14

No. 3: aKu Hlamula Munhu Loko A Ku: ‘Ndzi Ni Mfanelo Yo Endla Swiboho eTimhakeni Leti Khumbaka Miri Wa Mina’ (rs-TS tl. 86 ¶2)

No. 4: Ndlela Leyi Hi Swi Tivaka Ha Yona Leswaku Yehovha Xikwembu U Rhandza Vana

Jan. 15 Ku Hlaya Ka Bibele: Esaya 34-37 Risimu 222

Yinhla Yo Tirhela Eka Yona: Ku Hlawula Marito (be-TS tl. 160 ¶1-3)

No. 1: Ku Hlakulela Langutelo Leri Yesu A A Ri Na Rona Hi Leswinene Ni Leswo Biha (w05-TS 1/1 matl. 9-10 ¶11-15)

No. 2: Esaya 34:1-15

No. 3: Ndlela Leyi U Nga Ri Hlakulelaka Ha Yona Rirhandzu Ra Xiviri

No. 4: Adamu Na Evha—Xana Va Ve Kona Hakunene? (rs-TS matl. 25-6)

Jan. 22 Ku Hlaya Ka Bibele: Esaya 38-42 Risimu 61

Yinhla Yo Tirhela Eka Yona: Ririmi Leri Twisisekaka Hi Ku Olova (be-TS tl. 161 ¶1-4)

No. 1: Nkaneto Wu Nga Ku Heti Matimba (w05-TS 1/1 tl. 15 ¶16-18)

No. 2: Esaya 38:9-22

No. 3: bKu Hlamula Munhu Loko A Ku: ‘Xidyoho Xa Adamu A Ku Ri Ku Rhandza Ka Xikwembu’ (rs-TS tl. 27 ¶1-2)

No. 4: Lexi Endlaka Hi Papalata Ku Ehleketelela Van’wana Swo Biha

Jan. 29 Ku Hlaya Ka Bibele: Esaya 43-46 Risimu 113

Yinhla Yo Tirhela Eka Yona: Ku Tirhisa Marito Yo Hambana-hambana Lama Faneleke (be-TS tl. 161 ¶5–tl. 162 ¶4)

No. 1: Lexi Endlaka Hi Amukela Vuavanyisi Bya Yehovha (w05-TS 2/1 matl. 23-4 ¶4-9)

No. 2: Esaya 45:1-14

No. 3: Ha Yini Ku Gandzela Vakokwana Ku Nga Pfuni Nchumu? (rs-TS tl. 65 ¶1–tl. 66 ¶6)

No. 4: cLexi Endlaka Vakreste Va Papalata Moya Wa Ku Tipimanisa Ni Van’wana

Feb. 5 Ku Hlaya Ka Bibele: Esaya 47-51 Risimu 79

Yinhla Yo Tirhela Eka Yona: Marito Lama Kombisaka Nkhinkhi, Ntlhaveko Ni Xiyimo Xa Mhaka (be-TS tl. 163 ¶1–tl. 164 ¶2)

No. 1: Rito Ra Yehovha Ri Hi Hlayisa Hi Basile Naswona Ri Hi Pfuna Leswaku Hi Tshembeka (w05-TS 4/15 matl. 11-12 ¶5-11)

No. 2: Esaya 50:1-11

No. 3: Lexi Endlaka Yehovha Xikwembu A Hlundzukisiwa Hi Ku Gandzela Vakokwana (rs-TS tl. 66 ¶7–tl. 67 ¶3)

No. 4: Xana Bibele Yi Sola Ku Nyikana Tinyiko?

Feb. 12 Ku Hlaya Ka Bibele: Esaya 52-57 Risimu 139

Yinhla Yo Tirhela Eka Yona: Mavulavulelo Lama Fambisanaka Ni Milawu Ya Ririmi (be-TS tl. 164 ¶3–tl. 165 ¶1)

No. 1: Rito Ra Yehovha Ri Nyikana Xivindzi (w05-TS 4/15 tl. 13 ¶12-14)

No. 2: Esaya 55:1-13

No. 3: Ku Hanya Vutomi Byo Tinyikela Swa Vuyerisa

No. 4: I Vamani Vakaneti Va Kreste? (rs-TS tl. 27 ¶3–tl. 29 ¶2)

Feb. 19 Ku Hlaya Ka Bibele: Esaya 58-62 Risimu 189

Yinhla Yo Tirhela Eka Yona: Ku Tirhisa Tinhla Ta Xisekelo (be-TS tl. 166 ¶1–tl. 167 ¶1)

No. 1: Esaya—Mhaka Leyi Yi Pfunaka Ha Yona (si-TS tl. 123 ¶34-9)

No. 2: Esaya 60:1-14

No. 3: Ha Yini Swi Nga Bihanga Ku Va Hlonga Ra Xikwembu?

No. 4: dKu Vona Vagwinehi (rs-TS tl. 327 ¶4–tl.329 ¶3)

Feb. 26 Ku Hlaya Ka Bibele: Esaya 63-66 Risimu 141

Yinhla Yo Tirhela Eka Yona: Ku Hlela Mhaka Ya Wena (be-TS tl. 167 ¶2–tl. 168 ¶1)

Bulo Ra Mpfuxeto

Mar. 5 Ku Hlaya Ka Bibele: Yeremiya 1-4 Risimu 70

Yinhla Yo Tirhela Eka Yona: Olovisa Tinhla Ta Wena Ta Xisekelo (be-TS tl. 168 ¶2–tl. 169 ¶6)

No. 1: Xingheniso Xa Yeremiya (si-TS tl. 124 ¶1-5)

No. 2: Yeremiya 3:1-13

No. 3: Ntsako Wa Xiviri Wu Titshege Hi Yini?

No. 4: eHi Fanele Hi Va Ni Langutelo Rihi Hi Vagwinehi? (rs-TS tl. 330 ¶1-7)

Mar. 12 Ku Hlaya Ka Bibele: Yeremiya 5-7 Risimu 159

Yinhla Yo Tirhela Eka Yona: Ku Ndlandlamuxa Mhaka Hi Ndlela Yo Twisiseka (be-TS tl. 170 ¶1–tl. 171 ¶2)

No. 1: Ku Lunghiselela Tinkulumo Ta Le Vandlheni (be-TS tl. 47 ¶1–tl. 49 ¶1)

No. 2: Yeremiya 5:1-14

No. 3: Kreste A Nga Akanga Kereke eHenhla Ka Petro (rs-TS tl. 200 ¶3–tl. 202 ¶3)

No. 4: Ku Tirhisa Dyondzo Ya Eksoda 14:11 eNkarhini Wa Hina

Mar. 19 Ku Hlaya Ka Bibele: Yeremiya 8-11 Risimu 182

Yinhla Yo Tirhela Eka Yona: Ku Vula Rungula Hi Ndlela Leyi Twisisekaka (be-TS tl. 171 ¶3–tl. 172 ¶5)

No. 1: Ku Lunghiselela Tinkulumo Ta Nhlangano Wa Ntirho Ni Tinkulumo Tin’wana (be-TS tl. 49 ¶2–tl. 51 ¶1)

No. 2: Yeremiya 10:1-16

No. 3: Hi Swi Tivisa Ku Yini Leswaku Abrahama, Yobo Na Daniyele A Va Pfumela Leswaku Vafi Va Ta Pfuxiwa?

No. 4: Hi Swihi Swilotlelo Leswi Petro A Swi Tirhiseke? (rs-TS tl. 202 ¶4–tl. 204 ¶5)

Mar. 26 Ku Hlaya Ka Bibele: Yeremiya 12-16 Risimu 205

Yinhla Yo Tirhela Eka Yona: Ku Tirhisa Rungula Leri Fambelanaka Ni Mhaka Ya Wena Ntsena (be-TS tl. 173 ¶1-4)

No. 1: Nkutsulo Wu Tiyisekisa Vululami Bya Xikwembu (w05-TS 11/1 matl. 13-14)

No. 2: Yeremiya 12:1-13

No. 3: “Vatlhandlami Va Vaapostola” A Hi Vakreste Va Ntiyiso (rs-TS tl. 205 ¶1–tl. 207 ¶3)

No. 4: Xana Mukreste U Fanele A Tinyungubyisa Loko Swi Te Yini?

Apr. 2 Ku Hlaya Ka Bibele: Yeremiya 17-21 Risimu 30

Yinhla Yo Tirhela Eka Yona: Ku Nyikela Nkulumo Leyi Nga Hlayiwiki (be-TS tl. 174 ¶1–tl. 175 ¶4)

No. 1: Ku Lunghiselela Tinkulumo Ta Le Rivaleni (be-TS tl. 52 ¶1–tl. 54 ¶1)

No. 2: Yeremiya 20:1-13

No. 3: Xana Armagedoni Yi Ta Lweriwa Kwihi? (rs-TS tl. 29 ¶3–tl. 31 ¶2)

No. 4: fXana Hi Fanele Hi Yi Languta Njhani Ndzayo?

Apr. 9 Ku Hlaya Ka Bibele: Yeremiya 22-24 Risimu 184

Yinhla Yo Tirhela Eka Yona: Ku Papalata Makhombo Lama Vangiwaka Hi Nkulumo Leyi Nga Hlayiwiki (be-TS tl. 175 ¶5–tl. 177 ¶1)

No. 1: Swiboho Swa Xivulavuri (be-TS tl. 54 ¶2-4; bokisi leri nga eka tl. 55)

No. 2: Yeremiya 23:1-14

No. 3: Lexi Endlaka Leswaku Hi Kuma Ntsako Loko Hi Chumayela

No. 4: I Vamani Naswona I Yini Leswi Nga Ta Lovisiwa eArmagedoni? (rs-TS tl. 31 ¶3–tl. 32 ¶1)

Apr. 16 Ku Hlaya Ka Bibele: Yeremiya 25-28 Risimu 27

Yinhla Yo Tirhela Eka Yona: Loko Van’wana Va Lava Nhlamuselo (be-TS tl. 177 ¶2–tl. 178 ¶2)

No. 1: Hlakulela Vuswikoti Bya Ku Va Mudyondzisi (be-TS tl. 56 ¶1–tl. 57 ¶2)

No. 2: Yeremiya 26:1-15

No. 3: I Vamani Lava Nga Ta Pona eArmagedoni? (rs-TS tl. 32 ¶2-7)

No. 4: Xana Misava Yi Rhukaniwe Hi Ndlela Yihi? (Gen. 3:17)

Apr. 23 Ku Hlaya Ka Bibele: Yeremiya 29-31 Risimu 148

Yinhla Yo Tirhela Eka Yona: Ku Vulavula Hi Ndlela Yo Bula (be-TS matl. 179-80)

No. 1: ‘Kombisa Ku Hambana’ (be-TS tl. 57 ¶3–tl. 58 ¶2)

No. 2: Yeremiya 31:1-14

No. 3: Ha Yini Vukulu Bya Yehovha Byi Nga Ringanisiwi Na Nchumu?

No. 4: Armagedoni—A Hi Ku Lwisana Ni Rirhandzu Ra Xikwembu (rs-TS tl. 33 ¶1-3)

Apr. 30 Ku Hlaya Ka Bibele: Yeremiya 32-34 Risimu 100

Yinhla Yo Tirhela Eka Yona: Mpfumawulo Wa Rito (be-TS tl. 181 ¶1-4)

Bulo Ra Mpfuxeto

May 7 Ku Hlaya Ka Bibele: Yeremiya 35-38 Risimu 165

Yinhla Yo Tirhela Eka Yona: Ku Hefemula Hi Mfanelo (be-TS tl. 181 ¶5–tl. 184 ¶1; bokisi leri nga eka tl. 182)

No. 1: Khutaza Vayingiseri Leswaku Va Anakanya (be-TS tl. 58 ¶3–tl. 59 ¶3)

No. 2: Yeremiya 36:1-13

No. 3: A Swi Nge Koteki Ku Teka Xiyimo Xa Vukala-tlhelo eArmagedoni (rs-TS tl. 33 ¶4-7)

No. 4: Xana Vakreste Va Nga Swi Kota Hi Ndlela Yihi Ku Langutana Ni Ku Nga Tiyiseki?

May 14 Ku Hlaya Ka Bibele: Yeremiya 39-43 Risimu 56

Yinhla Yo Tirhela Eka Yona: Ku Verhamisa Misiha Leyi Vambekeke (be-TS tl. 184 ¶2–tl. 185 ¶2; bokisi leri nga eka tl. 184)

No. 1: Kombisa Ndlela Leyi Mhaka Yi Tirhaka Ha Yona U Tlhela U Veka Xikombiso Lexinene (be-TS tl. 60 ¶1–tl. 61 ¶3)

No. 2: Yeremiya 39:1-14

No. 3: I Mani La Nga Ta Kucetela Matiko eNyimpini Ya Armagedoni? (rs-TS tl. 33 ¶8-9)

No. 4: gLexi Endlaka Vakreste Va Ntiyiso Va Gangisana Hi Ndlela Leyi Tengeke

May 21 Ku Hlaya Ka Bibele: Yeremiya 44-48 Risimu 122

Yinhla Yo Tirhela Eka Yona: Ku Kombisa Ku Khathala Hi Munhu Un’wana (be-TS tl. 186 ¶1-4)

No. 1: Ndlela Yo Antswisa Vuswikoti Byo Vulavula Ni Van’wana (be-TS tl. 62 ¶1–tl. 64 ¶1)

No. 2: Yeremiya 46:1-17

No. 3: Ku Tixisa Swi Vula Yini Naswona Hi Nga Swi Papalatisa Ku Yini?

No. 4: Ku Tiva Babilona Wa Le Bukwini Ya Nhlavutelo (rs-TS tl. 34 ¶1-2)

May 28 Ku Hlaya Ka Bibele: Yeremiya 49-50 Risimu 95

Yinhla Yo Tirhela Eka Yona: Ku Yingisela Khwatsi (be-TS tl. 187 ¶1-5)

No. 1: Ndlela Yo Yisa Bulo eMahlweni (be-TS tl. 64 ¶2–tl. 65 ¶4)

No. 2: Yeremiya 49:14-27

No. 3: Xana Babilona Wa Khale A A Tiviwa Ha Yini? (rs-TS tl. 34 ¶3–tl. 36 ¶4)

No. 4: Lexi Endlaka Vatswari Va Fanele Va Hlayela Vana Va Vona

June 4 Ku Hlaya Ka Bibele: Yeremiya 51-52 Risimu 166

Yinhla Yo Tirhela Eka Yona: Ku Pfuna Van’wana Leswaku Va Endla Nhluvuko (be-TS tl. 187 ¶6–tl. 188 ¶3)

No. 1: Yeremiya—Mhaka Leyi Yi Pfunaka Ha Yona (si-TS tl. 129 ¶36-9)

No. 2: Yeremiya 52:1-16

No. 3: Ku Lava Ku Hanya U Nga Kongomisiwi Hi Xikwembu I Vuhunguki

No. 4: Lexi Endlaka Leswaku Vukhongeri Lebyi Tivulaka Bya Vukreste Byi Va Xiphemu Xa Babilona Lonkulu (rs-TS tl. 36 ¶5–tl. 37 ¶4)

June 11 Ku Hlaya Ka Bibele: Swirilo 1-2 Risimu 129

Yinhla Yo Tirhela Eka Yona: Ku Nyikela Mpfuno Wa Xiviri (be-TS tl. 188 ¶4–tl. 189 ¶4)

No. 1: Xingheniso Xa Swirilo (si-TS matl. 130-1 ¶1-7)

No. 2: Swirilo 2:1-10

No. 3: Lexi Endlaka Swi Va Swa Xihatla Ku Huma eBabilona Lonkulu (rs-TS tl. 38 ¶1-6)

No. 4: Ku Va Ni Musa Wa Xiviri A Hi Ku Tsana

June 18 Ku Hlaya Ka Bibele: Swirilo 3-5 Risimu 140

Yinhla Yo Tirhela Eka Yona: Ku Komba Van’wana Xichavo (be-TS tl. 190 ¶1–tl. 191 ¶1)

No. 1: Swirilo—Mhaka Leyi Yi Pfunaka Ha Yona (si-TS tl. 132 ¶13-15)

No. 2: Swirilo 4:1-13

No. 3: Leswi Nkhuvulo Wu Vulaka Swona Ni Lexi Endlaka Leswaku Vapfumeri Va Khuvuriwa (rs-TS tl. 189 ¶9–tl. 190 ¶4)

No. 4: hXivangelo Xo Va Vakreste Va Ntiyiso Va Nga Hlanganyeli Eka Swa Tipolitiki

June 25 Ku Hlaya Ka Bibele: Ezekiyele 1-5 Risimu 1

Yinhla Yo Tirhela Eka Yona: Nkhathalo Lowu Kombisaka Xichavo (be-TS tl. 191 ¶2–tl. 192 ¶1)

Bulo Ra Mpfuxeto

July 2 Ku Hlaya Ka Bibele: Ezekiyele 6-10 Risimu 26

Yinhla Yo Tirhela Eka Yona: Ku Vulavula Hi Xichavo (be-TS tl. 192 ¶2–tl. 193 ¶2)

No. 1: Xingheniso Xa Ezekiyele (si-TS matl. 132-3 ¶1-6)

No. 2: Ezekiyele 7:1-13

No. 3: Leswi Lavekaka Leswaku Hi Tshinela Eka Yehovha (Yak. 4:8)

No. 4: Nkhuvulo Wa Vakreste, A Hi Ku N’wan’waseriwa Hi Mati Naswona A Hi Wa Swihlangi (rs-TS tl. 190 ¶5-10)

July 9 Ku Hlaya Ka Bibele: Ezekiyele 11-14 Risimu 112

Yinhla Yo Tirhela Eka Yona: Ku Vulavula Hi Ku Tiyiseka (be-TS tl. 194 ¶1–tl. 195 ¶2)

No. 1: U Nga Tshiki Ku Endla Leswi Nga Swinene (w05-TS 6/1 matl. 29-30)

No. 2: Ezekiyele 11:1-13

No. 3: Xana Nkhuvulo Wa Mati Wa Swi Susa Swidyoho? (rs-TS tl. 191 ¶1-4)

No. 4: Hi Fanele Hi Yi Twisisa Njhani Nhlavutelo 17:9-11?

July 16 Ku Hlaya Ka Bibele: Ezekiyele 15-17 Risimu 29

Yinhla Yo Tirhela Eka Yona: Ndlela Yo Kombisa Ku Tiyiseka (be-TS tl. 195 ¶3–tl. 196 ¶4)

No. 1: Lwisana Ni Mianakanyo Yo Biha! (w05-TS 9/15 matl. 26-8)

No. 2: Ezekiyele 16:1-13

No. 3: Leswi Swi Vulaka Swona Ku Va Lowo Tlhariha (Swiv. 13:16)

No. 4: I Vamani Lava Khuvuriwaka Hi Moya Lowo Kwetsima? (rs-TS tl. 191 ¶5–tl. 193 ¶1)

July 23 Ku Hlaya Ka Bibele: Ezekiyele 18-20 Risimu 193

Yinhla Yo Tirhela Eka Yona: Ku Va Ni Vuxiyaxiya Kambe U Kongoma Ntiyiso Wa Mhaka (be-TS tl. 197 ¶1-3)

No. 1: Ku Kumisisa Langutelo Ra Muvutisi (be-TS tl. 66 ¶1–tl. 68 ¶1)

No. 2: Ezekiyele 18:19-29

No. 3: Ku Khuvuriwa Hi Ndzilo Swi Hambanile Ni Ku Khuvuriwa Hi Moya Lowo Kwetsima (rs-TS tl. 193 ¶2-6)

No. 4: Vumbhoni Bya Leswaku Mfumo Wa Xikwembu I Wa Xiviri

July 30 Ku Hlaya Ka Bibele: Ezekiyele 21-23 Risimu 35

Yinhla Yo Tirhela Eka Yona: Ku Va Ni Vuxiyaxiya Loko Hi Ri Eku Chumayeleni (be-TS tl. 197 ¶4–tl. 198 ¶5)

No. 1: Tiva Ndlela Leyi U Faneleke U Hlamula Ha Yona (be-TS tl. 68 ¶2–tl. 70 ¶3)

No. 2: Ezekiyele 23:1-17

No. 3: Swivangelo Swo Kambisisa Bibele (rs-TS tl. 39 ¶1–tl. 40 ¶5)

No. 4: Hi Rihi Langutelo Lerinene Hi Ku Va Lonkulu?

Aug. 6 Ku Hlaya Ka Bibele: Ezekiyele 24-27 Risimu 37

Yinhla Yo Tirhela Eka Yona: Ku Vula Marito Lama Faneleke Hi Nkarhi Lowu Faneleke (be-TS tl. 199 ¶1-4)

No. 1: Ku Vulavula Hi Mapapila (be-TS matl. 71-3)

No. 2: Ezekiyele 24:1-14

No. 3: Xana Muxe A A Ri Xikombiso Lexinene Eka Vakreste Hi Tindlela Tihi?

No. 4: Vumbhoni Bya Esaya Na Yeremiya Bya Leswaku Bibele Yi Huhuteriwile (rs-TS tl. 41 ¶1–tl. 42 ¶1)

Aug. 13 Ku Hlaya Ka Bibele: Ezekiyele 28-31 Risimu 123

Yinhla Yo Tirhela Eka Yona: Ku Va Ni Vuxiyaxiya eNdyangwini Ni Le Ka Van’wana (be-TS tl. 200 ¶1-4)

No. 1: U Nga Yimi Ndhawu Yin’we—Endla Nhluvuko (be-TS tl. 74 ¶1–tl. 75 ¶3)

No. 2: Ezekiyele 28:1-16

No. 3: Ku Hetiseka Ka Vuprofeta Bya Yesu I Vumbhoni Bya Leswaku Bibele Yi Huhuteriwile (rs-TS tl. 42 ¶2-3)

No. 4: Xana Rito “Venga” Ri Vula Yini eMatsalweni?

Aug. 20 Ku Hlaya Ka Bibele: Ezekiyele 32-34 Risimu 215

Yinhla Yo Tirhela Eka Yona: Mhaka Leyi Akaka Yi Tlhela Yi Tiyisa Nhlana (be-TS tl. 202 ¶1–tl. 203 ¶2)

No. 1: Tirhisa Nyiko Ya Wena (be-TS tl. 75 ¶4–tl. 77 ¶2)

No. 2: Ezekiyele 34:1-14

No. 3: Xana Moya Wa Xikwembu Wu Hi Pfuna Njhani?

No. 4: Bibele Ya Pfumelelana Ni Sayense (rs-TS tl. 43 ¶1–tl. 45 ¶1)

Aug. 27 Ku Hlaya Ka Bibele: Ezekiyele 35-38 Risimu 94

Yinhla Yo Tirhela Eka Yona: Vulavula Hi Ndlela Leyi Akaka (be-TS tl. 203 ¶3–tl. 204 ¶1)

Bulo Ra Mpfuxeto

Sept. 3 Ku Hlaya Ka Bibele: Ezekiyele 39-41 Risimu 194

Yinhla Yo Tirhela Eka Yona: Loko U Vulavula Ni Vapfumeri-kuloni (be-TS tl. 204 ¶2–tl. 205 ¶4)

No. 1: Ha Yini U Rhandza Rito Ra Xikwembu? (w05-TS 4/15 matl. 15-16 ¶3-6)

No. 2: Ezekiyele 40:1-15

No. 3: Xana Vanhu Va Nga Xi Tsakisa Xikwembu Hakunene?

No. 4: iKu Hlamula Lava Nga Pfumeriki Leswi Bibele Yi Swi Vulaka (rs-TS tl. 45 ¶2–tl. 48 ¶2)

Sept. 10 Ku Hlaya Ka Bibele: Ezekiyele 42-45 Risimu 77

Yinhla Yo Tirhela Eka Yona: Ku Kandziyisa Mhaka Hi Ku Yi Phindha-phindha (be-TS tl. 206 ¶1-4)

No. 1: Loko Vudyuhari Byi Hundzaka “Harhi Ya Ku Saseka” (w05-TS 1/15 matl. 8-9)

No. 2: Ezekiyele 43:1-12

No. 3: Lexi Endlaka Vakreste Va Nga Ma Tlangeli Masiku Ya Ku Velekiwa (rs-TS tl. 249 ¶1–tl. 251 ¶2)

No. 4: jXana Hi Nga Ri Xiya Njhani “Rito Ra Vafambi”? (Yoh. 10:5)

Sept. 17 Ku Hlaya Ka Bibele: Ezekiyele 46-48 Risimu 164

Yinhla Yo Tirhela Eka Yona: Ku Phindha-phindha Mhaka eNsin’wini Ni Loko U Nyikela Tinkulumo (be-TS tl. 207 ¶1–tl. 208 ¶4)

No. 1: Ezekiyele—Mhaka Leyi Yi Pfunaka Ha Yona (si-TS tl. 137 ¶29-33)

No. 2: Ezekiyele 47:1-14

No. 3: Ha Yini Vakreste Va Papalata Ngati? (rs-TS tl. 179 ¶2–tl. 181 ¶2)

No. 4: kLexi Endlaka Ndzhaka Ya Moya Leyi Fuweke Yi Va Nyiko Leyinene Leyi Vatswari Va Nga Yi Nyikaka Vana Va Vona

Sept. 24 Ku Hlaya Ka Bibele: Daniyele 1-3 Risimu 179

Yinhla Yo Tirhela Eka Yona: Ku Ndlandlamuxa Nhloko-mhaka (be-TS tl. 209 ¶1-3)

No. 1: Xingheniso Xa Daniyele (si-TS matl. 138-9 ¶1-6)

No. 2: Daniyele 2:1-16

No. 3: Lexi Endlaka Nhlayo Ya 144 000 Yi Ri Ya Xiviri (Nhlav. 7:4)

No. 4: Xivangelo Xo Va Vakreste Va Ntiyiso Va Nga Amukeli Ku Pomperiwa Ngati (rs-TS tl. 181 ¶3–tl. 182 ¶3)

Oct. 1 Ku Hlaya Ka Bibele: Daniyele 4-6 Risimu 14

Yinhla Yo Tirhela Eka Yona: Ku Tirhisa Nhloko-mhaka Leyi Faneleke (be-TS tl. 210 ¶1–tl. 211 ¶1; bokisi leri nga eka tl. 211)

No. 1: Ku Hlundzuka Ku Va Loku Faneleke Loko Swi Te Yini? (w05-TS 8/1 matl. 13-15)

No. 2: Daniyele 4:1-17

No. 3: Xana Hi Nga Ti Tekelela Njhani Timfanelo Letinene Ta Mefiboxete?

No. 4: lKu Angula Lava Solaka Mhaka Yo Ala Ku Pomperiwa Ngati (rs-TS tl. 183 ¶1–tl. 185 ¶1)

Oct. 8 Ku Hlaya Ka Bibele: Daniyele 7-9 Risimu 34

Yinhla Yo Tirhela Eka Yona: Ku Veka Tinhla-nkulu eRivaleni (be-TS tl. 212 ¶1–tl. 213 ¶1)

No. 1: Pfumelela “Rito” Ra Yehovha Ri Ku Sirhelela (w05-TS 9/1 matl. 28-31)

No. 2: Daniyele 7:1-12

No. 3: Swi Vula Yini Ku Tswariwa Ra Vumbirhi? (rs-TS tl. 90 ¶7–tl. 92 ¶2)

No. 4: Hi Wihi Ntsako Lowu U Vaka Na Wona Loko U Hlanganyela Nkarhi Na Nkarhi eNsin’wini?

Oct. 15 Ku Hlaya Ka Bibele: Daniyele 10-12 Risimu 210

Yinhla Yo Tirhela Eka Yona: Ku Nga Vi Na Tinhla-nkulu To Tala Ngopfu (be-TS tl. 213 ¶2–tl. 214 ¶5)

No. 1: Daniyele—Mhaka Leyi Yi Pfunaka Ha Yona (si-TS matl. 141-2 ¶19-23)

No. 2: Daniyele 11:1-14

No. 3: Ndlela Leyi Ku Titsongahata Ku Nga Hi Pfunaka Ha Yona Leswaku Hi Hlula Ku Nga Twisisani

No. 4: Ku Ponisiwa A Ku Titsheganga Hi Ku Tswariwa Ra Vumbirhi (rs-TS tl. 92 ¶3–tl. 93 ¶2)

Oct. 22 Ku Hlaya Ka Bibele: Hosiya 1-7 Risimu 66

Yinhla Yo Tirhela Eka Yona: Xingheniso Lexi Pfuxaka Ku Tsakela (be-TS tl. 215 ¶1–tl. 216 ¶5)

No. 1: Xingheniso Xa Hosiya Ni Mhaka Leyi Yi Pfunaka Ha Yona (si-TS matl. 143-5 ¶1-8, 14-17)

No. 2: Hosiya 5:1-15

No. 3: aKu Hlamula Lava Nga Ni Mavonelo Ya Vona Hi Ta Ku Tswariwa Ra Vumbirhi (rs-TS tl. 93 ¶4–tl. 94 ¶3)

No. 4: Tindlela Leti Ha Tona Vakreste Va Ntiyiso Va Kombisaka Ku Lehisa Mbilu

Oct. 29 Ku Hlaya Ka Bibele: Hosiya 8-14 Risimu 59

Yinhla Yo Tirhela Eka Yona: Ku Endla Leswaku Vanhu Va Ku Yingisa eNsin’wini (be-TS tl. 217 ¶1-4)

Bulo Ra Mpfuxeto

Nov. 5 Ku Hlaya Ka Bibele: Yuwele 1-3 Risimu 166

Yinhla Yo Tirhela Eka Yona: Veka Nhloko-mhaka Ya Wena eRivaleni eXinghenisweni (be-TS tl. 217 ¶5–tl. 219 ¶3)

No. 1: Xingheniso Xa Yuwele Ni Mhaka Leyi Yi Pfunaka Ha Yona (si-TS matl. 146-8 ¶1-5, 12-14)

No. 2: Yuwele 2:1-14

No. 3: Leswi Swi Vulaka Swona Ku Va Lava ‘Hetisekeke eRirhandzwini’ (1 Yoh. 4:18)

No. 4: Ku Tiphofula Eka Vaprista—Ha Yini Ku Nga Pfumelelani Ni Matsalwa? (rs-TS tl. 86 ¶3–tl. 88 ¶2)

Nov. 12 Ku Hlaya Ka Bibele: Amosi 1-9 Risimu 211

Yinhla Yo Tirhela Eka Yona: Mahetelelo Lama Humelelaka (be-TS tl. 220 ¶1-3)

No. 1: Xingheniso Xa Amosi Ni Mhaka Leyi Yi Pfunaka Ha Yona (si-TS matl. 148-50 ¶1-6, 13-17)

No. 2: Amosi 2:1-16

No. 3: Lexi Endlaka Ku Titshemba Swi Va Ni Khombo

No. 4: Ku Tiphofula Swidyoho Eka Xikwembu Ni Le Ka Vanhu (rs-TS tl. 89 ¶3–tl. 90 ¶1)

Yinhla Yo Tirhela Eka Yona: Tinhla Leti U Faneleke U Ti Tsundzuka (be-TS tl. 220 ¶4–tl. 221 ¶4)

No. 1: Xingheniso Xa Obadiya Na Yonasi Ni Mhaka Leyi Ti Pfunaka Ha Yona (si-TS matl. 151-3 ¶1-5, 10-14; matl. 153-5 ¶1-4, 9-12)

No. 2: Yonasi 1:1-17

No. 3: Lexi Endlaka Paradeyisi Ya Moya Yi Fanele Yi Rhangela Paradeyisi Ya Laha Misaveni

No. 4: bHa Yini Swidyoho Leswikulu Swi Fanele Ku Byeriwa Vakulu? (rs-TS tl. 90 ¶2-6)

Nov. 26 Ku Hlaya Ka Bibele: Mikiya 1-7 Risimu 18

Yinhla Yo Tirhela Eka Yona: ENtirhweni Wa Nsimu (be-TS tl. 221 ¶5–tl. 222 ¶6)

No. 1: Xingheniso Xa Mikiya Ni Mhaka Leyi Yi Pfunaka Ha Yona (si-TS matl. 155-8 ¶1-8, 16-19)

No. 2: Mikiya 2:1-13

No. 3: Leswi Ku Va Ni Moya Wo Rhula Swi Vulaka Swona

No. 4: Lexi Endlaka Swi Twala Ku Pfumela Leswaku Swilo Swi Tumbuluxiwile (rs-TS tl. 212 ¶1–tl. 213 ¶2)

Yinhla Yo Tirhela Eka Yona: Mhaka Leyi Nga Ntiyiso (be-TS tl. 223 ¶1-5)

No. 1: Xingheniso Xa Nahume Na Habakuku Ni Mhaka Leyi Ti Pfunaka Ha Yona (si-TS matl. 158-60 ¶1-7, 11-12; matl. 161-3 ¶1-5, 12-14)

No. 2: Habakuku 1:1-17

No. 3: Ku Twisisa Rungula Ra Bibele Hi Ntumbuluko (rs-TS tl. 214 ¶1–tl. 216 ¶1)

No. 4: Lexi Nga Ta Endla Leswaku Vutomi Lebyi Nga Heriki Byi Nga Phirhi

Yinhla Yo Tirhela Eka Yona: Ku “Khomelela Swinene eRitweni Ro Tshembeka” (be-TS tl. 224 ¶1-4)

No. 1: Xingheniso Xa Sofaniya Na Hagayi Ni Mhaka Leyi Ti Pfunaka Ha Yona (si-TS matl. 163-6 ¶1-6, 10-12; matl. 166-8 ¶1-7, 13-16)

No. 2: Sofaniya 3:1-17

No. 3: Ha Yini Ku Tirhisa Xihambano eVugandzerini Ku Nga Fambisani Ni Matsalwa? (rs-TS tl. 400 ¶4–tl. 401 ¶4)

No. 4: cVumoya Byi Khumba Vukati Hi Ndlela Yihi?

Dec. 17 Ku Hlaya Ka Bibele: Zakariya 1-8 Risimu 209

Yinhla Yo Tirhela Eka Yona: Ku Kambisisa Ntiyiso Wa Rungula (be-TS tl. 225 ¶1-3)

No. 1: Xingheniso Xa Zakariya (si-TS matl. 168-9 ¶1-7)

No. 2: Zakariya 7:1-14

No. 3: Xana Xivono Xa Ku Hundzuriwa Xi Hetiseke Njhani?

No. 4: Xana Malembe Ya Vanhu Va Le Mahlweni Ka Ndhambhi A Ma Pimiwa Hi Ku Ya Hi Malembe Yo Fana Ni Lawa Hi Ma Tirhisaka? (rs-TS tl. 133 ¶4–tl. 134 ¶1)

Dec. 24 Ku Hlaya Ka Bibele: Zakariya 9-14 Risimu 202

Yinhla Yo Tirhela Eka Yona: Mhaka Leyi Twisisekaka Eka Van’wana (be-TS tl. 226 ¶1–tl. 227 ¶1)

No. 1: Zakariya—Mhaka Leyi Yi Pfunaka Ha Yona Ni Xingheniso Xa Malakiya Ni Mhaka Leyi Yi Pfunaka Ha Yona (si-TS matl. 171-2 ¶23-7; matl. 172-5 ¶1-6, 13-17)

No. 2: Zakariya 10:1-12

No. 3: Ha Yini Timbhoni Ta Yehovha Ti Vula Leswaku Mfumo Wa Xikwembu Wu Simekiwe Hi 1914? (rs-TS tl. 134 ¶2–tl. 136 ¶3)

No. 4: Xana Hi Nga Tilunghiselela Njhani Ku Langutana Ni Nxaniso?

Dec. 31 Ku Hlaya Ka Bibele: Malakiya 1-4 Risimu 118

Yinhla Yo Tirhela Eka Yona: Ku Hlamusela Marito Lama Nga Tolovelekangiki (be-TS tl. 227 ¶2–tl. 228 ¶1)

Bulo Ra Mpfuxeto

[Tinhlamuselo ta le hansi]