Switiviso

◼ Minkandziyiso leyi nga ta fambisiwa hi October: Fambisani timagazini ta Xihondzo xo Rindza ni Xalamuka! November: Xana Bibele Yi Dyondzisa Yini Hakunene? December: Nghwazi Leyi Tshameke Yi Hanya. Loko mi nghena emitini leyi nga ni vana, mi nga fambisa buku leyi nge Dyondza Eka Mudyondzisi Lonkulu. January: Xana Bibele Yi Dyondzisa Yini Hakunene?

◼ Eka mulanguteri la ungamelaka ni mulanguteri wa Xikolo xa Vutirheli bya le Tilweni: Xiyimiso lexintshwa xa minhlangano ya hina xi ta sungula hi vhiki ra December 29, 2008, naswona xiyimiso lexi lexintshwa xi ta humelela eka Vutirheli Bya Hina Bya Mfumo bya December 2008. Loko u fambisa Mpfuxeto wa Xikolo xa Vutirheli bya le Tilweni wa vhiki rero, tsundzuka ku tirhisa swiletelo leswi nga eka Mpfuxeto wa Xiyimiso xa Xikolo xa Vutirheli bya le Tilweni leswi nga eka Xiyimiso xa Xikolo xa Vutirheli bya le Tilweni xa 2009. Nkulumo ya yinhla yo tirhela eka yona a yi nge vi kona siku rero.

◼ Tanihi leswi November yi nga ni mahelo-vhiki ya ntlhanu, yi ta va n’hweti ya kahle yo teka vuphayona bya nkarhinyana.

◼ Nkulumo leyi sekeriweke eka vhidiyo leyi nge No Blood—Medicine Meets the Challenge ku ta buriwa ha yona eka Nhlangano wa Ntirho hi January. Loko mi yi lava mi fanele mi endla swikombelo swa yona hi ku hatlisa evandlheni.

◼ April 18, 2009, ri ta va Siku ra hina ro hlawuleka ra Timagazini. Hi mi khutaza hinkwenu leswaku mi sungula ku hlela ka ha ri sweswi leswaku mi ta hlanganyela hi xitalo haxawa.

◼ Miako ya rhavi yi ta va yi pfariwile hi Mugqivela wa October 18, 2008, ku ta va ku endliwa ntirho wo basisa.

◼ Minkandziyiso ya Xichayina yi kandziyisiwa hi mixaka yimbirhi. Hi ntolovelo vanhu va le Hong Kong ni va le Taiwan va hlaya Xichayina lexi Dzikeke (CH). Kambe vanhu van’wana va hlaya Xichayina lexi olovisiweke (CHS). Kutani i swa nkoka leswaku munhu a kombisa muxaka wa Xichayina lexi a xi lavaka. Mi nga pfula eka matluka 13-14 ya xibukwana lexi nge Good News for People of All Nations, leswaku munhu a vona muxaka wa Xichayina lexi a xi lavaka. Mavandlha yo tala lama nga ensin’wini ya hina ma endla swikombelo swa minkandziyiso ni timagazini ta wona hi Xichayina lexi olovisiweke (CHS). Kutani i swa nkoka leswaku nandza wa timagazini a kombisa kahle leswaku hi xihi Xichayina lexi vandlha ri xi lavaka eka tifomo ta swikombelo swa tibuku ni swa timagazini.

◼ Minkandziyiso Leyintshwa Leyi Kumekaka:

Swivutiso Leswi Vantshwa Va Swi Vutisaka—Tinhlamulo Leti Tirhaka (yp)—Xivhenda

◼ Ti-DVD Letintshwa Leti Kumekaka:

To the Romans (dvRo)—Ririmi ra Mavoko ra le Amerika