Switiviso

◼ Minkandziyiso leyi nga ta fambisiwa hi August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Xana Xikwembu Xa Hi Khathalela Hakunene? Tsakela Vutomi eMisaveni Hi Masiku!, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Gondzo Leri Yaka eVuton’wini Lebyi Nga Heriki—Xana Se U Ri Kumile? ni leyi nge U Nga Va Munghana Wa Xikwembu! September: Xana Bibele Yi Dyondzisa Yini Hakunene? October: Timagazini ta Xihondzo xo Rindza ni Xalamuka! November: Xana Bibele Yi Dyondzisa Yini Hakunene?

◼ Enkandziyisweni lowu wa Vutirheli Bya Hina Bya Mfumo, xihloko lexi nge “Xana U Swi Lunghekerile Ku Va Kona eNkhubyeni Lowu Nga Ta Tiyisa Vuxaka Bya Wena Na Yehovha?” ni lexi nge “Switsundzuxo Swa Ntsombano Wa Muganga” ku ta buriwa ha swona eka Nhlangano wa Ntirho hi October. Kambe eNamibia ni le Botswana laha mintsombano leyi yi nga ta hatla yi khomiwa, mavandlha ma fanele ma hlela ku va ni nkulumo ya 25 wa timinete leswaku ma bula hi swihloko leswi ka ha sele mavhiki manharhu leswaku vandlha ra n’wina ri ya entsombanweni lowu ri averiweke ku ya eka wona.

◼ Mi nga hlela xiyimiso xa minhlangano ya n’wina leswaku xi mi pfumelela ku va kona eNtsombanweni wa Muganga lowu nge “Tshamani Mi Rindzile.” Eka Nhlangano wa Ntirho wa vhiki leri rhangelaka ntsombano wa n’wina, pfuxetani switsundzuxo leswi tirhaka endhawini ya ka n’wina. Endzhaku ka nh’weti yin’we kumbe timbirhi ntsombano wa n’wina wu hundzile, mi nga ha tirhisa nkulumo ya swilaveko swa vandlha leswaku mi pfuxeta tinhla ta ntsombano leti vahuweleri va ti kumeke ti pfuna ensin’wini.