Nhlamuselo ya le hansi

a Swi fanele swi xiyiwa leswaku emahlweni ka leswi, Yakobo u teke magoza lama tiyeke ku sirhelela ndyangu wa yena eka nhlohlotelo wa Vakanana. U ake altari, handle ko kanakana yi ri hi xivumbeko lexi n’wi hlawulaka eka vaakelani va yena va Vakanana. (Genesa 33:20; Eksoda 20:24, 25) Ku tlhandlekela kwalaho, u dzime ntsonga wa yena ehandle ka muti wa Xikeme ni ku tiendlela mphakelo wa mati. (Genesa 33:18; Yohane 4:6, 12) Xisweswo Dina a nga ha va a ku tivile kahle ku navela ka Yakobo ka leswaku a nga endli xinghana ni Vakanana.