Vatswari
Hi swihi swivangelo swin’wana leswi endleke Yehovha a sungula vukati?
Vatswari va fanele va titwa njhani hi vana va vona?
Nakambe vona nhlokomhaka leyi nge, “Vana; Vantshwa”
Swikombiso swa le Bibeleni leswi nga hi pfunaka:
Gn 33:4, 5—Yakobo a a teka vana vakwe tanihi tinyiko leti humaka eka Yehovha
Eks 1:15, 16, 22; 2:1-4; 6:20—Amirama na Yokebedi va ve vatswari va Muxe, naswona va veke vutomi bya vona ekhombyeni leswaku va nʼwi sirhelela
Hi byihi vutihlamuleri lebyi vatswari va nga na byona eka vana va vona?
Dt 6:6, 7; 11:18, 19; Swiv 22:6; 2Ko 12:14; 1Tm 5:8
Swikombiso swa le Bibeleni leswi nga hi pfunaka:
1Sa 1:1-4—Elkana a a famba ni vana vakwe eka minkhuvo ya le Xilo a tlhela a tiyiseka leswaku n’wana ha un’we wa katseka eka vugandzeri bya Yehovha
Lk 2:39, 41—Nkarhi na nkarhi Yosefa na Mariya a va famba ni vana va vona ku suka eNazareta va ya eYerusalema enkhubyeni wa Paseka
Hikwalahokayini swi ri swinene ku letela vana leswaku va tsakisa Yehovha?
Nakambe vona 2Tm 3:14, 15
Swikombiso swa le Bibeleni leswi nga hi pfunaka:
1Sa 2:18-21, 26; 3:19—Vatswari va Samuwele va nyikele hi n’wana wa vona leswaku a ya tirha etabernakeleni, kambe a va endzela jaha ra vona nkarhi ni nkarhi ni ku tlhela va ri pfuna ri khathalela swilaveko swa rona leswaku ri ta va wanuna loyi a rhandzaka Yehovha a tlhela a n’wi tirhela hi ku tshembeka
Lk 2:51, 52—Yesu a a yingisa vatswari vakwe hambileswi a va ri ni xidyoho
Vatswari va nga wu kuma kwihi nkongomiso lowu nga ta va pfuna ku letela vana va vona?
Dt 6:4-9; Ef 6:4; 2Tm 3:14-17
Nakambe vona Ps 127:1; Swiv 16:3
Swikombiso swa le Bibeleni leswi nga hi pfunaka:
Vaa 13:2-8—Endzhaku ka loko a byeriwe leswaku nsati wakwe u ta veleka n’wana wa jaha hi singita, Manowa u kombele nkongomiso lowu engetelekeke mayelana ni ndlela leyi a a ta n’wi kurisa hayona n’wana
Ps 78:3-8—Yehovha u lava leswaku vatswari va dyondzisa vana va vona leswi va swi dyondzeke eBibeleni
Hambiloko n’wana a kulele endyangwini lowu rhandzaka Xikwembu, hikwalahokayini a nga hlawulaka ku nga n’wi tirheli Yehovha?
Swikombiso swa le Bibeleni leswi nga hi pfunaka:
Gn 6:1-5; Yd 6—Hambileswi tintsumi a ti ri na Yehovha etilweni ku ringana malembe yo tala, to tala ta tona ti hlawule ku n’wi xandzukela
1Sa 8:1-3—Hambileswi Samuwele a a tshembekile a tlhela a va muprofeta wo lulama, vana vakwe a va nga tshembekanga va tlhela va va ni vukanganyisi
Hi rini laha vatswari va faneleke va sungula ku dyondzisa vana va vona hi tindlela ta Xikwembu?
Swikombiso swa le Bibeleni leswi nga hi pfunaka:
Dt 29:10-12, 29; 31:12; Ezr 10:1—Loko Vaisrayele va hlengeletana va ta dyondza hi Yehovha, a va ta ni vana va vona leswaku na vona va ta dyondza hi tindlela ta Yena
Lk 2:41-52—Lembe ni lembe, Yosefa na Mariya a va famba ni vana va vona, ku katsa na Yesu eka nkhuvo wa Paseka etempeleni ya le Yerusalema
I swikombiso swihi leswi vatswari va faneleke va swi landzela loko swi ta eka ku sirhelela vana va vona eka vanhu lava nga va vavisaka?
Swikombiso swa le Bibeleni leswi nga hi pfunaka:
Eks 19:4; Dt 32:11, 12—Yehovha u tifanisa ni gama leri rhwalaka, ri sirhelelaka ni ku khathalela mavondlo ya rona
Esa 49:15—Yehovha u tshembisa ku khathalela ni ku sirhelela malandza yakwe hi ndlela leyi tlulaka ni ntwelavusiwana lowu manana loyi a mamisaka a wu kombaka n’wana wakwe
Mt 2:1-16—Sathana u ringete ku dlaya Yesu loyi a ha ri n’wana hi ku kongomisa vangoma va tinyeleti eka Hosi Heroda lowo homboloka, kambe Yehovha u sirhelele n’wana Wakwe hi ku byela Yosefa leswaku a ya eEgipta ni ndyangu wakwe
Mt 23:37—Yesu u fanise ku navela kakwe ku pfuna vanhu vakwe ku fana ni ndlela leyi mbhaha wu hlengeletaka ni ku sirhelela swiciwana swa wona ehansi ka timpapa ta wona
Hikwalahokayini vatswari va fanele va dyondzisa vana va vona hi timhaka ta masangu?
Swikombiso swa le Bibeleni leswi nga hi pfunaka:
Lv 15:2, 3, 16, 18, 19; Dt 31:10-13—Nawu wa Muxe wu vulavula hi ku kongoma hi timhaka ta masangu naswona Yehovha a a lava leswaku vana va va kona loko wu hlayeriwa ehenhla
Ps 139:13-16—Mupisalema Davhida u dzunise Yehovha hikwalaho ka ndlela yo hlamarisa leyi miri wa munhu wu vumbiweke hayona ku katsa ni vuswikoti bya wona byo veleka vana
Swiv 2:10-15—Vutivi ni vutlhari lebyi humaka eka Yehovha swi nga hi sirhelela eka lava endlaka swilo swo biha va tlhela va va ni vukanganyisi
Hikwalahokayini vatswari va fanele va tshinya vana va vona hi ndlela ya rirhandzu?
Swiv 13:24; 29:17; Yr 30:11; Ef 6:4
Nakambe vona Ps 25:8; 145:9; Kl 3:21
Swikombiso swa le Bibeleni leswi nga hi pfunaka:
Ps 32:1-5—Hambileswi Yehovha a xupuleke Hosi Davhida hikwalaho ka xidyoho xakwe, Davhida u chavelelekile ku tiva leswaku Yehovha wa va rivalela lava hundzukaka hi ku helela eka swidyoho swa vona
Yn 4:1-11—Muprofeta Yonasi u vulavule a hlundzukile ni hi ndlela leyi kombisaka leswaku a nga n’wi xiximi Yehovha; kambe Yehovha u vulavule na yena hi musa a tlhela a n’wi lehisela mbilu, leswi n’wi dyondziseke hi tintswalo ta Yehovha
Hikwalahokayini hi nga vulaka leswaku ku tshinya i ndlela leyi kombisaka leswaku vatswari va rhandza vana va vona?
Nakambe vona Swiv 15:32; Nhl 3:19