15 Kala lezvi, na ndzi nawulutile a canja ga mina ndzi kuba ni vanhu va wena hi khombo gi hlaselako. Phela na u swiyelwe* laha misaveni. 16 Hambulezvo, kuve hi kota ya cigelo leci ndzi ku tsikileko u hanya: Kasi ndzi ku komba a ntamu wa mina ni lezvaku a vito ga mina gi kanelwa misaveni yontlhe.+

11 O Jehovha, hi wihi cikari ka vanungungulu a fanako na wena?+

Himani a nga wa ntamu ni wo basa a ku fana na wena?+

Loyi a faneleko ku chaviwa ni ku dhumiswa hi tisimu; Loyi a mahako zvihlamaliso ke?+

10 Jetro i te ngalo: “I wa dhumiswe Jehovha, loyi a mu tlhatlhisileko le Gibhite ni ka Faro, loyi a tlhatlhisileko vanhu canjeni ga Gibhite. 11 Makunu ndza zvi tiva lezvaku Jehovha wa hombe a ku hundza a vanungungulu vontlhe lava van’wani,+ hi kota ya lezvi a mahileko ka lava va nga ti kulisa hehla ka vanhu vakwe.”

9 I te ngalo kabye: “Ndza zvi tiva lezvaku Jehovha i ta mu nyika a tiko legi+ niku hina ha mu chava.+ Vontlhe a vahanyi va tiko legi va mbhelile ntamu hi kota ya n’wina,+ 10 hakuva hi zwile lezvi Jehovha a nga ma pswhisisa zvona a mati ya Bimbi go Pswhuka mahlweni ka n’wina a cikhati leci mu nga huma hi Gibhite+ ni lezvi mu nga maha a tihosi timbiri ta vaAmori, Sihoni+ na Ogi,+ lava n’wina mu va lovisileko tlhelweni legi gin’wani* ga Jordhani.