9 Andzhako ka lezvo, Dhavhidha i te ngalo: “I kona a ha seleko lomu ndlwini ya Sawule kasi ndzi fela ku mu kombisa lirandzo li nga mbheliko hi kota ya Jonatani ke?”+

3 A hosi yi engeta, yiku: “I kona a ha seleko lomu ndlwini ya Sawule kasi ndzi fela ku mu kombisa a lirandzo li nga mbheliko la Nungungulu ke?” Zibha a hlamula hosi, aku: “Ku sele a n’wana mun’we wa Jonatani; i limele a minenge yontlhe ya yimbiri.”+

6 A cikhati leci Mefibhoxete, a n’wana wa Jonatani, a n’wana wa Sawule, a nga chikela ka Dhavhidha, i no tekela kuwa hi nghohe a korama. Dhavhidha aku: “Mefibhoxete!” Yena aku: “Hi legi a nandza ga wena.” 7 Dhavhidha aku kakwe: “U nga chavi, hakuva hakunene ndzi ta ku kombisa a lirandzo li nga mbheliko+ hi kota ya papayi wa wena Jonatani. Ndzi ta ku tlhelisela a mipetso yontlhe ya kokwani wa wena Sawule, niku contlhe cikhati u ta gela* mezeni ya mina.”+