4 Ndzi lava ku gi akela yindlu a vito ga Jehovha, a Nungungulu wa mina, kasi ndzi yi nyikela kakwe, ni ku hisela ka yona a libani lo nuhela+ mahlweni kakwe a ku patsa ni ku nyikela ka yona a tipawa ta munyikelo hi kukhandzakanya,+ zvin’we ni minyikelo ya kuhiswa, mixo ni gambo,+ ni masabhadho,+ ni ka tihweti tiswa,+ ni ka zvikhati zva mibuzo+ ya Jehovha, a Nungungulu wa hina. Leyo i fanelo ya vaIzrayeli ya kala kupindzuka.

11 Va nyikela ka Jehovha a miphahlo ya kuhiswa wontlhe masiku, mixo ni gambo,+ ni libani lo nuhela.+ Ni tipawa ta munyikelo+ ti laha mezeni ya ouro ya yinene, niku va lumeka a tikandiya leti ti nga laha ka nenge wa tikandiya+ wa ouro gambo ni gambo, hakuva hi maha mitiro ya hina mahlweni ka Jehovha, a Nungungulu wa hina, kanilezvi n’wina mu mu tsikile.