• Lisimu 15:1-5
    Wuhundzuluseli ga Misava Yiswa ga Bhibhiliya go Basa

    • 15 O Jehovha, himani wa ku a ngava mupfhumba tendeni ga wena ke?

      Himani wa ku a nga hanya citsungeni ca wena co basa?+

       2 Hi loyi a fambako hi kutsumbeka,+

      A mahako zvakululama+

      A tlhela a wulawula lisine mbilwini yakwe.+

       3 A nga lumbeti hi lirimi lakwe,+

      A nga mahi zvakubiha ka muakelani wakwe,+

      Ne hambu ku wulawula kubiha hi* vanghana vakwe;+

       4 I nyenya ni wihi wakubiha,+

      Kanilezvi i dzundza lava va chavako Jehovha;

      A nga tsiki ku tatisa citsumbiso* cakwe, hambu loku a lahlekelwa yena n’winyi;+

       5 A nga pembisi a mali yakwe hi majuro,+

      Ne hambu ku vhumela kuxavelelwa kasi ku mu kumisa nandzu loyi a nga hava nandzu.+

      Loyi a mahako lezvo a nga ta tshuka a tsekatsekiswa.*+

  • Lisimu 84:1-4
    Wuhundzuluseli ga Misava Yiswa ga Bhibhiliya go Basa

    • 84 A go ku randziwa* a tabhernakeli ga wena ga hombe,+

      O Jehovha wa mabutho!

       2 A muhefemulo* wa mina wa navela,

      Ina, ndzafa hi ku xuva

      A mitsendzele* ya Jehovha.+

      A mbilu ya mina ni nyama ya mina zva kanyuluka zvi tsakela a Nungungulu a hanyako.

       3 Hambu a cinyanyani ca kuma muti laho,

      Ni mbewulwani yi ti akela cisaka ca yona laho,

      Laha yi hlayisako kona a mavhinyani ya yona,

      Kusuhani ni alati ga wena ga hombe, wena Jehovha wa mabutho,

      Hosi ya mina ni Nungungulu wa mina!

       4 Va tsaka lava va tshamako ndlwini ya wena!+

      Vona va simama va ku dhumisa.+ (Sela)