• Lisimu 53:0-6
    Wuhundzuluseli ga Misava Yiswa ga Bhibhiliya go Basa

    • Ka muchuli wa Mahalate.* Maxili* ya Dhavhidha.

      53 A cipumbu ci ngalo mbilwini ya cona:

      “A ku na Jehovha.”+

      A mitiro yabye yi nga lulamangiko yi bolile yi tlhela yi nyenyeza;

      A nga kona a mahako zvazvinene.+

       2 Kanilezvi Nungungulu i cuwuka hasi na a hi le tilweni, a cuwuka a vana va vanhu,+

      Kasi ku wona lezvaku i kona a nga ni wutlhari kutani a hlotako Jehovha ke.+

       3 Vontlhe va hambukile;

      Vontlhe vakanganyisi.

      I hava a mahako zvazvinene,

      A ku kala ni mun’we.+

       4 I hava ni mun’we wakubiha a zwisisako ke?

      Va khadamula a vanhu va mina a ku khwatsi voga pawa.

      A va vitani Jehovha.+

       5 Kanilezvi va ta tala hi kuchava ka hombe,

      A kuchava ka ku va wa nga se tshuka vava nako,*

      Hakuva Nungungulu i ta hangalasa a marambu ya lava va ku dhumelako.*

      U ta va wisa tingana hakuva Jehovha i va tsikile.

       6 Mayiwako loku a kuhanyiswa ka Izrayeli ku wota hi Ziyoni!+

      Laha Jehovha a to tlhelisa a vanhu vakwe va khomilweko,

      Ngha Jakobe a tsaka, na Izrayeli i wa kulungele.