7 “Loku a mun’we wa vamakabye va wena ava cisiwana ka gin’we ga madhoropa ya tiko legi Jehovha, a Nungungulu wa wena, a ku nyikako, u nga nonohisi mbilu ya wena hambu ku felela ka makabye wa wena a nga cisiwana.+ 8 U fanele ku hana, u mu vhululela a canja ga wena,+ u mu lomba zvontlhe lezvi a zvi lavako kutani lezvi a zvi vhumalako.

34 Loku mu pembisa* ka lava mu tsumbako ku va ta mu tlhelisela, wudzundzo muni mu gi kumako ke?+ Hambu vawonhi va pembana hi ca ka vona kasi va fela ku tlheliselwa zvontlhe lezvi va pembisileko. 35 Kanilezvi simamani ku randza valala va n’wina, mu maha zvazvinene, mu pembisa na mu nga rindzeli ku tlheliselwa nchumu;+ a nchachazelo wa n’wina wu tava wa hombe, niku mu tava vana va Loyi a Tlakukileko ku Hundza Vontlhe, hakuva yena mu nene ka lava va nga bongiko ni ka lava vo biha.+

35 Zvilweni zvontlhe, ndzi no mu komba lezvaku hi ku ti tsitsiritisa lezvi,+ mu fanele ku vhunetela lava va nga ni gome, ni ku alakanya magezu ya Hosi Jesu, lawa yena wutsumbu a nga wula, aku: ‘Loyi a nyikako wa tsaka nguvhu+ a ku hundza loyi a amukelako.’”

16 Ahandle ka lezvo, mu nga rivakelwi ku maha zvazvinene ni ku avela van’wani lezvi mu nga nazvo,+ hakuva Nungungulu wa tsaka hi miphahlo leyo.+