31 Hakuva a ribye gabye a gi fani ni Ribye ga hina,+

Hambu a valala va hina va zvi tiva lezvo.+

 2 I hava a basileko ku fana na Jehovha,

A ku na mun’wani ahandle ka wena.+

A ku na ribye go fana ni Nungungulu wa hina.+

33 A Nungungulu wa lisine i khokhola ga mina go tiya,+

Niku i ta mbhelelisa a ndlela ya mina.+

34 I maha minenge ya mina yi fana ni leyi ya hlangu;

I ndzi yimisa matshan’wini ma tlakukileko.+

35 I gondzisa a mandla ya mina a kulwa yimpi;

A mandla ya mina ma nga kondla a wura ga kobre.

36 Wena wa ndzi nyika a citlhangu ca wena ca kuhanyisa;

Ni kutikoramisa ka wena ka ndzi kulisa.+

37 U anamisile a ndlela ya mazambo ya mina;

A mikondzo* ya mina yi nga ta retemuka.+

38 Ndzi ta hlongolisela a valala va mina ndzi va lovisa;

Ndzi nga ta wuya kala va chindziwa va ku bhi.

39 Ndzi ta va lovisa ndzi va gandla, kasi va nga ha vhuki kambe;+

Va tawa lahasi ka mikondzo ya mina.

40 U ta ndzi hlomisa ntamu wa kuya yimpini;+

U ta maha a valala va mina vawa mahlweni ka mina.+

41 U ta maha a valala va mina va hlehla mahlweni ka mina;*+

Ndzi ta fuvisa* lava va ndzi vengako.+

42 Va rila va kombela ku vhuniwa, kanilezvi i hava a va ponisako;

Va rilela na Jehovha, kanilezvi a nga va hlamuli.+

43 Ndzi ta va sila va ku khwatsi i ntshuri wa misava,

Ndzi va gandla, ndzi va kandzihetela a ku khwatsi madhaka lomu maruweni.