45 “Zvontlhe a zviruko lezvi+ zvi tata hehla ka wena, zvi ku landza zvi tlhela zvi ku rangela kala u hihiritwa,+ hakuva a wu ingisangi a gezu ga Jehovha, a Nungungulu wa wena, u hlayisa a milayo yakwe ni zvileletelo zvakwe lezvi a ku nyikileko.+

12 Mina ndzi ta khoma a misalela ya Judha, leyi yi nga maha a cikanikani yiya tikweni ga Gibhite yi ya hanya kona, niku yontlhe yi ta lova tikweni ga Gibhite.+ Va ta wisiwa hi cipadha, va lova hi ndlala; kusukela ka loyi wa mutsongwani kala ka loyi wahombe, va ta dawa hi cipadha ni ndlala. Va tava ciruko ni nchumu wo tshisa; va ta chepetiwa va rukatelwa.+ 13 Ndzi ta tsayisa lava va hanyako tikweni ga Gibhite a ku khwatsi hi lezvi ndzi nga tsayisa Jerusalema hi cipadha, ni ndlala, ni ntungu.*+ 14 A misalela ya Judha leyi yi nga famba yi ya hanya tikweni ga Gibhite yi nga ta huluka kutani ku pona kasi yi wuya tikweni ga Judha. Va ta navela ku wuya kasi va ta hanya kona kanilezvi va nga ta wuya. Va tsongwani basi va to pona.’”

27 Makunu ndza va cuwukela kasi ku va nehela khombo, na ku nga hi zvilo zva zvinene.+ Vontlhe a vanhu va ka Judha va nga tikweni ga Gibhite va ta lova hi cipadha ni ndlala kala va mbhela va ku bhi.+ 28 Va tsongwani basi va to pona cipadha va huma tikweni ga Gibhite va tlhela tikweni ga Judha.+ Makunu a misalela yontlhe ya Judha leyi yi tileko ku ta hanya tikweni ga Gibhite yi ta zvi tiva lezvaku i gezu ga mani gi nga tatiseka: Hi legi ga mina kutani hi legi gabye ke!”’”