12 Jehoyakina, a hosi ya Judha, i no ti nyikela ka hosi ya Bhabhuloni,+ zvin’we ni mamani wakwe, ni malandza yakwe, ni tihosana takwe, ni vatiri vakwe va laha wuhosini.+ A hosi ya Bhabhuloni yi no mu khoma yi mu yisa wukhumbini hi lembe ga wu 8 ga kufuma kakwe.+

9 Jehoyakina+ i wa hi ni 18 wa malembe a cikhati leci a nga maha hosi, niku i no fuma a tihweti tinharu ni 10 wa masiku Jerusalema. I no simama ku maha zvakubiha mahlweni ka Jehovha.+ 10 Kusanguleni ka lembe,* hosi Nebhukadnezare i no rumela vanhu va ya mu khoma va mu neha Bhabhuloni+ zvin’we ni zvilo zva lisima zva yindlu ya Jehovha.+ Nebhukadnezare i no yimisa Zedhekiya, a makabye wa papayi wa Jehoyakina, kota hosi ya Judha ni ya Jerusalema.+

24 Jehovha i no ndzi komba a zvindzala* zvimbiri zvi nga hi ni makuwu zvi nga vekilwe mahlweni ka tempeli ya Jehovha, andzhako ka loku Nebhukadnezare,* a hosi ya Bhabhuloni, a tekile Jekoniya,*+ a n’wana wa Jehoyakimu,+ a hosi ya Judha, a mu yisa wukhumbini zvin’we ni tihosana ta ka Judha, ni vameseri zvin’we ni vabethi va tisimbi;* i no va teka Jerusalema a va yisa Bhabhuloni.+