BHIBLIOTEKA YA SAITE ya Watchtower

BHIBLIOTEKA YA SAITE ya Watchtower

BHIBLIOTEKA YA SAITE

1 Samuweli 15:22

Wuhundzuluseli ga Misava Yiswa ga Bhibhiliya go Basa
- 22 Samuweli aku: “Xana Jehovha i tsakisiwa nguvhu hi minyikelo ya kuhiswa ni miphahlo+ a ku hundza a ku ingisa a gezu ga Jehovha ke? A ku ingisa zvi nene nguvhu a ku hundza a muphahlo,+ ni ku demba ndleve zva hundza a mafura+ ya tiyivhu;

Mavingu 21:3

Wuhundzuluseli ga Misava Yiswa ga Bhibhiliya go Basa
- 3 A ku maha zvakululama ni zvazvinene
  Zva mu tsakisa nguvhu Jehovha a ku hundza muphahlo.+

Isaya 1:11

Wuhundzuluseli ga Misava Yiswa ga Bhibhiliya go Basa
- 11 “Yi ndzi vhuna yini a miphahlo ya n’wina yo tala ke?”,+ ku wula Jehovha.
  
  “Ndzi kolwe hi minyikelo ya n’wina ya kuhiswa ya tiyivhu,+ ni mafura ya zvihari zvo nona,+
  Ne a ndzi tsakisiwi hi nkhata+ wa zvidhunana,+ ni tiyivhu, ni timbuti.+

Mika 6:6-8

Wuhundzuluseli ga Misava Yiswa ga Bhibhiliya go Basa
- 6 Ndzi ta famba ni yini mahlweni ka Jehovha?
  
  Ndzi ta famba ni yini loku ndzi ya khizama mahlweni ka Nungungulu loyi a nga le hehla?
  
  Ndzi ta famba mahlweni kakwe ni minyikelo ya kuhiswa ya mirumba,
  Ni zvihon’wana zva lembe gin’we ke?+
  
  7 Xana Jehovha i ta tsakisiwa hi makume ya mazana ya tiyivhu,
  Hi makume ya makume ya mazana ya micongo ya mafura ke?+
  
  Kona ndzi ta nyikela a n’wana wa mina wa matewula hi kota ya wuhluwuki ga mina,
  A handzu wa miri wa mina hi kota ya ciwonho ca mina* ke?+
  
  8 Wena munhu, Nungungulu i ku byelile lezvi zvi nga zvinene.
  
  Zvini lezvi Jehovha a zvi lavako ka wena?*
  
  I lava ntsena ku u maha zvakululama,*+ u randza a kutsumbeka,*+
  Ni ku famba hi kutikoramisa+ ni Nungungulu wa wena!+

Matewu 9:13

Wuhundzuluseli ga Misava Yiswa ga Bhibhiliya go Basa
- 13 Fambani, mu ya gondza ku zvi wula yini ku: ‘Ndzi randza wuxinji, na ku nga hi miphahlo.’+ Hakuva a ndzi telangi ku ta vitana valulamileko, kanilezvi ndzi tele vawonhi.”

Matewu 12:7

Wuhundzuluseli ga Misava Yiswa ga Bhibhiliya go Basa
- 7 Loku mu wa zvi zwisisile lezvaku zvi wula yini ku: ‘Ndzi randza wuxinji,+ a ndzi randzi miphahlo’,+ na mu nga konangi vanhu lava vo kala nandzu.