4 Andzhako ka lezvo, Jesu i no yiswa ciwuleni hi moya kasi a ya ringiwa+ hi Dhiyabho.+ 2 Andzhako ka ku tshama a 40 wa masiku ni 40 wa wusiku na a ngagi nchumu, i nozwa ndlala. 3 Makunu a Muringi+ i no mu tela, a taku: “Loku u hi n’wana wa Nungungulu, byela maribye lawa ma cica ma maha tipawa.” 4 Kanilezvi i no mu hlamula, aku: “Ku tsalilwe ku: ‘A munhu a nga faneli ku hanya hi pawa yoce, kanilezvi hi timhaka tontlhe ti humako non’wini wa Jehovha.’”*+

12 Zvalezvo, a moya wu no mu susumeta lezvaku aya ciwuleni. 13 Hikwalaho, i no tshama ciwuleni a 40 wa masiku na a ringiwa hi Sathani.+ I wa hanya ni zvihari zva khwati, kanilezvi a tingilozi ti wa mu tirela.+