Isaya
23 A ciphrofeto xungetano hi Tire:+
Banani tinyandha, n’wina zvitimela* zva Tarxixi!+
Hakuva a porto* yi hohlolilwe; a ya ha ngheneki.
Va tivisilwe a mhaka leyi tikweni ga Kitime.+
2 Miyelani, n’wina mu akileko lomu mbhirini ya bimbi.
A vaxavisi va Sidhoni,+ lava va tlhatukako a bimbi, va ku ganyisile.
3 Hehla ka mati yo tala ku tlhatukile a mbewu ya Xihore*+
Ni tshovelo wa Nilo, ku nga bhindzu gakwe,*
Zvi neha titshomba ta matiko.+
4 Wana tingana, wena Sidhoni, wena khokhola ga bimbi,
Hakuva a bimbi gi te:
5 A ku khwatsi hi lezvi zvi nga maheka laha va ngazwa a mahungu ya Gibhite,+
A vanhu va ta karateka laha va tozwa mahungu ya Tire.+
6 Tlhatukani muya Tarxixi!
Banani tinyandha, n’wina mu akileko lomu mbhirini ya bimbi!
7 Kasi a hi gona a dhoropa ga n’wina legi gi nga tele hi kutsaka kusukela kaleloko, kusukela zvikhatini zva kale nguvhu?
A mikondzo yakwe yi wa mu yisa ka matiko ya le kule a ya hanya kona.
8 Himani a bohileko a cikungo ca ku vhukela Tire,
A muaveli wa zvidlodlo*,
Loyi a vagwevhi vakwe va nga hi tihosana,
Ni vaxavisi vakwe va nga dzundziwa misaveni yontlhe ke?+
9 Hi Jehovha wa mabutho a bohileko a cikungo leco,
Kasi a fuvisa a matshandza yakwe* hi kota ya kusaseka kakwe kontlhe,
Ni ku tsongahata vontlhe lava va nga dzundziwa misaveni yontlhe.+
10 Tsemakanya a tiko ga wena a ku khwatsi i Congo wa Nilo, wena nhanyana wa Tarxixi.
A ka ha hi na wutshamu ga ku mahela kona zvitimela* ni ku zvi lungisa.*+
11 I nawulutile a canja gakwe hehla ka bimbi;
A tsekatsekisa a mifumo.
Jehovha i layile lezvaku ku khungumulelwa a makhokhola ya Fenikiya.+
Suka, u tlhatuka uya Kitime.+
Hambu kwaseyo u nga ta kuma kuhumula.”
13 Hi nga wonani a tiko ga vaKaldheya!+
Kuve vanhu lava — a hi Asiriya+ —
Va nga gi hahlula giva wutshamu ga zvihari zva ciwula.
Va yimisile a tikhokhola* tabye ti gi randzela;
Va khungumulele a tikhokhola ta gona ti tiyisilweko khwatsi,+
Va gi maha rumbi.
14 Banani tinyandha, n’wina zvitimela zva Tarxixi!
Hakuva a khokhola ga n’wina gi khungumulilwe.+
15 Ka siku lego, Tire i ta rivaliwa a 70 wa malembe,+ a ku fana ni malembe* ya hosi yin’we. Kumbheleni ka 70 wa malembe, ku ta maheka ka Tire lezvi zvi wuliwako hi lisimu la cibhayi, zvaku:
16 “Teka citende, u rendzelekela a dhoropa, cibhayi ndziwena u nga rivalilwe.
Chaya citende zvi saseka;
Yimbelela tisimu to tala,
Kasi va fela ku ku alakanya.”
17 Kumbheleni ka 70 wa malembe, Jehovha i ta alakanya Tire; Tire i ta tlhelela ka bhindzu gakwe a maha wubhayi ni mifumo yontlhe ya tiko yi nga laha misaveni. 18 Kanilezvi a hakhelo yakwe ni lezvi a bhindzulako zvi tava zvilo zvi basileko ka Jehovha. Zvi nga ta hlengeletelwa hambu ku veketelwa, hakuva lezvi a zvi bhindzulako zvi tava zva lava va tshamako mahlweni ka Jehovha kasi vaga va xura va tlhela va boha tinguwo to chandza.+