MITSENGO
1 Jehovha i no wulawula na Mosi ciwuleni ca Sinayi,+ lomu tendeni ga mutlhangano,+ hi siku go sangula, ka hweti ya wumbiri, hi lembe ga wumbiri, andzhako ka kuhuma kabye hi tikweni ga Gibhite.+ I te ngalo: 2 “Tsalelani+ a hlengeletano yontlhe ya ka Izrayeli* hi mun’we mun’we,* hi mingango yabye, ni hi tiyindlu ta vapapayi vabye, mu tsalela vavanuna vontlhe hi mavito. 3 Wena na Aroni mu ta tsalela vontlhe va kusukela ka 20 wa malembe kuya hehla,+ lava va ringanako kuya yimpini lomu Izrayeli, hi mabutho yabye.
4 “Ka lixaka ni lixaka, tekani a wanuna mun’we kasi a mu vhuna; a mun’we ni mun’wani wabye i fanele ku ngha a hi hloko ya yindlu ya vapapayi vakwe.+ 5 A mavito ya vavanuna lava va to mu vhuna, hi lawa: Ka va ka Rubheni, hi Elizura,+ a n’wana wa Xedhura; 6 ka va ka Simeyoni, hi Xelumiyeli,+ a n’wana wa Zurixadhayi; 7 ka va ka Judha, hi Naxoni,+ a n’wana wa Aminadhabha; 8 ka va ka Isakari, hi Netaneli,+ a n’wana wa Zuware; 9 ka va ka Zebhuloni, hi Eliyabhe,+ a n’wana wa Heloni; 10 ka vana va Josefa: ka va ka Efrayime,+ hi Elixama, a n’wana wa Amihudhi; ka va ka Manase, hi Gamaliyeli, a n’wana wa Pedhazura; 11 ka va ka Bhenjamini, hi Abhidhani,+ a n’wana wa Gidheyoni; 12 ka va ka Dhani, hi Ahiyezere,+ a n’wana wa Amixadhayi; 13 ka va ka Axeri, hi Pagiyeli,+ a n’wana wa Okrani; 14 ka va ka Gadhi, hi Eliyasafa,+ a n’wana wa Dheweli; 15 ka va ka Naftali, hi Ahira,+ a n’wana wa Enani. 16 Lava hi lava va vitanilweko hlengeletanweni. Tihosana+ ta tixaka ta vapapayi vabye, a tihloko ta mitlawa ya 1000 wa vanhu va ka Izrayeli.”+
17 Hikwalaho, Mosi na Aroni va no teka a vavanuna lava va nga yimisilwe. 18 Va no tsombanisa a hlengeletano yontlhe hi siku go sangula ka hweti ya wumbiri, kasi a vavanuna va kusukela ka 20 wa malembe kuya hehla,+ a mun’we ni mun’wani a tsalelwa hi vito gakwe, hi ngango wakwe, ni hi tiyindlu ta vapapayi vabye, 19 kota lezvi Jehovha a nga leletele Mosi. Hikwalaho, Mosi i no va tsalela le ciwuleni ca Sinayi.+
20 A vafana va Rubheni, a vana va matewula ya Izrayeli,+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe, va kusukela ka 20 wa malembe kuya hehla lava va nga ringana a kuya yimpini, va no hlayiwa hi mun’we mun’we. 21 Lava va tsalelweko va lixaka la ka Rubheni va wa hi 46 500.
22 A vana va Simeyoni+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa hi mun’we mun’we. 23 Lava va tsalelweko va lixaka la ka Simeyoni va wa hi 59 300.
24 A vana va Gadhi+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 25 Lava va tsalelweko va lixaka la ka Gadhi va wa hi 45 650.
26 A vana va Judha+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 27 Lava va tsalelweko va lixaka la ka Judha va wa hi 74 600.
28 A vana va Isakari+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 29 Lava va tsalelweko va lixaka la ka Isakari va wa hi 54 400.
30 A vana va Zebhuloni+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 31 Lava va tsalelweko va lixaka la ka Zebhuloni va wa hi 57 400.
32 A vana va Josefa va nyangwa ya ka Efrayime+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 33 Lava va tsalelweko va lixaka la ka Efrayime va wa hi 40 500.
34 A vana va Manase+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 35 Lava va tsalelweko va lixaka la ka Manase va wa hi 32 200.
36 A vana va Bhenjamini+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 37 Lava va tsalelweko va lixaka la ka Bhenjamini va wa hi 35 400.
38 A vana va Dhani+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 39 Lava va tsalelweko va lixaka la ka Dhani va wa hi 62 700.
40 A vana va Axeri+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 41 Lava va tsalelweko va lixaka la ka Axeri va wa hi 41 500.
42 A vana va Naftali+ va no tsalelwa hi mavito yabye, hi mingango yabye ni hi tiyindlu ta vapapayi vabye. A vavanuna vontlhe va kusukela ka 20 wa malembe kuya hehla, lava va nga ringana a kuya yimpini, va no hlayiwa. 43 Lava va tsalelweko va lixaka la ka Naftali va wa hi 53 400.
44 Lava hi lava va tsalelweko hi Mosi, na Aroni, ni 12 wa tihosana ta ka Izrayeli, leti a yin’we ni yin’wani yi nga yimela a yindlu ya vapapayi va yona. 45 Vontlhe a vaIzrayeli va kusukela ka 20 wa malembe kuya hehla, lava va nga ringana a kuya yimpini lomu Izrayeli, va no tsalelwa hi yindlu ya vapapayi vabye. 46 A ntsengo wontlhe wa lava va tsalelweko wu wa hi 603 550.+
47 Kanilezvi a vaLevhi+ a va tsalelwangi cikari kabye hi lixaka la vapapayi vabye.+ 48 Hikwalaho, Jehovha i no byela Mosi, aku: 49 “Lixaka la ka Levhi loce u nga faneliko ku li tsalela hambu ku patsa a ntsengo wabye ni wa vaIzrayeli lava van’wani.+ 50 U ta yimisa a vaLevhi kasi va hlayisa a tabhernakeli ga Wukustumunyu,+ ni zvontlhe a zvibya zva gona, ni zvontlhe lezvi zvi lumbako gona.+ Va ta rwala a tabhernakeli ni zvontlhe a zvibya zva gona,+ va tirela ka gona+ va tlhela va gova va gi randzela.+ 51 Ni ka cihi cikhati leci a tabhernakeli gi to suka ka wutshamu gin’we giya ka gin’wani, a vaLevhi va ta gi tlhatlha;+ loku a tabhernakeli gi lava ku tlhela gi yimisiwa, vaLevhi va to gi zima. Ni wihi munhu a nga vhumelelwiko* a to tshinela, i fanele ku dawa.+
52 “A muIzrayeli mun’we ni mun’wani i ta gwimba tenda gakwe ka wutshamu legi a nyikilweko ku gova ka gona; a wanuna mun’we ni mun’wani hi ntlawa wakwe wa tixaka tinharu,+ hi mabutho yabye. 53 A vaLevhi va ta gova va randzela a tabhernakeli ga Wukustumunyu kasi a hlengeletano ya ka Izrayeli yi nga zangarelwi.+ A vaLevhi hi vona va nga ni ntiro wa ku khatalela* tabhernakeli ga Wukustumunyu.”+
54 A vanhu va ka Izrayeli va no maha zvontlhe lezvi Jehovha a nga leletele Mosi. Va no zvi mahisa zvalezvo.
2 Makunu Jehovha i no wulawula na Mosi na Aroni, aku: 2 “A vaIzrayeli va ta gova ka matshamu lawa a mitlawa yabye ya tixaka tinharu+ yi avelweko ku tshama ka wona, a wanuna mun’we ni mun’wani ava kusuhani ni cikombiso ci kombako a yindlu ya vapapayi vakwe. Va wa gove va cuwuka tenda ga mutlhangano, va gi randzela.
3 “Lava va to gova tlhelweni ga mutsuwuka-gambo, ku tava ntlawa wa tixaka tinharu ta wugovelo ga ka Judha hi mabutho yabye; a hosana ya vana va Judha hi Naxoni,+ a n’wana wa Aminadhabha. 4 Lava va tsalelweko ka butho gakwe i 74 600.+ 5 A lixaka la Isakari li ta gova tlhelweni gakwe; a hosana ya vana va Isakari hi Netaneli,+ a n’wana wa Zuware. 6 Lava va tsalelweko ka butho gakwe i 54 400.+ 7 Ku ta landzela a lixaka la ka Zebhuloni; a hosana ya vana va Zebhuloni hi Eliyabhe,+ a n’wana wa Heloni. 8 Lava va tsalelweko ka butho gakwe i 57 400.+
9 “Vontlhe lava va tsalelweko ka mabutho ya wugovelo ga ka Judha i 186 400. Hi vona va to ranga va suka.+
10 “A ntlawa wa tixaka tinharu ta wugovelo ga ka Rubheni+ hi mabutho yabye wu tava tlhelweni ga dzonga;* a hosana ya vana va Rubheni hi Elizura,+ a n’wana wa Xedhura. 11 Lava va tsalelweko ka butho gakwe i 46 500.+ 12 A lixaka la Simeyoni li ta gova tlhelweni gakwe; a hosana ya vana va Simeyoni hi Xelumiyeli,+ a n’wana wa Zurixadhayi. 13 Lava va tsalelweko ka butho gakwe i 59 300.+ 14 Ku ta landzela a lixaka la ka Gadhi; a hosana ya vana va Gadhi hi Eliyasafa,+ a n’wana wa Reweli. 15 Lava va tsalelweko ka butho gakwe i 45 650.+
16 “Vontlhe lava va tsalelweko ka mabutho ya wugovelo ga ka Rubheni i 151 450. Hi vona va tova va wumbiri a ku suka.+
17 “A cikhati leci a tenda ga mutlhangano gi susiwako giya ka gin’wani wutshamu,+ a wugovelo ga vaLevhi gi fanele kuva cikari ka wugovelo ga tixaka leti tin’wani.
“Va fanele ku fambisa lezvi va govisako zvona,+ a mun’we ni mun’we wutshan’wini gakwe, hi ku landza mitlawa yabye ya tixaka tinharu.
18 “A ntlawa wa tixaka tinharu ta wugovelo ga ka Efrayime hi mabutho yabye wu tava tlhelweni ga mupela-gambo; a hosana ya vana va Efrayime hi Elixama,+ a n’wana wa Amihudhi. 19 Lava va tsalelweko ka butho gakwe i 40 500.+ 20 Kusuhani kakwe ku tava ni lixaka la ka Manase;+ a hosana ya vana va Manase hi Gamaliyeli,+ a n’wana wa Pedhazura. 21 Lava va tsalelweko ka butho gakwe i 32 200.+ 22 Ku ta landzela a lixaka la ka Bhenjamini; a hosana ya vana va Bhenjamini hi Abhidhani,+ a n’wana wa Gidheyoni. 23 Lava va tsalelweko ka butho gakwe i 35 400.+
24 “Vontlhe lava va tsalelweko ka mabutho ya wugovelo ga ka Efrayime i 108 100. Hi vona va tova va wunharu a ku suka.+
25 “A ntlawa wa tixaka tinharu ta wugovelo ga ka Dhani hi mabutho yabye wu tava tlhelweni ga n’walungu;* a hosana ya vana va Dhani hi Ahiyezere,+ a n’wana wa Amixadhayi. 26 Lava va tsalelweko ka butho gakwe i 62 700.+ 27 Kusuhani kakwe ku tava ni lixaka la ka Axeri; a hosana ya vana va Axeri hi Pagiyeli,+ a n’wana wa Okrani. 28 Lava va tsalelweko ka butho gakwe i 41 500.+ 29 Ku ta landzela a lixaka la ka Naftali; a hosana ya vana va Naftali hi Ahira,+ a n’wana wa Enani. 30 Lava va tsalelweko ka butho gakwe i 53 400.+
31 “Vontlhe lava va tsalelweko ka mabutho ya wugovelo ga ka Dhani i 157 600. Hi vona va tova vo gumesa a ku suka,+ hi ku landza mitlawa yabye ya tixaka tinharu.”
32 Lava hi vaIzrayeli lava va tsalelweko hi tiyindlu ta vapapayi vabye; a ntsengo wa vontlhe va tsalelweko lomu wugovelweni kasi kulwa yimpi wu wa hi 603 550.+ 33 Kanilezvi a vaLevhi a va tsalelwangi+ zvin’we ni vaIzrayeli lava van’wani,+ kota lezvi Jehovha a nga leletele Mosi. 34 A vaIzrayeli va no maha zvontlhe lezvi Jehovha a nga leletele Mosi. Lezvi hi lezvi va nga kari va govisa zvona hi mitlawa yabye ya tixaka tinharu,+ niku hi zvalezvi va nga kari va sukisa zvona,+ a mun’we ni mun’wani hi ngango wakwe hi ku landza a tiyindlu ta vapapayi vabye.
3 Lezvi zvive zvizukulwana zva Aroni ni zva Mosi ka siku legi Jehovha a nga wulawula na Mosi Citsungeni ca Sinayi.+ 2 A mavito ya vana va Aroni hi lawa: Nadhabhe, a matewula, na Abhihu,+ na Eleyazari+ na Itamare.+ 3 Lawa mavito ya vana va Aroni, a vapristi va totilweko, lava va yimisilweko* kasi va tira kota vapristi.+ 4 Hambulezvo, Nadhabhe na Abhihu va file mahlweni ka Jehovha a cikhati leci va nga nyikela a ndzilo wo kala wu nga hi laha nayweni mahlweni ka Jehovha+ ciwuleni ca Sinayi; a va vangi ni vana. Kanilezvi Eleyazari+ na Itamare+ va simamile ku tira zvin’we ni papayi wabye kota vapristi.
5 Jehovha i no byela Mosi, aku: 6 “Tshineta a lixaka la ka Levhi,+ u va yimisa mahlweni ka mupristi Aroni kasi va ta mu vhunetela.+ 7 Va ta maha mitiro yabye mahlweni kakwe ni mahlweni ka yontlhe a hlengeletano laha tendeni ga mutlhangano hi ku maha a ntiro wabye wu yelanako ni tabhernakeli. 8 Va ta hlayisa a zvibya zvontlhe+ zvi yelanako ni tenda ga mutlhangano ni ku maha mitiro yabye mahlweni ka vaIzrayeli hi ku maha a mitiro yabye yi yelanako ni tabhernakeli.+ 9 U ta nyikela vaLevhi ka Aroni ni ka vana vakwe. Vona vanhu va nyikelweko, va nyikilweko yena cikari ka vaIzrayeli.+ 10 U ta yimisa Aroni ni vana vakwe kasi va maha mitiro yabye ya wupristi.+ Ni wihi munhu a nga vhumelelwiko* a to tshinela kusuhani i fanele ku dawa.”+
11 Jehovha i no engeta a byela Mosi, aku: 12 “Mina ndza hlawula vaLevhi cikari ka vaIzrayeli wutshan’wini ga matewula wontlhe* ya vaIzrayeli;+ a vaLevhi va tava va mina. 13 Hakuva wontlhe a matewula ya mina.+ Ka siku legi ndzi nga daya a matewula wontlhe ya tiko ga Gibhite,+ ndzi ti basisele a matewula wontlhe ya lomu Izrayeli, kusukela ka matewula ya munhu kala ka ya cifuyo.+ Ma tava ya mina. Hi mina Jehovha.”
14 Jehovha i no engeta a byela Mosi le ciwuleni ca Sinayi,+ aku: 15 “Tsalela a vana va Levhi hi tiyindlu ta vapapayi vabye ni hi mingango yabye. Tsalela a vavanuna vontlhe kusukela ka loyi wa hweti yin’we kuya hehla.”+ 16 Hikwalaho, Mosi i no va tsalela hi kulaya ka Jehovha, kota lezvi a leletelweko. 17 A mavito ya vana va Levhi hi lawa: Gerxoni, na Kohate, na Merari.+
18 A mavito ya vana va Gerxoni hi mingango yabye kuve lawa: Libni na Ximeyi.+
19 A vana va Kohate hi mingango yabye kuve Amramu, na Izhare, na Hebroni, na Uziyeli.+
20 A vana va Merari hi mingango yabye kuve Mali+ na Muxi.+
Leyi kuve mingango ya vaLevhi hi tiyindlu ta vapapayi vabye.
21 Ka Gerxoni hi kona ku nga huma a ngango wa vaLibni+ ni wa vaXimeyi. Leyi yive mingango ya vaGerxoni. 22 A ntsengo wa vavanuna vontlhe va kusukela ka loyi wa hweti yin’we kuya hehla lava va tsalelweko wu wa hi 7500.+ 23 A mingango ya vaGerxoni yi wa gova le ndzhako ka tabhernakeli+ hi tlhelo ga mupela-gambo. 24 A hosana ya yindlu ya vapapayi ya vaGerxoni ku wa hi Eliyasafa, a n’wana wa Layeli. 25 A ntiro wa vana va Gerxoni+ tendeni ga mutlhangano ku wa hi ku hlayisa a tabhernakeli, ni tenda,+ ni cifenengeto ca gona,+ ni kortina+ ga laha nyangweni ya tenda ga mutlhangano, 26 ni makortina+ ya laha tsendzeleni,* ni kortina+ ga laha nyangweni ya tsendzele lowu wu randzelako a tabhernakeli ni alati, ni tingoti ta kona, ni yontlhe mitiro leyi yi yelanako nazvo.
27 Ka Kohate hi kona ku nga huma a ngango wa vaAmramu, ni wa vaIzhare, ni wa vaHebroni, ni wa vaUziyeli. Leyi yive mingango ya vaKohate.+ 28 A ntsengo wa vavanuna vontlhe, kusukela ka loyi wa hweti yin’we kuya hehla, wu wa hi 8600. A ntiro wabye ku wa hi ku hlayisa a wutshamu go basa.+ 29 A mingango ya vana va Kohate yi wa gova hi le dzongeni* wa tabhernakeli.+ 30 A hosana ya yindlu ya vapapayi ya mingango ya vaKohate ku wa hi Elizafane, a n’wana wa Uziyeli.+ 31 A ntiro wabye ku wa hi ku hlayisa a Arke,*+ ni meza,+ ni nenge wa tikandiya,+ ni maalati,+ ni zvibya+ zvi tiriselwako ku maha mitiro ya wutshamu go basa, ni kortina,+ ni yontlhe mitiro leyi yi yelanako nazvo.+
32 A murangeli wa tihosana ta vaLevhi ku wa hi Eleyazari,+ a n’wana wa mupristi Aroni. I wa wonelela lava va nga maha mitiro ya wutshamu go basa.
33 Ka Merari hi kona ku nga huma a ngango wa vaMali ni wa vaMuxi. Leyi yive mingango ya Merari.+ 34 A ntsengo wa vavanuna vontlhe va kusukela ka loyi wa hweti yin’we kuya hehla, lava va tsalelweko, wu wa hi 6200.+ 35 A hosana ya yindlu ya vapapayi ya mingango ya vaMerari ku wa hi Zuriyeli, a n’wana wa Abhihayili. Va wa gova hi le n’walungu* wa tabhernakeli.+ 36 A ntiro wa vana va Merari ku wa hi ku wonelela a makwadru+ ya tabhernakeli, ni tivalelo ta kona,+ ni timhandze ta kona,+ ni zvikhato zva kona, ni zvontlhe a zvibya zva gona,+ ni yontlhe mitiro leyi yi yelanako nazvo,+ 37 a ku patsa ni timhandze tontlhe leti ti nga randzele a tsendzele, ni zvikhato zva tona,+ ni zvikhongwani zva kona zva tenda, ni tingoti ta kona ta tenda.
38 Lava va nga gova phambeni ka tabhernakeli, hi tlhelo ga mutsuwuka-gambo, mahlweni ka tenda ga mutlhangano, ku wa hi Mosi, na Aroni, ni vana vakwe. A ntiro wabye ku wa hi ku hlayisa a wutshamu go basa kota fanelo yabye kasi ku vhuna a vaIzrayeli. Ni wihi munhu a nga vhumelelwiko* a nga wa ta tshinela kusuhani i wa fanele ku dawa.+
39 A vavanuna vontlhe va vaLevhi va kusukela ka loyi wa hweti yin’we kuya hehla lava Mosi na Aroni va va tsaleleko hi mingango yabye hi kulaya ka Jehovha, va wa hi 22 000.
40 Jehovha i no engeta a byela Mosi, aku: “Tsalela wontlhe a matewula ya cinuna ya vaIzrayeli, kusukela ka loyi wa hweti yin’we kuya hehla,+ u va hlaya u tlhela u va xaxameta hi mavito yabye. 41 Ndzi basisele a vaLevhi — hi mina Jehovha — wutshan’wini ga matewula wontlhe ya vaIzrayeli,+ u ndzi basisela ni zvifuyo zva vaLevhi wutshan’wini ga matewula wontlhe ya zvifuyo zva vaIzrayeli.”+ 42 Mosi i no tsalela a matewula wontlhe cikari ka vaIzrayeli, kota lezvi Jehovha a nga mu leletele. 43 A ntsengo wa matewula wontlhe ya cinuna ya kusukela ka loyi wa hweti yin’we kuya hehla, lawa ma tsalelweko hi mavito, wu wa hi 22 273.
44 Jehovha i no engeta a byela Mosi, aku: 45 “Ndzi basisele a vaLevhi wutshan’wini ga matewula wontlhe ya vaIzrayeli, u ndzi basisela ni zvifuyo zva vaLevhi wutshan’wini ga zvifuyo zvabye. A vaLevhi va tava va mina. Hi mina Jehovha. 46 Kota hakhelo ya ku tlhatlhisa+ a 273 wa matewula ya vaIzrayeli lawa ma hundzako a ntsengo wa vaLevhi,+ 47 u ta teka ntlhanu wa maxekeli* hi munhu,+ hi kuya hi xekeli ga wutshamu go basa.* A xekeli gin’we i 20 wa magera.*+ 48 U ta nyikela a mali leyo ka Aroni ni ka vana vakwe kota hakhelo ya ku tlhatlhisa lava va va hundzako hi kutala.” 49 Hikwalaho, Mosi i no teka mali ya hakhelo ya kutlhatlhisa kasi ku tlhatlhisa lava va nga hundza a ntsengo wa vaLevhi. 50 I no teka mali kota hakhelo ya kutlhatlhisa ya matewula ya vaIzrayeli, 1365 wa maxekeli, hi kuya hi xekeli ga wutshamu go basa legi va nga tala ku pima hi gona. 51 Andzhako ka lezvo, Mosi i no nyikela a mali ya hakhelo ya kutlhatlhisa ka Aroni ni ka vana vakwe hi kuya hi gezu* ga Jehovha, kota lezvi Jehovha a nga leletele Mosi.
4 Makunu Jehovha i no wulawula na Mosi na Aroni, aku: 2 “Cikari ka vana va Levhi, tsalelani a vana va Kohate+ hi mingango yabye ni hi tiyindlu ta vapapayi vabye, 3 vontlhe lava va nga ni 30+ kuya ka 50 wa malembe,+ lava va nga ntlaweni lowu wu yimisilweko kasi ku tira lomu tendeni ga mutlhangano.+
4 “Lowu i ntiro wa vana va Kohate lomu tendeni ga mutlhangano.+ I nchumu wo basabasa. 5 Loku a wugovelo gi lava ku suka, Aroni ni vana vakwe va ta nghena va tlhatlha a kortina ga ku hambanisa+ va fenengeta hi gona a Arke+ ga Wukustumunyu. 6 Va ta fenengeta arke hi nguwo ya bhebhe ga macalo,* va andlala nguwo ya azuli hehla ka gona, va gumesa va tlhomeka mipingu ya gona+ wutshan’wini ga yona.
7 “Va ta tlhela va andlala a nguwo ya azuli hehla ka meza ya tipawa ta munyikelo,+ va tlhateka a mingelo, ni tikopo, ni zvingelwana, ni tijaro ta munyikelo wa zvakunwa;+ a munyikelo wo khandzakanya wa tipawa+ wu ta simama hehla ka meza. 8 Va ta andlala a nguwo yo pswhuka hehla ka zvibya lezvo, va fenengeta meza hi nguwo ya bhebhe ga macalo,* va gumesa va tlhomeka mipingu ya meza+ wutshan’wini ga yona. 9 Andzhako ka lezvo, va ta teka a nguwo ya azuli va fenengeta a nenge wa tikandiya+ ta kuwoninga, ni tikandiya ta kona,+ ni zvitimo* zva kona, ni zvibya zva kona zva ku woka hi zvona ndzilo,+ ni zvontlhe a zvibya zva kona zva ku chela mafura lawa ma tirisiwako kasi a tikandiya ti tshama na ti vhura. 10 Va ta phutsela a nenge wa tikandiya ni zvontlhe a zvibya zva wona hi nguwo ya bhebhe ga macalo* va wu vekela laha ka pingu. 11 Va ta andlala a nguwo ya azuli hehla ka alati ga ouro,+ va gi fenengeta hi nguwo ya bhebhe ga macalo,* va gumesa va tlhomeka a mipingu ya gona+ wutshan’wini ga yona. 12 Hi kulandzela, va ta teka a zvibya zvontlhe+ zva ntiro lezvi va zvi tirisako hi kukhandzakanya lomu wutshan’wini go basa va zvi chela ka nguwo ya azuli va zvi fenengeta hi nguwo ya bhebhe ga macalo,* va gumesa va zvi vekela laha ka pingu.
13 “Va ta susa khuma* laha alatini,+ va fenengeta a alati hi nguwo yo pswhuka. 14 Va ta veka hehla ka gona a zvibya zvontlhe lezvi va zvi tirisako a cikhati leci va tirako laha alatini: a zvibya zva ku woka hi zvona ndzilo, ni magarfo, ni mafoxola, ni zvingelwana — zvontlhe a zvibya zva alati.+ Va ta gi fenengeta hi nguwo ya bhebhe ga macalo,* va gumesa va tlhomeka mipingu ya gona+ wutshan’wini ga yona.
15 “A cikhati leci a vaIzrayeli va to suka ka wutshamu gin’we vaya ka gin’wani, Aroni ni vana vakwe va fanele ku ngha va mbhetile ku fenengetela a wutshamu go basa+ ni zvibya zvontlhe zva wutshamu go basa. A vana va Kohate va ta nghena va zvi rwala+ kanilezvi va nga henyi a wutshamu go basa, va ngafa.+ Lowu i ntiro* wa vana va Kohate wu yelanako ni tenda ga mutlhangano.
16 “Eleyazari,+ a n’wana wa mupristi Aroni, hi yena a faneleko ku wonelela a mafura ya ku wona hi wona,+ ni libani lo nuhela,+ ni munyikelo wa tindzhoho wo khandzakanya, ni mafura ya ku tota.+ Hi yena kambe a wonelelako a tabhernakeli gontlhe ni zvontlhe zvi nga ka gona, a ku patsa ni wutshamu go basa ni zvibya zva gona.”
17 Jehovha i no engeta a byela Mosi na Aroni, aku: 18 “Mu nga tsiki lixaka la mingango ya vaKohate+ li fuva cikari ka vaLevhi. 19 Kanilezvi va maheleni lezvi kasi va simama va hanya va ngafi hi ku tshinela ka zvilo zvo basabasa.+ Aroni ni vana vakwe va ta nghena va avela a mun’we ni mun’wani a ntiro lowu a to wu maha ni lezvi a to rwala. 20 Va nga ngheni kasi ku wona a zvilo zvo basa, hambu ku hi ku nghena zva cikhatana, va ngafa.”+
21 Jehovha i no wulawula na Mosi, aku: 22 “Tsalela a vana va Gerxoni+ hi tiyindlu ta vapapayi vabye ni hi mingango yabye. 23 Tsalela vontlhe kusukela ka lava va nga ni 30 wa malembe kala ka lava va nga ni 50 wa malembe, lava va nga ntlaweni lowu wu yimisilweko kasi ku tira lomu tendeni ga mutlhangano. 24 Lezvi a mingango ya vaGerxoni yi avelweko ku tira ni ku rwala hi lezvi:+ 25 Va ta rwala tinguwo ta tabhernakeli,+ ku nga tenda ga mutlhangano, ni cifenengeto ca kona, ni nguwo ya bhebhe ga macalo* leyi yi nga hehla ka gona,+ ni kortina ga laha nyangweni ya tenda ga mutlhangano,+ 26 ni makortina ya laha tsendzeleni,*+ ni kortina ga laha nyangweni ya tsendzele,+ lowu wu randzelako a tabhernakeli ni alati, ni tingoti ta tenda, ni zvontlhe zvibya zva kona ni zvontlhe lezvi zvi tirisiwako ka gona. Lowu i ntiro wabye. 27 A ntiro wontlhe wa vaGerxoni+ ni zvontlhe lezvi va to rwala zvi ta wonelelwa hi Aroni ni vana vakwe; u ta va nyika zvontlhe lezvi va to rwala kota ntiro wabye. 28 Lowu i ntiro wu to mahiwa hi mingango ya vaGerxoni lomu tendeni ga mutlhangano;+ a mitiro yabye yi ta wonelelwa hi Itamare,+ a n’wana wa mupristi Aroni.
29 “U ta tsalela a vana va Merari+ hi ngango wabye ni hi yindlu ya vapapayi vabye, 30 vontlhe kusukela ka lava va nga ni 30 wa malembe kala ka lava va nga ni 50 wa malembe, lava va nga ntlaweni lowu wu yimisilweko kasi ku tira lomu tendeni ga mutlhangano. 31 Lezvi va to rwala+ zvi yelanako ni ntiro wabye lomu tendeni ga mutlhangano hi lezvi: Makwadru*+ ya tabhernakeli, ni tivalelo ta gona,+ ni timhandze ta gona,+ ni zvikhato zva gona;+ 32 ni timhandze+ leti ti randzeleko a tsendzele,* ni zvikhato zva kona,+ ni zvikhongwani zva tenda,+ ni tingoti ta tenda zvin’we ni zvibya zvontlhe, ni ku maha a ntiro wontlhe lowu wu yelanako nazvo. Mu ta va avela a zvibya lezvi va to rwala hi mavito ya vona. 33 A mingango ya vana va Merari+ yi ta tirisa lezvo lomu tendeni ga mutlhangano na yi wonelelwa hi Itamare, a n’wana wa mupristi Aroni.”+
34 Mosi, na Aroni ni tihosana+ ta hlengeletano va no tsalela a vana va Kohate+ hi mingango yabye ni hi yindlu ya vapapayi vabye, 35 vontlhe lava va nga hi ni 30 kuya ka 50 wa malembe, lava va nga hi ntlaweni lowu wu yimisilweko kasi ku tira lomu tendeni ga mutlhangano.+ 36 A ntsengo wa vontlhe lava va tsalelweko hi kuya hi mingango yabye wu wa hi 2750.+ 37 Lava hi lava va tsalelweko va mingango ya vaKohate, vontlhe lava va nga tira lomu tendeni ga mutlhangano. Mosi na Aroni va no va tsalela hi kuya hi cileletelo leci Jehovha a nga byelile Mosi.+
38 A vana va Gerxoni+ va no tsalelwa hi mingango yabye ni hi yindlu ya vapapayi vabye, 39 vontlhe lava va nga hi ni 30 kuya ka 50 wa malembe, lava va nga hi ntlaweni lowu wu yimisilweko kasi ku tira lomu tendeni ga mutlhangano. 40 A ntsengo wa vontlhe lava va tsalelweko hi mingango yabye ni hi yindlu ya vapapayi vabye wu wa hi 2630.+ 41 Lava hi lava va tsalelweko va mingango ya vana va Gerxoni, vontlhe lava va nga tira lomu tendeni ga mutlhangano. Mosi na Aroni va no va tsalela hi ku landza cileletelo ca Jehovha.+
42 A vana va Merari va no tsalelwa hi mingango yabye ni hi yindlu ya vapapayi vabye, 43 vontlhe lava va nga hi ni 30 kuya ka 50 wa malembe, lava va nga hi ntlaweni lowu wu yimisilweko kasi ku tira lomu tendeni ga mutlhangano.+ 44 A ntsengo wa vontlhe lava va tsalelweko hi mingango yabye ni hi yindlu ya vapapayi vabye wu wa hi 3200.+ 45 Lava hi lava va tsalelweko va mingango ya vana va Merari, lava Mosi na Aroni va va tsaleleko hi ku landza a cileletelo leci Jehovha a nga byelile Mosi.+
46 Mosi, na Aroni ni tihosana ta vaIzrayeli va no tsalela vontlhe vaLevhi lavo hi mingango yabye ni hi tiyindlu ta vapapayi vabye. 47 Va wa hi ni 30 kuya ka 50 wa malembe niku vontlhe va wa avelwe ku maha mitiro ni ku rwala zvibya zvi yelanako ni tenda ga mutlhangano.+ 48 A ntsengo wa vontlhe lava va tsalelweko wu wa hi 8580.+ 49 Va tsalelwe hi kuya hi cileletelo leci Jehovha a nga byelile Mosi; a mun’we ni mun’wani hi kuya hi ntiro wakwe ni lezvi a nga fanele ku rwala. Va no tsalelwa kota lezvi Jehovha a nga leletele Mosi.
5 Jehovha i no engeta a byela Mosi, aku: 2 “Laya a vaIzrayeli lezvaku va humesa handle ka wugovelo ni wihi munhu a nga ni hlokonho,+ ni vontlhe lava va humako wubovhu,+ ni vontlhe vangahlazvekangiko hi kota ya munhu* a fileko.+ 3 Kani wanuna kutani wasati, mu humeseni handle. Va humeseni handle ka wugovelo kasi va nga nyenyezisi+ a wugovelo ga lava ndzi tshamako cikari kabye.”+ 4 Hikwalaho, a vaIzrayeli va no maha lezvo, va va humesa handle ka wugovelo. Kota lezvi Jehovha a nga leletele Mosi, a vaIzrayeli va no zvi mahisa zvalezvo.
5 Jehovha i no engeta a byela Mosi, aku: 6 “Byela a vaIzrayeli, uku: ‘Loku a wanuna kutani wasati a maha ni cihi ciwonho ca lezvi zvi mahiwako hi vanhu, a nga tsumbeki mahlweni ka Jehovha, a munhu loye* i tava ni nandzu.+ 7 I fanele ku wulela+ a ciwonho leci a mahileko, a tlhelisela a ntsengo wu ringanako kota hakhelo ya nandzu wakwe a tlhela a engetela a cipandze ca wutlhanu ca ntsengo wa cona.+ I ta nyikela a ntsengo lowo ka loyi a mu wonheleko. 8 Kanilezvi loku loyi a wonhelweko a nga hi na xaka ga laha kusuhani ga ku amukela a hakhelo leyo, yi ta yisiwa ka Jehovha niku yi ta lumba mupristi, ahandle ka yivhu ya matsune ya muphahlo wa ku kombela ku tsetselelwa zviwonho leyi a mupristi a to mu mahela hi yona a muphahlo wa ku kombela ku tsetselelwa zviwonho.+
9 “‘Yontlhe a minyikelo yo basa+ ya vaIzrayeli leyi yi nyikelwako ka mupristi yi tava yakwe.+ 10 A zvilo zvi basileko zva munhu mun’we ni mun’wani zvi ta simama kuva zvakwe. Ni cihi leci a munhu a nyikelako ka mupristi ci ta lumba mupristi.’”
11 Jehovha i no engeta a byela Mosi, aku: 12 “Byela a vaIzrayeli, uku: ‘Lezvi hi lezvi zvi to mahiwa loku a sati wa wanuna wo kari a hambuka, a nga tsumbeki ka nuna wakwe, 13 a mun’wani wanuna a hlengela masango naye+ kanilezvi a nuna wakwe a nga zvi tivi zvi tlhela zvi nga poleki, laha ka ku a wasati loye a ti nyenyezisa kanilezvi ku nga hi na vakustumunyu va mu wonileko, ne na a nga kumiwangi: 14 Loku a nuna a lusela a sati wakwe a tlhela a kanakanela kutsumbeka kakwe, na ku hi ku hakunene i ti nyenyezisile, kutani loku a nuna a lusela a sati wakwe a tlhela a kanakanela kutsumbeka kakwe kuveni a nga ti nyenyezisangi, 15 a wanuna loye i fanele ku famba ni sati wakwe ka mupristi zvin’we ni munyikelo wa sati wakwe wa cipandze ca wukhume ca efa* ya mapa ya sevhadha. A nga chululi mafura hehla ka wona hambu ku chela hlakati yo nuhela hehla ka wona, hakuva lowo munyikelo wa tindzhoho wa ciluse, a munyikelo wa tindzhoho wu alakanyisako nandzu.
16 “‘A mupristi i ta neha wasati laha phambeni a ta mu yimisa mahlweni ka Jehovha.+ 17 A mupristi i ta teka a mati yo basa lomu ka cibya ca wumba, a nusa a ntshuri wo kari lahasi ka tabhernakeli a wu chela lomu matini. 18 A mupristi i ta yimisa wasati mahlweni ka Jehovha, a mu tlhatlha misisi, a chela a munyikelo wa tindzhoho wa cialakanyiso mandleni yakwe, ku nga munyikelo wa tindzhoho wa ciluse.+ Canjeni gakwe, a mupristi i tava ni mati yo bava ma tisako ciruko.+
19 “‘Hi kulandzela, a mupristi i ta hlambanyisa wasati, aku kakwe: “Loku ku nga hi na mun’wani wanuna a hlengeleko masango na wena na wa ha hi hasi ka wufumeli ga nuna wa wena,+ ni loku u nga hambukangi u ti nyenyezisa, tlhatlheka ka wuyelo ga mati lawa yo bava ma tisako ciruko. 20 Kanilezvi loku u hambukile na wa ha hi hasi ka wufumeli ga nuna wa wena u ti nyenyezisa ni loku u hlengele masango ni mun’wani wanuna+ wo kala a nga hi nuna wa wena . . .” 21 A mupristi i ta hlambanyisa a wasati hi cihlambanyo ci patsako a ciruko hi ku byela wasati, aku: “Jehovha i wa ku mahe cikombiso leci a vanhu va to ci kumbuka loku va ruka ni loku va hlambanya, hi ku Jehovha a puvisa* a thanga* ga wena ni ku vhimbisa a khwiri ga wena. 22 A mati lawa ma tisako ciruko ma ta nghena lomu ka marumbu ya wena ma vhimbisa a khwiri ga wena ni ku puvisa* a thanga* ga wena.” A wasati i taku: “Amen! Amen!”*
23 “‘Andzhako ka lezvo, a mupristi i ta tsala a zviruko lezvo bhukwini, a zvi hlazva lomu matini yo bava zvi vhinyeka. 24 Hi kulandzela, a mupristi i ta nwisa wasati a mati lawo yo bava ma tisako ciruko. A mati lawo ma tisako ciruko ma ta nghena lomu ndzeni kakwe ma ku bavisa. 25 A mupristi i ta teka a munyikelo wa tindzhoho wa ciluse+ canjeni ga wasati, a wu ndziwilita wuya phambeni ni ndzhako mahlweni ka Jehovha a gumesa a wu tshineta kusuhani ni alati. 26 A mupristi i ta nusa a canja ga munyikelo wa tindzhoho a wu hisa laha alatini+ kasi wu yimela a munyikelo wontlhe. Andzhako ka lezvo, i ta mu nwisa mati a wasati. 27 A cikhati leci a mupristi a to mu nwisa mati a wasati, loku a ti nyenyezisile ni loku a nga tsumbekangi ka nuna wakwe, a mati lawa ma tisako ciruko ma ta nghena ndzeni kakwe mava nchumu wo bava; i ta vhimba khwiri a tlhela a puva* thanga.* A wasati i tava ciruko cikari ka vanhu vakwe. 28 Kanilezvi loku a wasati a nga ti nyenyezisangi, na a basile, i ta tlhatlheka ka tsayiselelo lowo niku zvi ta koteka ku a xura nyimba a pswala vana.
29 “‘Lowu i nayo wa ciluse+ wu tirako loku a wasati a hambuka ni ku ti nyenyezisa na a hi hasi ka wufumeli ga nuna wakwe, 30 kutani loku a wanuna a lusela a sati wakwe a tlhela a alakanyela lezvaku a sati wakwe a nga tsumbekangi. I taya a ya yimisa a sati wakwe mahlweni ka Jehovha niku a mupristi i ta maha kakwe zvontlhe lezvi zvi wuliwako hi nayo lowu. 31 A wanuna i ta tlhatlheka ka nandzu kanilezvi a sati wakwe i ta rwala a nandzu wakwe.’”
6 Jehovha i no engeta a byela Mosi, aku: 2 “Byela a vaIzrayeli, uku: ‘Loku a wanuna kutani wasati a maha cifungo co hlawuleka ka Jehovha ca ku hanya kota munazira,*+ 3 i wa fambele kule ni vhinyo ni tin’wani tixaka ta byala. A nga tshuki anwa vhinagre ya vhinyo kutani vhinagre ya ni gihi byala.+ A nganwi ni cihi ci mahilweko hi mauvha, ne hambu kuga mauvha, kani yo tsakama kutani yo woma. 4 Ka masiku wontlhe ya wunazira gakwe, a nga faneli kuga ni cihi ci humako hi ka vhina,* kusukela ka mauvha ya mambisi kala ka makamba ya kona.
5 “‘Ka masiku wontlhe lawa a nga lomu ka cifungo ca wunazira gakwe, ku nga ngheni likari* hlokweni yakwe.+ I ta tshama na a basile hi ku tsika misisi ya hloko yakwe yi kula kala ku mbhela a masiku lawa a to ngha a ti nyikele ka Jehovha. 6 A nga tshineli* ka munhu* a fileko ka masiku wontlhe lawa a to ngha a ti nyikele ka Jehovha. 7 Hambu loku a felwa hi papayi wakwe, kutani hi mamani wakwe, kutani hi makabye wakwe wa cinuna, kutani hi makabye wakwe wa cisati, a nga ti nyenyezisi+ hakuva a cikombiso ca wunazira gakwe ka Nungungulu wakwe ci lomu hlokweni yakwe.
8 “‘Ka masiku wontlhe ya wunazira gakwe i basile ka Jehovha. 9 Kanilezvi loku a wokari afa hi citshuketi tlhelweni gakwe,+ a nyenyezisa a misisi leyi yi yimelako a kutinyikela kakwe ka Nungungulu, i wa halule a hloko yakwe+ hi siku ga kubasiswa kakwe. I wa halule hi siku ga wu 7. 10 Hi siku ga wu 8, i wa nehe ka mupristi a matuva mambiri kutani mavhinyani mambiri ya zvipomba laha nyangweni ya tenda ga mutlhangano. 11 A mupristi i ta nyikela gin’we kota munyikelo wa ciwonho, legi gin’wani kota munyikelo wa kuhiswa, a mu mahela muphahlo wa ku kombela ku tsetselelwa ciwonho cakwe+ hi kota ya lezvi a vileko kusuhani ni munhu* a fileko. Ka siku lego, i fanele ku basisa a hloko yakwe. 12 I ta ti nyikela kambe ka Jehovha kasi a sangulisa a masiku ya wunazira gakwe niku i ta neha a yivhana ya matsune ya lembe gin’we kota munyikelo wa nandzu. Hambulezvo, a masiku lawa ma hundzileko ma nga ta ha hlayiwa, hakuva i nyenyezisile a wunazira gakwe.
13 “‘A nayo xungetano hi munazira hi lowu: Loku a mbheta a masiku ya wunazira gakwe+ i ta nehiwa laha nyangweni ya tenda ga mutlhangano. 14 Kwalaho i ta nyikela a munyikelo wakwe mahlweni ka Jehovha, wu nga lowu: yivhana ya yinene ya matsune ya lembe gin’we kota munyikelo wa kuhiswa,+ ni yivhana ya yinene ya kati ya lembe gin’we kota munyikelo wa ciwonho,+ ni yivhu ya yinene ya matsune kota muphahlo wa kuhlengela,*+ 15 ni cindzala* ca tipawa to khwatsi tiphera ti nga hiko na comelo ti mahilweko hi mapa ma sililweko khwatsi ma patsilweko ni mafura, ni tipawa ta zviphamana ti nga hiko na comelo ti totilweko mafura, ni munyikelo wa kona wa tindzhoho,+ ni minyikelo ya kona ya zvakunwa.+ 16 A mupristi i ta zvi neha mahlweni ka Jehovha, a nyikela a munyikelo wakwe wa ciwonho ni munyikelo wakwe wa kuhiswa. 17 I ta nyikela yivhu ya matsune ka Jehovha kota muphahlo wa kuhlengela ni cindzala* ca tipawa to kala comelo; a mupristi i ta nyikela ni munyikelo wa kona wa tindzhoho+ ni munyikelo wa kona wa zvakunwa.
18 “‘A munazira i ta halula a misisi ya hloko yakwe*+ laha nyangweni ya tenda ga mutlhangano, a teka misisi leyo yi kulileko cikhatini ca wunazira gakwe a yi chela ndzilweni lowu wu nga lahasi ka muphahlo wa kuhlengela. 19 A mupristi i ta teka a woko ga yivhu ya matsune go khoniwa,+ ni pawa yin’we yo khwatsi i phera yi nga hiko na comelo lomu cindzaleni,* ni pawa yin’we ya ciphamana yi nga hiko na comelo, a zvi chela lomu mandleni ya munazira, andzhako ka loku a halulile a cikombiso ca wunazira gakwe. 20 A mupristi i ta zvi ndziwilita zviya phambeni ni ndzhako kota munyikelo wa ku kundziwilitelwa mahlweni ka Jehovha.+ Lezvo zvilo zvo basa zva mupristi, zvin’we ni cifuva ca munyikelo wa kundziwilitelwa ni nenge wa cipandze co basa.+ Andzhako ka lezvo, a munazira a nganwa vhinyo.
21 “‘A nayo xungetano hi munazira+ loyi a mahako cifungo hi lowu: Loku a maha cifungo na a zvi kota ku nyikela ka Jehovha zvo hundza lezvi zvi lavekako ka wunazira gakwe, i wa tatise a cifungo cakwe ci yelanako ni wunazira gakwe.’”
22 Jehovha i no byela Mosi, aku: 23 “Byela Aroni ni vana vakwe, uku: ‘Lezvi hi lezvi mu faneleko ku va katekisisa zvona+ a vanhu va ka vaIzrayeli. Va byeleni, muku:
24 “Ngha Jehovha a ku katekisa+ ni ku ku vhikela.
25 Ngha Jehovha a ku woningela hi nghohe yakwe+ ni ku ku mahela wuxinji.
26 Ngha Jehovha a ku cuwuka hi wunene* a tlhela a ku nyika kurula.”’+
27 Va wa vitane a vito ga mina hehla ka vaIzrayeli,+ kasi ndzi fela ku va katekisa.”+
7 Ka siku legi Mosi a nga mbheta ku yimisa a tabhernakeli,+ i no gi tota+ a gi basisa zvin’we ni zvibya zva gona zvontlhe, ni alati ni zvibya zva gona zvontlhe.+ Andzhako ka loku a totile ni ku basisa a zvilo lezvi,+ 2 a tihosana ta ka Izrayeli,+ a tihloko ta tiyindlu ta vapapayi, ti no maha munyikelo. A tihosana leto ta tixaka, leti ti nga rangele a ntiro wa citsalela, 3 ti no neha a munyikelo wa tona mahlweni ka Jehovha: 6 wa tikareta ti fenengetilweko, ni 12 wa tihomu to kapariwa — kareta yin’we hi tihosana timbiri, ni dhuna ga homu hi hosana yin’we ni yin’wani. Va no zvi nyikela mahlweni ka tabhernakeli. 4 Jehovha i no byela Mosi, aku: 5 “Amukela a zvilo lezvo hi ka vona, hakuva zvi ta tirisiwa ka ntiro wa tenda ga mutlhangano. U ta zvi nyikela ka vaLevhi, a mun’we ni mun’we kota lezvi zvi lavekako ka ntiro wakwe.”
6 Hikwalaho, Mosi i no amukela a tikareta ni tihomu a ti nyikela ka vaLevhi. 7 A vana va Gerxoni i no va nyika a tikareta timbiri ni mune wa tihomu to kapariwa, kota lezvi zvi nga laveka mitirweni yabye;+ 8 a vana va Merari i no va nyika a mune wa tikareta ni 8 wa tihomu to kapariwa, kota lezvi zvi nga laveka mitirweni yabye. Yontlhe a mitiro leyi yi wa rangelwa hi Itamare, a n’wana wa mupristi Aroni.+ 9 Kanilezvi a vana va Kohate a nga va nyikangi nchumu, hakuva a mitiro yabye yi wa patsa a ntiro wa wutshamu go basa+ niku va wa rwala a zvilo zvo basa makatleni yabye.+
10 A tihosana ti no maha a munyikelo wa tona kukanguliweni*+ ka alati, ka siku legi gi nga totiwa hi gona. Laha a tihosana ti nga nyikela a munyikelo wa tona mahlweni ka alati, 11 Jehovha i no byela Mosi, aku: “Ka siku gin’we ni gin’wani, a hosana yin’we yi ta nyikela a munyikelo wa yona wa kukanguliwa ka alati.”
12 Loyi a nga nyikela a munyikelo wakwe hi siku go sangula kuve Naxoni,+ a n’wana wa Aminadhabha, wa lixaka la ka Judha. 13 A munyikelo wakwe wuve ngelo wun’we wa prata wu nga peza a 130 wa maxekeli,* ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa*+ legi va talako ku pima hi gona, hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 14 ni kopo* yin’we ya ouro yi nga peza 10 wa maxekeli, yi nga tele hi libani; 15 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 16 ni cimhongwana ca munyikelo wa ciwonho;+ 17 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wu wa hi munyikelo wa Naxoni, a n’wana wa Aminadhabha.+
18 Ka siku ga wumbiri, Netaneli,+ a n’wana wa Zuware, a hosana ya ka Isakari, i no nyikela munyikelo wakwe. 19 I no nyikela a ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa+ legi va talako ku pima hi gona, hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 20 ni kopo yin’we ya ouro yi nga peza 10 wa maxekeli, yi nga tele hi libani; 21 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 22 ni cimhongwana ca munyikelo wa ciwonho;+ 23 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Netaneli, a n’wana wa Zuware.
24 Ka siku ga wunharu, Eliyabhe,+ a n’wana wa Heloni, a hosana ya vana va Zebhuloni, 25 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi ku pima hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 26 ni kopo yin’we ya ouro yi nga peza 10 wa maxekeli, yi nga tele hi libani; 27 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 28 ni cimhongwana ca munyikelo wa ciwonho;+ 29 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Eliyabhe,+ a n’wana wa Heloni.
30 Ka siku ga wumune, Elizura,+ a n’wana wa Xedhura, a hosana ya vana va Rubheni, 31 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 32 ni kopo yin’we ya ouro yi nga peza a 10 wa maxekeli, yi nga tele hi libani; 33 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 34 ni cimhongwana ca munyikelo wa ciwonho;+ 35 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Elizura,+ a n’wana wa Xedhura.
36 Ka siku ga wutlhanu, Xelumiyeli,+ a n’wana wa Zurixadhayi, a hosana ya vana va Simeyoni, 37 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 38 ni kopo yin’we ya ouro yi nga peza a 10 wa maxekeli, yi nga tele hi libani; 39 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 40 ni cimhongwana ca munyikelo wa ciwonho;+ 41 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Xelumiyeli,+ a n’wana wa Zurixadhayi.
42 Ka siku ga wu 6, Eliyasafa,+ a n’wana wa Dheweli, a hosana ya vana va Gadhi, 43 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 44 ni kopo yin’we ya ouro yi nga peza a 10 wa maxekeli, yi nga tele hi libani; 45 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 46 ni cimhongwana ca munyikelo wa ciwonho;+ 47 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Eliyasafa,+ a n’wana wa Dheweli.
48 Ka siku ga wu 7, Elixama,+ a n’wana wa Amihudhi, a hosana ya vana va Efrayime, 49 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 50 ni kopo yin’we ya ouro yi nga peza a 10 wa maxekeli, yi nga tele hi libani; 51 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 52 ni cimhongwana ca munyikelo wa ciwonho;+ 53 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Elixama,+ a n’wana wa Amihudhi.
54 Ka siku ga wu 8, Gamaliyeli,+ a n’wana wa Pedhazura, a hosana ya vana va Manase, 55 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 56 ni kopo yin’we ya ouro yi nga peza a 10 wa maxekeli, yi nga tele hi libani; 57 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we kota munyikelo wa kuhiswa;+ 58 ni cimhongwana ca munyikelo wa ciwonho;+ 59 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Gamaliyeli,+ a n’wana wa Pedhazura.
60 Ka siku ga wu 9, Abhidhani,+ a n’wana wa Gidheyoni, a hosana+ ya vana va Bhenjamini, 61 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 62 ni kopo yin’we ya ouro yi nga peza a 10 wa maxekeli, yi nga tele hi libani; 63 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 64 ni cimhongwana ca munyikelo wa ciwonho;+ 65 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Abhidhani,+ a n’wana wa Gidheyoni.
66 Ka siku ga wu 10, Ahiyezere,+ a n’wana wa Amixadhayi, a hosana ya vana va Dhani, 67 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 68 ni kopo yin’we ya ouro yi nga peza a 10 wa maxekeli, yi nga tele hi libani; 69 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 70 ni cimhongwana ca munyikelo wa ciwonho;+ 71 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Ahiyezere,+ a n’wana wa Amixadhayi.
72 Ka siku ga wu 11, Pagiyeli,+ a n’wana wa Okrani, a hosana ya vana va Axeri, 73 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 74 ni kopo yin’we ya ouro yi nga peza a 10 wa maxekeli, yi nga tele hi libani; 75 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 76 ni cimhongwana ca munyikelo wa ciwonho;+ 77 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Pagiyeli,+ a n’wana wa Okrani.
78 Ka siku ga wu 12, Ahira,+ a n’wana wa Enani, a hosana ya vana va Naftali, 79 i no maha munyikelo wakwe hi ngelo wun’we wa prata wu nga peza a 130 wa maxekeli, ni ngelo wun’we wa cikhele wu nga peza a 70 wa maxekeli, hi kuya hi xekeli ga wutshamu go basa,+ hi wumbiri ga yona na yi tele hi mapa ma sililweko khwatsi, ma patsilweko ni mafura kota munyikelo wa tindzhoho;+ 80 ni kopo yin’we ya ouro yi nga peza a 10 wa maxekeli, yi nga tele hi libani; 81 ni cidhunana ca homu, ni yivhu yin’we ya matsune, ni yivhana yin’we ya matsune ya lembe gin’we, kota munyikelo wa kuhiswa;+ 82 ni cimhongwana ca munyikelo wa ciwonho;+ 83 ni tihomu timbiri, ni ntlhanu wa tiyivhu ta vamatsune, ni ntlhanu wa timhongo, ni ntlhanu wa tiyivhana ta vamatsune, a yin’we ni yin’we ya lembe gin’we, kota muphahlo wa kuhlengela.+ Lowu wuve munyikelo wa Ahira,+ a n’wana wa Enani.
84 Lowu wuve munyikelo wa kukanguliwa+ ka alati wu nyikelweko hi tihosana ta ka Izrayeli a cikhati leci a alati gi nga totiwa: 12 wa mingelo ya prata, ni 12 wa mingelo ya zvikhele ya prata, ni 12 wa tikopo ta ouro.+ 85 A ngelo wun’we ni wun’wani wu wa peza a 130 wa maxekeli, niku a ngelo wun’we ni wun’wani wa cikhele wu wa peza a 70 wa maxekeli, lezvi zvi nga maha ku a prata yontlhe ya zvibya yiva 2400 wa maxekeli, hi kuya hi xekeli ga wutshamu go basa.+ 86 A 12 wa tikopo ta ouro to tala hi libani, a yin’we ni yin’we yi wa peza a 10 wa maxekeli hi kuya hi xekeli ga wutshamu go basa. A ouro yontlhe ya tikopo yi wa ringana a 120 wa maxekeli. 87 A zvifuyo zvontlhe zva munyikelo wa kuhiswa zvi wa hi 12 wa madhuna ya tihomu, ni 12 wa tiyivhu ta vamatsune, ni 12 wa tiyivhana ta vamatsune, a yin’we ni yin’we ya lembe gin’we, ni minyikelo ya kona ya tindzhoho, ni 12 wa zvimhongwana zva munyikelo wa ciwonho. 88 A zvifuyo zvontlhe zva muphahlo wa kuhlengela zvi wa hi 24 wa madhuna ya tihomu, ni 60 wa tiyivhu ta vamatsune, ni 60 wa timhongo ni 60 wa tiyivhana ta vamatsune, a yin’we ni yin’we ya lembe gin’we. Lowu wuve munyikelo wa kukanguliwa+ ka alati andzhako ka loku gi totilwe.+
89 Ni ka cihi cikhati leci Mosi a nga nghena lomu tendeni ga mutlhangano kasi ku wulawula na Nungungulu,*+ i wazwa gezu na gi wulawula naye hi le hehla ka tapa+ ya Arke ga Wukustumunyu, hi laha cikari ka makerubhima mambiri,+ niku Nungungulu i wa wulawula naye.
8 Jehovha i no wulawula na Mosi, aku: 2 “Byela Aroni, uku: ‘A cikhati u lumekako a 7 wa tikandiya, ti wa woningele a wutshamu ga le mahlweni ka nenge wa tikandiya.’”+ 3 Hikwalaho, Aroni i no maha lezvi: I no lumeka a tikandiya kasi ti woningela a wutshamu ga le mahlweni ka nenge wa tikandiya,+ kota lezvi Jehovha a nga leletele Mosi. 4 A nenge wa tikandiya wu wa mahisilwe lezvi: Wu wa no ya hi ku bethiwa hi ouro; kusukela ka simbi ya kona ya laha cikari kala ka zvitsangi, wu wa no ya hi ku bethiwa.+ A nenge wa tikandiya wu wa mahilwe hi kuya hi muwoniso+ lowu Jehovha a nga kombile Mosi.
5 Jehovha i no engeta a byela Mosi, aku: 6 “Cikari ka vaIzrayeli, teka a vaLevhi u va basisa.+ 7 U ta va basisa hi ndlela leyi: Va n’watsekele a mati ya ku hlazva ciwonho, va halula a misisi yontlhe ya miri wabye hi likari,* va hlazva tinguwo tabye va tlhela va ti basisa.+ 8 Andzhako ka lezvo, va ta teka a cidhunana ca homu+ ni munyikelo wa kona wa tindzhoho+ wa mapa ma sililweko khwatsi, ma patsilweko ni mafura; wena u ta teka a cidhunana ca homu leci cin’wani ca munyikelo wa ciwonho.+ 9 U ta neha vaLevhi mahlweni ka tenda ga mutlhangano, u tsombanisa a hlengeletano yontlhe ya ka Izrayeli.+ 10 Laha u to neha a vaLevhi mahlweni ka Jehovha, a vaIzrayeli va ta tlhateka mandla yabye hehla ka vaLevhi.+ 11 Aroni i ta nyikela* vaLevhi mahlweni ka Jehovha kota munyikelo wa kundziwilitelwa+ wu humako hi ka vaIzrayeli. Vona va ta maha a ntiro wa Jehovha.+
12 “Makunu, a vaLevhi va ta tlhateka mandla yabye ka tihloko ta madhuna ya tihomu.+ Andzhako ka lezvo, va ta nyikela a dhuna gin’we ga homu kota munyikelo wa ciwonho ni legi gin’wani kota munyikelo wa kuhiswa wu mahelwako Jehovha kasi ku maha muphahlo wa ku kombela ku tsetselelwa zviwonho+ wa vaLevhi. 13 U ta yimisa vaLevhi mahlweni ka Aroni ni ka vana vakwe, u va nyikela* kota munyikelo wa kundziwilitelwa wu mahelwako Jehovha. 14 U ta hambanisa vaLevhi cikari ka vaIzrayeli. A vaLevhi va tava va mina.+ 15 Andzhako ka lezvo, a vaLevhi va ta nghena va tira lomu tendeni ga mutlhangano. Hi zvalezvo u to va basisisa zvona ni ku va nyikelisa* zvona kota munyikelo wa kundziwilitelwa. 16 Hakuva vona vanhu va nyikelweko, ndzi nyikilweko vona cikari ka vaIzrayeli. Ndzi ta va teka va maha va mina wutshan’wini ga matewula wontlhe* ya vaIzrayeli.+ 17 Hakuva a matewula wontlhe cikari ka vaIzrayeli ya mina, a ya munhu ni ya cifuyo.+ Ndzi ma basisile kasi mava ya mina ka siku legi ndzi nga daya a matewula wontlhe tikweni ga Gibhite.+ 18 Ndzi ta hlawula a vaLevhi wutshan’wini ga matewula wontlhe ya vaIzrayeli. 19 Ndzi ta nyikela a vaLevhi, kota vanhu va nyikelweko, ka Aroni ni ka vana vakwe cikari ka vaIzrayeli kasi va maha mitiro yi to vhuna vaIzrayeli lomu tendeni ga mutlhangano+ ni ku va mahela miphahlo ya ku kombela ku tsetselelwa zviwonho kasi a vaIzrayeli va nga welwi hi khombo+ hi kuva va tshinele wutshan’wini go basa.”
20 Mosi, na Aroni ni yontlhe hlengeletano ya ka Izrayeli va no maha lezvo hi vaLevhi. A vaIzrayeli va no maha ka vaLevhi zvontlhe lezvi Jehovha a nga leletele Mosi xungetano hi vaLevhi. 21 Hikwalaho, a vaLevhi va no ti basisa va tlhela va hlazva tinguwo tabye.+ Aroni i no va nyikela* mahlweni ka Jehovha kota munyikelo wa kundziwilitelwa.+ Hi kulandzela, Aroni i no va mahela muphahlo wa ku kombela ku tsetselelwa zviwonho kasi va basisiwa.+ 22 Andzhako ka lezvo, a vaLevhi va no nghena lomu tendeni ga mutlhangano kasi va maha mitiro yabye mahlweni ka Aroni ni ka vana vakwe. Va no maha kabye kota lezvi Jehovha a nga leletele Mosi xungetano hi vaLevhi.
23 Makunu Jehovha i no byela Mosi, aku: 24 “A nayo xungetano hi vaLevhi hi lowu: Loku a wanuna a hi ni 25 wa malembe kuya hehla, i ta ti patsa ni ntlawa wa lava va tirako tendeni ga mutlhangano. 25 Kanilezvi andzhako ka 50 wa malembe, i ta huma ntlaweni wa vatiri, a nga ha tiri kambe. 26 A nga tirela vamakabye vakwe lava va tirako tendeni ga mutlhangano kanilezvi a nga tava ni ciavelo ca ntiro lomo. Lezvi hi lezvi mu to maha hi vaLevhi ni mitiro yabye.”+
9 Jehovha i no wulawula na Mosi ciwuleni ca Sinayi, hi hweti yo sangula,+ ka lembe ga wumbiri, andzhako ka loku va humile tikweni ga Gibhite, aku: 2 “A vaIzrayeli va wa longisele a muphahlo wa Phasika+ hi cikhati ci yimisilweko.+ 3 Mu fanele ku wu longisela hi cikhati ci yimisilweko, hi siku ga wu 14 ka hweti yaleyi, na gi ku pswite.* Wu longiseleni hi ku landza a zvileletelo zva kona zvontlhe ni wontlhe a mamahela ya kona ma yimisilweko.”+
4 Hikwalaho, Mosi i no byela vaIzrayeli lezvaku va longisela a muphahlo wa Phasika. 5 Va no longisela a muphahlo wa Phasika ciwuleni ca Sinayi hi hweti yo sangula, hi siku ga wu 14 ga hweti, na gi ku pswite.* A vaIzrayeli va no maha zvontlhe lezvi Jehovha a nga leletele Mosi, va zvi mahisa zvalezvo.
6 Kanilezvi ku wa hi ni vavanuna va nga ti nyenyezisile hi cirumbi ca munhu+ laha ka ku zvi wa nga koteki a ku va longisela a muphahlo wa Phasika ka siku lego. Hikwalaho, a vavanuna lavo va noya ka Mosi na Aroni ka siku lego,+ 7 va yaku kakwe: “A hi hlazvekangi hi kota ya lezvi hi nga henya a cirumbi ca munhu. Hikuyini lezvo zvi to hi vhalela a ku nyikela munyikelo ka Jehovha hi cikhati ci yimisilweko zvin’we ni vaIzrayeli lava van’wani ke?”+ 8 Zvalezvo Mosi i te ngalo kabye: “Nyimani kwalaha, ndza haya ndzi yazwa lezvi Jehovha a to wula xungetano hi n’wina.”+
9 Jehovha i no byela Mosi, aku: 10 “Byela a vaIzrayeli, uku: ‘Hambu loku a munhu cikari ka n’wina kutani wa zvizukulwana zva n’wina zva ha tako a ti nyenyezisa hi ku henya cirumbi ca munhu+ kutani loku a endzile aya kule, wa ha hi ni fanelo ya ku mu mahela muphahlo wa Phasika Jehovha. 11 Va wa gi longisele ka hweti ya wumbiri+ hi siku ga wu 14 ga hweti, na gi ku pswite.* Va fanele kuga a yivhana zvin’we ni tipawa to kala comelo ni matluka yo bava.+ 12 Va nga siyi nchumu kala ni mixo+ ne va nga tshovi hambu ni rambu gin’we ga yivhana.+ Va wa yi longisele hi kuya hi zvileletelo zvontlhe zva Phasika. 13 Kanilezvi loku a munhu a hlazvekile kutani na a nga hi lomu kuendzeni, hambulezvo a nga longiseli a muphahlo wa Phasika ha womu, a munhu* loye i ta tsemiwa* cikari ka vanhu vakwe,+ hakuva a nga nyikelangi a munyikelo wa Jehovha hi cikhati ci yimisilweko. A munhu loye i ta rwala a nandzu wakwe.
14 “‘Loku ku hi ni muluveli a hanyako cikari ka n’wina, yenawu i wa mu longiselele a muphahlo wa Phasika Jehovha.+ I wa gi mahe na a landza a cileletelo ca Phasika ni mamahela ya gona ma yimisilweko.+ Ku fanele kuva ni cileletelo cin’we ntsena ka n’wina, a ka muluveli ni ka muIzrayeli wa mabeleko.’”+
15 Makunu ka siku legi a tabhernakeli gi nga yimisiwa,+ a refu gi no fenengeta a tabhernakeli, ku nga tenda ga Wukustumunyu, kanilezvi ni wusiku ku wa tshama a nchumu wu nga wonekisa ku khwatsi i ndzilo hehla ka tabhernakeli, kala ni mixo.+ 16 Contlhe cikhati ku wa maheka lezvi: Ni mumu, gi wa fenengetiwa hi refu, ni wusiku, gi fenengetiwa hi nchumu wu nga wonekisa ku khwatsi i ndzilo.+ 17 Ni ka cihi cikhati leci a refu gi nga suka laha tendeni, a vaIzrayeli va wo tekela ku suka;+ ni kwihi laha a refu gi nga nyima kona, a vaIzrayeli va wa gova kwalaho.+ 18 A vaIzrayeli va wa suka hi kulaya ka Jehovha, va tlhela va gova hi kulaya ka Jehovha.+ Contlhe cikhati leci a refu gi nga simama hehla ka tabhernakeli, vonawu va wa nga suki. 19 Loku a refu gi tshama hehla ka tabhernakeli hi masiku yo tala, a vaIzrayeli va wa ingisa Jehovha va nga suki.+ 20 Ka zvikhati zvin’wani, a refu gi wa simama hehla ka tabhernakeli hi masiku ma tsongwani. Va wa gwimba matenda va tshama laho hi kulaya ka Jehovha, va suka hi kulaya ka Jehovha. 21 Ka zvin’wani zvikhati, a refu gi wo tshama kusukela ni gambo kala ni mixo ntsena; ni laha a refu gi nga suka ni mixo, vonawu va wo suka. Kani a refu gi suka ni mumu kani gi suka ni wusiku, vonawu va wo suka.+ 22 Kani gi simama masiku mambiri, kutani hweti, kutani ku hundza, contlhe cikhati leci a refu gi nga simama hehla ka tabhernakeli, a vaIzrayeli va wa simama va tshama, va nga suki. Kanilezvi loku gi suka, vonawu va wo suka. 23 Va wa gova hi kulaya ka Jehovha, va tlhela va suka hi kulaya ka Jehovha. Va wa simama ku ingisa cileletelo ca Jehovha kota lezvi Jehovha a layileko hi nomu wa Mosi.
10 Jehovha i no byela Mosi, aku: 2 “Maha mimpundzu yimbiri,+ u yi betha hi prata. U ta vitanisa hi yona a hlengeletano ni ku va tivisa lezvaku va simulela matenda va famba. 3 Loku a mimpundzu yi biwa hi wumbiri ga yona, a hlengeletano yontlhe yi ta tsombana ka wena laha nyangweni ya tenda ga mutlhangano.+ 4 Loku ku biwa wun’we basi, tihosana ntsena ti to tsombana ka wena,+ ti nga tihloko ta makume ya mazana ya va ka Izrayeli.
5 “Loku ku zwala a kuvhuma ko cicacica ka mpundzu, lava va govileko hi tlhelo ga mutsuwuka-gambo+ va wa suke. 6 Loku ku zwala a kuvhuma ko cicacica ka mpundzu hi khati ga wumbiri, lava va govileko hi tlhelo ga dzonga*+ va wa suke. Va wa yi bise lezvo a mimpundzu khati ni khati ku sukako ntlawa.
7 “Kasi ku tsombanisa a bandla, banani mimpundzu+ kanilezvi yi nga cicacici a kuvhuma ka yona. 8 A vana va Aroni, a vapristi, hi vona va toba mimpundzu;+ leci ci tava cileletelo ca kala kupindzuka zvizukulwaneni zva n’wina zvontlhe.
9 “Loku lomu tikweni ga n’wina mulwa yimpi ni nala wa n’wina loyi a mu xanisako, banani a mimpundzu ya ku tivisa yimpi.+ Jehovha, a Nungungulu wa n’wina, i ta mu alakanya, a mu ponisa ka valala va n’wina.
10 “Ahandle ka lezvo, ka zvikhati zva n’wina zva kutsaka,+ ku nga ka mibuzo ya n’wina+ ni kusanguleni ka tihweti, mu fanele kuba mimpundzu laha mu nyikelako a minyikelo ya n’wina ya kuhiswa+ ni miphahlo ya n’wina ya kuhlengela;+ yi tava cialakanyiso ka n’wina mahlweni ka Nungungulu wa n’wina. Hi mina Jehovha, a Nungungulu wa n’wina.”+
11 Hi lembe ga wumbiri, ka hweti ya wumbiri, hi siku ga wu 20 ga hweti,+ a refu gi no suka hehla ka tabhernakeli+ ga Wukustumunyu. 12 Hikwalaho, a vaIzrayeli va no suka ciwuleni ca Sinayi hi ku landza a xaxameto lowu wu nga yimisilwe wa masukela yabye.+ A refu gi noya gi ya nyima ciwuleni ca Parani.+ 13 Legi give khati go sangula va nga suka, hi ku landza a cileletelo leci Jehovha a va nyikileko hi nomu wa Mosi.+
14 Hikwalaho, a ntlawa wa tixaka tinharu wa wugovelo ga vana va Judha wu no ranga wu suka hi mabutho ya wona, na wu rangelwa hi Naxoni,+ a n’wana wa Aminadhabha. 15 Netaneli,+ a n’wana wa Zuware, hi yena a nga kari a rangela a ntlawa wa lixaka la vana va Isakari. 16 Eliyabhe,+ a n’wana wa Heloni, hi yena a nga kari a rangela a ntlawa wa lixaka la vana va Zebhuloni.
17 A cikhati leci a tabhernakeli gi nga khumulelwa,+ a vana va Gerxoni+ ni vana va Merari,+ lava va nga kari va rwala a tabhernakeli, va no suka.
18 A ntlawa wa tixaka tinharu wa wugovelo ga Rubheni wu no suka hi mabutho ya wona, na wu rangelwa hi Elizura,+ a n’wana wa Xedhura. 19 Xelumiyeli,+ a n’wana wa Zurixadhayi, hi yena a nga kari a rangela a ntlawa wa lixaka la vana va Simeyoni. 20 Eliyasafa,+ a n’wana wa Dheweli, hi yena a nga kari a rangela a ntlawa wa lixaka la vana va Gadhi.
21 Hi kulandzela, a vaKohate, lava va nga kari va rwala a zvibya zva wutshamu go basa,+ va no suka. A tabhernakeli gi wa fanele ku yimisiwa neti va chikela.
22 Andzhako ka lezvo, a ntlawa wa tixaka tinharu wa wugovelo ga vana va Efrayime wu no suka hi mabutho ya wona, na wu rangelwa hi Elixama,+ a n’wana wa Amihudhi. 23 Gamaliyeli,+ a n’wana wa Pedhazura, hi yena a nga kari a rangela a ntlawa wa lixaka la vana va Manase. 24 Abhidhani,+ a n’wana wa Gidheyoni, hi yena a nga kari a rangela a ntlawa wa lixaka la vana va Bhenjamini.
25 Hi kugumesa, a ntlawa wa tixaka tinharu wa wugovelo ga vana va Dhani wu no suka hi mabutho ya wona, wu famba hi le ndzhako ka yontlhe mitlawa leyi yin’wani kasi wu yi vhikela, na wu rangelwa hi Ahiyezere,+ a n’wana wa Amixadhayi. 26 Pagiyeli,+ a n’wana wa Okrani, hi yena a nga kari a rangela a ntlawa wa lixaka la vana va Axeri. 27 Ahira,+ a n’wana wa Enani, hi yena a nga kari a rangela a ntlawa wa lixaka la vana va Naftali. 28 Lowu wu wa hi xaxameto lowu a vaIzrayeli ni mabutho yabye va nga kari va wu landzela a cikhati leci va nga suka.+
29 Makunu Mosi i no byela Hobhabha, a n’wana wa Reweli,*+ a muMidhiyani, a bava wa Mosi, aku: “Hina hiya ka wutshamu legi Jehovha a ngaku: ‘Ndzi ta gi nyikela ka n’wina.’+ A hi fambe zvin’we,+ hi ta ku khoma khwatsi hakuva Jehovha i tsumbisile a zvilo zva zvinene ka Izrayeli.”+ 30 Kanilezvi yena i te ngalo kakwe: “Ndzi nga taya. Ndzi ta tlhela tikweni ga mina ni maxakeni ya mina.” 31 Hi kota ya lezvo, i te ngalo: “Ndzi kombela ku u nga hi tsiki, hakuva hi wena u ku tivako lomu hi to gova kona lomu ciwuleni niku u tava mukombi wa hina wa ndlela.* 32 Loku u famba na hina,+ ni gihi wunene legi Jehovha a to hi kombisa, hakunene hi ta ku kombisawo.”
33 Hikwalaho, va no famba masiku manharu kusukela citsungeni ca Jehovha;+ a arke*+ ga civhumelwano ca Jehovha gonawu gi no famba masiku manharu mahlweni kabye na gi lava wutshamu ga lezvaku va ta humula ka gona.+ 34 A refu ga Jehovha+ gi wa hi hehla kabye ni mumu a cikhati leci va nga suka laha va nga govile kona.
35 Ni ka cihi cikhati leci a arke gi nga susiwa ka wutshamu go kari, Mosi i waku: “Jehovha, suka u yima!+ A valala va wena va wa hangalaswe, ni lava va ku vengako va wa tsutsume mahlweni ka wena.” 36 A cikhati leci gi nga nyima, Mosi i waku: “Tlhela, Jehovha, ka makume ya mazana ya tsandza-vahlayi ya Izrayeli.”+
11 A vanhu va no sangula ku khala nguvhu mahlweni ka Jehovha. Laha Jehovha a nga zvizwa, a zanga yakwe yi no vhura; a ndzilo wu tako hi ka Jehovha wu no sangula ku vhura cikari kabye wu hisa vokari va nga hi lomu timbhirini ta wugovelo. 2 A cikhati leci a vanhu va nga sangula ku rila mahlweni ka Mosi, Mosi i no khongotela Jehovha,+ a ndzilo wu timeka. 3 Hikwalaho, a wutshamu lego gi no chuliwa ku Tabhera,* hakuva va no vhurelwa hi ndzilo wa kuta hi ka Jehovha.+
4 A citshungu ca vanhu va tixakaxaka,*+ leci ci nga hi cikari kabye, ci no kombisa a kunavela ka makangwa,+ ni vaIzrayeli vonawu va no sangula ku rila kambe, vaku: “Himani a to hi nyika nyama higa?+ 5 Hi na ni ndomba ya tinjhanjhi leti hi nga kari higa mahala le Gibhite, ni pepino, ni makhalavatla, ni sebhola ya matluka, ni sebhola, ni ayi!+ 6 Kanilezvi zvezvi ho* mbhela ntamu. A ku na cin’wani hi ci wonako ahandle ka mana lawa.”+
7 A mana+ ma wa fana ni tinyungi ta kowentro+ niku ma wa wonekisa ku khwatsi i hlakati ya bhedhelio. 8 A vanhu va wa hangalaka va ma rolela, va ma gaya hi zvigayo zva mandla kutani ku ma dula lomu churini. Andzhako ka lezvo, va wa ma bhika lomu ka mabhota kutani ku maha hi wona tipawa ta redhonda.+ Ma wa nandzihisa ku khwatsi i bholu yo mahiwa ni mafura. 9 A cikhati leci ku nga kari kuwa civera lomu wugovelweni ni wusiku, a mana wonawu ma wowa.+
10 Mosi i nozwa a vanhu va mingango yontlhe na va rila, a wanuna mun’we ni mun’wani na a hi laha nyangweni ya tenda gakwe. Jehovha i no zangara nguvhu,+ Mosi yenawu a swireka nguvhu. 11 Makunu Mosi i no wutisa Jehovha, aku: “Hikuyini u xanisako a nandza ga wena? Hikuyini ndzi nga kala ku kuma thomo mahlweni ka wena laha ka kuza u ndzi rwexa a ndzhwalo wa vanhu lava vontlhe ke?+ 12 Kasi kova mina ndzi nga xura nyimba ya vanhu lava vontlhe? Kona kova mina ndzi nga va pswala laha ka kuza uku: ‘Va beleke, a ku khwatsi hi lezvi a yayi* yi belekako a n’wanana a ha an’wako’, kala ka tiko legi u hlambanyileko ku nyika a vakokwani vabye ke?+ 13 Ndzi ta yi kuma kwihi a nyama ya ku nyika vanhu lava vontlhe ke? Hakuva va tshamela ku rila mahlweni ka mina, vaku: ‘Hi nyike nyama higa!’ 14 A ndzi zvi koti ku rwala vanhu lava vontlhe ndzoce; va bindza ku hundza ntamu wa mina.+ 15 Loku ku hi ku u ta ndzi khomisa lezvi, ndzi kombela ku u ndzi daya zvalezvi.+ Loku ndzi kumile thomo mahlweni ka wena, u nga ha ndzi tsiki ndzi wona a hlomulo kambe.”
16 Jehovha i no hlamula Mosi, aku: “Tsombanisa 70 wa vavanuna cikari ka madhota ya ka Izrayeli, a vavanuna lava u va tivako na va hi* madhota tlhelo tihosana ta vanhu,+ u famba navo tendeni ga mutlhangano, u ya yima navo laho. 17 Ndzi ta relela+ ndzi ta wulawula na wena laho.+ Ndzi ta pambula a moya wo kari+ lowu wu nga hehla ka wena ndzi wu chela hehla kabye. Va ta ku vhuna ku rwala a ndzhwalo wa vanhu lava kasi u nga rwali wece.+ 18 Byela vanhu, uku: ‘Ti basiseleni ga mandziko,+ hakuva hakunene mu taga nyama hi lezvi mu nga rila tindleveni ta Jehovha,+ muku: “Himani a to hi nyika nyama higa? Le Gibhite ku wa hi chukwana ka hina.”+ Hakunene Jehovha i ta mu nyika nyama muga.+ 19 Mu nga taga siku gin’we basi, ne masiku mambiri, ne ntlhanu wa masiku, ne 10 wa masiku, ne 20 wa masiku, 20 kanilezvi mu taga nyama a hweti yontlhe kala yi huma hi tinhovhu yi tlhela yi mu nyenyeza,+ hakuva mu alile Jehovha loyi a nga cikari ka n’wina, mu rila mahlweni kakwe, muku: “Hi wa humela yini hi Gibhite?”’”+
21 Hi kulandzela, Mosi i te: “A vanhu lava ndzi nga cikari kabye va ringana 600 000 wa vavanuna+ va yimileko hi minenge, hambulezvo u ngalo: ‘Ndzi ta va nyika nyama vaga hweti yontlhe’! 22 Hambu loku ku wo dawa a tiyivhu tontlhe ni tihomu tontlhe, xana ti wa ta va eneta ke? Kona hambu loku ku wo phasiwa a tinjhanjhi tontlhe ta bimbi, ti wa ta va eneta ke?”
23 Jehovha i no byela Mosi, aku: “A canja ga Jehovha gi no koma nguvhu ke?+ Makunu u ta zvi wona lezvaku lezvi ndzi wulako zvi ta maheka kutani zvi nga ta maheka.”
24 Hikwalaho, Mosi i no huma a ya byela vanhu a magezu ya Jehovha. I no tsombanisa a 70 wa vavanuna cikari ka madhota ya vanhu a ya va yimisa va randzela tenda.+ 25 Jehovha i no relela hi lomu ka refu+ a ta wulawula naye.+ I no pambula moya wo kari+ wu nga hi hehla ka Mosi a wu chela hehla ka dhota gin’we ni gin’wani ka lawa ya 70. Zvalezvi a moya wu nga nghena kabye, va no sangula ku mahisa ku khwatsi vaphrofeti*+ kanilezvi va no zvi maha siku galegiyani basi.
26 Ku wa ha sele a vavanuna vambiri lomu wugovelweni. A mavito yabye ku wa hi Eldhadhe na Medhadhe. A moya wu no nghena kabye kota lezvi va nga hi cikari ka lava a mavito yabye ma nga tsalilwe kanilezvi va wa nga se huma vaya tendeni. Hikwalaho, va no sangula ku mahisa ku khwatsi vaphrofeti lomu wugovelweni. 27 A jaha go kari gi no tsutsuma gi ya byela Mosi, giku: “Eldhadhe na Medhadhe vo mahisa ku khwatsi vaphrofeti lomu wugovelweni!” 28 Makunu Joxuwa,+ a n’wana wa Nuni, a muvhuneteli wa Mosi kusukela wusweni gakwe, i no hlamula, aku: “Mosi, hosi yanga, va betele!”+ 29 Kanilezvi Mosi i no mu hlamula, aku: “U lava ku lusa wena hi khati ga mina ke? Mayiwako loku a vanhu vontlhe va Jehovha va wa hi vaphrofeti ni loku Jehovha i wo chela a moya wakwe hehla kabye!” 30 Andzhako ka lezvo, Mosi i no tlhela wugovelweni zvin’we ni madhota ya ka Izrayeli.
31 Ku noba moya wa kuta hi ka Jehovha, wu sangula ku tisa tihwari hi le bimbini wu ta ti wisa ti randzela wugovelo;+ ka tlhelo gin’we, ti no fenengeta cipandze co ringana pfhuka wa siku niku ka tlhelo legi gin’wani konawu ti no fenengeta cipandze co ringana pfhuka wa siku, ti randzela a wugovelo gontlhe. Kusukela lahasi zviya hehla ti wa tlhatekelene cipimo ca mikono* yimbiri. 32 Hikwalaho, gontlhe siku lego, ni gontlhe a wusiku ga kona, ni gontlhe a siku legi gi nga landzela, a vanhu a va etlelangi hi ku rolela tihwari. I hava a nga rolela to kala ti nga tati a 10 wa tihomeri* niku va no simama ku anekela ti randzela wugovelo gontlhe. 33 Kanilezvi a nyama na ya ha hi lomu ka matino yabye, na yi nga se cakunyiwa, a zanga ya Jehovha yi no vhurela vanhu. Jehovha i noba vanhu hi ntungu wu dayako nguvhu.+
34 Hikwalaho, va no chula a wutshamu lego ku i Kibrot-Hatava,*+ hakuva ka wutshamu lego, va no lahla vanhu va kunavela ka makangwa.+ 35 A vanhu va no suka hi le Kibrot-Hatava vaya Hazerote. Va no tshama le Hazerote.+
12 Makunu Miriyamu na Aroni va no hleva Mosi hi kota ya wasati wa muKuxe loyi a nga chadhile naye, hakuva i wa tekile a sati wa muKuxe.+ 2 Va waku: “Kasi Jehovha i no wulawula hi ku tirisa Mosi yece ke? A nga wulawulangi hi ku tirisa hinawu ke?”+ Jehovha i wa kari a zvizwa.+ 3 Mosi i wa hi yena munhu wo rula a ku hundza vontlhe*+ laha misaveni.
4 Hi citshuketi, Jehovha i no wulawula na Mosi, na Aroni na Miriyamu, aku: “Humani hi wunharu ga n’wina muya tendeni ga mutlhangano.” Hikwalaho, va no huma hi wunharu gabye. 5 Jehovha i no relela hi lomu ka mhinga ya refu+ a ya yima laha nyangweni ya tenda, a vitana Aroni na Miriyamu. Hi wumbiri gabye va no tshinela. 6 Makunu i te ngalo: “Zwanani magezu ya mina, ndzo kombela. Loku ku wa hi ni muphrofeti wa Jehovha cikari ka n’wina, na ndzi ti tivekisile kakwe hi muwoniso,+ ndzi wulawula naye hi noro.+ 7 Kanilezvi a zvi mahisi lezvo ka nandza ga mina Mosi! Yena i nyikilwe ku wonelela a yindlu ya mina yontlhe.*+ 8 Ndzi wulawula naye nghohe ni nghohe,*+ laha kubaseni. A ndzi wulawuli naye hi mifihlakalo. Yena wa wona ciwumbeko ca Jehovha. Hikuyini mu nga kala ku chava ku hleva a nandza ga mina Mosi ke?”
9 Hikwalaho, a zanga ya Jehovha yi no vhura yi va vhukela, a gumesa a suka kabye. 10 A refu gi no suka laha tendeni. Miriyamu i no biwa hi hlokonho yo basa yo fana ni gapongo.+ Aroni i no hundzuluka a cuwuka Miriyamu, a se wona lezvaku i bilwe hi hlokonho.+ 11 Aroni i no tekela ku byela Mosi, aku: “Ndza ku khongotela, hosi yanga! U nga cheli kota hi ciwonho leci! Hi mahile wupumbu! 12 Ndza ku kombela lezvaku u nga mu tsiki a maha ku khwatsi munhu a nga pswaliwa na a file, loyi a khihlanya ga nyama yakwe yi gilweko!” 13 Mosi i no rila ka Jehovha hi gezu ga hombe, aku: “O Nungungulu, ndza ku khongotela, mu hanyise!”+
14 Jehovha i no hlamula Mosi, aku: “Loku a papayi wakwe i wo mu phelela lomu nghoheni, i wa nga tawa tingana hi 7 wa masiku ke? I wa tshame yece 7 wa masiku le handle ka wugovelo.+ Andzhako ka lezvo, i ta wuya lomu wugovelweni.” 15 Hikwalaho, Miriyamu i no tshama yece le handle ka wugovelo 7 wa masiku;+ a vanhu a va sukangi laho kala loku Miriyamu a wuyisilwe. 16 Makunu a vanhu va no suka le Hazerote+ vaya gova ciwuleni ca Parani.+
13 Makunu Jehovha i no wulawula na Mosi, aku: 2 “Ruma vavanuna va ya hlola a tiko ga Khanani, legi ndzi lavako ku nyika a vaIzrayeli. Mu ta ruma wanuna mun’we ka lixaka lin’we ni lin’wani la vapapayi vakwe, loyi a nga hosana+ cikari kabye.”+
3 Hikwalaho, Mosi i no va ruma va suka hi ciwuleni ca Parani,+ kota lezvi Jehovha a nga leletele. Vontlhe a vavanuna lava va wa hi tihosana ta vaIzrayeli. 4 A mavito yabye hi lawa: Ka lixaka la ka Rubheni hi Xamuwa, a n’wana wa Zakura; 5 ka lixaka la ka Simeyoni hi Xafate, a n’wana wa Hori; 6 ka lixaka la ka Judha hi Kalebhi,+ a n’wana wa Jefune; 7 ka lixaka la ka Isakari hi Igali, a n’wana wa Josefa; 8 ka lixaka la ka Efrayime hi Hoxeya,+ a n’wana wa Nuni; 9 ka lixaka la ka Bhenjamini hi Palti, a n’wana wa Rafu; 10 ka lixaka la ka Zebhuloni hi Gadhiyeli, a n’wana wa Sodhi; 11 ka lixaka la ka Josefa,+ hi ka lixaka la Manase,+ hi Gadhi, a n’wana wa Susi; 12 ka lixaka la ka Dhani hi Amiyeli, a n’wana wa Gemali; 13 ka lixaka la ka Axeri hi Setura, a n’wana wa Mikayeli; 14 ka lixaka la ka Naftali hi Nabhi, a n’wana wa Vhofsi; 15 ka lixaka la ka Gadhi hi Geweli, a n’wana wa Maki. 16 Lawa mavito ya vavanuna lava Mosi a nga va ruma kasi va ya piyara tiko. Mosi i no chula Hoxeya, a n’wana wa Nuni, aku hi Joxuwa.*+
17 A cikhati leci Mosi a nga va ruma a kuya va ya piyara tiko ga Khanani, i te ngalo kabye: “Kandzihani muya Negebhe, andzhako ka lezvo mu kandziha muya tikweni ga zvitsunga.+ 18 Hlolani kasi mu wona lezvaku i tiko ga matshamela muni+ ni lezvaku a vanhu lava va hanyako ka gona vanhu va ntamu kutani a va na ntamu ke, mu hlola ku va tsongwani kutani va tele; 19 hlolani kambe kasi mu wona ku a tiko gi nene kutani a hi gi nene, niku a madhoropa lawa va tshamako ka wona ma bhiyelwe kutani a ma bhiyelwangi. 20 Zamani ku pola lezvaku a misava ya kona yi nonile* kutani cisapa,*+ ni lezvaku ku na ni tisinya kutani a ti kona. Tiyani hlanha+ mu wuya ni mihandzu yo kari ya tiko.” Yi wa hi nguva ya kubuvha ka mauvha yo sangula.+
21 Hikwalaho, va no kandziha va ya piyara a tiko kusukela ciwuleni ca Zini+ kala Rehobha,+ kusuhani ni Lebho-Hamate.*+ 22 A cikhati leci va nga kandziha vaya Negebhe, va no chikela le Hebroni,+ lomu ku nga hanya Ahimani, na Xexayi, na Talmayi,+ a vaAnake.+ A dhoropa ga Hebroni gi rangile gi akiwa na ka ha kiyela 7 wa malembe kasi legi ga Zowane wa le Gibhite gi akiwa. 23 Laha va nga chikela le Nkoveni wa Exkole+ va no tsema a dhavi ga vhina* gi nga hi ni citata cin’we ca mauvha, leci zvi nga lava ku ci rwaliwa hi vavanuna vambiri hi pingu, a ku patsa ni maromã yo kari ni makuwu.+ 24 A wutshamu lego va no gi chula ku i Nkova wa Exkole,*+ hi kota ya citata leci a vaIzrayeli va nga ci tsema leyo.
25 Kumbheleni ka 40 wa masiku,+ va no wuya hi le ka ku piyara tiko. 26 Hikwalaho, va no wuya ka Mosi na Aroni ni ka yontlhe a hlengeletano ya ka Izrayeli ciwuleni ca Parani, le Kadhexe.+ Va no neha a mubiko ka yontlhe hlengeletano va tlhela va yi komba a mihandzu ya tiko. 27 Lezvi va nga hlawutela Mosi hi lezvi: “Hi nghenile tikweni legi u nga hi ruma kuya ka gona niku hakunene ga khulunga a masi ni wulombe;+ a mihandzu ya gona hi leyi.+ 28 Hambulezvo, a vanhu lava va hanyako ka tiko lego va na ni ntamu niku a madhoropa ma vhikelweko khwatsi ya hombe nguvhu. Hi wonile ni vaAnake seyo.+ 29 A vaAmaleki+ va hanya tikweni ga Negebhe+ niku a vaHiti, ni vaJebhusi+ ni vaAmori+ va hanya tikweni ga zvitsunga. A vaKhanani+ va hanya mbhirini ya bimbi+ ni kusuhani ni Jordhani.”
30 Makunu Kalebhi i no zama ku miyeta vanhu laha va nga yimile mahlweni ka Mosi, aku: “A hi kandziheni zvezvi; ha tiyiseka lezvaku hi ta gi teka, hakuva hakunene hi nga gi hlula.”+ 31 Kanilezvi a vavanuna lava va nga fambile zvin’we naye va te: “Hina a hi nge zvi koti a ku kandziha hi yalwa ni vanhu lavo, hakuva va na ni ntamu nguvhu a ku hundza hina.”+ 32 Va no simama a ku va nyika mubiko wo biha+ a vaIzrayeli xungetano hi tiko legi va nga gi piyarile, vaku: “A tiko legi hi nga fambafamba hi gi piyara i tiko gi khadamulako a vahanyi va gona niku vontlhe a vanhu lava hi va wonileko ka gona vanhu va ku leha nguvhu.+ 33 Hi wonile a vaNefelime seyo, a vana va Anake,+ va tako hi ka* vaNefelime; loku hi ti ringanisa navo, hi fana ni bhandzala kuwoneni ka hina ni kuwoneni kabye.”
14 Makunu a hlengeletano yontlhe yi no banguleka, ni vanhu va no simama kuba mikosi ni ku rila gontlhe wusiku lego.+ 2 Vontlhe a vaIzrayeli va no sangula ku ngurangurela Mosi na Aroni,+ niku a hlengeletano yontlhe yi no va vhukela, yiku: “Mayiwako loku hi wa no fela tikweni ga Gibhite kutani kwalomu ciwuleni leci! 3 Hikuyini Jehovha a hi tisileko lomu ka tiko legi kasi hi ta dawa hi cipadha?+ A vasati va hina ni vana va hina va ta tekiwa kota muphango.+ A hi chukwana ku hi tlhela Gibhite?”+ 4 Va zile va byelana, vaku: “A hi yimiseni murangeli hi tlhela Gibhite!”+
5 Zvalezvo, Mosi na Aroni va nowa lahasi hi tinghohe tabye mahlweni ka bandla gontlhe ga ka Izrayeli legi gi nga tsombene. 6 Joxuwa,+ a n’wana wa Nuni, na Kalebhi,+ a n’wana wa Jefune, lava va nga hi cikari ka lava va nga yile va ya piyara tiko, va no handzula tinguwo tabye, 7 va byela a hlengeletano yontlhe ya ka Izrayeli, vaku: “A tiko legi hi nga fambafamba ka gona hi gi hlola gi nene, i tiko ga ginene nguvhu.+ 8 Loku Jehovha a xalala hi hina, hakunene i ta hi nghenisa ka tiko legi, a gi nyikela ka hina, a tiko gi khulungako a masi ni wulombe.+ 9 Kanilezvi mu nga hluwukeli Jehovha ne mu nga chavi a vanhu va tiko,+ hakuva hi ta va khadamula.* Leci ci nga kari ci va vhikela ci susilwe kabye niku Jehovha i na hina.+ Mu nga va chavi.”
10 Hambulezvo, yontlhe a hlengeletano yi no wulawula hi ku va gandla hi maribye.+ Kanilezvi a kungangamela ka Jehovha ku no woneka hehla ka tenda ga mutlhangano ka vontlhe vanhu va ka Izrayeli.+
11 Makunu Jehovha i no byela Mosi, aku: “Kasi a vanhu lava va ta ndzi kanyisa kala rini ke?+ Kona va ta simama ku nga kholwi ka mina kala rini hambu lezvi ndzi mahileko a zvihlamaliso zvontlhe cikari kabye ke?+ 12 Ndzi tsike ndzi vaba hi ntungu ndzi va lovisa ndzi gumesa ndzi ku maha tiko ga hombe ni ga ntamu a ku hundza vona.”+
13 Kanilezvi Mosi i no byela Jehovha, aku: “A vaGibhite, lava u nga humesa a vanhu lava cikari kabye hi ntamu wa wena, va ta zvizwa,+ 14 va hlawutela a vanhu va tiko legi. A vanhu va tiko legi vonawu va zvi zwile lezvaku wena, Jehovha, u cikari ka vanhu lava+ ni lezvaku wa woneka kabye nghohe ni nghohe.+ Va zwile kambe lezvaku hi wena Jehovha ni lezvaku a refu ga wena gi tshama hehla kabye niku wena u famba mahlweni kabye lomu ka mhinga ya refu ni mumu, ni lomu ka mhinga ya ndzilo ni wusiku.+ 15 Loku wo daya a vanhu lava vontlhe hi khatigin’we,* a matiko lawa ma zwileko a nduma ya wena ma wa taku: 16 ‘Jehovha a nga zvi kotangi ku chiketa a vanhu lava tikweni legi a hlambanyileko ku va nyika, hikwalaho, i va dele le ciwuleni.’+ 17 Makunu, Jehovha, ndza ku kombela, kombisa a wukulu ga ntamu wa wena, kota lezvi u tsumbisileko a cikhati leci u ngaku: 18 ‘Jehovha wa nonoka ku zangara, i tele hi lirandzo li nga mbheliko,+ wa tsetselela cigoho ni cihambunyeto, kanilezvi a nga ta tsika ku tsayisa loyi a nga ni nandzu, hakuva i ta neha tsayiselelo wa cigoho ca vapapayi hehla ka vana vabye, kala ka cizukulwana ca wunharu ni kala ka cizukulwana ca wumune.’+ 19 Tsetselela a cigoho ca vanhu lava hi kota ya lirandzo la wena la hombe li nga mbheliko, a ku khwatsi hi lezvi u va tsetseleleko kusukela Gibhite kala lezvi.”+
20 Makunu Jehovha i te ngalo: “Ndza va tsetselela, hi kuya hi mhaka ya wena.+ 21 Kanilezvi a ku khwatsi hi lezvi ndzi hanyako, a misava yontlhe yi ta tala hi kungangamela ka Jehovha.+ 22 Hambulezvo, i hava ni mun’we cikari ka lava va wonileko a kungangamela ka mina, ni zvihlamaliso zva mina+ lezvi ndzi mahileko le Gibhite ni lomu ciwuleni, kanilezvi a simama ku ndzi ringa+ a 10 wa makhati a tlhela a nga ingisi gezu ga mina,+ 23 a to wona tiko legi ndzi hlambanyileko ka vapapayi vakwe. I hava ni mun’we wa lava va ndzi kanyisako a to gi wona.+ 24 Kanilezvi kota lezvi a nandza ga mina Kalebhi+ a ngava ni moya wo hambana, a simama ku ndzi landzela hi mbilu yontlhe, hakunene ndzi ta mu nghenisa tikweni legi a nga yile ka gona niku a pswalo wakwe wu ta gi teka kota tshomba ya wona.+ 25 Kota lezvi a vaAmaleki ni vaKhanani+ va hanyako le nkoveni, a mandziko jikani mu tlhela ciwuleni hi ndlela ya tlhelo ga Bimbi go Pswhuka.”+
26 Makunu Jehovha i no byela Mosi na Aroni, aku: 27 “Kala rini a hlengeletano leyi ya kubiha na ya ha simama ku ndzi ngurangurela ke?+ Ndzi ku zwile a kungurangura ka vaIzrayeli loku va ndzi ngurangurelako hi kona.+ 28 Va byele, uku: ‘“A ku khwatsi hi lezvi ndzi hanyako”, ku wula Jehovha, “ndzi ta mu mahela zvalezvi ndzi mu zwileko na mu wula!+ 29 A zvirumbi zva n’wina zvi tawa lomu ciwuleni leci,+ ina, n’wina n’wentlhe mu tsalelweko, kusukela ka 20 wa malembe kuya hehla, n’wentlhe n’wina lava mu ndzi ngurangureleko.+ 30 I hava cikari ka n’wina a to nghena ka tiko legi ndzi hlambanyileko* ku mu nyika mu tshama ka gona,+ ahandle ka Kalebhi, a n’wana wa Jefune, na Joxuwa, a n’wana wa Nuni.+
31 “‘“A vana va n’wina, lava mu ngaku va ta tekiwa kota muphango,+ hi vona ndzi to va nghenisa va tiva a tiko legi n’wina mu gi alileko.+ 32 Kanilezvi a zvirumbi zva n’wina zvi tawa lomu ciwuleni leci. 33 Makunu a vana va n’wina va tava varisi lomu ciwuleni a 40 wa malembe,+ va rwala a kungatsumbeki* ka n’wina kala loyi wo gumesa cikari ka n’wina afa lomu ciwuleni.+ 34 Kota lezvi mu mbhetileko a 40 wa masiku+ na mu piyara a tiko, mu ta rwala a minandzu ya n’wina a 40 wa malembe+ — a siku gin’we i lembe, a siku gin’we i lembe — kasi mu tiva ku zvi wula yini a ku ndzi vhukela.*
35 “‘“Mina, Jehovha, ndzi wulile. Lezvi hi lezvi ndzi to maha ka yontlhe a hlengeletano leyi ya kubiha, leyi yi tsombeneko yi ndzi vhukela: Va ta mbhela ciwuleni leci, vafa ka cona.+ 36 A vavanuna lava Mosi a va rumileko a ku ya piyara a tiko, lava va nga maha lezvaku a hlengeletano yontlhe yi mu ngurangurela a cikhati leci va nga wuya ni mubiko wo biha xungetano hi tiko,+ 37 ina, a vavanuna lava va nga wuya ni mubiko wo biha xungetano hi tiko va ta biwa vafa mahlweni ka Jehovha.+ 38 Kanilezvi Joxuwa, a n’wana wa Nuni, na Kalebhi, a n’wana wa Jefune, lava va nga hi cikari ka lava va nga yile va ya piyara a tiko, va ta simama va hanya.”’”+
39 A cikhati leci Mosi a nga wula magezu lawo ka vaIzrayeli vontlhe, a vanhu va no sangula ku rila nguvhu. 40 Ahandle ka lezvo, va no vindzuka ni mixo va zama ku kandziha vaya madembeleni ya citsunga, vaku: “Hi longile a ku kandziha hiya ka wutshamu legi Jehovha a gi wulileko, hakuva hi wonhile.”+ 41 Kanilezvi Mosi i te ngalo: “Hikuyini mu hambunyetako a cileletelo ca Jehovha? Mu nga ta humelela. 42 Mu nga kandzihi hakuva Jehovha a nga na n’wina; mu ta hluliwa hi valala va n’wina.+ 43 A vaAmaleki ni vaKhanani va mu rindzele kasi kulwa na n’wina.+ Mu ta dawa hi cipadha. Kota lezvi mu tsikileko ku landzela Jehovha, Jehovha a nga tava na n’wina.”+
44 Hambulezvo, va no maha kani, va kandziha le hehla ka citsunga,+ kanilezvi ne a arke* ga civhumelwano ca Jehovha ne Mosi a va sukangi laha cikari ka wugovelo.+ 45 Makunu a vaAmaleki ni vaKhanani, lava va nga hanya citsungeni leco, va no relela va ta va hlasela va va hangalasa kala le Horma.+
15 Jehovha i no engeta a byela Mosi, aku: 2 “Byela a vaIzrayeli, uku: ‘Laha hi kugumesa mu to nghena tikweni legi ndzi mu nyikako kasi mu tshama ka gona,+ 3 mu nyikela ka Jehovha a munyikelo wu hisiwako hi ndzilo, hi homu, kutani yivhu, kutani mbuti — kani munyikelo wa kuhiswa,+ kutani muphahlo wa ku maha cifungo co hlawuleka, kutani munyikelo wa kuzvirandza,+ kutani munyikelo wu mahiwako ka mibuzo ya n’wina ya zvikhati zvi yimisilweko+ kasi zviva masema yo nuhela ma tsakisako Jehovha+ — 4 loyi a nyikelako a munyikelo wakwe i fanele ku nyikela ka Jehovha ni munyikelo wa tindzhoho wa mapa ma sililweko khwatsi,+ ya cipandze ca wukhume ca efa,* ma patsilweko ni cipandze ca wumune ca hini* ya mafura. 5 U fanele ku nyikela a cipandze ca wumune ca hini ya vhinyo kota munyikelo wa zvakunwa zvin’we ni munyikelo wa kuhiswa+ kutani ni muphahlo wa yivhana yin’we ni yin’wani ya matsune. 6 Loku yi hi yivhu ya matsune, u ta nyikela a munyikelo wa tindzhoho wa zvipandze zvimbiri zva efa zva mapa ma sililweko khwatsi, ma patsilweko ni cipandze ca wunharu ca hini ya mafura. 7 U ta nyikela a cipandze ca wunharu ca hini ya vhinyo kota munyikelo wa zvakunwa, wuva masema yo nuhela ma tsakisako Jehovha.
8 “‘Kanilezvi loku u nyikela ka Jehovha a cidhunana ca homu kota munyikelo wa kuhiswa+ kutani kota muphahlo wa ku maha a cifungo co hlawuleka,+ kutani kota muphahlo wa kuhlengela,+ 9 u ta nyikela a cidhunana leco ca homu zvin’we ni munyikelo wa tindzhoho+ wa zvipandze zvinharu zva efa zva mapa ma sililweko khwatsi ma vhuvilweko ni khihlanya ga hini ya mafura. 10 U ta nyikela kambe ni khihlanya ga hini ya vhinyo, kota munyikelo wa zvakunwa,+ wuva munyikelo wu hisiwako hi ndzilo, kota masema yo nuhela ma tsakisako Jehovha. 11 Lezvi hi lezvi zvi faneleko ku mahiwa hi dhuna gin’we ni gin’wani, kutani hi yivhu yin’we ni yin’wani ya matsune, kutani hi yivhana yin’we ni yin’wani ya matsune, kutani hi mhongo yin’we ni yin’wani. 12 Kani zvingani u nyikelako, a cin’we ni cin’we ci fanele ku mahiswa lezvo, hi kuya hi ntsengo wa zvona. 13 A vaIzrayeli vontlhe va mabeleko va fanele ku wu mahisa lezvo a munyikelo wu hisiwako hi ndzilo, kota masema yo nuhela ma tsakisako Jehovha.
14 “‘Loku a muluveli loyi a hanyako na n’wina kutani munhu loyi a nga cikari ka n’wina hi cikhati co leha a nyikela a munyikelo wu hisiwako hi ndzilo, kota masema yo nuhela ma tsakisako Jehovha, i fanele ku zvi mahisa zvalezvi n’winawu mu mahisako zvona.+ 15 Ku tava ni cileletelo cin’we ka n’wina mu lumbako bandla ni ka muluveli loyi a hanyako na n’wina. Ci tava cileletelo ca kala kupindzuka zvizukulwaneni zva n’wina zvontlhe. A muluveli i fanele ku fana na n’wina mahlweni ka Jehovha.+ 16 Ku tava ni nayo mun’we ni cileletelo cin’we ca kulamula, a ka n’wina ni ka muluveli loyi a hanyako na n’wina.’”
17 Jehovha i no engeta a byela Mosi, aku: 18 “Byela a vaIzrayeli, uku: ‘Loku mu nghena tikweni legi ndzi mu yisako ka gona, 19 muga zvakuga* zva tiko lego,+ mu ta nyikela munyikelo ka Jehovha. 20 Mu ta nyikela a munyikelo wa mihandzu ya n’wina yo sangula+ ya tindzhoho hi tipawa to khwatsi tiphera. Mu ta wu nyikelisa lezvi mu nyikelisako zvona a munyikelo wa wutshamu go hulela kona timbewu. 21 Ka mihandzu ya n’wina yo sangula, pambulani yo kari mu nyikela ka Jehovha kota munyikelo wa tindzhoho zvizukulwaneni zva n’wina zvontlhe.
22 “‘Loku mu phazama mu nga ingisi zvontlhe a zvileletelo lezvi Jehovha a byelileko Mosi 23 — zvontlhe lezvi Jehovha a mu leleteleko hi nomu wa Mosi, kusukela ka siku legi Jehovha a leleteleko hi gona zviya mahlweni, zvizukulwaneni zva n’wina — 24 ni loku zvi mahilwe hi kuphazama a hlengeletano na yi nga zvi tivi, a hlengeletano yontlhe yi ta nyikela a cidhunana ca homu kota munyikelo wa kuhiswa wuva masema yo nuhela ma tsakisako Jehovha, zvin’we ni munyikelo wa kona wa tindzhoho, ni munyikelo wa kona wa zvakunwa, hi kuya hi mamahela ya kona yo toloveleka,+ ni cimbutana cin’we, kota munyikelo wa ciwonho.+ 25 A mupristi i ta yi mahela muphahlo wa ku kombela ku tsetselelwa zviwonho a hlengeletano yontlhe ya ka Izrayeli; vona va ta tsetselelwa+ hakuva va no phazama niku va nehile a munyikelo wabye, a munyikelo wu hisiwako hi ndzilo wu mahelwako Jehovha ni munyikelo wabye wa ciwonho mahlweni ka Jehovha, hi kota ya kuphazama kabye. 26 A hlengeletano yontlhe ya vaIzrayeli ni muluveli loyi a hanyako cikari kabye va ta tsetselelwa, hakuva a vanhu va no phazama.
27 “‘Loku a munhu* a wonha hi kuphazama, i ta nyikela mbuti ya kati ya lembe gin’we, kota munyikelo wa ciwonho.+ 28 A mupristi i ta mu mahela muphahlo wa ku kombela ku tsetselelwa zviwonho a munhu* loye a phazamileko a maha ciwonho mahlweni ka Jehovha. I ta maha muphahlo wa ku kombela ku tsetselelwa a ciwonho leco, niku a munhu loye i ta tsetselelwa.+ 29 Ka muIzrayeli wa mabeleko ni ka muluveli loyi a hanyako cikari kabye, ku fanele kuva ni nayo wun’we ka n’wina loku a munhu a maha nchumu hi kuphazama.+
30 “‘Kanilezvi a munhu* loyi a wonhako ha womu,+ kani muIzrayeli wa mabeleko kutani muluveli, i rukatela Jehovha. I fanele ku tsemiwa* cikari ka vanhu vakwe. 31 Kota lezvi a kanyisileko a mhaka ya Jehovha a tlhela a tshova cileletelo cakwe, a munhu* loye i fanele ku tsemiwa* futsi.+ I ta rwala a cigoho cakwe.’”+
32 A cikhati leci a vaIzrayeli va nga hi ciwuleni, va no kuma munhu na a lava tihunyi hi siku ga sabhadho.+ 33 Lava va nga mu kuma na a lava tihunyi va no mu teka va famba naye ka Mosi na Aroni ni ka hlengeletano yontlhe. 34 Va no mu vhalela,+ hakuva zvi wa nga se bohiwa ku va ta mu maha yini.
35 Jehovha i no byela Mosi, aku: “A munhu loye i fanele ku dawa;+ a hlengeletano yontlhe yi wa mu gandle hi maribye le handle ka wugovelo.”+ 36 Hikwalaho, a hlengeletano yontlhe yi no mu humesa le handle ka wugovelo yi ya mu gandla hi maribye kala afa, kota lezvi Jehovha a nga leletele Mosi.
37 Jehovha i no engeta a byela Mosi, aku: 38 “Byela a vaIzrayeli lezvaku va fanele ku maha machakafula le magumo ka tinguwo tabye zvizukulwaneni zvabye zvontlhe. Va wa vekele lihindza la azuli hi le hehla ka machakafula ya tinguwo leto.+ 39 ‘Mu fanele kuva ni machakafula lawa le magumo ka tinguwo ta n’wina kasi loku mu ma wona, mu alakanya zvontlhe a zvileletelo zva Jehovha, mu zvi hlayisa.+ Mu nga landzeli a timbilu ta n’wina ni mahlo ya n’wina, lezvi zvi mu kokelako wubhayini ga moya.+ 40 Lezvo zvi ta mu vhuna ku alakanya zvontlhe zvileletelo zva mina mu zvi hlayisa kasi muva vo basa ka Nungungulu wa n’wina.+ 41 Hi mina Jehovha, a Nungungulu wa n’wina, loyi a mu humesileko tikweni ga Gibhite, ndzi fela kuva Nungungulu wa n’wina.+ Hi mina Jehovha, a Nungungulu wa n’wina.’”+
16 Makunu Kora,+ a n’wana wa Izhare,+ a n’wana wa Kohate,+ a n’wana wa Levhi,+ i no ti patsa na Dhatani na Abhiramu, a vana va Eliyabhe,+ na Oni, a n’wana wa Peleti, lava hi wunharu gabye va nga vana va Rubheni.+ 2 Va no vhukela Mosi na va hi zvin’we ni 250 wa vavanuna va ka Izrayeli va nga hi tihosana ta hlengeletano, a vavanuna va hlawulilweko va bandla tlhelo vavanuna va nga hi ni zvikhundla. 3 Va no bohana va vhukela+ Mosi na Aroni, vaku kabye: “Hi karele hi n’wina! A hlengeletano yontlhe yi basile,+ vontlhe va basile niku Jehovha i cikari kabye.+ Makunu hikuyini mu ti tlakusako hehla ka bandla ga Jehovha?”
4 Laha Mosi a ngazwa lezvo, i no tekela kuwa lahasi hi nghohe. 5 I no byela Kora ni vontlhe a vaseketeli vakwe, aku: “Ni mixo, Jehovha i ta komba loyi a nga wakwe,+ ni loyi a basileko, ni loyi a faneleko ku tshinela kakwe.+ Loyi a to mu hlawula,+ i ta tshinela kakwe. 6 Mahani lezvi: Wena Kora ni vontlhe a vaseketeli va wena,+ tekani zvibya zva ku woka hi zvona ndzilo+ 7 mu chela ndzilo ni libani ka zvona mahlweni ka Jehovha mandziko; a wanuna loyi Jehovha a to mu hlawula,+ hi yena a basileko. N’wina vana va Levhi+ mu hundzeletile!”
8 Mosi i no byela Kora, aku: “N’wina vana va Levhi, ndzi kombela ku mu ingisela. 9 Mu zvi wona na zvi hi zvi tsongwani lezvi a Nungungulu wa Izrayeli a mu hambanisileko cikari ka hlengeletano ya ka Izrayeli+ a mu vhumelela a kuva mu tira a ntiro wa tabhernakeli ga Jehovha ni ku yima mahlweni ka hlengeletano mu yi tirela+ 10 ni lezvi a mu tisileko kusuhani kakwe zvin’we ni vamakabye va n’wina, a vana va Levhi ke? Mu lava ku wutla ni wupristi?+ 11 Hi cigelo leco, wena ni vontlhe a vaseketeli va wena, lava u boheneko zvin’we navo, mo vhukela Jehovha. Aroni ova yini a kuza mu mu ngurangurela?”+
12 Andzhako ka lezvo, Mosi i no vitanisa Dhatani na Abhiramu,+ a vana va Eliyabhe, kanilezvi va te ngalo: “Hi nga tata! 13 U zvi wona na zvi hi zvi tsongwani lezvi u hi humesileko ka tiko gi khulungako a masi ni wulombe kasi u ta hi dayisa lomu ciwuleni ke?+ Zvezvi u lava ku tlhela u ti maha hosi ya hombe hehla ka hina* ke? 14 Phela a wu hi nghenisangi ka tiko gi khulungako a masi ni wulombe+ kutani ku hi nyika tshomba ya masimu ni zvivhina.* U lava ku va vhala* matihlo a vavanuna lava ke? Hina hi nga tata!”
15 Hikwalaho, Mosi i no zangara nguvhu a byela Jehovha, aku: “U nga cuwuki a munyikelo wabye wa tindzhoho. Mina a ndzi wutlangi ne mbongola yin’we yabye niku a ndzi gohelangi ne mun’we wabye.”+
16 Mosi i no byela Kora, aku: “Wena ni vontlhe a vaseketeli va wena ti wonekeliseni mahlweni ka Jehovha a mandziko — wena, na vona, na Aroni. 17 A mun’we ni mun’wani i fanele ku teka cibya cakwe ca ku woka hi cona ndzilo a chela libani ka cona. A mun’we ni mun’wani i ta neha a cibya cakwe ca ku woka hi cona ndzilo mahlweni ka Jehovha — zvi tava 250 wa zvibya zva ku woka hi zvona ndzilo — wenawu zvin’we na Aroni, a mun’we ni mun’wani na a hi ni cibya cakwe ca ku woka hi cona ndzilo.” 18 Hikwalaho, a mun’we ni mun’wani wabye i no teka a cibya cakwe ca ku woka hi cona ndzilo a chela ndzilo ni libani ka cona a ya yima laha nyangweni ya tenda ga mutlhangano zvin’we na Mosi na Aroni. 19 A cikhati leci Kora a nga tsombanisa a vaseketeli vakwe+ va va vhukela laha nyangweni ya tenda ga mutlhangano, a kungangamela ka Jehovha ku no woneka ka hlengeletano yontlhe.+
20 Makunu Jehovha i no byela Mosi na Aroni, aku: 21 “Ti hambaniseni ni ntlawa lowu, ndzi fela ku va lovisa khatigin’we.”+ 22 Zvalezvo va nowa lahasi hi tinghohe tabye, vaku: “O Nungungulu, wena Nungungulu wa mimoya ya vanhu vontlhe,*+ u ta zangarela a hlengeletano yontlhe hi kota ya ciwonho ca munhu mun’we ke?”+
23 Jehovha i no byela Mosi, aku: 24 “Byela a hlengeletano, uku: ‘Ti tsawukaniseni ni tenda ga Kora, ni ga Dhatani, ni ga Abhiramu!’”+
25 Makunu Mosi i no suka aya ka Dhatani na Abhiramu, niku a madhota+ ya ka Izrayeli ma no famba zvin’we naye. 26 I no byela a hlengeletano, aku: “Ti tsawukaniseni ni matenda ya vavanuna lava vo biha. Mu nga henyi ne nchumu wun’we wabye kasi mu nga lovisiwi hi kota ya ciwonho cabye.” 27 Va no tekela ku suka matlhelweni wontlhe ya matenda ya Kora, na Dhatani, na Abhiramu. Dhatani na Abhiramu va no huma va yima tinyangweni ta matenda yabye na va hi zvin’we ni vasati vabye, ni vafana vabye ni vanana vabye.
28 Mosi aku ngalo: “Hi ka lezvi, mu ta zvi tiva lezvaku hi Jehovha a nga ndzi ruma ku maha a zvilo lezvi zvontlhe, ni lezvaku a zvilo lezvi a zvi humi hi mbilwini ya mina:* 29 Loku a vanhu lava va fisa lezvi a vanhu vontlhe va fisako zvona, ni loku a tsayiselelo wabye wu fana ni wa vanhu vontlhe, a hi Jehovha a ndzi rumileko.+ 30 Kanilezvi loku Jehovha a maha nchumu wo hlamalisa kabye, a misava yi ahlama nomu wa yona yi va mita zvin’we ni zvilo zvabye zvontlhe, va relela Cilahleni* na va ha hanya, mu ta zvi tiva lezvaku hakunene a vanhu lava va kanyisile Jehovha.”
31 Zvalezvi a nga mbheta ku wula magezu lawo, a misava leyi yi nga hi lahasi kabye yi no avanyeka.+ 32 A misava yi no ahlama nomu wa yona yi va mita, zvin’we ni mingango yabye, ni vontlhe lava va nga lumba Kora,+ ni tontlhe titshomba tabye. 33 Hikwalaho, vona ni vontlhe lava va nga hi vabye va no relela Cilahleni* na va ha hanya, a misava yi va fenengeta. Hikwalaho, va no lova cikari ka bandla.+ 34 A cikhati leci va ngaba huwa, a vaIzrayeli lava va nga va randzele va no suka va tsutsuma, hakuva va waku: “Ha chava ku a misava yi nga hi mitawu!” 35 Hi kulandzela, ku nota ndzilo hi ka Jehovha+ wu ta hisa a vavanuna lava va 250 va nga kari va hisa a libani.+
36 Jehovha i no byela Mosi, aku: 37 “Byela Eleyazari, a n’wana wa mupristi Aroni, lezvaku a susa zvibya zva ku woka hi zvona ndzilo+ laha ndzilweni, hakuva zvi basile. Mu byele kambe lezvaku a hangalasa ndzilo wuya kule. 38 A zvibya zva ku woka hi zvona ndzilo zva vavanuna lava va wonhileko va hakhela hi wutomi gabye* zvi fanele ku bethiwa zvi maha zvixapana kasi zvi nameketiwa laha alatini,+ hakuva va zvi nehile mahlweni ka Jehovha, zviva lezvi zvi basileko. Zvi tava citlharihiso ka vaIzrayeli.”+ 39 Hikwalaho, mupristi Eleyazari i no teka a zvibya zva ku woka hi zvona ndzilo zva kobre, lezvi zvi nga nyikelwe hi lava va hisilweko, a zvi betha zvi maha zvixapana kasi zvi nameketiwa laha alatini, 40 kota lezvi Jehovha a nga mu byelile hi nomu wa Mosi. Leco cive cialakanyiso ka vaIzrayeli ca lezvaku a ku na munhu a nga vhumelelwiko,* loyi a nga hiko wa pswalo wa Aroni, a to tshinela a hisa libani mahlweni ka Jehovha+ ni lezvaku ku ngavi na munhu a ti fananisako na Kora ni vaseketeli vakwe.+
41 Ka siku gi nga landzela, a hlengeletano yontlhe ya ka Izrayeli yi no sangula ku ngurangurela Mosi na Aroni,+ yiku: “Hi n’wina va vambiri mu nga daya a vanhu va Jehovha.” 42 A cikhati leci a hlengeletano yontlhe yi nga bohana yi vhukela Mosi na Aroni, va no hundzuluka va cuwuka a tenda ga mutlhangano. Va no wona refu na gi fenengetile tenda, a kungangamela ka Jehovha ku sangula ku woneka.+
43 Mosi na Aroni va noya mahlweni ka tenda ga mutlhangano,+ 44 Jehovha aku ka Mosi: 45 “N’wina humani cikari ka hlengeletano leyi kasi ndzi tekela ku yi lovisa khatigin’we.”+ Zvalezvo va nowa lahasi hi tinghohe tabye.+ 46 Mosi i no byela Aroni, aku: “Teka a cibya ca ku woka hi cona ndzilo u woka ndzilo wa laha alatini+ u chela libani ka wona u hatlisa uya hlengeletanweni u ya yi mahela a muphahlo wa ku kombela ku tsetselelwa zviwonho,+ hakuva Jehovha i zangarile. A khombo gi sangulile!” 47 Aroni i no teka a cibya ca ku woka hi cona ndzilo, a tsutsuma aya cikari ka bandla, kota lezvi Mosi a nga wulile. Kanilezvi a khombo gi wa sangulile cikari ka vanhu. Hikwalaho, i no chela libani lomu ka cibya ca ku woka hi cona ndzilo, a sangula ku mahela vanhu a muphahlo wa ku kombela ku tsetselelwa zviwonho. 48 I no yima cikari ka lava va fileko ni lava va hanyako. Hi kugumesa, a ntungu wu no nyima. 49 Lava va fileko hi kota ntungu vave 14 700, a ku tsika lava va ngafa hi kota ya Kora. 50 Laha hi kugumesa Aroni a nga tlhela ka Mosi tendeni ga mutlhangano, a ntungu wu wa nyimile.
17 Makunu Jehovha i no byela Mosi, aku: 2 “Byela a vaIzrayeli lezvaku va neha a nhonga hi ka yindlu yin’we ni yin’wani ya vapapayi, ya hosana ya yindlu yin’we ni yin’wani ya vapapayi,+ 12 wa tinhonga a ku patsa tontlhe. Tsala a vito ga mun’we ni mun’wani laha ka nhonga yakwe. 3 U ta tsala vito ga Aroni laha ka nhonga ya Levhi, hakuva i nhonga yin’we yi nga kona ka hosana ya yindlu yin’we ni yin’wani ya vapapayi. 4 Veka tinhonga leto lomu tendeni ga mutlhangano mahlweni ka Kustumunyu,+ laha ndzi tolovelako ku ti wonekelisa kona ka n’wina.+ 5 A nhonga ya wanuna loyi ndzi to mu hlawula+ yi ta pfepfa niku ndzi ta miyeta a kungurangura ka vaIzrayeli lava va ndzi ngurangurelako+ va tlhela va ngurangurela n’winawu.”+
6 Hikwalaho, Mosi i no va byela timhaka leto a vaIzrayeli, niku tontlhe a tihosana tabye ti no mu nyika tinhonga — nhonga yin’we hi hosana ya yindlu ya vapapayi, 12 wa tinhonga — ni nhonga ya Aroni yi wa hi cikari ka tona. 7 Mosi i no teka a tinhonga leto a ti veka lomu tendeni ga Wukustumunyu mahlweni ka Jehovha.
8 Hi siku gi nga landzela, laha Mosi a nga nghena lomu tendeni ga Wukustumunyu, a nhonga ya Aroni, leyi yi nga yimela a yindlu ya Levhi, yi wa pfepfile, yi humesa matshundzwa ya zvitsangi ni zvitsangi zvi balekileko ni timendwa to buvha. 9 Makunu Mosi i no teka a tinhonga tontlhe mahlweni ka Jehovha a ti neha ka vanhu vontlhe va ka Izrayeli. Va no ti cuwuka, a mun’we ni mun’we a teka a nhonga yakwe.
10 Makunu Jehovha i no byela Mosi, aku: “Tlhelisa a nhonga ya Aroni+ mahlweni ka Kustumunyu, kota nchumu wu faneleko ku vekiwa wuva cikombiso+ ka vana va kuhluwuka,+ kasi va nyima ku ndzi ngurangurela ni lezvaku va ngafi.” 11 Mosi i no tekela ku maha zvalezvi Jehovha a nga mu leletele. I no zvi mahisa zvalezvo.
12 A vaIzrayeli va te ngalo ka Mosi: “Makunu hi tafa; hakunene hi ta lova; hontlheni hi ta lova! 13 Ni wihi loyi a to tshinela ntsena kusuhani ni tabhernakeli ga Jehovha i tafa!+ Kasi hontlheni hi ta mbhela hi ku fisa zvezvi ke?”+
18 Jehovha i no byela Aroni, aku: “Wena, ni vana va wena, ni yindlu ya vapapayi va wena, mu ta rwala nandzu wa ni cihi cigoho ci to mahelwa wutshamu go basa+ niku wena ni vana va wena hi n’wina mu to rwala nandzu wa ni cihi cigoho ci to mahelwa wupristi ga n’wina.+ 2 Ahandle ka lezvo, vitana a vamakabye va wena va lixaka la ka Levhi, a lixaka la vakokwani va wena, kasi va ta ti patsa na wena va ku tirela,+ wena ni vana va wena, mahlweni ka tenda ga Wukustumunyu.+ 3 Va ta maha mitiro leyi u to va avela va tlhela va maha a mitiro yontlhe ya lomu tendeni.+ Hambulezvo, va nga tshineli ka zvibya zva wutshamu go basa ni alati, kasi vona ne hambu n’wina mu ngafi.+ 4 Va ta patsana na wena va maha mitiro ya tenda ga mutlhangano ni ntiro wontlhe wa tenda, ni lezvaku ku ngavi na munhu a nga vhumelelwiko* a tshinelako ka n’wina.+ 5 Mu ta maha a mitiro ya n’wina ya wutshamu go basa+ ni ya alati+ kasi a vaIzrayeli va nga ha zangarelwi kambe.+ 6 Ndzi tekile a vamakabye va n’wina, va nga vaLevhi, cikari ka vaIzrayeli kota cinyikiwo ka n’wina.+ Va nyikelwe ka Jehovha kasi va maha a ntiro wa tenda ga mutlhangano.+ 7 Wena ni vana va wena mu ta maha a mitiro ya wupristi yi yelanako ni alati ni lezvi zvi nga ndzeni ka kortina;+ mu fanele ku maha ntiro lowo.+ Ndzi mu nyikile a ntiro wa wupristi kota cinyikiwo. Ni wihi munhu a nga vhumelelwiko* a to tshinela i fanele ku dawa.”+
8 Jehovha i no engeta a wulawula na Aroni, aku: “Ndzi ku yimisile kasi u wonelela a minyikelo leyi yi nyikelwako ka mina.+ Wena ni vana va wena ndzi mu nyikile a cipandze ca zvontlhe a zvilo zvo basa lezvi zvi nyikelwako hi vaIzrayeli kota ciavelo ca kala kupindzuka.+ 9 Ka minyikelo yo basabasa, leyi yi hisiwako hi ndzilo, a zva wena hi lezvi: Yontlhe a minyikelo leyi va nyikelako, a ku patsa ni minyikelo yabye ya tindzhoho,+ ni minyikelo yabye ya ciwonho,+ ni minyikelo yabye ya nandzu+ leyi va ndzi tiselako. I nchumu wo basabasa ka wena ni ka vana va wena. 10 U fanele ku zvi gela wutshan’wini go basabasa.+ Zvi ta giwa hi vavanuna vontlhe. Zvi tava zvilo zvi basileko ka wena.+ 11 Lezvi zvonawu zva wena: A zvinyikiwo lezvi va nyikelako+ zvin’we ni yontlhe a minyikelo ya kundziwilitelwa+ ya vaIzrayeli. Ndzi nyikile wena, ni vafana va wena, ni vanhanyana va wena, kota ciavelo ca kala kupindzuka.+ Ni wihi wa yindlu ya wena, loyi a basileko, a ngaga.+
12 “Ndza ku nyika a mihandzu yabye yo sangula+ leyi va nyikelako ka Jehovha: A mafura lawa ya manene ya kona, ni vhinyo yiswa leyi ya yinene ya kona, ni tindzhoho.+ 13 A mihandzu yo sangula yo buvha ya zvontlhe zva tiko gabye, leyi va to neha ka Jehovha, yi tava ya wena.+ Ni wihi wa yindlu ya wena, loyi a basileko, a ngaga.
14 “Zvontlhe a zvilo zvi nyikelwako* lomu Izrayeli zvi tava zva wena.+
15 “A matewula wontlhe ya zvontlhe zvi hanyako,*+ lawa va to nyikela ka Jehovha, kani ya munhu kutani ya cihari, ma tava ya wena. Hambulezvo, u fanele ku tlhatlhisa a matewula ya munhu,+ ni matewula ya zvihari zvi nga hlazvekangiko wonawu u fanele ku ma tlhatlhisa.+ 16 U ta ma tlhatlhisa hi ntsengo wa kutlhatlhisa loku ma hi ka tanga ya hweti yin’we kuya hehla, hi ntsengo wu gemilweko wa ntlhanu wa maxekeli* ya prata,+ hi kuya hi xekeli ga wutshamu go basa.* A xekeli gin’we i 20 wa magera.* 17 Ntsena a matewula ya dhuna ga homu, kutani ya yivhana ya matsune, kutani ya mbuti hi wona woce u nga faneliko ku ma tlhatlhisa.+ Zvilo zvi basileko. U ta n’watsekela a nkhata wa zvona laha alatini,+ u gumesa u hisa a mafura ya zvona ma tuvika musi kota munyikelo wu hisiwako hi ndzilo wa masema yo nuhela ma tsakisako Jehovha.+ 18 A nyama ya zvona yi tava ya wena. Yi tava ya wena a ku fana ni lezvi a cifuva ca munyikelo wa kundziwilitelwa ni nenge wa cinene zvi nga zva wena.+ 19 A minyikelo yontlhe yo basa leyi a vaIzrayeli va to nyikela ka Jehovha+ ndzi nyikile wena, ni vafana va wena, ni vanhanyana va wena, kota ciavelo ca kala kupindzuka.+ Civhumelwano ca munyu* ca kala kupindzuka leci Jehovha a ci mahako na wena ni pswalo wa wena.”
20 Jehovha i no engeta a byela Aroni, aku: “U nga tava ni tshomba tikweni gabye, ne a ku na cipandze ca misava cikari kabye ci tova ca wena.+ Hi mina ciavelo ca wena ni tshomba ya wena cikari ka vaIzrayeli.+
21 “Wona lezvaku a vana va Levhi ndzi va nyikile a cipandze contlhe ca wukhume+ ca Izrayeli kota tshomba hi kota ya ntiro lowu va wu mahako, a ntiro wa tenda ga mutlhangano. 22 A vanhu va ka Izrayeli va nga ha tshineleli a tenda ga mutlhangano, hakuva va ngava ni ciwonho vafa. 23 A vaLevhi va ta maha a ntiro wa tenda ga mutlhangano niku hi vona va to rwala nandzu wa cigoho cabye.+ Leci cileletelo ca kala kupindzuka zvizukulwaneni zva n’wina zvontlhe ca lezvaku a va faneli ku amukela tshomba cikari ka vaIzrayeli.+ 24 Hakuva a vaLevhi ndzi va nyikile a cipandze ca wukhume leci ci nyikelwako ka Jehovha hi vaIzrayeli ci maha tshomba yabye. Hi caleco ci ndzi mahileko ndzi va byela lezvi: ‘A va faneli ku kuma tshomba cikari ka vaIzrayeli.’”+
25 Makunu Jehovha i no byela Mosi, aku: 26 “Byela a vaLevhi, uku: ‘Mu ta amukela a cipandze ca wukhume hi ka vaIzrayeli, leci ndzi mu nyikileko kota tshomba.+ Ka cipandze leco ca wukhume, susani a cipandze ca cona ca wukhume mu nyikela ka Jehovha kota munyikelo.+ 27 A cipandze leco ci ta woniwa kota munyikelo wa n’wina, a ku khwatsi hi loku ti hi tindzhoho ta wutshamu go hulela kona timbewu+ kutani pfuno wa cigowolo ca vhinyo kutani wa cigowolo ca mafura. 28 Hi ndlela leyo, n’winawu mu ta nyikela a munyikelo ka Jehovha hi zvontlhe a zvipandze zva wukhume lezvi mu zvi amukelako hi ka vaIzrayeli. Ka zvipandze lezvo zva wukhume, nyikani mupristi Aroni a munyikelo wa Jehovha. 29 Mu ta nyikela a minyikelo ya tixaka tontlhe ka Jehovha, kota zvilo zvi basileko, na mu yi pambula ka lezvi zva wuchukwana ka zvontlhe zvinyikiwo mu nyikiwako.’+
30 “Va byele, uku: ‘Loku mu nyikela zva wuchukwana zva zvona, lezvi zvi to sala a vaLevhi va ta zvi wona kota pfuno wa wutshamu go hulela kona timbewu ni pfuno wa cigowolo ca vhinyo kutani wa cigowolo ca mafura. 31 N’wina ni mingango ya n’wina mu nga zvi gela ni ka gihi wutshamu, hakuva i nchachazelo wa n’wina wa ntiro lowu mu wu mahako laha tendeni ga mutlhangano.+ 32 Loku contlhe cikhati mu maha munyikelo hi lezvi zva wuchukwana zva zvona mu nga tava ni ciwonho mhakeni leyi. Mu nga nyenyezisi a zvilo zvo basa zva vaIzrayeli, mu ngafa.’”+
19 Jehovha i no engeta a wulawula na Mosi na Aroni, aku: 2 “A cileletelo ca nayo lowu Jehovha a leleteleko hi leci: ‘Byela a vaIzrayeli lezvaku va fanele ku neha a homu ya kati yo pswhuka, ya yinene, yi nga hiko na cisolo,+ ya ku a yi se tlhatekiwa kanga. 3 Mu ta yi nyikela ka mupristi Eleyazari a famba nayo le handle ka wugovelo yi ya dawa mahlweni kakwe. 4 Makunu mupristi Eleyazari i ta peta litiho lakwe lomu ka nkhata wa kona a n’watsekela 7 wa makhati phambeni ka tenda ga mutlhangano.+ 5 Andzhako ka lezvo, a homu leyo ya kati yi ta hisiwa mahlweni kakwe. A bhebhe ga kona, ni nyama ya kona, ni nkhata wa kona zvin’we ni swanyi wa kona zvi ta hisiwa.+ 6 A mupristi i ta teka a dhavi ga sedhare, ni hisope,*+ ni lihindza lo pswhuka a zvi chela laha ndzilweni laha a homu leyo ya kati yi hisiwako kona. 7 A mupristi i ta hlazva tinguwo takwe a tlhela a hlamba hi mati; andzhako ka lezvo, a nga nghena lomu wugovelweni kanilezvi i tava a nga hlazvekangi kala ni gambo.
8 “‘Loyi a nga hisa a homu leyo ya kati i ta hlazva tinguwo takwe a tlhela a hlamba hi mati niku i tava a nga hlazvekangi kala ni gambo.
9 “‘A munhu a hlazvekileko i ta wola a khuma ga homu leyo ya kati+ a ya gi veka le handle ka wugovelo wutshan’wini gi basileko. Gi ta hlayisiwa hi hlengeletano ya ka Izrayeli kasi ku longisela hi gona mati lawa ma to tirisiwa kasi ku ti basisa.+ Lowu munyikelo wa ciwonho. 10 Loyi a wolako a khuma ga homu leyo ya kati i ta hlazva tinguwo takwe niku i tava a nga hlazvekangi kala ni gambo.
“‘Leci ci tava cileletelo ca kala kupindzuka ci to tira ka vaIzrayeli ni ka muluveli loyi a hanyako cikari kabye.+ 11 Ni wihi loyi a henyako munhu a fileko* i tava a nga hlazvekangi hi 7 wa masiku.+ 12 A munhu loye i fanele ku ti basisa hi mati ka siku ga wunharu niku hi siku ga wu 7 i tava a basile. Kanilezvi loku a nga ti basisi ka siku ga wunharu, hi siku ga wu 7 i tava a nga basangi. 13 Ni wihi loyi a henyako cirumbi ca ni wihi munhu a fileko a gumesa a nga ti basisi i nyenyezisa a tabhernakeli ga Jehovha;+ a munhu* loye i fanele ku tsemiwa* lomu Izrayeli.+ Kota lezvi a nga kala ku n’watsekelwa a mati ya kubasisa,+ i simama a nga hlazvekangi. I simama ni kungahlazveki kakwe.
14 “‘A nayo wu tirako loku a munhu a fela lomu tendeni hi lowu: Ni wihi loyi a nghenako lomu tendeni ni loyi a sinako a hi lomu tendeni va tava va nga hlazvekangi hi 7 wa masiku. 15 Ni cihi cibya co kala ku vhaliwa, ci nga hava tapa yi bohelelweko ka cona, ci tava ci nga hlazvekangi.+ 16 Ni wihi loyi a khumbako, laha libalangeni, a munhu a delweko hi cipadha, kutani cirumbi, kutani rambu ga munhu, kutani cilahla, i tava a nga hlazvekangi hi 7 wa masiku.+ 17 A munhu loyi a nga hlazvekangiko va fanele ku mu nusela khuma go kari ga munyikelo wa ciwonho, lowu wu hisilweko, va gi chela lomu ka cibya va gumesa va gi chela mati ma khilweko cibukeni. 18 Loyi a hlazvekileko+ i ta teka hisope+ a peta lomu matini, a n’watsekela tenda, ni zvibya zvontlhe, ni vanhu lava va nga lomo, ni loyi a khumbileko rambu, kutani a khumbileko munhu a delweko, kutani cirumbi, kutani cilahla. 19 A munhu loye wo hlazveka i ta n’watsekela loyi a nga hlazvekangiko hi siku ga wunharu ni siku ga wu 7+ niku i ta mu basisa ka ciwonho hi siku ga wu 7; i ta hlazva tinguwo takwe a tlhela a hlamba hi mati niku ni gambo i tava a hlazvekile.
20 “‘Kanilezvi a munhu a nga hlazvekangiko, loyi a to kala a nga ti basisi, a munhu* loye i fanele ku tsemiwa* lomu bandleni,+ hakuva i nyenyezisile a wutshamu go basa ga Jehovha. A nga hlazvekangi hakuva a nga n’watsekelwangi a mati ya kubasisa.
21 “‘A cileletelo ca kala kupindzuka leci ci to tira kabye hi leci: Loyi a n’watsekelako a mati ya kubasisa+ i fanele ku hlazva tinguwo takwe niku loyi a khumbako a mati ya kubasisa i tava a nga hlazvekangi kala ni gambo. 22 Ni cihi ci to khumbiwa hi loyi a nga hlazvekangiko ci tava ci nga hlazvekangi niku a munhu* loyi a ci khumbako i tava a nga hlazvekangi kala ni gambo.’”+
20 Hi hweti yo sangula, a hlengeletano yontlhe ya ka Izrayeli yi no chikela ciwuleni ca Zini, niku a vanhu va no sangula ku hanya Kadhexe.+ Miriyamu+ i no fela ka wutshamu lego, a lahliwa laho.
2 Makunu ku wa nga hi na mati kasi a hlengeletano yinwa.+ Hikwalaho, yi no bohana yi vhukela Mosi na Aroni. 3 A vanhu va no holovisa Mosi,+ vaku: “Ku wa hi chukwana loku hi wa nofa a cikhati leci a vamakabye va hina va ngafa mahlweni ka Jehovha! 4 Hikuyini mu tisileko a bandla ga Jehovha lomu ciwuleni leci kasi hina ni mitlhambi ya hina hi ta fela kona ke?+ 5 Kona mu hi humesele yini hi Gibhite mu hi tisa ka wutshamu legi go biha?+ A hi wutshamu ga ku hi nga byala timbewu, ni makuwu, ni mivhina,* ni maromã, ne a ku na mati ya kunwa.”+ 6 Makunu Mosi na Aroni va no suka mahlweni ka bandla vaya nyangweni ya tenda ga mutlhangano va yawa lahasi hi tinghohe tabye; a kungangamela ka Jehovha ku no sangula ku woneka kabye.+
7 Jehovha i no byela Mosi, aku: 8 “Teka nhonga u vitana a hlengeletano, wena ni makabye wa wena Aroni, mu wulawula ka ribye kuwoneni kabye kasi gi humesa mati. Mu ta humesa mati hi laha ka ribye mu nyika a hlengeletano yinwa zvin’we ni mitlhambi ya yona.”+
9 Hikwalaho, Mosi i no teka nhonga mahlweni ka Jehovha+ kota lezvi a nga mu leletele. 10 Hi kulandzela, Mosi na Aroni va no tsombanisa bandla mahlweni ka ribye, vaku kabye: “Makunu zwanani n’wina zvitlula-milayo!* Mu lava ku hi mu humesela mati hi ka ribye legi ke?”+ 11 Zvalezvo, Mosi i no tlakusa canja gakwe aba ribye makhati mambiri hi nhonga yakwe ku se sangula ku huma mati yo tala, a hlengeletano yinwa zvin’we ni mitlhambi ya yona.+
12 Andzhako ka lezvo, Jehovha i no byela Mosi na Aroni, aku: “Kota lezvi mu nga kala ku kholwa ka mina ni ku ndzi basisa mahlweni ka vaIzrayeli mu nga ta chiketa a bandla legi tikweni legi ndzi to va nyika.”+ 13 Lawa i mati ya Meribha,*+ laha a vaIzrayeli va nga holovisa Jehovha, lezvi zvi nga maha ku a basiswa cikari kabye.
14 Makunu Mosi i no rumela zvirun’wa zvi suka hi Kadhexe zviya ka hosi ya Edhomi,+ zvi yaku: “A makabye wa wena, Izrayeli,+ i ngalo: ‘Wena wa ti tiva khwatsi a tixanisa tontlhe leti hi kumeneko nato. 15 A vapapayi va hina va yile Gibhite,+ niku hina hi no hanya Gibhite malembe* yo tala.+ A vaGibhite va hi xanisile ni vapapayi va hina.+ 16 Hi kugumesa, hi no rila ka Jehovha,+ a hizwa, a rumela ngilozi+ yi ta hi humesa Gibhite niku zvezvi hi lomu Kadhexe, gi nga dhoropa gi nga laha mbhinganweni wa tiko ga wena. 17 Makunu hi kombela ku tsemakanya hi lomu tikweni ga wena. Hi nga ta tsemakanya hi lomu masin’wini kutani hi lomu zvivhineni,* ne hi nga tanwa mati ya ni yihi hlowo. Hi ta famba hi ruwa ga hosi; hi nga ta hambuka hiya cineneni kutani cibhabheni kala hi hundza lomu tikweni ga wena.’”+
18 Hambulezvo, Edhomi i te ngalo: “U nga hundzi hi lomu tikweni ga hina. Loku wo hundza hi kona, ndzi ta huma ni cipadha ndzi ku khinga.” 19 A vaIzrayeli va no mu hlamula, vaku: “Hi ta famba hi ruwa niku loku hina ni mitlhambi ya hina hinwa mati ya wena, hi ta hakhela.+ A hi lavi cin’wani, ho lava ku tsemakanya basi hi mikondzo.”+ 20 Hambulezvo, Edhomi i te ngalo: “U nga hundzi hi lomu.”+ Zvalezvo, Edhomi i no huma kasi ku mu khinga na a hi ni vanhu vo tala zvin’we ni butho* ga ntamu. 21 Edhomi i no ala ku tsika Izrayeli a tsemakanya hi lomu tikweni gakwe. Hikwalaho, Izrayeli i no mu potsa.+
22 A hlengeletano yontlhe ya ka Izrayeli yi no suka Kadhexe yiya Citsungeni ca Hora.+ 23 Makunu Jehovha i no byela Mosi na Aroni le Citsungeni ca Hora, mbhinganweni wa tiko ga Edhomi, aku: 24 “Aroni i ta hlengeletwa ka vanhu vakwe.*+ A nga ta nghena tikweni legi ndzi to nyika a vaIzrayeli, hakuva hi wumbiri ga n’wina mu hluwukele a cileletelo ca mina xungetano hi mati ya Meribha.+ 25 Teka Aroni ni n’wana wakwe Eleyazari u kandziha uta navo Citsungeni ca Hora. 26 Mu tlhatlhe tinguwo Aroni+ u bohisa a n’wana wakwe Eleyazari;+ Aroni i ta fela kwalaho.”*
27 Hikwalaho, Mosi i no maha zvalezvi Jehovha a mu leleteleko. Va no kandziha a Citsunga ca Hora a hlengeletano yontlhe na yi va wona. 28 Makunu Mosi i no mu tlhatlha tinguwo Aroni a bohisa a n’wana wakwe Eleyazari. Andzhako ka lezvo, Aroni i no fela kwalaho le hehla ka citsunga.+ Mosi na Eleyazari va no chika hi le citsungeni. 29 Laha a hlengeletano yontlhe yi nga wona lezvaku Aroni i file, a yindlu yontlhe ya ka Izrayeli yi no mu rila a 30 wa masiku.+
21 A cikhati leci a hosi ya muKhanani ya le Aradhe,+ leyi yi nga tshama Negebhe, yi ngazwa lezvaku Izrayeli i tile hi ndlela ya Atarima, yi no mu dhumela, yi khoma vokari kota tikhumbi yi famba navo. 2 Hikwalaho, Izrayeli i no maha cifungo ka Jehovha, aku: “Loku u nyikela a vanhu lava canjeni ga mina, ndzi ta lovisa a madhoropa yabye.” 3 Jehovha i no ingisa a gezu ga Izrayeli a nyikela vaKhanani canjeni gabye va va lovisa ni madhoropa yabye. Hikwalaho, a wutshamu lego va no gi chula ku Horma.*+
4 Laha va nga kari va simama ni lipfhumba labye, kusukela Citsungeni ca Hora+ hi ndlela ya le Bimbini go Pswhuka kasi va potsa a tiko ga Edhomi,+ a vanhu* va no karala hi kota ya lipfhumba. 5 A vanhu va no simama ku vhukela Nungungulu na Mosi,+ vaku: “Mu hi humesele yini hi Gibhite kasi hi ta fela lomu ciwuleni? Lomu a ku na zvakuga, ne mati+ niku ha yi venga* a pawa leyi yo kala ku vhuna nchumu.”+ 6 Hikwalaho, Jehovha i no rumela tinyoka ta wuxungu cikari ka vanhu ti ya va luma. Hi kota ya lezvo, ku nofa vaIzrayeli vo tala.+
7 Makunu a vanhu va noya ka Mosi, va yaku: “Hi wonhile hi ku wula magezu yo vhukela Jehovha ni yo vhukela wena.+ Hi kombelele ka Jehovha a fela ku susa tinyoka ka hina.” Mosi i no kombelela vanhu.+ 8 Makunu Jehovha i no byela Mosi, aku: “Maha cifananiso* ca nyoka ya wuxungu u ci hayeka laha mhandzeni. Loku a munhu a lun’wa i ta cuwuka nyoka leyo kasi a simama a hanya.” 9 Mosi i no tekela ku maha nyoka ya kobre+ a yi hayeka laha mhandzeni.+ Ni ka cihi cikhati leci a munhu a nga lun’wa hi nyoka a gumesa a cuwuka a nyoka ya kobre, i wo hanya.+
10 Andzhako ka lezvo, a vaIzrayeli va no suka va ya gova Obhote.+ 11 Va no suka hi Obhote va ya gova Ije-Abharima,+ ciwuleni leci ci cuwukeneko ni Mowabhi, hi tlhelo ga mutsuwuka-gambo. 12 Va no suka hi laho va ya gova kusuhani ni Nkova wa Zeredhe.+ 13 Hi kulandzela, va no suka hi laho vaya gova tikweni ga Arnoni,+ legi gi nga ciwuleni leci ci fambako kusukela mbhinganweni wa vaAmori, hakuva Arnoni i mbhingano wa Mowabhi, cikari ka Mowabhi ni vaAmori. 14 Hi caleco ci mahako ku a bhuku ga Tiyimpi ta Jehovha gi wulawula hi “Vhahebhi le Sufa ni mikova ya Arnoni, 15 ni ndzhelelo* wa mikova lowu wu kongomako dhoropeni ga Are wuya tlhangana ni mbhingano wa Mowabhi.”
16 Hi kulandzela, va noya Bheera. Leyi i hlowo leyi Jehovha a nga wulawula hi yona na Mosi, aku: “Tsombanisa vanhu kasi ndzi va nyika mati.”
17 Ka cikhati caleco, Izrayeli i no yimbelela lisimu, aku:
“Wena hlowo, vhela! (Amukelani!*)
18 A hlowo leyi yi kelilweko hi tihosana, leyi a vanhu vo chaviseka va yi kelileko
Hi nhonga ya wukomandante ni tinhonga tabye.”
Hi kulandzela, va no suka ciwuleni vaya Matana, 19 va suka hi Matana vaya Nahaliyeli, va suka hi Nahaliyeli vaya Bhamote.+ 20 Va no suka hi Bhamote vaya nkoveni lowu wu nga cipandzeni ca Mowabhi,+ ka wutshamu go tlakuka ga Pisga,+ laha zvi kotekako ku wona le Jeximone.*+
21 Makunu Izrayeli i no rumela zvirun’wa zviya ka Sihoni, a hosi ya vaAmori, zvi yaku:+ 22 “Hi tsike hi tsemakanya hi lomu tikweni ga wena. Hi nga ta hambuka hi nghena lomu masin’wini kutani lomu civhineni. Hi nga tanwa mati ya ni yihi hlowo. Hi ta famba hi ruwa ga hosi kala hi hundza lomu tikweni ga wena.”+ 23 Kanilezvi Sihoni a nga tsikangi Izrayeli a tsemakanya hi lomu tikweni gakwe. Wutshan’wini ga lezvo, Sihoni i no tsombanisa a vanhu vakwe vontlhe a huma a ya dhumela a vaIzrayeli le ciwuleni. I no chikela le Jahaza a sangula kulwa ni vaIzrayeli.+ 24 Kanilezvi Izrayeli i no hlula Sihoni hi cipadha,+ a teka tiko gakwe+ kusukela Arnoni+ kala Jabhoke,+ kusuhani ni vaAmoni, hakuva a dhoropa ga Jazera+ i mbhingano wa tiko ga vaAmoni.+
25 Hikwalaho, Izrayeli i no teka a madhoropa lawo wontlhe a sangula ku tshama ka madhoropa wontlhe ya vaAmori,+ le Hexbhoni ni ka zvontlhe zvidhoropana zva kona, 26 hakuva Hexbhoni gi wa hi dhoropa ga Sihoni, a hosi ya vaAmori, leyi yi nga lwile ni hosi ya Mowabhi yi tlhela yi teka tiko gakwe gontlhe kala Arnoni. 27 Hi caleco ci nga maha lezvaku ku vhuka vingu go tseketsela, gaku:
“Tana seno Hexbhoni.
A dhoropa ga Sihoni gi wa akiwe gi tlhela gi yimisiwa gi tiya.
28 Hakuva ku humile ndzilo hi Hexbhoni, ni langavi hi dhoropeni ga Sihoni.
Wu hisile dhoropa ga Are wa Mowabhi; wu hisile a venyi va matshamu yo tlakuka ya le Arnoni.
29 Khombo ka wena Mowabhi! N’wina vanhu va Kemoxe+ mu ta loviswa!
I maha majaha yakwe mava vapepetseki, ni vanhanyana vakwe vava tikhumbi ta Sihoni, a hosi ya vaAmori.
30 A hi va dhumeleni;
Hexbhoni i ta loviswa kala Dhibhoni;+
A hi mu maheni ciwula kala Nofa;
A ndzilo wu ta hangalaka kala Medhebha.”+
31 Hikwalaho, a vaIzrayeli va no sangula ku tshama lomu tikweni ga vaAmori. 32 Makunu Mosi i no ruma vavanuna vo kari kasi va ya piyara a dhoropa ga Jazera.+ Va no wutla a zvidhoropana zva kona, va hlongola a vaAmori lava va nga hi lomo. 33 Andzhako ka lezvo, va no jika va kandziha hi Ndlela ya Bhaxani. Makunu Ogi,+ a hosi ya Bhaxani, i no huma ni vanhu vakwe vontlhe a va khinga kasi kulwa navo le Edreyi.+ 34 Jehovha i no byela Mosi, aku: “U nga mu chavi,+ hakuva ndzi ta mu nyikela, yena ni vanhu vakwe vontlhe, ni tiko gakwe canjeni ga wena,+ niku u ta mu maha zvalezvi u nga maha Sihoni, a hosi ya vaAmori, loyi a nga tshama Hexbhoni.”+ 35 Hikwalaho, va no simama ku mu hlasela, yena ni vana vakwe, ni vanhu vontlhe vakwe, kala ku nga sali ni mun’we;+ va no teka tiko gakwe.+
22 A vaIzrayeli va no suka va ya gova tivaleni ta Mowabhi, mahlweni ka Jeriko, hi le tlhatuko wa Jordhani.+ 2 Bhalaki,+ a n’wana wa Zipore, i no wona zvontlhe lezvi Izrayeli a nga mahile vaAmori. 3 Hikwalaho, Mowabhi i no chava nguvhu hi kota ya vanhu lavo, hakuva va wa tele nguvhu; kunene Mowabhi i no babya hi ku chava vaIzrayeli.+ 4 Mowabhi i no byela a madhota ya vaMidhiyani, aku:+ “A bandla legi gi taga zvontlhe lezvi zvi hi randzeleko a ku fana ni lezvi a dhuna ga homu gi gako a byanyi ga khwati.”
Ka cikhati leco, Bhalaki, a n’wana wa Zipore, i wa hi hosi ya Mowabhi. 5 I no rumela zvirun’wa ka Bhalami, a n’wana wa Bheyori, wa le Petora,+ gi nga wutshamu gi kumekako kusuhani ni Congo,* a tikweni gakwe ga mabeleko, zvi yaku: “Ku humile vanhu hi le tikweni ga Gibhite. Va fenengetile a nghohe* ya misava*+ niku va tshama kwalaha phambeni ka mina. 6 Ndzi kombela ku uta zvezvi u ta ndzi rukatelela a vanhu lava,+ hakuva va na ni ntamu a ku hundza mina. Kuzvilava ndzi nga va hlula ndzi va hlongola lomu tikweni, hakuva ndza zvi tiva lezvaku loyi u mu katekisako wa kateka, ni loyi u mu rukatelako wa rukatelwa.”
7 Hikwalaho, a madhota ya Mowabhi ni madhota ya Midhiyani, ma no famba na ma hi ni hakhelo ya ku ya nyika a muvhumbi mandleni ya wona. Va noya ka Bhalami+ va ya mu byela a mahungu ya Bhalaki. 8 Bhalami i no va hlamula, aku: “Etlelani laha a wusiku legi, ndzi ta wuya ndzi ta mu byela ni gihi gezu legi Jehovha a to ndzi byela.” Hikwalaho, a tihosana ta Mowabhi ti no tshama na Bhalami.
9 Makunu Nungungulu i noya ka Bhalami, a yaku:+ “Hi vamani a vavanuna lava va nga na wena?” 10 Bhalami i no hlamula a Nungungulu wa lisine, aku: “Bhalaki, a n’wana wa Zipore, a hosi ya Mowabhi, i ndzi rumelele mahungu, yaku: 11 ‘A vanhu lava va humako hi Gibhite va fenengetile a nghohe* ya misava.* Makunu tana u ta ndzi rukatelela vona.+ Kuzvilava ndzi ngalwa navo ndzi va hlongola.’” 12 Kanilezvi Nungungulu i no byela Bhalami, aku: “U nga fambi navo ne u nga rukateli a vanhu lavo hakuva va katekisilwe.”+
13 Bhalami i no vhuka ni mixo a byela tihosana ta Bhalaki, aku: “Tlhelani tikweni ga n’wina hakuva Jehovha wa ala ku ndzi famba na n’wina.” 14 Hikwalaho, a tihosana ta Mowabhi ti no suka ti tlhela ka Bhalaki, ti yaku: “Bhalami i alile ku wuya na hina.”
15 Hambulezvo, Bhalaki i no tlhela a rumela a tihosana to tala nguvhu ni to chaviseka a ku hundza leti ta ntlawa wo sangula. 16 Va noya ka Bhalami va yaku: “Bhalaki, a n’wana wa Zipore, i ngalo: ‘Ndzi kombela ku u nga tsiki nchumu wu ku tsandzekisa kuta ka mina, 17 hakuva ndzi ta ku chachazela nguvhu ndzi tlhela ndzi maha ni cihi u to ndzi byela a ku ndzi ci maha. Hikwalaho, tana u ta ndzi rukatelela vanhu lava.’” 18 Kanilezvi Bhalami i no hlamula malandza ya Bhalaki, aku: “Hambu loku Bhalaki i wo ndzi nyika a yindlu yakwe na yi tele hi prata ni ouro ndzi wa nga ta maha nchumu, kani wahombe kutani wa wutsongwani, lowu wu lwako ni cileletelo ca Jehovha, a Nungungulu wa mina.+ 19 Kanilezvi ndzi kombela lezvaku n’winawu mu etlela laha a wusiku legi kasi ndzi tiva ku zvini zvin’wani lezvi Jehovha a to ndzi byela.”+
20 Nungungulu i noya ka Bhalami ni wusiku, a yaku kakwe: “Loku a vavanuna lava va tele ku ta ku vitana, famba navo, kanilezvi wula ntsena lezvi ndzi to ku byela lezvaku u wula.”+ 21 Hikwalaho, Bhalami i no vhuka ni mixo a gabhatsela mbongola* yakwe a famba ni tihosana ta Mowabhi.+
22 Kanilezvi a zanga ya Nungungulu yi no vhindluka hi lezvi a nga kari a famba, niku a ngilozi ya Jehovha yi no yima laha ruweni kasi yi mu betela. Bhalami i wa khilele mbongola yakwe niku i wa hi zvin’we ni malandza yakwe ya mambiri. 23 A cikhati leci a mbongola yi nga wona a ngilozi ya Jehovha na yi yimile laha ruweni na yi khomile cipadha canjeni ga yona, yi no zama ku hambuka yi nghena lomu masin’wini. Kanilezvi Bhalami i no sangula ku yiba kasi a yi wuyisa laha ruweni. 24 Makunu a ngilozi ya Jehovha yi no ya yima laha ka wutshamu go hlongana ga ndlela cikari ka zvivhina* zvimbiri, lezvo na ku hi ni mimuro ya maribye seno ni seno. 25 Laha a mbongola yi nga wona a ngilozi ya Jehovha yi no sangula ku ti manya ni muro, yi se manya nkondzo wa Bhalami laha murweni; Bhalami i no sangula ku yiba kambe.
26 Makunu a ngilozi ya Jehovha yi noya phambeni yi ya yima ka wutshamu go hlongana laha ka ku zvi wa nga koteki ku hambukela cineneni kutani cibhabheni. 27 Laha a mbongola yi nga wona a ngilozi ya Jehovha, yi no tshama lahasi. Hikwalaho, Bhalami i no zangara nguvhu a simama ku bhukutela mbongola hi nhonga yakwe. 28 Hi kugumesa, Jehovha i no vhulula a nomu wa mbongola+ yiku ngalo ka Bhalami: “Zvini ndzi nga ku wonhela a kuza u ndziba a makhati lawa ya manharu?”+ 29 Bhalami i no hlamula mbongola, aku: “Ndzi kuba hi kota ya lezvi u nga ndzi maha cipumbu. Loku a ndzova ni cipadha canjeni ga mina, na ndzi ku dele!” 30 A mbongola yiku ka Bhalami: “Kasi a ndzi mbongola ya wena leyi u khilelako wutomini ga wena gontlhe kala nyamutlha ke? Ndzi tshuka ndzi ku maha zvezvi ke?” Yena aku: “Ahihi!” 31 Hi kulandzela, Jehovha i no vhulula mahlo ya Bhalami+ a wona ngilozi ya Jehovha na yi yimile laha ruweni na yi khomile cipadha canjeni ga yona. Zvalezvo, i no koramisa hloko yakwe, a khizama lahasi.
32 A ngilozi ya Jehovha yi no mu wutisa, yiku: “U wa yi bela yini a mbongola ya wena a makhati lawa ya manharu ke? Hi mina ndzi ngata ndzi ta ku betela hakuva a ndlela ya wena yilwa ni kurandza ka mina.+ 33 A mbongola yi no ndzi wona yi zama ku ndzi potsa a makhati lawa ya manharu.+ A hi zvi veke laha ka ku a yi ndzi potsangi! Kala lezvi na ndzi ku dele ndzi tsika mbongola yi hanya.” 34 Makunu Bhalami i no byela ngilozi ya Jehovha, aku: “Ndzi wonhile hakuva ndzi wa nga zvi tivi lezvaku hi wena u nga nyima laha ruweni kasi ku tlhangana na mina. Makunu loku lezvi zvi bihile mahlweni ka wena, ndzi ta tlhela.” 35 Kanilezvi a ngilozi ya Jehovha yi no byela Bhalami, yiku: “Famba ni vavanuna lava, kanilezvi wula ntsena lezvi ndzi to ku byela.” Hikwalaho, Bhalami i no simama ku famba ni tihosana ta Bhalaki.
36 Laha Bhalaki a ngazwa lezvaku Bhalami i chikele, i no tekela ku huma a mu khinga le dhoropeni ga Mowabhi legi gi nga mbhirini ya Arnoni hi le mbhinganweni wa tiko. 37 Bhalaki i no wutisa Bhalami, aku: “Kasi a ndzi ku vitanisangi ke? Hikuyini u nga kala kuta ka mina? U no alakanya ku ndzi nga ta zvi kota ku ku chachazela nguvhu ke?”+ 38 Bhalami i no hlamula Bhalaki, aku: “Kunene ndzi tile ka wena zvezvi. Kanilezvi ndzi ta vhumelelwa ku wula nchumu ke? Ndzi ngo wula ntsena a magezu lawa Nungungulu a ma chelako non’wini wa mina.”+
39 Hikwalaho, Bhalami i no famba na Bhalaki va ya chikela Kiriyat-Kutsote. 40 Bhalaki i no maha miphahlo hi tihomu ni tiyivhu a rumela zvipandze zvo kari ka Bhalami ni ka tihosana leti ti nga hi naye. 41 Ni mixo, Bhalaki i no teka Bhalami a kandziha naye vaya Bhamote-Bhaali. Hi laho i wa zvi kota ku wona a vanhu vontlhe.+
23 Makunu Bhalami i no byela Bhalaki, aku: “Aka laha a 7 wa maalati,+ u ndzi longiselela 7 wa madhuna ya tihomu ni 7 wa tiyivhu ta vamatsune.” 2 Bhalaki i no tekela ku maha zvalezvi Bhalami a nga wulile. Bhalaki na Bhalami va no nyikela a dhuna gin’we ga homu ni yivhu yin’we ya matsune ka alati gin’we ni gin’wani.+ 3 Bhalami i no byela Bhalaki, aku: “Sala kwalaha, kusuhani ni munyikelo wa wena wa kuhiswa, mina ndza haya lahaya. Kuzvilava Jehovha i tata a ta tlhangana na mina. Ndzi ta ku hlawutela zvontlhe lezvi a to ndzi byela.” Hikwalaho, i noya ka citsungana ci nga hi cisapa.
4 Andzhako ka lezvo, Nungungulu i nota a ta tlhangana na Bhalami,+ Bhalami aku kakwe: “Ndzi yimisile a 7 wa maalati ma fola ndzi tlhela ndzi nyikela a dhuna ga homu ni yivhu ya matsune ka alati gin’we ni gin’wani.” 5 Jehovha i no chela magezu lawa non’wini wa Bhalami:+ “Tlhela ka Bhalaki u ya mu byela a magezu lawa.” 6 Hikwalaho, i no tlhela niku i no wona lezvaku Bhalaki ni tontlhe tihosana ta Mowabhi ti wa yimile kusuhani ni munyikelo wakwe wa kuhiswa. 7 Makunu i no wula mavingu lawa:+
“Bhalaki, a hosi ya Mowabhi, i ndzi tisile kusukela le Aramu,+
Kusukela zvitsungeni zva le mutsuwuka-gambo, aku:
‘Tana u ta ndzi rukatelela Jakobe.
Ina, tana u ta wulawula zvahava ka Izrayeli.’+
8 Ndzi nga va rukatelela yini lava Nungungulu a kalako a nga va rukatelangi ke?
Kona ndzi nga wulawulela yini zvahava ka lava Jehovha a nga wulawulangiko zvahava kabye ke?+
9 Ndza va wona hi le hehla ka maribye;
Ndza va wona hi le hehla ka zvitsungana.
10 Himani a nga hlayako tindzhoho ta misava ya Jakobe+
Kutani ku hlaya hambu cipandze ca wumune ca Izrayeli ke?
Ngha ndzifa* a mafela ya vanhu vo lulama,
Ni magumo ya mina ma wa fane ni lawa yabye.”
11 Andzhako ka lezvo, Bhalaki i no wutisa Bhalami, aku: “Zvini u nga ndzi maha? Ndzi ku vitanele a kuta u ta ndzi rukatelela a valala va mina, kanilezvi u no va katekisa.”+ 12 I no hlamula, aku: “Kasi a ndzi faneli ku wula zvontlhe lezvi Jehovha a chelako non’wini wa mina ke?”+
13 Bhalaki aku ngalo kakwe: “Ndzi kombela ku hiya ka wutshamu gin’wani laha zvi kotekako ku u va wona. U to wona vokari vabye, u nga ta wona vontlhe. Ndzi rukatelele vona na u hi kwalaho.”+ 14 Hikwalaho, i no mu teka vaya mafusini ya Zofima, ka wutshamu go tlakuka ga Pisga;+ i no aka 7 wa maalati a nyikela dhuna ga homu ni yivhu ya matsune ka alati gin’we ni gin’wani.+ 15 Hikwalaho, Bhalami i no byela Bhalaki, aku: “Sala kwalaha, kusuhani ni munyikelo wa wena wa kuhiswa, ndza haya lahaya ndzi ya tlhangana na Nungungulu.” 16 Jehovha i noya a ya tlhangana na Bhalami, a chela magezu lawa non’wini wakwe:+ “Tlhela ka Bhalaki u ya mu byela a magezu lawa.” 17 Hikwalaho, i no tlhela kakwe a ya wona ku o rindzela na a hi kusuhani ni munyikelo wakwe wa kuhiswa, na a hi zvin’we ni tihosana ta Mowabhi. Bhalaki i no mu wutisa, aku: “Jehovha i te yini?” 18 I no wula mavingu lawa:+
“Bhalaki, suka u yima, u ingisela.
Ndzi ingisele, wena n’wana wa Zipore.
Loku a wula nchumu, a nga ta wu maha ke?
Loku a wulawula, a nga ta zvi maha ke?+
21 A nga vhumeleli ni wihi ntamu wa masalamuso yo vhukela Jakobe,
Ne a nga tsiki ni gihi khombo gi wela Izrayeli.
Jehovha, a Nungungulu wabye, i zvin’we navo,+
Wa huwelelwa hi gezu go tlakuka kota hosi cikari kabye.
22 Nungungulu wa va humesa hi Gibhite.+
I fana ni timhondzo ta dhuna ga homu ya khwati kabye.+
23 Hakuva a ku na munhu a zvi kotako ku phrofeta zvakubiha ha Jakobe,+
Hambu muvhumbi wo vhukela Izrayeli.+
Ka cikhati leci, ku nga wuliwa lezvi xungetano hi Jakobe na Izrayeli:
‘Hi nga wonani lezvi Nungungulu a mahileko!’
24 A vanhu lava hi lava va to suka va yima a ku fana ni nghala,
Niku a ku fana ni nghala, va ta suka va yima.+
Va nga ta etlela na va nga sega nyama
Ni kunwa nkhata wa lava va delweko.”
25 Bhalaki i no byela Bhalami, aku: “Loku u nga zvi koti ku mu rukatela, u nga mu katekisi.” 26 Bhalami i no hlamula Bhalaki, aku: “A ndzi ku byelangi, ndziku: ‘Ndzi ta maha zvontlhe lezvi Jehovha a wulako’ ke?”+
27 Bhalaki i no byela Bhalami, aku: “Ndzi kombela ku hiya ka wutshamu gin’wani kambe. Kuzvilava a Nungungulu wa lisine i ta zvi wona na zvi lulamile lezvaku u ndzi rukatelela vanhu lava na u hi laho.”+ 28 Hikwalaho, Bhalaki i no teka Bhalami vaya ka wutshamu go tlakuka ga Peyori gi cuwukeneko ni Jeximone.*+ 29 Makunu Bhalami i no byela Bhalaki, aku: “Aka 7 wa maalati kwalaha, u ndzi longiselela 7 wa madhuna ya tihomu ni 7 wa tiyivhu ta vamatsune.”+ 30 Bhalaki i no maha zvalezvi Bhalami a nga wulile. Ka alati gin’we ni gin’wani i no nyikela a dhuna gin’we ga homu ni yivhu yin’we ya matsune.
24 A cikhati leci Bhalami a nga wona lezvaku Jehovha i tsakela* ku katekisa Izrayeli, a nga ha sukangi kambe a famba a hlota ndlela ya ku va rukatela,+ kanilezvi i no hundzuluka a cuwuka ciwuleni. 2 Laha Bhalami a nga tlakusa mahlo yakwe, i no wona vaIzrayeli na va govile hi tixaka tabye.+ Makunu a moya wa Nungungulu wu nota hehla kakwe.+ 3 Andzhako ka lezvo, i no wula a mavingu lawa:+
“A magezu ya Bhalami, a n’wana wa Bheyori,
Ni magezu ya wanuna loyi a vhulilweko mahlo,
4 A magezu ya loyi a zwako a mhaka ya Nungungulu
Loyi a wonileko a muwoniso wa Nyamintamu,
Loyi a koramileko, a mahlo yakwe na ma vhululekile:+
5 O Jakobe, a ma no ku saseka a matenda ya wena,
A matabhernakeli ya wena, O Izrayeli!+
6 Va hangalakile a ku fana ni mikova;+
A ku fana ni tijardhim ti nga kusuhani ni congo;
A ku fana ni mhangani wu byalilweko hi Jehovha,
Ni ku fana ni misedhare yi nga kusuhani ni mati.
7 A mati ma simama ku halakela hi lomu ka mabhaketi yakwe ya mambiri ya mabhebhe,
Ni mbewu yakwe yi byalilwe kusuhani ni mati yo tala.+
8 Nungungulu o mu humesa hi Gibhite;
Ka vona i fana ni timhondzo ta dhuna ga homu ya khwati.
I ta khadamula matiko lawa ma mu xanisako,+
I ta cakunya a marambu yabye niku i ta va lovisa hi mipaxa yakwe.
9 I cuculukile, a barama a ku fana ni nghala;
A ku fana ni nghala, himani a tiyako ku mu vhuxa ke?
Va katekile lava va ku katekisako,
Niku va rukatelwe lava va ku rukatelako.”+
10 Makunu Bhalaki i no zangarela Bhalami. Bhalaki i noba mandla hi ku chepeta, aku ka Bhalami: “Mina ndzi ku vitanele a ku ta rukatela a valala va mina,+ kanilezvi ka makhati lawa ya manharu wo va katekisa basi. 11 Tlhela kaya zvezvi. Ndzi wa xuva ku ku dzundza nguvhu,+ kanilezvi Jehovha i ku tsonile wudzundzo.”
12 Bhalami i no hlamula Bhalaki, aku: “Kasi a ndzi byelangi a zvirun’wa lezvi u nga zvi rumela zvita ka mina, ndziku: 13 ‘Hambu loku Bhalaki i wo ndzi nyika a yindlu yakwe na yi tele hi prata ni ouro, ndzi wa nga ta zvi randza ndzi maha ni wihi nchumu, kani wa wunene kutani wakubiha, lowu wu lwako ni cileletelo ca Jehovha, kanilezvi ndzi to wula ntsena lezvi Jehovha a to ndzi byela’ ke?+ 14 Makunu ndzo famba ka vanhu va mina. Kanilezvi na ndzi nga se famba, tana ndzi ta ku tivisa lezvi a vanhu lava va to mahela a vanhu va wena cikhatini ci tako.”* 15 Makunu i no wula a mavingu lawa:+
“A magezu ya Bhalami, a n’wana wa Bheyori,
Ni magezu ya wanuna loyi a vhulilweko mahlo,+
16 A magezu ya loyi a zwako a mhaka ya Nungungulu
Ni ya loyi a nga ni wutlhari ga loyi a Tlakukileko ku Hundza Vontlhe.
I wonile a muwoniso wa Nyamintamu,
Na a koramile, ni mahlo yakwe na ma vhululekile:
17 Ndzi ta mu wona, kanilezvi na ku nga hi zvezvi;
Ndzi ta mu wona, kanilezvi na ku nga hi lokuloku.
18 Edhomi i ta maha tshomba,+
Ina, Seyire+ i tava tshomba ya valala vakwe,+
Izrayeli na a kari a kombisa a kutiya-hlanha kakwe.
19 Hi ka Jakobe ku ta huma a muhluli,+
I ta lovisa ni wihi loyi a to pona lomu dhoropeni.”
20 Laha a nga wona Amaleki, i no simama ni mavingu yakwe, aku:
21 Laha a nga wona vaKeni,+ i no simama ni mavingu yakwe, aku:
“A wutshamu ga wena gi tiyile, ni yindlu ya wena yi yimisilwe yi tiya laha ribyeni.
22 Kanilezvi a wokari i ta hisa Kayine a ku bhi.
Ka ha sele cikhati co kota kwihi Asiriya na a nga se ku yisa wukhumbini ke?”
23 I no simama ni mavingu yakwe, aku:
“Yowe! Himani a to pona laha Nungungulu a to maha lezvi?
Kanilezvi yenawu i ta loviswa a ku bhi.”
25 Andzhako ka lezvo, Bhalami+ i no suka a ti fambela wutshan’wini gakwe. Bhalaki yenawu i no ti khomela ndlela yakwe.
25 Laha Izrayeli a nga hi Xitime,+ a vanhu va no sangula ku maha wubhayi ni vanhanyana va Mowabhi.+ 2 A vavasati va no ramba vanhu ka miphahlo ya vanungungulu vabye.+ A vanhu va no sangula kuga ni ku khizamela a vanungungulu vabye.+ 3 Hikwalaho, Izrayeli i no ti patsa* navo, a khozela Bhaali wa Peyori.+ Jehovha i no zangarela Izrayeli. 4 Jehovha i no byela Mosi, aku: “Khoma a varangeli* vontlhe va vanhu u va daya u gumesa u va hayeka mahlweni ka Jehovha ni mumu* kasi a zanga ya Jehovha yi vhurako yi renga ka Izrayeli.” 5 Makunu Mosi i no byela valamuli va Izrayeli, aku:+ “A mun’we ni mun’wani wa n’wina i wa daye a vavanuna vakwe lava va hlengeleko ka ku khozela* Bhaali wa Peyori.”+
6 Kanilezvi zvalezvo, a mun’we wa vaIzrayeli i nota ni wasati wa muMidhiyani+ cikari ka vamakabye vakwe kuwoneni ka Mosi ni ka yontlhe hlengeletano ya ka Izrayeli, a cikhati leci va nga kari va rila laha nyangweni ya tenda ga mutlhangano. 7 Laha Finiyasi,+ a n’wana wa Eleyazari, a n’wana wa mupristi Aroni, a nga zvi wona, i no tekela ku suka a teka tlhari. 8 I no landza a wanuna loye wa muIzrayeli a ya nghena lomu tendeni a va tlhava hi wumbiri gabye, a wanuna wa muIzrayeli ni wasati loye hi laha ka zviro zvakwe zva wubeleki. Zvalezvo a ntungu wu no nyima cikari ka vaIzrayeli.+ 9 Lava va fileko hi ntungu lowo vave 24 000.+
10 Andzhako ka lezvo, Jehovha i no byela Mosi, aku: 11 “Finiyasi,+ a n’wana wa Eleyazari, a n’wana wa mupristi Aroni, i bohlisile a khulo ga mina, hakuva a nga nyenyeletangi a kungatsumbeki mahlweni ka mina cikari kabye.+ Hi kota ya lezvo, a ndzi hihiritangi a vaIzrayeli hambu lezvi ndzi londzako a ku khozelwa ndzoce.+ 12 Hikwalaho, mu byele, uku: ‘Ndza maha civhumelwano ca kurula naye. 13 Ci tava civhumelwano ca wupristi ca kala kupindzuka, ka yena ni ka pswalo wakwe andzhako kakwe,+ hakuva a nga nyenyeletangi a kungatsumbeki mahlweni ka Nungungulu wakwe+ niku i va mahele a muphahlo wa ku kombela ku tsetselelwa zviwonho a vanhu va ka Izrayeli.’”
14 A wanuna wa muIzrayeli loyi a nga dawa zvin’we ni wasati wa muMidhiyani ku wa hi Zimri, a mufana wa Salu, a hosana ya yindlu ya vapapayi ya ka Simeyoni. 15 A vito ga wasati wa muMidhiyani loyi a nga dawa ku wa hi Kozbhi, a nhanyana wa Zuri.+ Zuri i wa hi murangeli wa tixaka ta yindlu ya vapapayi le Midhiyani.+
16 Hi ndzhako ka cikhati, Jehovha i no byela Mosi, aku: 17 “Xanisani a vaMidhiyani mu tlhela mu va daya,+ 18 hakuva va mu xanisile hi mano yabye laha va nga mu kanganyisa mhakeni ya Peyori,+ ni ya Kozbhi, a nhanyana wa hosana ya Midhiyani, a nga makabye wabye wa cisati loyi a delweko+ ka siku ga ntungu wu vangilweko hi kota ya Peyori.”+
26 Loku a ntungu wu hundzile,+ Jehovha i no byela Mosi na Eleyazari, a n’wana wa mupristi Aroni, aku: 2 “Tsalelani a hlengeletano yontlhe ya ka Izrayeli, va kusukela ka 20 wa malembe kuya hehla, hi tiyindlu ta vapapayi vabye. Hlayani vontlhe lava va ringanako kuya yimpini lomu Izrayeli.”+ 3 Hikwalaho, Mosi na mupristi Eleyazari+ va no byela vanhu le tivaleni ta Mowabhi,+ kusuhani ni Jordhani ni Jeriko,+ vaku: 4 “Tsalelani vontlhe va kusukela ka 20 wa malembe kuya hehla, kota lezvi Jehovha a leleteleko Mosi.”+
A vana va Izrayeli lava va humileko hi le tikweni ga Gibhite, hi lava: 5 Rubheni,+ a matewula ya Izrayeli; a vana va Rubheni+ va wa hi lava: Ka Hanoke, a nyapandze wa lixaka la va ka Hanoke; ka Palu, a nyapandze wa lixaka la va ka Palu; 6 ka Hezroni, a nyapandze wa lixaka la va ka Hezroni; ka Karmi, a nyapandze wa lixaka la va ka Karmi. 7 Leyi yive mingango ya va ka Rubheni. Lava va tsalelweko va mingango leyi va wa ringana 43 730.+
8 A n’wana wa Palu ku wa hi Eliyabhe. 9 A vana va Eliyabhe ku wa hi Nemuweli, na Dhatani, na Abhiramu. Dhatani loyi na Abhiramu va wa hi vavanuna va hlawulilweko cikari ka hlengeletano, lava va vhukeleko Mosi+ na Aroni na va hi zvin’we ni ntlawa wa Kora,+ laha va nga vhukela Jehovha.+
10 Andzhako ka lezvo, a misava yi no ahlama nomu wa yona yi va mita. Makunu Kora i nofa zvin’we ni vaseketeli vakwe a cikhati leci a ndzilo wu nga daya a 250 wa vanhu.+ Vona va nova citlharihiso.+ 11 Hambulezvo, a vana va Kora a va fangi.+
12 A vana va Simeyoni+ hi mingango yabye va wa hi lava: Ka Nemuweli, a nyapandze wa lixaka la va ka Nemuweli; ka Jamina, a nyapandze wa lixaka la va ka Jamina; ka Jakina, a nyapandze wa lixaka la va ka Jakina; 13 ka Zera, a nyapandze wa lixaka la va ka Zera; ka Xawule, a nyapandze wa lixaka la va ka Xawule. 14 Leyi yive mingango ya va ka Simeyoni: 22 200.+
15 A vana va Gadhi+ hi mingango yabye va wa hi lava: Ka Zefoni, a nyapandze wa lixaka la va ka Zefoni; ka Hagi, a nyapandze wa lixaka la va ka Hagi; ka Xuni, a nyapandze wa lixaka la va ka Xuni; 16 ka Ozni, a nyapandze wa lixaka la va ka Ozni; ka Eri, a nyapandze wa lixaka la va ka Eri; 17 ka Arodhi, a nyapandze wa lixaka la va ka Arodhi; ka Areli, a nyapandze wa lixaka la va ka Areli. 18 Leyi yive mingango ya vana va Gadhi. Lava va tsalelweko va mingango leyi va wa hi 40 500.+
19 A vana va Judha+ ku wa hi Ere na Onani.+ Kanilezvi Ere na Onani va file tikweni ga Khanani.+ 20 A vana va Judha hi mingango yabye hi lava: Ka Xela,+ a nyapandze wa lixaka la va ka Xela; ka Perezi,+ a nyapandze wa lixaka la va ka Perezi, ka Zera,+ a nyapandze wa lixaka la va ka Zera. 21 A vana va Perezi va wa hi lava: Ka Hezroni,+ a nyapandze wa lixaka la va ka Hezroni; ka Hamula,+ a nyapandze wa lixaka la va ka Hamula. 22 Leyi yive mingango ya Judha. Lava va tsalelweko va wa hi 76 500.+
23 A vana va Isakari+ hi mingango yabye va wa hi lava: Ka Tola,+ a nyapandze wa lixaka la va ka Tola; ka Puvha, a nyapandze wa lixaka la va ka Puni; 24 ka Jaxubha, a nyapandze wa lixaka la va ka Jaxubha; ka Ximroni, a nyapandze wa lixaka la va ka Ximroni. 25 Leyi yive mingango ya Isakari. Lava va tsalelweko va wa hi 64 300.+
26 A vana va Zebhuloni+ hi mingango yabye va wa hi lava: Ka Seredhe, a nyapandze wa lixaka la va ka Seredhe; ka Eloni, a nyapandze wa lixaka la va ka Eloni; ka Jahleeli, a nyapandze wa lixaka la va ka Jahleeli. 27 Leyi yive mingango ya va ka Zebhuloni. Lava va tsalelweko va mingango leyi va wa hi 60 500.+
28 A vana va Josefa+ hi mingango yabye va wa hi lava: Manase na Efrayime.+ 29 A vana va Manase+ va wa hi lava: Ka Makira,+ a nyapandze wa lixaka la va ka Makira. Makira i nova papayi wa Gileyadhe;+ Ka Gileyadhe, a nyapandze wa lixaka la va ka Gileyadhe. 30 A vana va Gileyadhe va wa hi lava: Ka Jezere, a nyapandze wa lixaka la va ka Jezere; ka Heleke, a nyapandze wa lixaka la va ka Heleke; 31 ka Asriyeli, a nyapandze wa lixaka la va ka Asriyeli; ka Xekemi, a nyapandze wa lixaka la va ka Xekemi; 32 ka Xemidha, a nyapandze wa lixaka la va ka Xemidha; ka Heferi, a nyapandze wa lixaka la va ka Heferi. 33 Makunu Zelofehadhe, a n’wana wa Heferi, i wa nga hi na vana va vafana kanilezvi i wova ni vana va vanhanyana basi.+ A mavito ya vanhanyana va Zelofehadhe+ hi lawa: Mahla, na Nowa, na Hogla, na Milka, na Tirza. 34 Leyi yive mingango ya va ka Manase. Lava va tsalelweko va wa hi 52 700.+
35 A vana va Efrayime+ hi mingango yabye va wa hi lava: Ka Xutela,+ a nyapandze wa lixaka la va ka Xutela; ka Bhekera, a nyapandze wa lixaka la va ka Bhekera; ka Tahana, a nyapandze wa lixaka la va ka Tahana. 36 A vana va Xutela va wa hi lava: Ka Erani, a nyapandze wa lixaka la va ka Erani. 37 Leyi yive mingango ya va ka Efrayime. Lava va tsalelweko va mingango leyi va wa hi 32 500.+ Lava va wa hi vana va Josefa hi mingango yabye.
38 A vana va Bhenjamini+ hi mingango yabye va wa hi lava: Ka Bhela,+ a nyapandze wa lixaka la va ka Bhela; ka Axbheli, a nyapandze wa lixaka la va ka Axbheli; ka Ahiramu, a nyapandze wa lixaka la va ka Ahiramu; 39 ka Xefufami, a nyapandze wa lixaka la va ka Xefufami; ka Hufami, a nyapandze wa lixaka la va ka Hufami. 40 A vana va Bhela ku wa hi Ardha na Namani;+ Ka Ardha, a nyapandze wa lixaka la va ka Ardha; ka Namani, a nyapandze wa lixaka la va ka Namani. 41 Lava va wa hi vana va Bhenjamini hi mingango yabye. Lava va tsalelweko va mingango leyi va wa hi 45 600.+
42 A vana va Dhani+ hi mingango yabye va wa hi lava: Ka Xuhama, a nyapandze wa lixaka la va ka Xuhama. Leyi yive mingango ya va ka Dhani hi mingango yabye. 43 Vontlhe lava va tsalelweko va mingango ya va ka Xuhama va wa hi 64 400.+
44 A vana va Axeri+ hi mingango yabye va wa hi lava: Ka Imna, a nyapandze wa lixaka la va ka Imna; ka Ixvhi, a nyapandze wa lixaka la va ka Ixvhi; ka Bheriya, a nyapandze wa lixaka la va ka Bheriya. 45 Ka vana va Bheriya: Ka Hebhere, a nyapandze wa lixaka la va ka Hebhere; na Malkiyeli, a nyapandze wa lixaka la va ka Malkiyeli. 46 A vito ga nhanyana wa Axeri ku wa hi Sera. 47 Leyi yive mingango ya vana va Axeri. Lava va tsalelweko va mingango leyi va wa hi 53 400.+
48 A vana va Naftali+ hi mingango yabye va wa hi lava: Ka Jahzeeli, a nyapandze wa lixaka la va ka Jahzeeli; ka Guni, a nyapandze wa lixaka la va ka Guni; 49 ka Jezera, a nyapandze wa lixaka la va ka Jezera; ka Xilemi, a nyapandze wa lixaka la va ka Xilemi. 50 Leti tive tixaka ta va ka Naftali hi mingango yabye. Lava va tsalelweko va wa hi 45 400.+
51 Lowu i ntsengo wontlhe wa vaIzrayeli va tsalelweko: 601 730.+
52 Andzhako ka lezvo, Jehovha i no byela Mosi, aku: 53 “Lava hi lava va to avelwa tiko kasi giva tshomba yabye; va ta avelwa hi kuya hi xaxameto wa mavito.+ 54 A mitlawa leyi ya hombe yi nyike a tshomba ya hombe, leyi ya yitsongwani yi nyike a tshomba ya yitsongwani.+ A ntlawa wun’we ni wun’wani wu wa nyikiwe tshomba hi kuya hi ntsengo wa lava va tsalelweko. 55 Hambulezvo, a tiko gi fanele ku avelelwa na zvi kombiwa hi tihlolo.+ Va wa amukele a tshomba yabye hi kuya hi mavito ya tixaka ta vapapayi vabye. 56 A tshomba ni tshomba yi ta gemiwa hi hlolo niku yi ta avelelwa cikari ka mitlawa leyi ya hombe ni leyi ya yitsongwani.”
57 Makunu a va ka Levhi lava va tsalelweko+ hi mingango yabye va wa hi lava: Ka Gerxoni, a nyapandze wa lixaka la va ka Gerxoni; ka Kohate,+ a nyapandze wa lixaka la va ka Kohate; ka Merari, a nyapandze wa lixaka la va ka Merari. 58 A mingango ya vaLevhi yive leyi: Lixaka la va ka Libni,+ ni lixaka la va ka Hebroni,+ ni lixaka la va ka Mali,+ ni lixaka la va ka Muxi,+ ni lixaka la va ka Kora.+
Kohate i nova papayi wa Amramu.+ 59 A vito ga sati wa Amramu ku wa hi Jokebhedhe,+ a nhanyana wa Levhi, loyi Levhi a pswalelweko hi sati wakwe le Gibhite. A vana lava Jokebhedhe a pswaleleko Amramu hi Aroni, na Mosi, na Miriyamu, a makabye wabye wa cisati.+ 60 Aroni i nova papayi wa Nadhabhe, na Abhihu, na Eleyazari, na Itamare.+ 61 Kanilezvi Nadhabhe na Abhihu va file hi ku nyikela a ndzilo wo kala wu nga hi laha nayweni mahlweni ka Jehovha.+
62 A ntsengo wontlhe wa lava va tsalelweko, a vavanuna vontlhe va kusukela ka hweti yin’we kuya hehla, wu wa hi 23 000.+ Vona va wa nga tsalelwangi cikari ka vaIzrayeli,+ hakuva va wa nga ta nyikiwa tshomba cikari ka vaIzrayeli.+
63 Lava hi lava va nga tsalelwa hi Mosi na mupristi Eleyazari a cikhati leci va nga tsalela a vaIzrayeli le tivaleni ta Mowabhi, kusuhani ni Jordhani ni Jeriko. 64 Kanilezvi cikari kabye, ku wa nga hi na munhu a nga tsalelwe hi Mosi na mupristi Aroni ka citsalela ca vaIzrayeli leci ci nga mahilwe ciwuleni ca Sinayi.+ 65 Hakuva Jehovha i wa wulawulile hi vona, aku: “Va ta fela lomu ciwuleni.”+ Hikwalaho, i hava ni mun’we wabye a seleko, ahandle ka Kalebhi, a n’wana wa Jefune, na Joxuwa, a n’wana wa Nuni.+
27 Makunu ku no tshinela a vanhanyana va Zelofehadhe,+ a n’wana wa Heferi, a n’wana wa Gileyadhe, a n’wana wa Makira, a n’wana wa Manase, wa mingango ya va ka Manase, a n’wana wa Josefa. A mavito ya vanhanyana va Zelofehadhe ku wa hi Mahla, na Nowa, na Hogla, na Milka, na Tirza. 2 Va no ya yima mahlweni ka Mosi, ni ka mupristi Eleyazari, ni ka tihosana,+ ni ka hlengeletano yontlhe laha nyangweni ya tenda ga mutlhangano, vaku: 3 “A papayi wa hina i fele ciwuleni, kanilezvi i wa nga hi cikari ka ntlawa lowu wu boheneko wu vhukela Jehovha, a vaseketeli va Kora.+ Kanilezvi i file hi ciwonho ca yena n’winyi, na a nga hi na vana va vafana. 4 A vito ga papayi wa hina gi ta fuvela yini cikari ka lixaka lakwe hi lezvi a nga kala kuva ni n’wana wa mufana ke? Hi nyike tshomba cikari ka vamakabye va papayi wa hina.” 5 Hikwalaho, Mosi i no yisa a mhaka yabye ka Jehovha.+
6 Makunu Jehovha i no byela Mosi, aku: 7 “A vanhanyana va Zelofehadhe va wula zvona. Va nyike a cipandze kota tshomba yabye cikari ka vamakabye va papayi wabye, u va hundzisela a tshomba ya papayi wabye.+ 8 Byela a vaIzrayeli, uku: ‘Loku a wanuna afa na a nga hi na n’wana wa mufana, mu fanele ku hundzisa a tshomba yakwe yiya ka nhanyana wakwe. 9 Loku a nga hi na n’wana wa nhanyana, nyikelani a tshomba yakwe ka vamakabye vakwe va cinuna. 10 Loku a nga hi na vamakabye va cinuna, nyikelani a tshomba yakwe ka vamakabye va cinuna va papayi wakwe. 11 Loku ku hi lezvaku a papayi wakwe i wa nga hi na vamakabye va cinuna, nyikelani a tshomba yakwe ka xaka ga laha kusuhani ga laha lixakeni lakwe, yiva ya gona. A ciboho leci ca kulamula ci tava nayo ka vaIzrayeli, kota lezvi Jehovha a leleteleko Mosi.’”
12 Hi kulandzela, Jehovha i no byela Mosi, aku: “Kandziha citsunga leci ca Abharime,+ u wona a tiko legi ndzi to nyika vaIzrayeli.+ 13 Andzhako ka loku u gi wonile, wenawu u ta hlengeletwa ka vanhu va wena,*+ a ku khwatsi hi Aroni, a makabye wa wena,+ 14 hakuva laha a hlengeletano yi nga ndzi holovisa ciwuleni ca Zini, n’wina mu no hluwukela a cileletelo ca mina ca ku ndzi basisa mahlweni kabye mhakeni ya mati,+ a mati ya Meribha,+ le Kadhexe,+ ciwuleni ca Zini.”+
15 Makunu Mosi i no byela Jehovha, aku: 16 “Jehovha, a Nungungulu wa moya wa vanhu vontlhe,* i wa yimise a wanuna hehla ka hlengeletano 17 loyi a to huma ni ku nghena mahlweni kabye a tlhela a va rangela va huma ni ku nghena, kasi a hlengeletano ya Jehovha yi nga mahi ku khwatsi tiyivhu to kala murisi.” 18 Hikwalaho, Jehovha i no byela Mosi, aku: “Teka Joxuwa, a n’wana wa Nuni, a wanuna loyi a nga ni moya, u tlhateka canja ga wena hehla kakwe.+ 19 Hi kulandzela, mu yimise mahlweni ka mupristi Eleyazari ni mahlweni ka yontlhe a hlengeletano, u mu yimisa kota murangeli mahlweni kabye.+ 20 U ta mu nyika ntamu* wo kari wa wena+ kasi a hlengeletano yontlhe ya ka Izrayeli yi mu ingisa.+ 21 I ta yima mahlweni ka mupristi Eleyazari, loyi a to mu wutisela ka Jehovha, hi kulamula ka Urima.+ Va ta huma hi kulaya kakwe, va nghena hi kulaya kakwe, yena ni vontlhe a vaIzrayeli lava va nga na yena zvin’we ni yontlhe a hlengeletano.”
22 Hikwalaho, Mosi i no maha zvalezvi Jehovha a nga mu leletele. I no teka Joxuwa a mu yimisa mahlweni ka mupristi Eleyazari ni ka hlengeletano yontlhe. 23 I no mu tlhateka mandla, a mu yimisa kuva murangeli,+ kota lezvi Jehovha a nga wulile hi nomu wa Mosi.+
28 Andzhako ka lezvo, Jehovha i no byela Mosi, aku: 2 “Byela a vaIzrayeli, uku: ‘Mu nga tshuki mu tsika ku ndzi nyika a munyikelo wa mina wa tipawa. A minyikelo ya mina ya ku hisiwa hi ndzilo ya masema yo nuhela yi fanele ku nyikelwa hi zvikhati zvi yimisilweko.’+
3 “Tlhela u va byela lezvi: ‘A munyikelo wu hisiwako hi ndzilo lowu mu to nyikela ka Jehovha hi lowu: Siku ni siku mu ta nyikela tiyivhana timbiri ta tinene ta vamatsune ta lembe gin’we kota munyikelo wa kuhiswa wu mahiwako hi kukhandzakanya.+ 4 A yivhana yin’we ya matsune mu ta yi nyikela ni mixo, leyi yin’wani mu ta yi nyikela na gi ku pswite,*+ 5 zvin’we ni cipandze ca wukhume ca efa* ya mapa ma sililweko khwatsi, ma patsilweko ni cipandze ca wumune ca hini* ya mafura ya manene kota munyikelo wa tindzhoho.+ 6 Lowu munyikelo wa kuhiswa wu mahiwako hi kukhandzakanya,+ lowu wu yimisilweko Citsungeni ca Sinayi kota masema yo nuhela, a munyikelo wu hisiwako hi ndzilo wu mahelwako Jehovha, 7 zvin’we ni munyikelo wa kona wa zvakunwa, ku nga cipandze ca wumune ca hini, ka yivhana yin’we ni yin’wani ya matsune.+ Chulula a byala laha wutshan’wini go basa kota munyikelo wa zvakunwa wu mahelwako Jehovha. 8 U ta nyikela a yivhana leyi yin’wani ya matsune na gi ku pswite.* U ta yi nyikela zvin’we ni munyikelo wa tindzhoho ni munyikelo wa zvakunwa kota munyikelo wu hisiwako hi ndzilo wa masema yo nuhela ma tsakisako Jehovha, a ku fana ni lezvi zvi mahilweko ni mixo.+
9 “‘Hambulezvo, hi siku ga sabhadho+ a munyikelo wu tava wa tiyivhana timbiri ta vamatsune, a yin’we ni yin’wani na yi hi ni lembe gin’we, ni zvipandze zvimbiri zva wukhume zva efa ya mapa ma sililweko khwatsi, ma patsilweko ni mafura, kota munyikelo wa tindzhoho, zvin’we ni munyikelo wa kona wa zvakunwa. 10 Lowu munyikelo wa kuhiswa wa sabhadho, ni munyikelo wa kuhiswa wu mahiwako hi kukhandzakanya ni munyikelo wa kona zvakunwa.+
11 “‘Kusanguleni ka hweti yin’we ni yin’wani,* mu ta nyikela ka Jehovha kota munyikelo wa kuhiswa a zvidhunana zvimbiri zva tihomu, ni yivhu yin’we ya matsune, ni 7 wa tiyivhana ta vamatsune, a yin’we ni yin’wani na yi hi ni lembe gin’we,+ 12 ni zvipandze zvinharu zva wukhume zva mapa ma sililweko khwatsi, ma patsilweko ni mafura, kota munyikelo wa tindzhoho+ ka dhuna gin’we ni gin’wani ga homu, ni zvipandze zvimbiri zva wukhume zva mapa ma sililweko khwatsi, ma patsilweko ni mafura, kota munyikelo wa tindzhoho ka yivhu ya matsune,+ 13 ni cipandze cin’we ca wukhume ca mapa ma sililweko khwatsi, ma patsilweko ni mafura, kota munyikelo wa tindzhoho ka yivhana yin’we ni yin’wani ya matsune, zviva munyikelo wa kuhiswa wa masema yo nuhela,+ a munyikelo wu hisiwako hi ndzilo wu mahelwako Jehovha. 14 A munyikelo wa kona wa zvakunwa wu fanele kuva khihlanya ga hini ya vhinyo ka dhuna ga homu,+ ni cipandze ca wunharu ca hini ka yivhu ya matsune+ ni cipandze ca wumune ca hini ka yivhana ya matsune.+ Lowu munyikelo wa kuhiswa wa hweti ni hweti ndzeni ka lembe gontlhe. 15 Ahandle ka lezvo, ku fanele ku nyikelwa cimbutana ka Jehovha kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, zvin’we ni munyikelo wa kona wa zvakunwa.
16 “‘A siku ga wu 14, ka hweti yo sangula, gi tava Phasika gi mahelwako Jehovha.+ 17 Hi siku ga wu 15, ka hweti yaleyo, ku tava ni mubuzo. Ku ta giwa a tipawa to kala comelo ndzeni ka 7 wa masiku.+ 18 Hi siku go sangula ku tava ni gotsovanyano wo basa. Mu nga tiri ntiro wo bindza. 19 Mu ta nyikela ka Jehovha a zvidhunana zvimbiri zva tihomu, ni yivhu yin’we ya matsune, ni 7 wa tiyivhana ta vamatsune, a yin’we ni yin’wani na yi hi ni lembe gin’we, kota munyikelo wa kuhiswa lowu wu hisiwako hi ndzilo. Mu ta nyikela hi zvihari zva zvinene.+ 20 Mu ta zvi nyikela ni minyikelo ya kona ya tindzhoho ya mapa ma sililweko khwatsi, ma patsilweko ni mafura+ ni zvipandze zvinharu zva wukhume ka dhuna gin’we ga homu ni zvipandze zvimbiri zva wukhume ka yivhu ya matsune. 21 Mu ta nyikela cipandze cin’we ca wukhume ka yivhana yin’we ni yin’wani ya matsune, 22 zvin’we ni mbuti yin’we kota munyikelo wa ciwonho, kasi mu mahelwa a muphahlo wa ku kombela ku tsetselelwa zviwonho. 23 Mu ta nyikela a zvilo lezvi, ahandle ka munyikelo wa kuhiswa wa ni mixo lowu wu nga cipandze ca munyikelo wa kuhiswa wo khandzakanya. 24 Siku ni siku, mu ta zvi nyikela hi ndlela yo fana hi 7 wa masiku, kota zvakuga,* zviva munyikelo wu hisiwako hi ndzilo wa masema yo nuhela ma tsakisako Jehovha. Zvi fanele ku nyikelwa zvin’we ni munyikelo wa kuhiswa wu mahiwako hi kukhandzakanya ni munyikelo wa kona wa zvakunwa. 25 Hi siku ga wu 7, mahani gotsovanyano wo basa.+ Mu nga tiri ntiro wo bindza.+
26 “‘Hi siku ga mihandzu yo sangula yo buvha,+ laha mu to nyikela munyikelo wa tindzhoho tiswa ka Jehovha,+ mu fanele ku maha a gotsovanyano wo basa ka mubuzo wa n’wina wa mavhiki.+ Mu nga tiri ntiro wo bindza.+ 27 Kota munyikelo wa kuhiswa wa masema yo nuhela ma tsakisako Jehovha, mu ta nyikela zvidhunana zvimbiri zva tihomu, ni yivhu yin’we ya matsune, ni 7 wa tiyivhana ta vamatsune, a yin’we ni yin’wani na yi hi ni lembe gin’we,+ 28 ni munyikelo wa kona wa mapa ma sililweko khwatsi, ma patsilweko ni mafura ya zvipandze zvinharu zva wukhume ka dhuna gin’we ni gin’wani ga homu, ni zvipandze zvimbiri zva wukhume ka yivhu yin’we ya matsune, 29 ni cipandze cin’we ca wukhume ka yivhana yin’we ni yin’wani ya matsune ka leti ta 7, 30 zvin’we ni cimbutana cin’we, kasi ku mu mahela a muphahlo wa ku kombela ku tsetselelwa zviwonho.+ 31 Mu ta zvi nyikela ahandle ka munyikelo wa kuhiswa wu mahiwako hi kukhandzakanya ni munyikelo wa kona wa tindzhoho. Zvi fanele kuva zvihari zva zvinene,+ zvin’we ni minyikelo ya kona ya zvakunwa.
29 “‘Hi siku go sangula ka hweti ya wu 7, mu ta maha a gotsovanyano wo basa. Mu nga mahi ntiro wo bindza.+ Gi tava siku legi mu toba hi gona mpundzu.+ 2 Mu ta nyikela a cidhunana cin’we ca homu, ni yivhu yin’we ya matsune, ni 7 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene, kota munyikelo wa kuhiswa wa masema yo nuhela ma tsakisako Jehovha, 3 ni munyikelo wa kona wa tindzhoho wa mapa ma sililweko khwatsi, ma patsilweko ni mafura, ma ringanako a zvipandze zvinharu zva wukhume zva efa ka homu, ni zvipandze zvimbiri zva wukhume ka yivhu ya matsune, 4 ni cipandze cin’we ca wukhume ka yivhana yin’we ni yin’wani ya matsune ka leti ta 7, 5 ni cimhongwana cin’we kota munyikelo wa ciwonho, kasi mu mahelwa muphahlo wa ku kombela ku tsetselelwa zviwonho. 6 Mu ta nyikela a munyikelo lowu, ahandle ka munyikelo wa kuhiswa wa hweti ni hweti ni munyikelo wa kona wa tindzhoho,+ ni munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho,+ zvin’we ni minyikelo ya kona ya zvakunwa,+ hi ku landza a mamahela ya kona yo toloveleka — wu nga munyikelo wu hisiwako hi ndzilo wa masema yo nuhela ma tsakisako Jehovha.
7 “‘Hi siku ga wu 10, ka hweti leyi ya wu 7, mu ta maha a gotsovanyano wo basa+ mu tlhela mu ti xanisa.* Mu nga tiri nchumu.+ 8 Kota munyikelo wa kuhiswa wa masema yo nuhela ma tsakisako Jehovha, mu ta nyikela a cidhunana cin’we ca homu, ni yivhu yin’we ya matsune ni 7 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene.+ 9 Kota munyikelo wa kona wa tindzhoho, mu ta nyikela mapa ma sililweko khwatsi, ma patsilweko ni mafura ma ringanako a zvipandze zvinharu zva wukhume zva efa ka dhuna ga homu, ni zvipandze zvimbiri zva wukhume ka yivhu ya matsune, 10 ni cipandze cin’we ca wukhume ka yivhana yin’we ni yin’wani ya matsune ka leti ta 7, 11 zvin’we ni cimbutana cin’we kota munyikelo wa ciwonho, ahandle ka munyikelo wa ciwonho wa muphahlo wa ku kombela ku tsetselelwa zviwonho,+ ni munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni minyikelo ya kona ya zvakunwa.
12 “‘Hi siku ga wu 15 ka hweti ya wu 7, mu ta maha gotsovanyano wo basa. Mu nga mahi ntiro wo bindza. Mu fanele ku maha mubuzo mu mahela Jehovha a 7 wa masiku.+ 13 Kota munyikelo wa kuhiswa,+ a munyikelo wu mahiwako hi ndzilo kota masema yo nuhela ma tsakisako Jehovha, mu ta nyikela a 13 wa zvidhunana zva tihomu, ni tiyivhu timbiri ta vamatsune ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi ti nene.+ 14 Kota munyikelo wa kona wa tindzhoho wa mapa ma sililweko khwatsi, ma patsilweko ni mafura, mu ta nyikela a zvipandze zvinharu zva wukhume ka dhuna gin’we ni gin’wani ga homu ka leti ta 13, ni zvipandze zvimbiri zva wukhume ka yivhu yin’we ni yin’wani ya matsune ka leti ta timbiri, 15 ni cipandze ca wukhume ka yivhana yin’we ni yin’wani ya matsune ka leti ta 14, 16 zvin’we ni cimbutana cin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni munyikelo wa kona wa zvakunwa.+
17 “‘Hi siku ga wumbiri, mu ta nyikela a 12 wa zvidhunana zva tihomu, ni tiyivhu timbiri ta vamatsune, ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi ti nene,+ 18 ni munyikelo wa kona wa tindzhoho ni minyikelo ya kona ya zvakunwa ya madhuna ya tihomu, ni ya tiyivhu ta vamatsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 19 zvin’we ni cimbutana cin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni minyikelo ya kona ya zvakunwa.+
20 “‘Hi siku ga wunharu, mu ta nyikela a 11 wa madhuna ya tihomu, ni tiyivhu timbiri ta vamatsune, ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi ti nene,+ 21 ni munyikelo wa kona wa tindzhoho ni minyikelo ya kona ya zvakunwa ya madhuna ya tihomu, ni ya tiyivhu ta vamatsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 22 zvin’we ni mbuti yin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni munyikelo wa kona wa zvakunwa.+
23 “‘Hi siku ga wumune, mu ta nyikela a 10 wa madhuna ya tihomu, ni tiyivhu timbiri ta vamatsune, ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene,+ 24 ni munyikelo wa kona wa tindzhoho ni minyikelo ya kona ya zvakunwa ya madhuna ya tihomu, ni ya tiyivhu ta vamatsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 25 zvin’we ni cimbutana cin’we, kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni munyikelo wa kona wa zvakunwa.+
26 “‘Hi siku ga wutlhanu, mu ta nyikela a 9 wa madhuna ya tihomu, ni tiyivhu timbiri ta vamatsune, ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene,+ 27 ni munyikelo wa kona wa tindzhoho, ni minyikelo ya kona ya zvakunwa ya madhuna ya tihomu, ni ya tiyivhu ta vamatsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 28 zvin’we ni mbuti yin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni munyikelo wa kona wa zvakunwa.+
29 “‘Hi siku ga wu 6, mu ta nyikela a 8 wa madhuna ya tihomu, ni tiyivhu timbiri ta vamatsune, ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene,+ 30 ni munyikelo wa kona wa tindzhoho ni minyikelo ya kona ya zvakunwa ya madhuna, ni ya tiyivhu ta vamatsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 31 zvin’we ni mbuti yin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni minyikelo ya kona ya zvakunwa.+
32 “‘Hi siku ga wu 7, mu ta nyikela a 7 wa madhuna ya tihomu, ni tiyivhu timbiri ta vamatsune, ni 14 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene,+ 33 ni munyikelo wa kona wa tindzhoho ni minyikelo ya kona ya zvakunwa ya madhuna, ni ya tiyivhu ta vamatsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 34 zvin’we ni mbuti yin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni munyikelo wa kona wa zvakunwa.+
35 “‘Hi siku ga wu 8, mu ta maha mutlhangano wo basa. Mu nga mahi ntiro wo bindza.+ 36 Kota munyikelo wa kuhiswa wa masema yo nuhela ma tsakisako Jehovha, mu ta nyikela cidhunana ca homu, ni yivhu yin’we ya matsune, ni 7 wa tiyivhana ta vamatsune, a yin’we ni yin’wani na yi hi ni lembe gin’we, tontlhe na ti hi tinene,+ 37 ni munyikelo wa kona wa tindzhoho, ni minyikelo ya kona ya zvakunwa ya dhuna ga homu, ni ya yivhu ya matsune, ni ya tiyivhana ta vamatsune, hi kuya hi ntsengo wa tona, hi ku landza a mamahela ya kona yo toloveleka, 38 zvin’we ni mbuti yin’we kota munyikelo wa ciwonho, ahandle ka munyikelo wa kuhiswa wu mahiwako hi kukhandzakanya, ni munyikelo wa kona wa tindzhoho, ni munyikelo wa kona wa zvakunwa.+
39 “‘Mu ta nyikela a zvilo lezvi ka Jehovha mibuzweni ya n’wina ya zvikhati zvi yimisilweko,+ ahandle ka minyikelo ya n’wina ya ku funga+ ni minyikelo ya n’wina ya kuzvirandza,+ kota minyikelo ya kuhiswa,+ ni minyikelo ya n’wina ya tindzhoho,+ ni minyikelo ya n’wina ya zvakunwa,+ ni miphahlo ya n’wina ya kuhlengela.’”+ 40 Mosi i no byela a vaIzrayeli zvontlhe lezvi Jehovha a nga mu leletele.
30 Makunu Mosi i no byela a tihosana+ ta tixaka ta ka Izrayeli, aku: “Jehovha i leletele lezvi: 2 Loku a wanuna a maha cifungo+ ka Jehovha kutani ku hlambanya+ hi ku maha cifungo ca kutitsona, a nga faneli ku ci tshova.+ I fanele ku maha zvontlhe lezvi a fungileko ku i ta zvi maha.+
3 “Loku a wasati a maha cifungo ka Jehovha kutani a ti boha hi ku maha cifungo ca kutitsona na a ha hi n’wanana, lezvo na a ha tshama kaya ka papayi wakwe, 4 a papayi wakwe azwa cifungo cakwe kutani cifungo cakwe ca kutitsona leci a ti bohileko hi cona, a miyela, zvontlhe a zvifungo zvakwe zvi ta tiyiswa, ni cifungo cakwe ca kutitsona leci a ti bohileko hi cona ci ta tiyiswa. 5 Kanilezvi loku a papayi wakwe a mu alela laha a tivako lezvaku i ti bohile hi zvifungo kutani zvifungo zva kutitsona, a zvifungo lezvo zvi nga ta tira. Jehovha i ta mu tsetselela, hakuva a papayi wakwe i mu betele.+
6 “Hambulezvo, loku a tshuka a chadha na a ha hi ka cifungo cakwe kutani citsumbiso leci a ti bohileko hi cona hi matloti, 7 a nuna wakwe a zvi tiva kanilezvi a nga mu aleli ka siku legi a zvi tivako hi gona, a zvifungo zvakwe kutani zvifungo zva kutitsona lezvi a ti bohileko hi zvona zvi ta tiyiswa. 8 Kanilezvi loku a nuna wakwe a mu alela ka siku legi a zvi tivako hi gona, a nga vhinya a cifungo kutani citsumbiso leci a sati wakwe a ti bohileko hi cona+ hi matloti niku Jehovha i ta mu tsetselela.
9 “Kanilezvi loku a noni* kutani wasati a tlhatlhileko wukati* a maha cifungo, zvontlhe lezvi a ti bohileko ka zvona zvi ta tira.
10 “Hambulezvo, loku a wasati a ti bohile hi cifungo kutani cifungo ca kutitsona na a hi mutini wa nuna wakwe, 11 a nuna wakwe a zvi tiva kanilezvi a nga mu aleli ne a nga zvi soli, zvontlhe a zvifungo zvakwe kutani ni cihi cifungo ca kutitsona leci a ti bohileko hi cona, ci ta tiyiswa. 12 Kanilezvi a ku na cifungo kutani cifungo ca kutitsona ci mahilweko hi sati ci to tira loku a nuna wakwe a zvi vhinyile hi kumbhelela ka siku legi a nga zvi tiva hi gona.+ A nuna wakwe i zvi vhinyile niku Jehovha i ta mu tsetselela. 13 A nuna wakwe i ta tiyisa kutani ku vhinya ni cihi cifungo kutani cihlambanyo ci patsako a cifungo ca kutitsona.* 14 Kanilezvi loku ku hundza masiku, a nuna wakwe na a nga mu aleli, o tiyisa a zvifungo zvontlhe zva sati wakwe kutani zvontlhe zvifungo zva kutitsona lezvi a sati wakwe a ti bohileko hi zvona. I zvi tiyisa hi kota ya lezvi a nga kala ku mu alela ka siku legi a nga tiva ku a sati wakwe i zvi mahile. 15 Kanilezvi loku a nuna wakwe a zvi vhinya andzhako ka loku ku hundzile cikhati co kari na a zvi tivile, i ta rwala a mawuyawuya ya nandzu wa sati wakwe.+
16 “Lezvi zvileletelo lezvi Jehovha a nga leletela Mosi zvi yelanako ni nuna ni sati wakwe, ni papayi ni cinhanyetana cakwe leci ca ha tshamako mutini wa papayi wa cona.”
31 Jehovha i no byela Mosi, aku: 2 “Photela+ vaIzrayeli ka vaMidhiyani.+ Andzhako ka lezvo, u ta hlengeletwa ka vanhu va wena.”*+
3 Hikwalaho, Mosi i no byela vanhu, aku: “Hlomisani a vavanuna vo kari cikari ka n’wina kasi va yalwa ni vaMidhiyani, va neha kuphota ka Jehovha hehla ka vaMidhiyani. 4 Rumelani 1000 va lixaka lin’we ni lin’wani ka tontlhe a tixaka ta ka Izrayeli vaya yimpini.” 5 Hikwalaho, cikari ka makume ya mazana ya Izrayeli,+ ku no rumelwa a 1000 wa vavanuna va lixaka lin’we ni lin’wani; vontlhe va wa hi 12 000 wa vavanuna va hlomileko kulwa yimpi.
6 Makunu Mosi i no rumela 1000 wa vavanuna va lixaka lin’we ni lin’wani vaya yimpini, na Finiyasi,+ a n’wana wa mupristi Eleyazari, loyi a nga famba zvin’we ni butho na a hi ni zvibya zvo basa ni mimpundzu ya yimpi+ canjeni gakwe. 7 Va nolwa yimpi ni vaMidhiyani, kota lezvi Jehovha a nga leletele Mosi, va daya vavanuna vontlhe. 8 Cikari ka lava va nga dawa, ku wa hi ni tihosi ta vaMidhiyani, ku nga Evhi, na Rekemu, na Zuri, na Hura, na Rebha, ti nga ntlhanu wa tihosi ta vaMidhiyani. Va no daya na Bhalami,+ a n’wana wa Bheyori, hi cipadha. 9 Kanilezvi a vaIzrayeli va no khoma a vavasati ni vanana va vaMidhiyani kota tikhumbi. Ahandle ka lezvo, va no phanga zvontlhe a zvifuyo zvabye, ni yontlhe mitlhambi yabye, ni tontlhe titshomba tabye. 10 Va no hisa a madhoropa yabye wontlhe lawa va nga tshama ka wona ni wugovelo gabye gontlhe. 11 Va no teka zvontlhe lezvi va nga phangile, a ku patsa ni vanhu ni zvihari. 12 Hi kulandzela, va no neha a tikhumbi ni muphango ka Mosi, ni ka mupristi Eleyazari, ni ka hlengeletano ya ka Izrayeli le wugovelweni, tivaleni ta Mowabhi,+ kusuhani ni Jordhani ni Jeriko.
13 Hikwalaho, Mosi, na mupristi Eleyazari, ni tontlhe a tihosana ta hlengeletano va no huma va va khinga le handle ka wugovelo. 14 Kanilezvi Mosi i no zangarela a vavanuna va yimisilweko lava va nga rangela masochwa, a varangeli va mitlawa ya 1000 wa vanhu ni varangeli va mitlawa ya 100 wa vanhu lava va nga wuya hi le yimpini. 15 Mosi i te ngalo kabye: “Mu no tsika a vavasati vontlhe va hanya ke? 16 Phela kuve vona, lava hi gezu ga Bhalami, va nga kucetela vaIzrayeli lezvaku va nga tsumbeki+ mahlweni ka Jehovha mhakeni ya Peyori+ laha ka kuza kuta a ntungu hehla ka hlengeletano ya Jehovha.+ 17 Zvezvi, dayani a vanana vontlhe va vafana, mu daya ni vavasati vontlhe lava va hlengeleko masango ni wanuna. 18 Kanilezvi a vanhanyana vontlhe lava va kalako va nga se hlengela masango ni wanuna va tsikeni va hanya.+ 19 Mu ta tshama le handle ka wugovelo a 7 wa masiku. Ni wihi cikari ka n’wina loyi a deleko munhu* kutani a henyileko cirumbi+ i fanele ku ti basisa+ hi siku ga wunharu ni siku ga wu 7, n’wina ni tikhumbi ta n’wina. 20 A tinguwo tontlhe, ni zvontlhe a zvilo zvi mahilweko hi bhebhe, ni zvontlhe a zvilo zvi mahilweko hi woya ga mbuti, ni zvontlhe a zvilo zva mapulango mu fanele ku zvi basisa ka ciwonho.”
21 Makunu mupristi Eleyazari i no byela a vavanuna va butho lava va nga yile yimpini, aku: “A cileletelo ca nayo leci Jehovha a leleteleko Mosi hi leci: 22 ‘Ntsena a ouro, ni prata, ni kobre, ni simbi, ni estanyo, ni muthovhu, 23 zvontlhe lezvi zvi nga swiko hi ndzilo, hi zvona mu to zvi hundzisa hi lomu ndzilweni kasi zvi hlazveka. Hambulezvo, zvi wa tlhele zvi hlazviwa hi mati ya kubasisa.+ Kanilezvi zvontlhe lezvi zva ku zvi ngaswa hi ndzilo zvi hlazveni hi mati. 24 Hlazvani tinguwo ta n’wina hi siku ga wu 7 ti basa, andzhako ka lezvo, mu nga nghena lomu wugovelweni.’”+
25 Makunu Jehovha i no byela Mosi, aku: 26 “Maha xaxameto wa lezvi zvi phangilweko, u hlaya lezvi zvi khomilweko, a vanhu ni zvihari; wu mahe zvin’we na mupristi Eleyazari ni tihloko ta tiyindlu ta vapapayi ta hlengeletano. 27 Avanyisa muphango hi zvipandze zvimbiri kasi a cipandze cin’we ci avelwa cikari ka butho ga lava va nga yile yimpini, leci cin’wani ci avelwa a hlengeletano yontlhe.+ 28 Ka masochwa lawa ma nga yile yimpini, teka muhefemulo* wun’we cikari ka ntlawa wun’we ni wun’wani wa 500 wa yona kota khupo wa Jehovha, cikari ka vanhu, ni ka tihomu, ni ka timbongola, ni ka tiyivhu. 29 Mu ta teka khihlanya ga zvona mu nyika mupristi Eleyazari kota munyikelo ka Jehovha.+ 30 Ka khihlanya legi gi nyikilweko a vaIzrayeli, u ta teka cin’we cikari ka ntlawa wun’we ni wun’wani wa 50 wa vanhu, ni wa tihomu, ni wa timbongola, ni wa tiyivhu, ni wa tixaka tontlhe ta zvifuyo, u nyika vaLevhi+ lava va tirako mitiro yi yelanako ni tabhernakeli ga Jehovha.”+
31 Hikwalaho, Mosi na mupristi Eleyazari va no maha zvalezvi Jehovha a nga leletele Mosi. 32 A muphango, ku nga lezvi zvi nga sele ka lezvi zvi nga phangilwe hi vavanuna lava va nga yile yimpini, wuve lowu: 675 000 wa tiyivhu, 33 ni 72 000 wa tihomu, 34 ni 61 000 wa timbongola. 35 A vavasati lava va nga kala va nga se hlengela masango ni wanuna+ va wa hi 32 000. 36 A khihlanya legi gi ngava ciavelo ca lava va nga yile yimpini gi wa hi 337 500 wa tiyivhu. 37 A tiyivhu ti nyikelweko ka Jehovha kota khupo ti wa hi 675. 38 Ku wa hi ni 36 000 wa tihomu; leti ti ngava ta khupo wa Jehovha ti wa hi 72. 39 Ku wa hi ni 30 500 wa timbongola; leti ti ngava ta khupo wa Jehovha ti wa hi 61. 40 Ku wa hi ni 16 000 wa vanhu;* lava va ngava va khupo wa Jehovha va wa hi 32 wa vanhu.* 41 Mosi i no nyikela a khupo ka mupristi Eleyazari,+ kota munyikelo wa Jehovha, a ku khwatsi hi lezvi Jehovha a nga leletele Mosi.
42 A khihlanya legi gi nga lumba vaIzrayeli, legi Mosi a nga gi pambulile ka cipandze leci ci nga hi ca vavanuna lava va nga lwile yimpi, hi legi: 43 A khihlanya ga tiyivhu gi wa hi 337 500, 44 a ga tihomu gi wa hi 36 000, 45 a ga timbongola gi wa hi 30 500, 46 niku a ga vanhu* gi wa hi 16 000. 47 Makunu ka khihlanya ga vanhu ni ga zvihari legi gi nga lumba a vaIzrayeli, Mosi i no teka munhu mun’we cikari ka ntlawa wun’we ni wun’wani wa 50 wa vona ni cihari cin’we ka ntlawa wun’we ni wun’wani wa 50 wa zvona a nyika vaLevhi+ lava va nga maha ntiro wa lomu tabhernakelini ga Jehovha,+ a ku khwatsi hi lezvi Jehovha a nga leletele Mosi.
48 Makunu a vavanuna va yimisilweko va mitlawa ya 1000 wa masochwa,+ a varangeli va mitlawa ya 1000 wa vanhu ni varangeli va mitlawa ya 100 wa vanhu, va no tshinela ka Mosi, 49 vaku kakwe: “A malandza ya wena ma hlayile a vavanuna vontlhe lava va nga valwi va yimpi lava hi va rangelako, niku hi byelilwe ku i hava a kiyelako.+ 50 Hikwalaho, a mun’we ni mun’wani wa hina i lava ku nyikela ka Jehovha lezvi a zvi kumileko kota munyikelo: A zvilo zva ouro, ni zvichinana zva lomu minengeni, ni maniya, ni tiphera ta tikarimbo, ni tiphera ta tindleve,* ni zvin’wani zvilo zva lisima, kasi hi* ti mahela muphahlo wa ku kombela ku tsetselelwa zviwonho mahlweni ka Jehovha.”
51 Hikwalaho, Mosi na mupristi Eleyazari va no amukela a ouro leyi yi ngata hi kabye, zvontlhe a zvilo zva lisima. 52 A ouro yontlhe leyi a varangeli va mitlawa ya 1000 wa vanhu ni varangeli va mitlawa ya 100 wa vanhu va nga maha hi yona a munyikelo ka Jehovha yi wa ringana 16 750 wa maxekeli.* 53 A wanuna mun’we ni mun’wani wa butho i wa susile a cipandze co kari ca muphango civa cakwe. 54 Mosi na mupristi Eleyazari va no amukela a ouro hi ka varangeli va mitlawa ya 1000 wa vanhu ni ka varangeli va mitlawa ya 100 wa vanhu va famba nayo lomu tendeni ga mutlhangano kota cialakanyiso ka vanhu va ka Izrayeli mahlweni ka Jehovha.
32 Makunu a vana va Rubheni+ ni vana va Gadhi+ va wa hi ni zvifuyo zvo tala. Va no wona lezvaku a tiko ga Jazera+ ni ga Gileyadhe ma wa hi manene kasi ku risela ka wona zvifuyo. 2 Hikwalaho, a vana va Gadhi ni vana va Rubheni va no tshinela ka Mosi, ni ka mupristi Eleyazari ni ka tihosana ta hlengeletano, vaku: 3 “Atarote, ni Dhibhoni, ni Jazera, ni Nimra, ni Hexbhoni,+ ni Eleyale, ni Sebhama, ni Nebho,+ ni Bheyona,+ 4 a madhoropa lawa Jehovha a ma hlulileko mahlweni ka hlengeletano ya ka Izrayeli,+ wutshamu ga ginene kasi ku risela ka gona zvifuyo niku a malandza ya wena ma na ni zvifuyo zvo tala.”+ 5 Va no engeta, vaku: “Loku hi kumile thomo mahlweni ka wena, vhumela ku a wutshamu legi gi nyikiwa a malandza ya wena kota tshomba. U nga hi tlhatukisi a Jordhani.”
6 Makunu Mosi i no wutisa a vana va Gadhi ni vana va Rubheni, aku: “A vamakabye va n’wina va lava kuya va yalwa yimpi n’wina na mu sele laha mu tshama ke? 7 Mu lava ku va mbhetela yini ntamu a vanhu va ka Izrayeli va tsika ku tlhatuka vaya tikweni legi Jehovha a lavako ku va nyika ke? 8 Hi zvalezvo va nga maha a vapapayi va n’wina a cikhati leci ndzi nga va ruma hi Kadhexe-Bharneya a kuya va ya wona tiko.+ 9 Laha va nga chikela Nkoveni wa Exkole+ va wona tiko, va no va mbheta ntamu a vanhu va ka Izrayeli va tsika ku nghena tikweni legi Jehovha a nga lava ku va nyika.+ 10 Ka siku lego, a zanga ya Jehovha yi no vhura aza a hlambanya,+ aku: 11 ‘Vontlhe lava va humileko hi Gibhite va kusukela ka 20 wa malembe kuya hehla va nga ta wona a tiko+ legi ndzi hlambanyileko ka Abrahama, ni ka Isaka ni ka Jakobe,+ hakuva a va ndzi landzelangi hi mbilu yabye yontlhe — 12 ahandle ka Kalebhi,+ a n’wana wa Jefune, a muKenazi, na Joxuwa,+ a n’wana wa Nuni, hakuva va landzele Jehovha hi mbilu yontlhe.’+ 13 Hikwalaho, a zanga ya Jehovha yi no vhura yi vhukela Izrayeli, a va pepetsekisa 40 wa malembe lomu ciwuleni+ kala a cizukulwana contlhe leci ci nga maha zvo biha mahlweni ka Jehovha ci fuva.+ 14 Makunu mu yimile cikhundleni ca vapapayi va n’wina kota pswalo wa vawonhi, lava va engetelako a zanga ya Jehovha yi vhurako yi vhukela Izrayeli. 15 Loku mu tsika a ku mu landzela, hakunene i ta va tsika kambe lomu ciwuleni niku mu ta lovisisa vontlhe vanhu lava.”
16 Andzhako ka cikhati, va no tshinela kakwe, vaku ngalo: “Hi tsike hi aka maranga ya maribye ya zvifuyo zva hina ni madhoropa ya vana va hina. 17 Kanilezvi hi ta simama hi longile a kulwa yimpi+ hi tlhela hi famba mahlweni ka vaIzrayeli kala hi va chiketa wutshan’wini gabye, a vana va hina na va tshamile madhoropeni ma vhikelweko khwatsi, na va vhikelwe ka vaaki va tiko. 18 Hi nga ta wuya mitini ya hina kala a vaIzrayeli vontlhe va amukela a tiko, a mun’we ni mun’wani ava tshombeni yakwe.+ 19 Hina hi nga ta amukela tshomba navo le tlhatuko wa Jordhani kutani kun’wani, hakuva hi amukele a tshomba ya hina tlhelweni ga mutsuwuka-gambo wa Jordhani.”+
20 Mosi i no va hlamula, aku: “Loku mu maha lezvo, mu hloma kasi kulwa yimpi mahlweni ka Jehovha,+ 21 ni loku n’wina n’wentlhe mu hloma mu tlhatuka Jordhani mahlweni ka Jehovha laha a hlongolako valala vakwe mahlweni kakwe+ 22 kala a tiko gi khoziswa mahlweni ka Jehovha,+ andzhako ka lezvo, mu nga tlhela+ niku mu ta tlhatlheka ka nandzu mahlweni ka Jehovha ni ka Izrayeli. A tiko legi gi tava tshomba ya n’wina mahlweni ka Jehovha.+ 23 Kanilezvi loku mu nga mahi lezvo mu tava mu wonhele Jehovha. Loku zvi hi tano, zvi tiveni ku mu nga ta pona tsayiselelo wa ciwonho ca n’wina. 24 Mu nga aka madhoropa ya vana va n’wina ni maranga ya mitlhambi ya n’wina+ kanilezvi mahani lezvi mu nga tsumbisa.”
25 A vana va Gadhi ni vana va Rubheni va no byela Mosi, vaku: A malandza ya wena ma ta maha zvalezvi a hosi ya mina yi layileko. 26 A vana va hina, ni vasati va hina, ni mitlhambi ya hina, ni zvontlhe a zvifuyo zva hina zvi ta sala madhoropeni ya Gileyadhe,+ 27 kanilezvi a malandza ya wena ma ta tlhatuka a Jordhani, a vavanuna vontlhe na va hlomile kasi kulwa yimpi mahlweni ka Jehovha,+ kota lezvi a hosi ya mina yi wulileko.”
28 Hikwalaho, Mosi i no nyika zvileletelo xungetano hi vona ka mupristi Eleyazari, ni ka Joxuwa, a n’wana wa Nuni, ni ka tihloko ta tiyindlu ta vapapayi ta tixaka ta ka Izrayeli. 29 Mosi i te ngalo kabye: “Loku a vana va Gadhi ni vana va Rubheni va tlhatuka Jordhani zvin’we na n’wina, a vavanuna vontlhe na va hlomile kasi kulwa yimpi mahlweni ka Jehovha, ni tiko gi khoziswa mahlweni ka n’wina, mu ta va nyika a tiko ga Gileyadhe kota tshomba.+ 30 Kanilezvi loku va nga hlomi va tlhatuka a Jordhani zvin’we na n’wina, va ta aka cikari ka n’wina le tikweni ga Khanani.”
31 Makunu a vana va Gadhi ni vana va Rubheni va no hlamula, vaku: “Lezvi Jehovha a wulileko ka malandza ya wena hi zvalezvo hi to maha. 32 Hi ta hloma hi tlhatuka a Jordhani mahlweni ka Jehovha hiya tikweni ga Khanani+ kanilezvi a cipandze leci hi to amukela kota tshomba ci tava tlhelweni legi seno ga Jordhani.” 33 Hikwalaho, Mosi i no nyika vana va Gadhi, ni vana va Rubheni,+ ni khihlanya ga lixaka la ka Manase,+ a n’wana wa Josefa, a mufumo wa Sihoni,+ a hosi ya vaAmori, ni mufumo wa Ogi,+ a hosi ya Bhaxani, ma nga matiko lawa ma lumbako a madhoropa ya zvipandze lezvo ni madhoropa ya zvipandze lezvi zvi nga ma randzele.
34 A vana va Gadhi va no aka* a dhoropa ga Dhibhoni,+ ni ga Atarote,+ ni ga Arowera,+ 35 ni ga Atrote-Xofane, ni ga Jazera,+ ni ga Jogbheha,+ 36 ni ga Bhet-Nimra+ ni ga Bhet-Harani,+ a madhoropa ma bhiyelweko hi makhokhola niku va no aka a maranga ya maribye ya mitlhambi. 37 A vana va Rubheni va no aka a dhoropa ga Hexbhoni,+ ni ga Eleyale,+ ni ga Kiriyatayime,+ 38 ni ga Nebho,+ ni ga Bhaali-Meyoni+ — va ma cica mavito — ni ga Sibma. Va no sangula ku ma chula man’wani mavito a madhoropa lawa va nga aketa.
39 A vana va Makira,+ a n’wana wa Manase, va no ya dhumela Gileyadhe va gi teka, va hlongola a vaAmori lava va nga hi lomo. 40 Hikwalaho, Mosi i no nyikela Gileyadhe ka Makira, a n’wana wa Manase; yena i no sangula ku tshama ka gona.+ 41 Jayira, a n’wana wa Manase, i noya a ya dhumela zvidhoropana zva matenda zva wutshamu lego, a zvi chula ku Havhote-Jayira.*+ 42 Nobha i noya a ya wutla a dhoropa ga Kenate ni zvidhoropana zva kona, a gi chula ku Nobha, gi nga vito gakwe.
33 Lezvi zvive zvigava zva liendzo la va ka Izrayeli a cikhati leci va nga huma hi tikweni ga Gibhite+ hi mabutho yabye+ na va rangelwa hi Mosi na Aroni.+ 2 Mosi i no simama ku tsala a matshamu lawa va nga suka hi ka wona ka zvigava zva tiendzo tabye hi ku landza a cileletelo ca Jehovha. Makunu a zvigava zva tiendzo tabye, a ku suka ka wutshamu gin’we vaya ka gin’wani, hi lezvi:+ 3 Va no suka hi Ramesese+ ka hweti yo sangula, hi siku ga wu 15 ga hweti.+ Ka siku gi nga landzela, andzhako ka Phasika,+ a vaIzrayeli va no huma na va nga chavi nchumu* na va woniwa hi vaGibhite vontlhe. 4 Ka cikhati caleco, a vaGibhite va wo lahla a matewula wontlhe lawa ma nga delwe hi Jehovha cikari kabye,+ hakuva Jehovha i wa lamulile a vanungungulu vabye.+
5 Hikwalaho, a vaIzrayeli va no suka hi Ramesese va ya gova Sukote.+ 6 Andzhako ka lezvo, va no suka hi Sukote va ya gova Etama,+ ku nga mbhirini ya ciwula. 7 Hi kulandzela, va no suka hi Etama va tlhela hi ndzhako va kongoma Pi-Hahirote ku cuwukeneko ni Bhaali-Zefoni+ va ya gova mahlweni ka Migdhole.+ 8 Andzhako ka lezvo, va no suka hi Pi-Hahirote va tsemakanya hi laha cikari ka bimbi+ vaya ciwuleni.+ Va no simama ku famba a pfhuka wa masiku manharu lomu ciwuleni ca Etama+ va ya gova Mara.+
9 Va no suka hi Mara vaya Elima. Makunu le Elima ku wa hi ni 12 wa zvibuka zva mati ni 70 wa micindzu, hikwalaho va no gova laho.+ 10 Hi kulandzela, va no suka hi Elima va ya gova mbhirini ya Bimbi go Pswhuka. 11 Andzhako ka lezvo, va no suka hi Bimbini go Pswhuka va ya gova ciwuleni ca Sini.+ 12 Hi kulandzela, va no suka hi Ciwuleni ca Sini va ya gova Dhofka. 13 Andzhako ka cikhati, va no suka hi Dhofka va ya gova Aluxa. 14 Va no gumesa va suka hi Aluxa va ya gova Refidhime;+ laho ku wa nga hi na mati ya ku a vanhu vanwa. 15 Andzhako ka lezvo, va no suka hi Refidhime va ya gova ciwuleni ca Sinayi.+
16 Va no suka hi ciwuleni ca Sinayi va ya gova Kibrot-Hatava.+ 17 Hi kulandzela, va no suka hi Kibrot-Hatava va ya gova Hazerote.+ 18 Andzhako ka lezvo, va no suka hi Hazerote va ya gova Ritma. 19 Hi kulandzela, va no suka hi Ritma va ya gova Rimon-Pereza. 20 Va no suka hi Rimon-Pereza va ya gova Libna. 21 Va no suka hi Libna va ya gova Risa. 22 Hi kulandzela, va no suka hi Risa va ya gova Kehelata. 23 Va no suka hi Kehelata va ya gova Citsungeni ca Xefera.
24 Andzhako ka lezvo, va no suka hi Citsungeni ca Xefera va ya gova Haradha. 25 Andzhako ka cikhati, va no suka hi Haradha va ya gova le Makhelote. 26 Hi kulandzela, va no suka+ hi Makhelote va ya gova Tahate. 27 Andzhako ka lezvo, va no suka hi Tahate va ya gova Tera. 28 Va no suka hi Tera va ya gova Mitka. 29 Andzhako ka cikhati, va no suka hi Mitka va ya gova Haxmona. 30 Hi kulandzela, va no suka hi Haxmona va ya gova Moserote. 31 Va no suka hi Moserote va ya gova Bhene-Jaakani.+ 32 Va no suka hi Bhene-Jaakani va ya gova Hor-Hagidgadhe. 33 Hi kulandzela, va no suka hi Hor-Hagidgadhe va ya gova Jotbhatha.+ 34 Andzhako ka cikhati, va no suka hi Jotbhatha va ya gova Abrona. 35 Va no suka hi Abrona va ya gova Eziyoni-Gebhera.+ 36 Andzhako ka lezvo, va no suka hi Eziyoni-Gebhera va ya gova ciwuleni ca Zini,+ ku nga Kadhexe.
37 Andzhako ka cikhati, va no suka hi Kadhexe va ya gova Citsungeni ca Hora,+ mbhinganweni wa tiko ga Edhomi. 38 Mupristi Aroni i no kandziha Citsungeni ca Hora, hi kulaya ka Jehovha, a ya fela leyo, hi lembe ga wu 40 andzhako ka loku a vaIzrayeli va humile tikweni ga Gibhite, ka hweti ya wutlhanu, hi siku go sangula ga hweti.+ 39 Aroni i wa hi ni 123 wa malembe a cikhati leci a ngafa Citsungeni ca Hora.
40 Makunu a hosi ya Aradhe,+ a muKhanani, leyi yi nga tshama Negebhe, tikweni ga Khanani, yi nozwa lezvaku a vaIzrayeli vata.
41 Hi kufamba ka cikhati, va no suka hi Citsungeni ca Hora+ va ya gova Zalmona. 42 Andzhako ka lezvo, va no suka hi Zalmona va ya gova Punona. 43 Hi kulandzela, va no suka hi Punona va ya gova Obhote.+ 44 Va no suka hi Obhote va ya gova Ije-Abharima, mbhinganweni wa Mowabhi.+ 45 Andzhako ka cikhati, va no suka hi Ijime va ya gova Dhibhoni-Gadhi.+ 46 Va no suka hi Dhibhoni-Gadhi va ya gova Almon-Dhiblathayime. 47 Va no suka hi Almon-Dhiblathayime va ya gova zvitsungeni zva Abharime,+ mahlweni ka Nebho.+ 48 Hi kugumesa, va no suka hi zvitsungeni zva Abharime va ya gova tivaleni ta Mowabhi, kusuhani ni Jordhani ni Jeriko.+ 49 Va no simama ku gova kusuhani ni Jordhani, kusukela Bhet-Jeximote kala Abhel-Xitime,+ tivaleni ta Mowabhi.
50 Jehovha i no wulawula na Mosi tivaleni ta Mowabhi, kusuhani ni Jordhani ni Jeriko, aku: 51 “Byela vaIzrayeli, uku: ‘Mu ta tlhatuka Jordhani mu nghena tikweni ga Khanani.+ 52 Hlongolani vontlhe a vahanyi va tiko mahlweni ka n’wina, mu khungumulela zvontlhe zvifananiso zvabye zva maribye,+ ni zvontlhe a zvifananiso zvabye zva simbi,*+ ni matshamu yabye yo tlakuka ma basileko.+ 53 Mu ta teka a tiko mu tshama ka gona, hakuva hakunene ndzi ta mu nyika tiko kota tshomba.+ 54 Mu ta avela tiko hi tihlolo+ kota tshomba cikari ka mingango ya n’wina. A mitlawa leyi ya hombe mu ta engetela a tshomba ya yona, leyi ya yitsongwani mu hungula a tshomba ya yona.+ A tshomba ya mun’we ni mun’wani yi tava laha a hlolo yi to komba kona. Mu ta amukela a wutshamu kota tshomba, hi tixaka ta vapapayi va n’wina.+
55 “‘Kanilezvi loku mu nga hlongoli a vahanyi va tiko mahlweni ka n’wina,+ lava mu to va siya va ta maha ku khwatsi zvitoti matihlweni ya n’wina ni mimizwa matlhelweni ya n’wina niku va ta mu xanisa tikweni legi mu to hanya ka gona.+ 56 Ndzi ta mu maha lezvi ndzi nga lava ku va maha.’”+
34 Jehovha i no engeta a wulawula na Mosi, aku: 2 “Leletela a vaIzrayeli, uku: ‘A cikhati leci mu to nghena tikweni ga Khanani,+ mu ta amukela a tiko legi kota tshomba ya n’wina, a tiko ga Khanani, hi kuya hi mimbhingano ya gona.+
3 “‘A mbhingano wa n’wina ka tlhelo ga le dzongeni* wu ta sukela ciwuleni ca Zini ci nga kusuhani ni Edhomi. Ka tlhelo ga le mupela-gambo, wu ta sukela le magumo ya Bimbi ga Munyu.*+ 4 A mbhingano wa n’wina wu ta jika kasi wu hundza hi dzongeni wa tsunga wa Akrabhima,+ wu simama kala Zini. A magumo ya wona ku tava le dzongeni wa Kadhexe-Bharneya.+ Hi kulandzela, wu ta famba kala Hazar-Adhara,+ wu simama kala le Azmoni. 5 A mbhingano wu ta jika hi le Azmoni wuya Nkoveni wa Gibhite wu ya gumesa le Bimbini.*+
6 “‘A mbhingano wa n’wina hi tlhelo ga mupela-gambo ku tava Bimbi ga Hombe* ni mbhiri ya bimbi. Lowu wu tava mbhingano wa n’wina hi tlhelo ga mupela-gambo.+
7 “‘A mbhingano wa n’wina hi tlhelo ga n’walungu* wu tava lowu: Wu ta sukela Bimbini ga Hombe kala Citsungeni ca Hora. 8 Kusukela le Citsungeni ca Hora, mu ta pandza mbhingano kala le Lebho-Hamate.*+ A mbhingano wu ta gumesa le Zedhadhe.+ 9 Wu ta hundza hi le Zifroni, wu ya gumesa le Hazar-Enane.+ Lowu wu tava mbhingano wa n’wina hi tlhelo ga n’walungu.
10 “‘Hi kulandzela, mu ta pandza a mbhingano wa n’wina hi tlhelo ga mutsuwuka-gambo, kusukela le Hazar-Enane kala le Xefame. 11 A mbhingano wu ta sukela le Xefame wu famba kala le Ribla, le mutsuwuka-gambo wa Ayina. Wu ta relela wu tsemakanya a mutsuwuka-gambo wa mbhiri ya Bimbi ga Kinereta.*+ 12 A mbhingano wu ta famba kala le Jordhani wu ya gumesa le Bimbini ga Munyu.+ Legi gi tava tiko ga n’wina+ ni mimbhingano leyi yi gi randzeleko.’”
13 Makunu Mosi i no byela vaIzrayeli, aku: “Legi i tiko legi mu to avelana hi hlolo kota tshomba ya n’wina,+ kota lezvi Jehovha a leleteleko ku gi nyikelwa ka 9 wa tixaka ni khihlanya. 14 Hakuva a lixaka la va ka Rubheni hi yindlu ya vapapayi vabye, ni lixaka la va ka Gadhi hi yindlu ya vapapayi vabye, ni khihlanya ga lixaka la va ka Manase va sina va tekile a tshomba yabye.+ 15 A tixaka leti ta timbiri ni khihlanya ti sina ti tekile a tshomba ya tona cipandzeni ca mutsuwuka-gambo wa Congo wa Jordhani, kusuhani ni Jeriko, hi tlhelo ga mutsuwuka-gambo.”+
16 Jehovha i no engeta a wulawula na Mosi, aku: 17 “A mavito ya vavanuna lava va to mu avela tiko kota tshomba, hi lawa: Mupristi Eleyazari+ na Joxuwa,+ a n’wana wa Nuni. 18 Ka lixaka lin’we ni lin’wani, mu ta teka a hosana yin’we kasi ku avela tiko kota tshomba ya n’wina.+ 19 A mavito ya vavanuna lavo hi lawa: Ka lixaka la ka Judha+ hi Kalebhi,+ a n’wana wa Jefune; 20 ka lixaka la vana va Simeyoni+ hi Xemuweli, a n’wana wa Amihudhi; 21 ka lixaka la ka Bhenjamini+ hi Elidhadhe, a n’wana wa Kisloni; 22 ka lixaka la vana va Dhani+ hi hosana Bhuki, a n’wana wa Jogli; 23 ka vana va Josefa,+ ka lixaka la vana va Manase+ hi hosana Haniyeli, a n’wana wa Efodhe; 24 ka lixaka la vana va Efrayime+ hi hosana Kemuweli, a n’wana wa Xiftani; 25 ka lixaka la vana va Zebhuloni+ hi hosana Elizafane, a n’wana wa Parnake; 26 ka lixaka la vana va Isakari+ hi hosana Paltiyeli, a n’wana wa Azana; 27 ka lixaka la vana va Axeri+ hi hosana Ahihudhi, a n’wana wa Xelomi; 28 ka lixaka la vana va Naftali+ hi hosana Pedhaheli, a n’wana wa Amihudhi.” 29 Lava hi lava Jehovha a leleteleko lezvaku va avela a tiko ka vaIzrayeli tikweni ga Khanani.+
35 Jehovha i no engeta a wulawula na Mosi tivaleni ta Mowabhi, kusuhani ni Jordhani+ ni Jeriko, aku: 2 “Byela vaIzrayeli lezvaku ka tshomba leyi yi tova yabye, va wa pambule madhoropa yo kari va nyika vaLevhi kasi va hanya ka wona+ niku va wa va nyike a wuriselo ga lomu matlhelweni ya madhoropa lawo.+ 3 Vona va ta tshama lomu madhoropeni niku a wuriselo gabye gi tava ga zvifuyo zvabye, ni titshomba tabye, ni zvontlhe a zvihari zvabye lezvi zvin’wani. 4 A wuriselo ga madhoropa lawa mu to nyika vaLevhi gi tava 1000 wa mikono* kusukela laha ka muro matlhelweni wontlhe ya dhoropa. 5 Le handle ka dhoropa mu ta pima a 2000 wa mikono hi tlhelo ga le mutsuwuka-gambo, ni 2000 wa mikono hi tlhelo ga le dzongeni,* ni 2000 wa mikono hi tlhelo ga le mupela-gambo, ni 2000 wa mikono hi tlhelo ga le n’walungu.* A dhoropa gi tava laha cikari. Lego gi tava wuriselo ga madhoropa yabye.
6 “A madhoropa lawa mu to nyika vaLevhi ma tava 6 wa madhoropa ya wuchavelo,+ kasi a mudayi a tsutsumela ka wona,+ a ku tsika lawa man’wani ya 42. 7 A vaLevhi mu ta va nyika 48 wa madhoropa zvin’we ni wuriselo ga wona.+ 8 A madhoropa lawa mu to va nyika ma ta huma hi lomu tshombeni ya vaIzrayeli.+ Ka mitlawa leyi ya hombe mu ta teka madhoropa yo tala, ka mitlawa leyi ya yitsongwani mu ta teka ma tsongwani.+ A ntlawa wun’we ni wun’wani wu ta nyika vaLevhi a madhoropa yo kari hi kuya hi tshomba leyi wu to amukela.”
9 Jehovha i no engeta a wulawula na Mosi, aku: 10 “Byela vaIzrayeli, uku: ‘Mu ta tlhatuka Jordhani muya tikweni ga Khanani.+ 11 Mu ta ti hlawulela a madhoropa ma nga ka wutshamu go maheka kasi mava madhoropa ya wuchavelo, laha a to tsutsumela kona loyi a dayako munhu* hi kuphazama.+ 12 A madhoropa lawo ma tava wuchavelo ga n’wina ka muphoteli wa nkhata,+ kasi a mudayi a nga dawi kala a yima mahlweni ka hlengeletano a lamuliwa.+ 13 A 6 wa madhoropa lawa mu to ma nyikela kasi mava wuchavelo ma ta tirela lezvo. 14 Mu ta hlawula a madhoropa manharu ka tlhelo legi ga Jordhani+ ni man’wani ya manharu le tikweni ga Khanani+ kasi mava madhoropa ya wuchavelo. 15 A madhoropa lawo ya 6 ma tava wuchavelo ka vaIzrayeli, ni ka muluveli,+ ni ka muhlavha a nga cikari kabye kasi loyi a dayako munhu* hi kuphazama a tsutsumela kona.+
16 “‘Kanilezvi loku a mu bile hi nchumu wa simbi afa, a munhu loye mudayi. A mudayi i fanele ku dawa futsi.+ 17 Loku a mu bile hi ribye gi ringanako ku daya munhu afa, a munhu loye mudayi. A mudayi i fanele ku dawa futsi. 18 Loku a mu bile hi nchumu wa sinya wu ringanako ku daya munhu afa, a munhu loye mudayi. A mudayi i fanele ku dawa futsi.
19 “‘A muphoteli wa nkhata hi yena a to daya a mudayi. Loku a mu kuma i ta mu daya. 20 Loku a munhu a file hi kota ya lezvi a wokari a nga mu nikinya hi ku mu venga kutani hi kota ya lezvi a nga mu hoxela nchumu na a hi ni makungo yo biha,*+ 21 kutani a no muba hi mandla hi kota ya ku mu venga, a gumesa afa, a munhu loyi a mu bileko i fanele ku dawa futsi. A munhu loye mudayi. A muphoteli wa nkhata i ta daya a mudayi loku a mu kuma.
22 “‘Kanilezvi loku a mu nikinyile hi kuphazama na a nga mu vengi kutani a mu hoxele nchumu na a nga hi na makungo yo biha hi yena,*+ 23 kutani loku a mu wisele ribye na a nga mu woni, lezvo na a nga hi nala wakwe kutani na a nga lavi ku mu bayisa, a munhu loye afa, 24 a hlengeletano yi ta lamula cikari ka loyi a bileko munhu ni muphoteli wa nkhata hi ku landza a zvileletelo lezvi zva kulamula.+ 25 A hlengeletano yi ta ponisa a mudayi canjeni ga muphoteli wa nkhata, yi mu tlhelisa dhoropeni ga wuchavelo legi a nga tsutsumela ka gona. A mudayi i ta tshama ka gona kala kufa a mupristi wa hombe loyi a totilweko hi mafura ma basileko.+
26 “‘Kanilezvi loku a mudayi a tlula mbhingano wa dhoropa ga wuchavelo legi a nga tsutsumela ka gona, 27 a muphoteli wa nkhata a mu kuma le handle ka mbhingano wa dhoropa ga wuchavelo a mu daya, a nga tava ni nandzu wa nkhata. 28 Hakuva i fanele ku tshama dhoropeni ga wuchavelo kala kufa a mupristi wa hombe. Kanilezvi andzhako ka kufa ka mupristi wa hombe, a mudayi a nga tlhela tshombeni yakwe.+ 29 A zvilo lezvi zvi ta tira ka n’wina kota cileletelo ca kulamula zvizukulwaneni zva n’wina zvontlhe, kontlhe lomu mu to tshama kona.
30 “‘Ni wihi loyi a dayako munhu* i fanele ku dawa kota mudayi,+ na zvi tiyiswa hi nomu wa vakustumunyu;+ kanilezvi i hava a to dawa na zvi tiyiswa hi wukustumunyu ga munhu mun’we. 31 Mu nga vhumeli a hakhelo ya ku tlhatlhisa a wutomi* ga mudayi loyi a faneleko ku dawa, hakuva i fanele ku dawa futsi.+ 32 Mu nga vhumeli a hakhelo ya ku tlhatlhisa loyi a tsutsumeleko dhoropeni ga wuchavelo, mu mu tsika a tlhela aya tshama tikweni gakwe na ku nga sefa a mupristi wa hombe.
33 “‘Mu nga nyenyezisi a tiko legi mu to tshama ka gona, hakuva a nkhata wa nyenyezisa a tiko.+ A ku na muphahlo wa ku kombela ku tsetselelwa zviwonho wa nkhata wu halatilweko misaveni ahandle ka nkhata wa loyi a wu halatileko.+ 34 Mu nga nyenyezisi a tiko legi mu hanyako ka gona, ku nga tiko legi ndzi hanyako ka gona, hakuva mina Jehovha, ndzi tshama cikari ka vanhu va ka Izrayeli.’”+
36 A tihloko ta mingango ta vana va Gileyadhe, a n’wana wa Makira,+ a n’wana wa Manase, ta mingango ya vana va Josefa, ti no tshinela ti wulawula mahlweni ka Mosi ni ka tihosana, ku nga tihloko ta mingango ta va ka Izrayeli, 2 tiku: “Jehovha i leletele a hosi ya mina lezvaku yi avela a tiko hi tihlolo+ kota tshomba ka vaIzrayeli; Jehovha i leletele a hosi ya mina lezvaku a tshomba ya makabye wa hina Zelofehadhe yi nyikiwa a vanhanyana vakwe.+ 3 Loku vo chadha ni vavanuna va tixaka tin’wani ta vaIzrayeli, a tshomba ya vavasati lava yi ta tekiwa tshombeni ya vapapayi va hina yi engetela a tshomba ya lixaka leli va to lumba lona. Hi ndlela leyo, a tshomba leyo yi ta tekiwa ka cipandze leci ci lumbako a tshomba ya hina. 4 Loku ku chikela a lembe ga Jubhilewu+ ka vanhu va ka Izrayeli, a tshomba ya vavasati lava yi ta engetela a tshomba ya lixaka leli va lumbako lona. Hi ndlela leyo, a tshomba yabye yi ta tekiwa ka tshomba ya vapapayi va hina.”
5 Hi kuleletela ka Jehovha, Mosi i no byela vaIzrayeli, aku: “Lezvi a lixaka la vana va Josefa li wulako hi zvona. 6 A cileletelo ca Jehovha xungetano hi vanhanyana va Zelofehadhe hi leci: ‘Va nga chadha ni wihi va mu tsakelako. Hambulezvo, va wa chadhe ni munhu wa ngango wa lixaka la papayi wabye. 7 Yi hava tshomba ya vaIzrayeli yi faneleko ku suka ka lixaka lin’we yiya ka lin’wani, hakuva a vaIzrayeli va fanele ku tshama ni tshomba ya lixaka la vakokwani vabye. 8 A nhanyana mun’we ni mun’wani loyi a nga ni tshomba cikari ka tixaka ta ka Izrayeli i fanele kuva sati wa wanuna wa laha lixakeni la papayi wakwe+ kasi a vaIzrayeli va tshama ni tshomba ya vakokwani vabye. 9 Yi hava tshomba ya vaIzrayeli yi faneleko ku suka ka lixaka lin’we yiya ka lin’wani, hakuva a tixaka ta ka Izrayeli ti fanele ku tshama ni tshomba ya tona wutsumbu.’”
10 A vanhanyana va Zelofehadhe va no maha zvalezvi Jehovha a nga leletele Mosi.+ 11 Hikwalaho, Mahla, na Tirza, na Hogla, na Milka, na Nowa, a vanhanyana va Zelofehadhe,+ va no chadha ni vafana va vamakabye va papayi wabye. 12 Va no chadha ni vavanuna va mingango ya va ka Manase, a n’wana wa Josefa, kasi a tshomba yabye yi simama lixakeni la ngango wa papayi wabye.
13 Lezvi zvileletelo ni zviboho zva kulamula lezvi Jehovha a nyikileko vaIzrayeli hi nomu wa Mosi tivaleni ta Mowabhi, kusuhani ni Jordhani ni Jeriko.+
Hi kukongoma: “vana va Izrayeli”.
Kutani: “hloko ni hloko yabye”.
Hi kukongoma: “Ni wihi mumbe munhu”, ku nga lezvaku, a nga hiko muLevhi.
Kutani: “ku wonelela a; ku maha mitiro yabye ka”.
Kutani: “sul”.
Kutani: “norte”.
Hi kukongoma: “lava va tatilweko a mandla yabye”.
Hi kukongoma: “Ni wihi mumbe munhu”, ku nga munhu a nga hiko wa ngango wa Aroni.
Hi kukongoma: “wontlhe a matewula lawa ma vhululako marumbu”.
Kutani: “pátio”.
Kutani: “sul”.
Kutani: “norte”.
Hi kukongoma: “Ni wihi mumbe munhu”, ku nga lezvaku, a nga hiko muLevhi.
A xekeli gi wa ringana a 11,4 g. Wona Ap. B14.
Kutani: “hi kuya hi xekeli go basa”.
A gera gi wa ringana a 0,57 g. Wona Ap. B14.
Hi kukongoma: “nomu”.
Kutani: “foca”.
Kutani: “foca”.
Kutani: “tenazes”.
Kutani: “foca”.
Kutani: “foca”.
Kutani: “foca”.
Kutani: “khuma ga mafura”, ku nga khuma gi tsakamileko hi mafura ya miphahlo.
Kutani: “foca”.
Hi kukongoma: “ndzhwalo”.
Kutani: “foca”.
Kutani: “pátio”.
Kutani: “tiferemo”.
Kutani: “pátio”.
Kutani: “muhefemulo”. Wona Tlhamuselo wa magezu ya Bhibhiliya.
Kutani: “a muhefemulo lowo”.
A cipandze ca wukhume ca efa ci wa ringana a 2,2 l. Wona Ap. B14.
Kutani: “wondzisa”. Lezvi zvi nga ha nyika maalakanyo ya ku vhaleka marumbu.
Zvi wonekisa ku khwatsi ku wuliwa a zviro zva wubeleki.
Kutani: “wondzisa”. Lezvi zvi nga ha nyika maalakanyo ya ku vhaleka marumbu.
Zvi wonekisa ku khwatsi ku wuliwa a zviro zva wubeleki.
Kutani: “Zvi wa maheke! Zvi wa maheke!”
Kutani: “wondzisa”. Lezvi zvi nga ha nyika maalakanyo ya ku vhaleka marumbu.
Zvi wonekisa ku khwatsi ku wuliwa a zviro zva wubeleki.
Hi ciHebheru: “nazír”, zvi wulako ku “a hlawulilweko; a nyikelweko; a hambanisilweko”.
A vhina i sinya leyi yi pswalako mauvha.
A likari i nchumu wa simbi wo kariha wa ku tsema hi wona misisi.
Kutani: “A nga tshuki a tshinela kusuhani”.
Kutani: “muhefemulo”. Wona Tlhamuselo wa magezu ya Bhibhiliya.
Kutani: “muhefemulo”. Wona Tlhamuselo wa magezu ya Bhibhiliya.
Kutani: “muphahlo wa kurula”. Wona Tlhamuselo wa magezu ya Bhibhiliya.
Kutani: “cirundzu”.
Kutani: “cirundzu”.
Kutani: “ya hloko ya wunazira gakwe”.
Kutani: “cirundzwini”.
Hi kukongoma: “a ku tlakusela a nghohe yakwe”.
Kutani: “kunyikelweni”.
A xekeli gi wa ringana a 11,4 g. Wona Ap. B14.
Kutani: “hi kuya hi xekeli go basa”.
Kutani: “cingelwana ca cikhele”.
Hi kukongoma: “naye”.
A likari i nchumu wa simbi wo kariha wa ku tsema hi wona misisi.
Hi kukongoma: “ndziwilitela”, ku nga ku va yisa phambeni ni ndzhako.
Hi kukongoma: “ndziwilitela”, ku nga ku va yisa phambeni ni ndzhako.
Hi kukongoma: “ndziwilitelisa”, ku nga ku va yisa phambeni ni ndzhako.
Kutani: “wontlhe a matewula lawa ma vhululako marumbu”.
Hi kukongoma: “ndziwilitela”, ku nga ku va yisa phambeni ni ndzhako.
Hi kukongoma: “cikari ka wusikwana gimbiri”.
Hi kukongoma: “cikari ka wusikwana gimbiri”.
Hi kukongoma: “cikari ka wusikwana gimbiri”.
Kutani: “muhefemulo”.
Kutani: “dawa”.
Kutani: “sul”.
Ku nga Jetro.
Kutani: “mahlo ya hina”.
Zvi wulako ku: “Kuswa”.
Zvi nga maha na ku hi vanhu va nga hi cikari kabye vo kala va nga hi vaIzrayeli.
Kutani: “a mihefemulo ya hina yo”.
Kutani: “muhlayisi wa cinuna”.
Kutani: “lava va tivekako ka wena ku”.
Kutani: “va no sangula ku phrofeta”.
A nkono wun’we wu wa ringana a 44,5 cm. Wona Ap. B14.
A homeri yi wa ringana a 220 l. Wona Ap. B14.
Zvi wulako ku: “Zvilahla zva kunavela”.
Kutani: “wo ti koramisa nguvhu (wo olova) a ku hundza ni wihi mun’wani munhu”.
Hi kukongoma: “Lomu ndlwini ya mina yontlhe, i tsumbekile”.
Hi kukongoma: “nomu ni nomu”.
Kutani: “Jehoxuwa”, zvi wulako ku: “Jehovha Kuhanyisa”.
Hi kukongoma: “gi na ni mafura”.
Hi kukongoma: “gi wondzile”.
Kutani: “nyangwa ya Hamate”.
A vhina i sinya leyi yi pswalako mauvha.
Zvi wulako ku: “Citata ca mauvha”.
Kutani: “a vana va”.
Hi kukongoma: “hakuva vona i pawa ka hina”.
Hi kukongoma: “a ku khwatsi munhu mun’we”.
Hi kukongoma: “ndzi tlakusileko canja ga mina”.
Hi kukongoma: “wubhayi”.
Kutani: “a ku ndzi maha nala wa n’wina”.
A cipandze ca wukhume ca efa ci wa ringana a 2,2 l. Wona Ap. B14.
A hini yi waya a 3,67 l. Wona Ap. B14.
Hi kukongoma: “pawa”.
Kutani: “muhefemulo”.
Kutani: “muhefemulo”.
Kutani: “muhefemulo”.
Kutani: “dawa”.
Kutani: “muhefemulo”.
Kutani: “dawa”.
Kutani: “ku hi fumela”.
A zvivhina masimu ya tisinya leti ti pswalako mauvha.
Hi kukongoma: “bhoxa”.
Hi kukongoma: “mimoya ya nyama yontlhe”.
Kutani: “a ndzi zvi sukeli”.
Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
Kutani: “va wonheleko a mihefemulo yabye”.
Hi kukongoma: “a ku na mumbe munhu”.
Hi kukongoma: “ku ngavi ni mumbe munhu”, ku nga munhu a nga hiko wa ngango wa Aroni.
Hi kukongoma: “A ku na mumbe munhu”, ku nga munhu a nga hiko wa ngango wa Aroni.
Ku nga zvontlhe lezvi zvi basiselweko Nungungulu hi ku nyikelwa ka Nungungulu na zvi nga ha koteki ku zvi cicisa ne ku zvi tlhatlhisa.
Hi kukongoma: “ya nyama yontlhe”.
A xekeli gi wa ringana a 11,4 g. Wona Ap. B14.
Kutani: “hi kuya hi xekeli go basa”.
A gera gi wa ringana a 0,57 g. Wona Ap. B14.
Ku nga civhumelwako ca kala kupindzuka ni ci nga ciciko.
Kutani: “a cirumbi ca muhefemulo wu fileko”. Wona Tlhamuselo wa magezu ya Bhibhiliya.
Kutani: “muhefemulo”.
Kutani: “dawa”.
Kutani: “muhefemulo”.
Kutani: “dawa”.
Kutani: “muhefemulo”.
A mivhina tisinya leti ti pswalako mauvha.
Kutani: “vahluwuki”.
Zvi wulako ku: “Kuholova”.
Hi kukongoma: “masiku”.
A zvivhina masimu ya tisinya leti ti pswalako mauvha.
Hi kukongoma: “canja”.
Magezu yo sasekiselwa ma wulako kufa.
Hi kukongoma: “i ta hlengeletwa afa kwalaho”.
Zvi wulako ku: “Ku konela ku lovisa”.
Kutani: “a muhefemulo wa vanhu”.
Kutani: “a mihefemulo ya hina ya nyenya”.
Kutani: “réplica”.
Hi kukongoma: “nomu”.
Kutani: “Yimbelelani”.
Zvi nga maha na zvi wula ku: “Ciwuleni”.
Zvi wonekisa ku khwatsi ku wuliwa Congo wa Eufrate.
Hi kukongoma: “tihlo”.
Kutani: “tiko”.
Hi kukongoma: “tihlo”.
Kutani: “tiko”.
Hi kukongoma: “pswele ga mbongola”.
A zvivhina masimu ya tisinya leti ti pswalako mauvha.
Kutani: “A muhefemulo wa mina a wufe”.
Kutani: “a ti layako”.
Zvi nga maha na zvi wula ku: “ciwula”.
Hi kukongoma: “zvi wa hi zvi nene mahlweni ka Jehovha a”.
Kutani: “kumbheleni ka masiku”.
Kutani: “cimombo”.
Kutani: “cikodo; cikuwa”.
Kutani: “mapaketi; tinavhiyo”.
Kutani: “i no ti tlhanganisa”.
Hi kukongoma: “tihloko”.
Hi kukongoma: “phambeni ka gambo”.
Kutani: “va ti tlhanganisileko na”.
Magezu yo sasekiselwa ma wulako kufa.
Hi kukongoma: “mimoya ya nyama yontlhe”.
Kutani: “wudzundzo”.
Hi kukongoma: “cikari ka wusikwana gimbiri”.
A cipandze ca wukhume ca efa ci wa ringana a 2,2 l. Wona Ap. B14.
A hini yi waya a 3,67 l. Wona Ap. B14.
Hi kukongoma: “cikari ka wusikwana gimbiri”.
Hi kukongoma: “ka tihweti ta n’wina”.
Hi kukongoma: “pawa”.
Kutani: “mu xanisa a muhefemulo wa n’wina”. A kutala ka zvikhati, a ku ti xanisa zvi wula tindlela to hambanahambana ta kutitsona, a ku patsa ni kupfhunga.
Kutani: “wasati wo felwa hi nuna”.
Kutani: “a mahileko divórcio”.
Kutani: “cifungo ca ku ti xanisa”.
Magezu yo sasekiselwa ma wulako kufa.
Kutani: “a muhefemulo”.
Kutani: “mihefemulo”.
Kutani: “mihefemulo”.
Kutani: “mihefemulo”.
Kutani: “ni tikalavhu”.
Kutani: “a mihefemulo ya hina yi”.
A xekeli gi wa ringana a 11,4 g. Wona Ap. B14.
Kutani: “aketa”.
Zvi wulako ku: “Zvidhoropana zva matenda ya Jayira”.
Hi kukongoma: “na va tlakusile canja”.
Kutani: “zvifananiso zvi nyekisilweko”.
Kutani: “sul”.
Ku nga Bimbi Gofa.
Ku nga Bimbi ga Hombe ga Medhiteraneo.
Ku nga Medhiteraneo.
Kutani: “norte”.
Kutani: “nyangweni ya Hamate”.
Ku nga tiva ga Genezareta kutani Bimbi ga Galileya.
A nkono wun’we wu wa ringana a 44,5 cm. Wona Ap. B14.
Kutani: “sul”.
Kutani: “norte”.
Kutani: “muhefemulo”.
Kutani: “muhefemulo”.
Hi kukongoma: “na a mu dembele”.
Hi kukongoma: “na ku nga hi ku i wa no mu dembela”.
Kutani: “muhefemulo”.
Kutani: “muhefemulo”.