MIKA
1 Leyi i mhaka ya Jehovha yi ngata ka Mika,*+ wa le Morexete, masikwini ya Jothamu,+ na Ahazi,+ na Hezekiya,+ a tihosi ta Judha,+ leyi a nga yi amukela hi muwoniso xungetano hi Samariya ni Jerusalema:
2 “Zwanani, n’wina matiko wontlhe!
Chela kota, wena misava ni zvontlhe zvi nga ka wena;
Ngha Jehovha, a Hosi ya Hombe, ava kustumunyu wa ku mu kecara+
— Jehovha na a hi tempeleni yakwe yo basa.
3 Hi nga wonani! Jehovha wa huma hi wutshan’wini gakwe;
I ta relela, a kandzihetela a matshamu ma tlakukileko ya misava.
4 A zvitsunga zvi ta nyeka lahasi kakwe,+
Ni mikova yi ta pandzeka
A ku khwatsi i sera laha ndzilweni,
Ni ku khwatsi i mati loku ma halatiwa laha ndzhelelweni.
5 Zvontlhe lezvi zvi maheka hi kota ya wuhluwuki ga Jakobe,
Hi kota ya zviwonho zva yindlu ya ka Izrayeli.+
Hi gihi a wuhluwuki ga Jakobe?
A hi Samariya ke?+
Hi wahi a matshamu ma tlakukileko ya Judha?+
A hi Jerusalema ke?
6 Ndzi ta maha Samariya ava nhulu ya maribye lomu masin’wini,
A wutshamu ga ku byala zvivhina;*
Ndzi ta hoxela* maribye yakwe lomu nkoveni,
Ndzi funungula zviseketelo zvakwe.
7 A zvifananiso zvakwe zvontlhe zvi kehlilweko zvi ta fayetelwa,+
Ni zvinyikiwo zvontlhe lezvi a nga ti xavisa hi zvona zvi* ta hisiwa ndzilweni.+
Ndzi ta fuvisa zvifananiso zvakwe zvontlhe.
Hakuva i zvi hlengeletele hi muholo wa wubhayi;
Zvonawu zvi ta tlhela zviva muholo wa zvibhayi.”
8 Hi kota ya lezvo ndzi taba huwa ndzi rila;+
Ndzi ta famba na ndzi nga bohangi zvilato, na ndzi hi cimbyiri.+
A huwa ya mina yi ta fana ni leyi ya makhanga,
Ni kuketa ka mina ku ta fana ni loku ka timbhuwu.*
A ntungu wu hangalakile kala nyangweni ya vanhu va mina, kala Jerusalema.+
10 “Mu nga zvi kumbuki le Gati;
Ne mu ngazi mu rila.
Puluwundza lomu ntshurini le Bhet-Afra.*
11 Fambani na mu hi zvimbyiri, na mu hi ni tingana, n’wina vahanyi va Xafira.
A vahanyi va le Zaanani a va humangi.
Ku ta biwa huwa le Bhet-Ezeli; yena a nga ta ha mu vhuna.
12 Hakuva a vahanyi va le Marote va wa rindzela zvazvinene,
Kanilezvi ku no relela zvakubiha hi ka Jehovha hehla ka nyangwa ya Jerusalema.
13 N’wina vahanyi va Lakixe,+ panisani mahaxi laha kareteni.
Wena uve masangulo ya ciwonho ca nhanyana wa Ziyoni,
Hakuva a wuhluwuki ga Izrayeli gi kumilwe ka wena.+
14 Hikwalaho, u ta mu nyika zvinyikiwo zva kusalisana Morexete-Gate.
A miti ya Akzibha+ yive cibuka ci kanganyisako ka tihosi ta Izrayeli.
15 N’wina vahanyi va Marexa,+ ndza ha ta mu tisela muhluli.+
A wudzundzo ga Izrayeli gi ta chikela ni le Adhulamu.+
16 Tsemani misisi, mu halula tihloko hi kota ya vana va n’wina vo randzeka.
Tsemani ligwalo a ku khwatsi i gama,
Hakuva va khomilwe vaya wukhumbini, kule na wena.”+
2 “Khombo ka lava va xuxako cikungo ca ku maha zvahava,
Lava va lukako kubiha na va hi masangweni yabye!
Loku gica va maha lezvi va zvi lukileko,
Hakuva zvi le ntan’wini wa mandla yabye.+
2 Va navela masimu, va ma teka;+
Va navela tiyindlu kambe, va ti teka;
Va teka yindlu ya munhu hi wukanganyisi,+
Va wutla tshomba ya munhu.
3 Hikwalaho, Jehovha i ngalo:
‘Ndzi longisela khombo kasi ndzi gi neha hehla ka ngango lowu,+ ga ku mu nga ta pona.*+
Mu nga ta ha famba hi matshandza+ hakuva ci tava cikhati ca khombo.+
4 Hi siku lego, a vanhu va ta wula vingu ha wena;
Va taba mikosi ya hombe hi kota ya wena.+
Va taku: “Hi hahlulilwe hi ku bhi!+
I nyikele a tshomba ya tiko ga hina ka van’wani — i hi tekele!+
I avela masimu ya hina ka vanhu vo kala kutsumbeka.”
5 Hikwalaho, u nga tava ni wa ku gwimba lingoti la kupima hi lona,
Kasi a avela tiko ka bandla ga Jehovha.
6 Va chumayela vaku: “Tsikani ku chumayela!
Va nga chumayeli timhaka leti;
A tingana ti nga ta hi wela!”
7 N’wina yindlu ya Jakobe, hi zvona lezvi zvi wuliwako, zvaku:
“A moya wa Jehovha wu mbhelelwe hi lihlazva-mbilu ke?
Hi yona mitiro yakwe leyi ke?”
Kasi a timhaka ta mina a ti va vhuni lava va fambako hi kululama ke?
8 Kanilezvi, ka masikwana lawa a vanhu va mina va vhutsukile a ku khwatsi i nala.
Mu va tlhatlhele kubaseni a zvilo zva ku ti sasekisa hi zvona ni* tinguwo
Lava va hundzako na va nga chavi nchumu a ku khwatsi hi lava va wuyako hi yimpini.
9 Mu hlongola a vavasati va tiko ga mina tindlwini tabye to tsakisa;
A vana vabye mu va tekela wudzundzo ga mina kala kupindzuka.
10 Sukani mu famba, hakuva laha a hi ka ku humulela kona.
Hi kota ya kungahlazveki,+ ku tava ni kuloviswa, a kuloviswa ko bayisa.+
11 Loku a munhu a landzela mheho ni kukhohlisa a tlhela a wula wunwa legi, aku:
“Ndzi ta kanela ka wena xungetano hi vhinyo ni byala”,
Yaloye mukaneli a ringanako a tiko legi!+
12 Hakunene ndzi ta mu hlengeleta n’wentlhe, wena Jakobe,
Ndzi tlhela ndzi hlengeleta a misalela ya Izrayeli.+
Ndzi ta va tlhanganisa zvin’we hi kurula, a ku fana ni tiyivhu lomu rangeni,
Ina, a ku fana ni ntlhambi lomu wuriselweni ga wona;+
Ku ta tala hi guwa ga vanhu.’+
13 A mubhoxi wa muhocho i ta ranga mahlweni kabye;
Va ta bhoxa muhocho, va tsemakanya nyangwa va tlhela va huma hi yona.+
A hosi yabye yi ta ranga hi yona yi hundza,
Jehovha na a hi phambeni kabye.”+
3 Ndzi te: “Hi nga zwani, n’wina tihosana ta ka Jakobe,
Na n’wina vafumeli va yindlu ya ka Izrayeli.+
Mu wa nga faneli ku tiva lezvi zvi lulamileko ke?
2 Kanilezvi ma venga zvazvinene,+ mu randza zvakubiha;+
Mu yewula a hlonge ya vanhu va mina, mu susa nyama lomu ka marambu yabye.+
3 Mu tlhela muga a nyama ya vanhu va mina,+
Mu rundzuwula a hlonge yabye,
Mu tshova marambu yabye mu ma fayetela,+
A ku khwatsi hi lezvi zvi bhikiwako lomu bhoteni, a ku khwatsi i nyama lomu mbiteni.
4 Ka cikhati leco, va ta rila ka Jehovha va kombela ku vhuniwa,
Kanilezvi a nga ta va hlamula.
5 Jehovha i wula lezvi ka vaphrofeti lava va pengisako a vanhu va mina,+
Lava va huwelelako ‘kurula’+ a cikhati va lumako* hi matino yabye,+
Kanilezvi va mu vhuxela yimpi loyi a nga cheliko nchumu minon’wini yabye:
6 ‘Mu tava ni wusiku;+ ku nga tava ni muwoniso;+
Ku tava ni munyama basi ka n’wina, ku nga tava ni kuvhumba.
A gambo gi ta pela ka vaphrofeti,
Ni hlikanhi wu ta cica wuva munyama kabye.+
7 A vawoni va miwoniso va ta wisiwa tingana,+
Ni vavhumbi va ta khunguvanyeka.
Vontlhe va ta ti vhala minomu,*
Hakuva ku nga tava ni hlamulo wu tako hi ka Nungungulu.’”
8 Kanilezvi mina ndzi tele hi ntamu hi kota ya moya wa Jehovha,
Ni kululama ni kutiya,
Kasi ndzi byela Jakobe a wuhluwuki gakwe, na Izrayeli a ciwonho cakwe.
9 Hi nga zwani lezvi, n’wina tihosana ta yindlu ya ka Jakobe,
Na n’wina vafumeli va yindlu ya ka Izrayeli,+
N’wina mu vengako kululama mu tlhela mu gombonyekisa zvontlhe zvi lulamileko,+
10 N’wina mu akako Ziyoni hi ku halata nkhata, ni Jerusalema hi kungalulami.+
Hambulezvo, va ti seketela* hi Jehovha, vaku:
“Kasi Jehovha a nga na hina ke?+
A ku na khombo gi to hi wela.”+
12 Hikwalaho, hi kota ya n’wina,
Ziyoni i ta rimiwa a ku khwatsi i simu;
Jerusalema i ta maha tinhulu ta maribye,+
Ni citsunga ca Yindlu* ci ta ku khwatsi matshamu ma tlakukileko lomu khwatini.+
4 Masikwini yo gumesa,
A citsunga ca yindlu ya Jehovha+
Ci ta yimisiwa ci tiya le hehla ka madembele ya zvitsunga,
Niku ci ta tlakusiwa hehla ka zvitsungana;
A matiko ma ta khitikana maya kona.+
2 A matiko yo tala ma taya ma yaku:
“Tanani, a hi kandziheni hiya citsungeni ca Jehovha,
A ndlwini ya Nungungulu wa Jakobe.+
I ta hi gondzisa a tindlela takwe,
Hina hi ta famba tisokweni takwe.”
Hakuva a nayo* wu ta huma hi le Ziyoni,
Ni mhaka ya Jehovha yi ta huma hi le Jerusalema.
A ku na tiko gi to tlakusa a cipadha ca gona gi vhukela gin’wani tiko,
Ne va nga ta ha gondza kambe a kulwa.+
4 A mun’we ni mun’wani wabye i ta tshama* lahasi ka vhina* wakwe ni lahasi ka nkuwu wakwe,+
A nga kona a to va dzukisa,+
Hakuva a nomu wa Jehovha wa mabutho wu wulile lezvo.
5 Hakuva a matiko wontlhe, a gin’we ni gin’wani gi ta famba vitweni ga nungungulu wa gona,
Kanilezvi hina hi ta famba vitweni ga Jehovha, a Nungungulu wa hina,+ kala kupindzuka ni kupindzuka.
6 “Hi siku lego”, ku wula Jehovha,
“Ndzi ta hlengeleta lava va nga kari va khwita,
Ndzi tlhanganisa lava va nga hangalakile,+
Zvin’we ni lava ndzi va xanisileko.
7 Lava va nga kari va khwita ndzi ta va maha misalela,+
Ni lava va hlongolilweko vaya kule va tava tiko ga ntamu;+
Jehovha i ta va fumela Citsungeni ca Ziyoni,
Kusukela lezvi ni kala kupindzuka.
8 Kanilezvi wena likhokhola* la ntlhambi,
A citsunga ca nhanyana wa Ziyoni,+
A mufumo wu ta wuya ka wena, ina, a mufumo wo sangula* wu ta wuya,+
Wu nga mufumo wa nhanyana wa Jerusalema.+
9 Makunu hikuyini u kanyulukako?
A wu na hosi ke?
A sungukati ga wena gi nofa ke?
A ku hi zvona zvi ku mahako uzwa kubayisa a ku khwatsi wasati a pswalako?+
10 Phinyawukela, u keta, wena nhanyana wa Ziyoni,
A ku fana ni wasati a pswalako,
Hakuva u ta huma lomu dhoropeni uya hanya lomu khwatini.
U ta famba kala Bhabhuloni,+
U ta tlhatlhisiwa na u hi seyo;+
Hi kwaseyo Jehovha a to ku tlhatlhisa kona mandleni ya valala va wena.+
11 A matiko yo tala ma ta hlengeletwa ma ku vhukela;
Ma taku: ‘Ziyoni i wa nyenyeziswe,
Niku a matihlo ya hina ma wa zvi wone na zvi maheka ka Ziyoni.’
12 Kanilezvi a ma ma tivi a maalakanyo ya Jehovha;
A ma ma zwisisi a makungo* yakwe;
Hakuva i ta ma hlengeleta a ku khwatsi tinyandza ta timbewu ta ha hi ku tsemiwako ti nga wungeletelwa laha ko hulela kona timbewu.
13 Suka, u hula, wena nhanyana wa Ziyoni;+
Hakuva ndzi ta cica a timhondzo ta wena ti maha ta simbi,
Niku ndzi ta cica a zvinyondzwani zva wena zvi maha zva kobre.
U ta fayetela a matiko yo tala,+
U nyikela a bhindzu ga wona go biha ka Jehovha,
Ni titshomba ta wona ka Hosi ya lisine ya misava yontlhe.”+
Vaba a rama ga mulamuli wa Izrayeli hi nhonga.+
U nga mutsongwani nguvhu cikari ka makume ya mazana* ya ka Judha,
Hi ka wena ku ta huma loyi a to ndzi mahela hosi ya Izrayeli,+
Loyi a nga kona kusukela zvikhatini zva kale, kusukela masikwini ya kaleloko.
3 Hikwalaho, i ta va tsika
Kala cikhatini leci loyi a lun’wako a to pswala.
Ni misalela ya vamakabye vakwe yi ta tlhelela ka va ka Izrayeli.
4 I ta suka a yima a risa hi ntamu wa Jehovha,+
Ni wukulu ga vito ga Jehovha, a Nungungulu wakwe.
Laha a muAsiriya a to dhumela tiko ga hina,
a kandzihetela a tikhokhola* ta hina ti tiyisilweko khwatsi,+
Hi ta mu vhuxela a 7 wa varisi ni 8 wa tihosana* ta vanhu.
I ta hi tlhatlhisa mandleni ya muAsiriya,+
Laha a to dhumela a tiko ga hina, a kandzihetela a wutshamu ga hina.
7 A misalela ya Jakobe yi tava cikari ka matiko yo tala
A ku fana ni ndzhokati yi tako hi ka Jehovha,
Ni tivhula ta hombe hehla ka byanyi,
Lezvi zvi nga tsumbiko munhu,
Kutani ku rindzela vanana va vanhu.
8 A misalela ya Jakobe yi tava cikari ka matiko,
Cikari ka matiko yo tala,
A ku fana ni nghala cikari ka zvihari zva khwati,
Ni cinghalana* cikari ka mitlhambi ya tiyivhu,
Leci ci hundzako ci khoma ci handzulela;
A nga kona wa ku zvi tlhatlhisa.
9 A canja ga wena gi ta tlakusiwa hehla ka lava va ku vhukelako,
Niku vontlhe a valala va wena va ta lovisiwa.”
10 “Hi siku lego”, ku wula Jehovha,
“Ndzi ta fuvisa a mahaxi ya wena cikari ka wena, ndzi lovisa ni tikareta ta wena.
11 Ndzi ta lovisa a madhoropa ya tiko ga wena,
Ndzi hohlola wontlhe a matshamu ya wena ma bhiyelweko.
12 Ndzi ta fuvisa a wuloyi legi u gi mahako.*
A nga kona a mahako masalamuso a to sala cikari ka wena.+
13 Ndzi ta lovisa cikari ka wena a zvifananiso zva wena zvi kehlilweko ni mapilari ya wena.
U nga ta ha wu khizamela kambe a ntiro wa mandla ya wena.+
15 Ndzi ta ti photela hi zanga ni khulo
Hehla ka matiko lawa ma nga kala ku ingisa.”
6 Hi nga zwani lezvi Jehovha a wulako.
Sukani mu yima, mu kecara mahlweni ka zvitsunga,
Ni zvitsungana zvi wazwe a gezu ga n’wina.+
2 N’wina zvitsunga, zwanani a kukecara ka Jehovha,
Na n’wina zviseketelo zvo tiya zva misava,+
Hakuva Jehovha i na ni mhaka ni vanhu vakwe;
I ta wulawulisana na Izrayeli, aku:+
3 “Tiko ga mina, zvini ndzi nga mu mahela?
Ndzi mu rerile hi yini ke?+
Ndzi byeleni.
4 Hakuva ndzi mu humesile tikweni ga Gibhite,+
Ndzi mu tlhatlhisa ndlwini ya wukhumbi;+
Ndzi rumele Mosi, na Aroni, na Miriyamu, phambeni ka n’wina.+
5 Tiko ga mina, alakanyani lezvi Bhalaki, a hosi ya Mowabhi, a nga xuva ku maha,+
Ni lezvi Bhalami, a n’wana wa Bheyori a nga mu hlamula,+
Lezvi zvi nga humelela kusukela Xitime+ kala Gilgali,+
Kasi mu tiva a mitiro yo lulama ya Jehovha.”
6 Ndzi ta famba ni yini mahlweni ka Jehovha?
Ndzi ta famba ni yini loku ndzi ya khizama mahlweni ka Nungungulu loyi a nga le hehla?
Ndzi ta famba mahlweni kakwe ni minyikelo ya kuhiswa ya mirumba,
Ni zvihon’wana zva lembe gin’we ke?+
7 Xana Jehovha i ta tsakisiwa hi makume ya mazana ya tiyivhu,
Hi makume ya makume ya mazana ya micongo ya mafura ke?+
Kona ndzi ta nyikela a n’wana wa mina wa matewula hi kota ya wuhluwuki ga mina,
8 Wena munhu, Nungungulu i ku byelile lezvi zvi nga zvinene.
Zvini lezvi Jehovha a zvi lavako ka wena?*
9 A gezu ga Jehovha ga huwelela dhoropeni;
Lava va nga ni wutlhari va ta chava a vito ga wena.
Dembani ndleve ka nhonga ni ka loyi a yi yimisileko.+
10 Xana ka ha hi ni titshomba ta kubiha lomu ndlwini ya wakubiha,
Ni lipimo la efa* li hungulilweko leli li nga cinyenyeko ke?
11 Ndzi ngava munhu a basileko* na ndzi hi ni cikalo ca mawunwa,
Ni cikhwama ca tipezo ta maribye ti kanganyisako ke?+
12 Hakuva a vavanuna va kona vo ganya va tele hi tihanyi,
Ni vahanyi va kona va wulawula mawunwa;+
A lirimi labye la kanganyisa non’wini wabye.+
13 “Hikwalaho, ndzi ta kuba, ndzi ku bayisa,+
Ndzi ku hahlula hi kota ya zviwonho zva wena.
14 U taga, kanilezvi u nga ta xura;
Lomu ndzeni ka wena ku tava phanga.+
Lezvi u to teka u nga ta zvi kota ku zvi ponisa,
Ni lezvi u to rwala ndzi ta zvi nyikela ka cipadha.
15 U ta byala timbewu, kanilezvi u nga ta tshovela.
U ta kandzihetela maolivha, kanilezvi u nga ta tirisa mafura ya kona;
U ta maha a vhinyo yiswa kanilezvi u nga ta yinwa.+
16 Hakuva u hlayisa a milayo ya Omri ni mitiro yontlhe ya yindlu ya Ahabhi,+
U tlhela u famba hi wusungukati gabye.
Hikwalaho, ndzi ta ku maha nchumu wo tshisa;
Ni vahanyi va kona va ta belwa minoti;+
Mu ta timisela a kuchepetiwa hi matiko.”+
7 O, khombo ga mina! Ndzi fana ni munhu wa ku
Loku a tshovele mihandzu ya cimumu
Ni ku kutsula mauvha ma seleko cikhatini ca kutshovela,
A nga kumi ne ni citata ca mauvha kasi kuga,
Ne hambu makuwu yo sangula lawa ndzi* ma lavako nguvhu.
2 Loyi wo tsumbeka i n’walele laha misaveni;
A ku na munhu a lulamileko cikari ka vanhu.+
Vontlhe va barama va xiyelela kasi ku halata nkhata.+
A mun’we ni mun’wani i hlota a makabye wakwe hi likoka.*
3 A mandla yabye ma tlharihela ku maha zvakubiha;+
A hosana yi londza a cinyikiwo,
A mulamuli i lava nchachazelo,+
Loyi a dhumileko i wula lezvi a* zvi lavako,+
Niku va ma luka zvin’we a makungo lawo.
4 Loyi wa munene wa kona i fana ni mimizwa,
Ni loyi wo lulama nguvhu ka vontlhe i bihile a ku pala ni libhiyo la mimizwa.
Gi ta chikela a siku legi gi nga wuliwa hi varindzeli va wena ni ga kulamulwa ka wena.+
A vanhu va ta jujeka kupima.+
5 Mu nga kholwi ka munghana wa n’wina
Kutani ku tsumba a munghana wa n’wina wa hombe.+
Ti woneleni lezvi mu byelako loyi a etlelako cifuveni ca n’wina.
6 Hakuva a mufana i kanyisa papayi wakwe,
A nhanyana i vhukela a mamani wakwe,+
Ni katamwane i vhukela a n’wingi wakwe.+
A valala va munhu vanhu va ngango wakwe.+
7 Kanilezvi mina ndzi ta tshama ndzi cuwukela Jehovha.+
Ndzi ta rindzela* Nungungulu wa kuhanyisa ka mina.+
A Nungungulu wa mina i ta ndzizwa.+
8 Wena nala wa mina, u nga tsaki hi kota ya mina.
Hambu lezvi ndzi ngawa, ndzi ta vhuka;
Hambu lezvi ndzi hanyako lomu munyameni, Jehovha i tava kuwonekela ka mina.
9 Ndzi ta timisela a zanga ya Jehovha
— Hakuva ndzi mu wonhele+ —
Kala a yimela mhaka ya mina a ndzi mahela kululama.
I ta ndzi humesa ndzita kuwonekeleni,
Ndzi wona a kululama kakwe.
10 A nala wa mina yenawu i ta zvi wona,
Ni tingana ti ta fenengeta loyi a ngaku ka mina:
“I kwihi Jehovha, a Nungungulu wa wena?”+
A matihlo ya mina ma ta mu cuwuka.
Makunu i ta kandzihetelwa a ku fana ni madhaka lomu maruweni.
11 Gi tava siku ga ku aka a mimuro ya wena ya maribye;
Hi siku lego a mimbhingano yi ta engetelwa.*
12 Hi siku lego va tata ka wena
Hi le Asiriya ni madhoropeni ya Gibhite,
Kusukela Gibhite kala Congweni;*
Kusukela bimbini kala ka gin’wani bimbi, ni kusukela citsungeni kala ka cin’wani citsunga.+
13 A tiko gi tava ciwula hi kota ya vahanyi va gona,
Hi kota ya lezvi va nga maha.*
14 Risa a vanhu va wena hi nhonga ya wena, a ntlhambi wa tshomba ya wena,+
Lowu wu nga kari wu hanya lomu khwatini, cikari ka tisinya ta mihandzu.
A wu gele le Bhaxani ni le Gileyadhe+ a ku khwatsi hi masikwini ya kaleloko.
15 “A ku fana ni masikwini lawa u nga huma tikweni ga Gibhite,
Ndzi ta ku komba a zvilo zvo hlamalisa.+
16 A matiko ma ta zvi wona mawa tingana hambu lezvi ma nga ni ntamu.+
Va ta ti khoma nomu hi canja gabye;
A tindleve tabye ti tafa.
17 Va ta lazva a ntshuri a ku fana ni tinyoka;+
A ku fana ni zvikokakoka* zva misava, va ta huma lomu makhokholeni yabye na va rurumela.
Va tata ka Jehovha, a Nungungulu wa hina, na va chava nguvhu;
Va ta ku chava.”+
18 Himani a Nungungulu wo fana na wena,
Loyi a tsetselelako cigoho, a nga cheli kota hi cihambunyeto+ ca misalela ya tshomba yakwe ke?+
A nga ta zangara kala kupindzuka,
Hakuva i tsakisiwa hi lirandzo li nga mbheliko.+
19 I ta hi mahela a wuxinji kambe;+ i ta hlula* a zvigoho zva hina.
U ta hoxa a zviwonho zvabye zvontlhe lomu kueteni ka bimbi.+
20 U ta tsumbeka ka Jakobe,
U kombisa lirandzo li nga mbheliko ka Abrahama,
Kota lezvi u hlambanyileko ka vakokwani va hina masikwini ya kaleloko.+
I vito gi komisilweko gaku Mikayeli (zvi wulako ku: “Himani a fanako na Nungungulu?”) kutani Mikaya (zvi wulako ku: “Himani a fanako na Jehovha?”).
A zvivhina masimu ya tisinya leti ti pswalako mauvha.
Hi kukongoma: “chulula”.
Kutani: “Ni muholo wontlhe wa wubhayi gakwe wu”.
Kutani: “avestruzes”.
Kutani: “le mutini wa Afra”.
Hi kukongoma: “mu nga ta huluxa nhamu ya n’wina”.
Zvi nga maha na zvi wula ku: “a zvilo zva ku sasekisa hi zvona a”.
Zvi nga maha na zvi wula ku: “loku va hi ni ca ku cakunya”.
Kutani: “malevhu ya nomu wa le hehla”.
Hi kukongoma: “tihloko”.
Kutani: “prata”.
Kutani: “ve va ti seketela”.
Kutani: “tempeli”.
Kutani: “gondziselelo”.
Kutani: “lulameta; lulamisa”.
Kutani: “foices”.
Kutani: “i ta hanya”.
A vhina i sinya leyi yi pswalako mauvha.
Kutani: “torre”.
Kutani: “wa kale”.
Kutani: “kurandza”.
Kutani: “tinyangwa”.
Kutani: “torres”.
Kutani: “varangeli”.
Kutani: “cinghalana ca malevhu”.
Hi kukongoma: “a wuloyi canjeni ga wena”.
Kutani: “ciwonho ca muhefemulo wa mina”.
Kutani: “a ku kombelako”.
Kutani: “uva munhu wo lulama”.
Kutani: “uva munhu wa munene ni ku tsumbeka ka lirandzo la wena”. Hi kukongoma: “u randza a lirandzo li nga mbheliko”.
Wona Ap. B14.
Kutani: “a nga hiko na nandzu”.
Kutani: “lawa a muhefemulo wa mina wu”.
Kutani: “juya”.
Kutani: “a muhefemulo wakwe wu”.
Kutani: “Ndzi ta rindzela hi lihlazva-mbilu ka”.
Zvi nga maha na zvi wula ku: “a nayo wu tava kule”.
Ku nga Congo wa Eufrate.
Hi kukongoma: “Hi kota ya mihandzu ya mitiro yabye”.
Kutani: “zviharana zvo famba hi khwiri”.
Kutani: “kandzihetela; fumela”.