NAHUME
1 Mahungu ya ku vhukela Ninivha:+ Bhuku ga muwoniso wa Nahume,* a muElkoxe:
2 Jehovha i Nungungulu loyi a londzako ku khozelwa yece+ niku wa phota;
Jehovha wa phota niku i longile ku kombisa a zanga yakwe.+
Jehovha wa phota ka valala vakwe
Niku i va vekela zanga a valala vakwe.
3 Jehovha wa nonoka ku zangara+ niku i na ni ntamu wa hombe,+
Kanilezvi Jehovha a nga ta tsika ku tsayisa lava zvi va ringanako.+
A ndlela yakwe yi lomu ka moya wu hahlulako ni cingulo,
Ni marefu lithuri la mikondzo yakwe.+
Bhaxani na Karmeli va wuna,+
Ni zvitsangi zva Lebhanoni zva wuna.
5 A zvitsunga zva tsekatseka hi kota yakwe,
Ni zvitsungana zva nyeka.+
A misava yi ta rurumela hi kota ya nghohe yakwe
Zvin’we ni tiko ni vontlhe va hanyako ka gona.+
6 Himani a nga tiyelako a zanga yakwe?+
Kona himani a nga yimelako a kuhisa ka zanga yakwe ke?+
A khulo gakwe gi ta chululwa a ku fana ni ndzilo,
Ni maribye ma ta pandzelelwa hi kota yakwe.
7 Jehovha mu nene;+ i khokhola sikwini ga zvikarato.+
Wa va tiva* lava va chavelako kakwe.+
8 I ta lovisa a wutshamu gakwe* gi ku bhi hi ndambi yi swiyelako,
Ni munyama wu ta hlongolisela a valala vakwe.
9 Cikungo muni mu to xuxa ca ku vhukela Jehovha?
I ta neha a kulovisa ko mbhelela!
A zvikarato zvi nga ta hata ga wumbiri.+
10 Va tsondzelelene a ku khwatsi mimizwa.
Va fana ni vanhu va popilweko hi byala,*
Kanilezvi va ta hiswa a ku fana ni byanyi go woma.
11 Ku ta huma hi ka wena loyi a to xuxa cikungo ca ku vhukela Jehovha,
A nyika wusungukati gi nga vhuniko nchumu.
12 Jehovha i ngalo:
“Hambu lezvi va nga ni ntamu wa hombe na va tele,
Va ta loviswa, va nga havi kona.
Ndzi ku* xanisile, kanilezvi ndzi nga ta ha ku xanisa kambe.
13 Makunu ndzi ta tshova a kanga wakwe, ndzi wu susa ka wena,+
Ndzi phewula machini ya wena.
14 Jehovha i layile lezvi xungetano hi wena:*
‘A vito ga wena gi nga ta ha simamisa kambe.
Ndzi ta lovisa zvifananiso zvi kehlilweko ni zvifananiso zva simbi* lomu ndlwini* ya vanungungulu va wena.
Ndzi ta ku mahela cilahla hakuva a wu vhuni nchumu.’
15 Hi nga wonani le zvitsungeni a mikondzo ya loyi a nehako a mahungu ya manene,
Loyi a huwelelako kurula!+
Maha mibuzo ya wena,+ wena Judha, u tatisa zvifungo zva wena,
Hakuva loyi a nga vhuniko nchumu a nga ta ha tshuka a tsemakanya kambe hi ka wena.
I ta loviswa a ku bhi.”
2 Loyi a hangalasako i tile kasi a ta ku* vhukela.+
Vhikela a makhurisi.
Tshama na u gadha ruwa.
Ti longiseleni,* mu longa a ntamu wa n’wina wontlhe.
2 Hakuva Jehovha i ta tlhelisela wudzundzo ga Jakobe,
Zvin’we ni wudzundzo ga Izrayeli,
Hakuva a vahahluli va va hahlulile+
Va tlhela va tshoveletela ni zvidhavana zvabye.
3 A zvitlhangu zva vavanuna vakwe va ntamu zvi pswhukile,
Ni masochwa yakwe ma bohile tinguwo to pswhuka.
A zvipandze lezvi zva simbi zva tikareta takwe zva phatima a ku fana ni ndzilo
Ka siku legi a ti longiselako a kuya kulweni,
Ni matlhari ya junipero ma ninginiswa.
4 A tikareta ta yimpi ta tsutsuma nguvhu lomu maruweni.
Ti kwela na ti relela lomu maprasa.
Ti woninga a ku fana ni zvihlahle zvi vhurako, ti hatima a ku fana ni cingwalangwandla.
5 I ta vitana tinhenha takwe.
Ti ta ti phinganyeta laha ti yako mahlweni.
Ti tsutsumela ka muro wakwe
Ti ya maha libhiyo.
6 A tinyangwa ta micongo ti ta vhululiwa,
Ni yindlu ya wuhosi yi ta hahluliwa.*
7 Zvi tiyisilwe:* I funungulilwe;
I ta hoxiwa kule, niku a tikhumbi takwe ta cisati ti taba nkosi;
Ti zwalisa ku khwatsi zvipomba laha ti ti bako zvifuva.*
8 Masikwini yakwe, Ninivha+ i wa fana ni citivana ca mati,
Kanilezvi zvezvi vo tsutsuma.
“Nyimani! Nyimani!”
Kanilezvi i hava a tlhelelako ndzhako.+
9 Phangani prata, phangani ouro!
A titshomba a ti mbheli.
Gi tele hi tixaka tontlhe ta zvilo zva lisima.
10 A dhoropa i phanga, gi hahlulilwe, i rumbi!+
A timbilu tabye ta nyeka hi kuchava, a madzolo yabye ma khuyuka, a tinyonga tabye ta rurumela;
A tinghohe tontlhe ta karateka.
11 Gi kwihi a wutumbelo ga tinghala,+ lomu a zvinghalana* zvi gelako kona,
Ku nga lomu a nghala yi humako hi kona ni role ga yona,
Na ku nga hi na wa ku zvi dzukisa ke?
12 A nghala yi wa pfhemulela nyama yo enela ku xurisa a marole ya yona,
Yi ma dayela zvihari a mapswele ya yona.
Yi wa tata a mikele ya yona hi nyama,
Ni wutumbelo ga yona hi zvihari lezvi yi deleko.
13 “Ndza ku vhukela”, ku wula Jehovha wa mabutho,+
“Ndzi ta hisa tikareta ta wena ti maha musi,+
Ni cipadha ci ta khadamula a zvinghalana* zva wena.
Ndzi ta lovisa zvihari lezvi u nga hlota laha misaveni,
Niku a guwa ga zvirun’wa zva wena gi nga ta ha zwiwa kambe.”+
3 Khombo ka dhoropa ga ku halata nkhata!
Gi tele hi kukhohlisa ni kuphanga.
A gi tshuki gi tshama na gi nga hi na nyama!
2 Ku zwala guwa ga kukwapa ka musephu ni ga marodha,
Ni haxi gi khanako, ni kutlulatlula ka kareta.
3 Hi nga wonani lava va khileleko a mahaxi, ni zvipadha zvi hatimako, ni matlhari ma phatimako,
A vanhu va tsandza-vahlayi va delweko ni tinhulu ta zvirumbi
— A zvirumbi a zvi mbheli.
Va tshama hi ku ti khudhulela hi zvirumbi.
4 Lezvo zvi maheka hi kota ya wubhayi gi mahiwako hi cibhayi;
Ca koka kupima niku ci sasekile; i hosi ya cisati ya wuloyi;
Ci phasa matiko hi wubhayi ga cona ni mingango hi wuloyi ga cona.
5 “Ndza ku* vhukela”, ku wula Jehovha wa mabutho,+
“Ndzi ta kupula saya ya wena kala yi ku fenengeta nghohe.
Ndzi ta komba matiko a wumbyiri ga wena,
Ni mifumo, a tingana ta wena.
7 Vontlhe va to ku wona va ta ku tsutsuma,+ vaku:
‘Ninivha i hahlulilwe!
Himani a to mu zwela wusiwana ke?’
Ndzi ta va kuma kwihi va ku ku chavelela?
8 Wena wova chukwana a ku hundza No-Amoni*+ loyi a nga hi kusuhani ni minonga ya Nilo?+
A mati ma wa mu randzele;
A tshomba yakwe yi wa hi bimbi ni muro wakwe wu wa hi bimbi.
9 Etiopia i wa hi yena cibuka cakwe ca ntamu, na Gibhite yenawu.
Puti+ ni vaLibhia va wa hi vavhuneteli va wena.+
10 Kanilezvi hambu yena i mahile khumbi;
I yisilwe wukhumbini.+
A vana vakwe vonawu va no pswhandlasiwa lomu mahandzakanyeni* wontlhe ya maruwa.
Va bile tihlolo na va bela a vanhu vakwe va lisima,
Ni vavanuna vakwe vontlhe va hombe va no fasiwa tinghomondo.*
11 Wenawu u ta popiwa;+
U taya kufihlaleni.
U ta lava ko fihlala a nala.
12 A makhokhola ya wena wontlhe ma fana ni mikuwu yi nga ni mihandzu yo sangula yi buvhileko;
Loku yi jujiwa, a makuwu ma ta wela minon’wini ya vakhadamuli.
13 A masochwa ya wena ma fana ni vavasati cikari ka wena.
A tinyangwa ta tiko ga wena ti ta vhululelwa a valala va wena ti ku ha.
A ndzilo wu ta hisa zvikwinyaro zva tinyangwa ta wena.
14 Khana mati u ti longisela ku randzelwa!+
Tiyisa makhokhola ya wena.
Nghena lomu madhakeni u kandzihetela wumba;
Khoma muchini wa kuba zvitini.
15 Hambu kwaseyo a ndzilo wu ta ku mita.
A cipadha ci ta ku lovisa.+
Ci ta ku khadamulisa ku khwatsi hi lezvi a humbi* yo kala yi nga se tiyela yi mahako.+
Andzani mu ku khwatsi mu humbi yo kala yi nga se tiyela!
Ina, andzani mu tala a ku khwatsi mu humbi.
16 U andzisile nguvhu a vaxavisi va wena a ku hundza a tinyeleti ta matilo.
A humbi yo kala yi nga se tiyela yi chemulile yi haha.
17 A varindzeli va wena va fana ni humbi,
Ni tihosana ta wena ti fana ni butho ga humbi.
Yi fihlala lomu marangeni ya maribye hi siku ga cirami,
Kanilezvi loku a gambo gi tlhava, yi puruma yiya kule;
Niku i hava a ku tivako lomu yi yako kona.
18 A varisi va wena va khudzehela, wena hosi ya Asiriya;
A tihosana ta wena ti tshama mitini ya tona.
A vanhu va wena va hangalakele lomu zvitsungeni,
Niku a ku na munhu a va hlengeletako.+
19 A ku na kutlhatlhiswa khombyeni ga wena.
A cilondza ca wena a ci chumeki.
Vontlhe lava va tozwa mahungu ya wena va taba mandla;+
Hakuva himani a nga kala ku xanisiwa hi tihanyi ta wena ta tshisela ga cima ke?”+
Zvi wulako ku: “Muchaveleli”.
Kutani: “wa khatala hi”.
Ku nga Ninivha.
Kutani: “byala ga trigo”.
Ku nga Judha.
Ku nga Asiriya.
Kutani: “zvifananiso zvi nyekisilweko”.
Kutani: “tempeleni”.
Ku nga Ninivha.
Hi kukongoma: “Tiyisani zviwunu”.
Kutani: “mitiwa”.
Hi kukongoma: “yimisilwe”.
Hi kukongoma: “timbilu”.
Kutani: “zvinghalana zva malevhu”.
Kutani: “zvinghalana zva malevhu”.
Ku nga Ninivha.
Kutani: “cipetakulo”.
Ku nga Tebhesi.
Hi kukongoma: “tihlokweni”.
Kutani: “tinjema”.
A humbi zviharana zvo fana ni bhandzala.