Xini a kuranza ka Nungungulu?

Nungungulu i lava lezaku hi hanya hi kurula ni kutsaka ka paradise misaveni kala kupinzuka!

Kanilezi, u nga ha ti wutisa lezi: ‘Zi nga mahekisa kuyini zezo?’ A Biblia gi ngalo a Mufumo wa Nungungulu wu ta zi tatisa, niku kuranza ka Nungungulu lezaku a vanhu vontlhe va gonza xungetano hi Mufumo lowo ni kungo gakwe xungetano hi hina. — Tisimu 37:​11, 29; Isaya 9:⁠7.

Nungungulu i lava lezaku hi vuneka.

A ku fana ni lezi a raru wa mu nene a xuvelako za zi nene a vana vakwe, a Dadani wa hina wa le tilweni i lava lezaku hi kuma litsako la pinzukelwa. (Isaya 48:​17, 18) Yena wa ­tsumbisa lezaku “loyi a mahako kuranza ka Nungungulu i ta tshama kala kupinzuka.” — 1 Johani 2:⁠17.

Nungungulu i lava lezaku hi famba tindleleni takwe.

A Biblia gi ngalo a Muvangi wa hina i lava ku “hi gonzisa a tindlela takwe” kasi hi ‘famba tindleleni takwe.’ (Isaya 2:​2, 3) Yena wa xaxameta “vanhu va ta nga vitanwa hi vito ­gakwe” kasi va tivisa a kuranza kakwe misaveni yontlhe. — Mitiro 15:14.

Nungungulu i lava lezaku hi tlhangana wukhozelini gakwe.

A wutshanwini ga ku hambanyisa vanhu, a wukhozeli gi basileko ga Jehova gi va tlhanganyisa hi liranzo la lisine. (Johani 13:⁠35) Hi vamani inyamutlha lava va gonzisako vavanuna ni vavasati a ndlela ya ku tirela Nungungulu hi wumunwe misaveni yontlhe? Ha ku kuca lezaku u kuma a hlamulo wa kona hi ku gonza a broxura legi.