Zitiviso

◼ Mabhuku ma to nyikelwa hi Maio: Marevista A Sentinela ni Despertai! Ku ta mahiwa mizamo yo hlawuleka ya ku enzela lava va ha sangulako ku tsakela va vako kona ka Xialakanyiso ni ka kanelo wa laha kubaseni wo hlawuleka kanilezi va kalako va nga ti tlhanganyisi nguvu ni bandla. A kungo ga maenzo lawo gi fanele kuva ku sangula xigonzo xa Biblia xa laha mutini ni lava va kalako va nga se xi vumela. Junho: Khozela Nungungulu Munwe Wa Zinene. Julho ni Agosto: Broxura gihi ni gihi gi nga ni 32 wa maphajina ka lawa ma lanzelako: Como Ter uma Vida Satisfatória, Loku U Felwa Hi A Ranzekako Wa Wena, Mimoya Ya Vafileko​ — ⁠Yi Nga Ku Vuna Kutani Yi Nga Ku Mahela Kubiha? Yi Kona Hakunene?, Ndlela yi Yako Wutomini ga Pinzukelwa​ — ⁠U Yi Kumile?, Qual É o Objetivo da Vida? Como Encontrá-lo?, Que Acontece Conosco Quando Morremos?, Tsakela Wutomi Ga Pinzukelwa Misaveni!, Tshamani Na Mu Rinzele!, Um Livro para Todas as Pessoas, Wa Zi Kota Kuva Munghana Wa Nungungulu!, ni Xana Nungungulu Wa Hi Khatalela Hakunene? Setembro: Zini Lezi A Biblia Gi Zi Gonzisako Hakunene? Ti karateleni ku sangula a zigonzo za Biblia ka lienzo lo sangula. Loku ku hi lezaku a venyi va miti va sina va hi nago a bhuku legi, va kombeni lezi va nga vunekisako zona hi bhuku legi, hi ku va kombisa hi kukomisa lezi a xigonzo xa Biblia xi mahisiwako zona.

◼ A tihubye ta madota ti fanele ku vuxeta a papilo ga 6 ka Julho wa 2006 xungetano hi ku ti longisela ku tshuka hi welwa hi timhango ta ntumbuluko ma tlhela ma tiyiseka lezaku ma ku tiva lomu ku tshamako a muhuweleli munwe ni munwani niku ma na ni nombora yakwe ya telefone. Ka matshamu lawa ku tolovelako ku maheka timhango ta ntumbuluko a madota ma fanele kuva ni mahungu yo engeteleka lawa ma ta nga ma tirisa loku ku humelela zikarato za xitshuketi. Loku ku humelela zikarato za xitshuketi, hakunene za vuna loku a vahuweleli va byela a muwoneleli wabye wa Xigonzo Xa Bhuku Xa Bandla kutani dota ginwani loku ku hi lezaku va ta enza va ya tshama seyo hi xikhati xo leha, a ku fana ni loku va maha lipfhumba hi xikhati xa maferiya kutani loku va fambisa bhinzu go kari, loku va bhaxarile xipitali, kutani hi zinwani zigelo.

◼ Za saseka loku a zikombelo za lava va lavako kuva maphayona ya xikhati xontlhe zi rumelwa ravini na ka ha sele a 60 wa masiku ma hlayiwako kala ka siku legi a muhuweleli loye a tsakelako ku sangula hi gona ku phayona hi wutsongwani ga kona. Loku lava va tsakelako kuva maphayona va nga ha gi alakanyi a siku legi hakunene va bapatizilweko hi gona, va fanele ku alakanyela a siku go kari va tlhela va gi tsala ka wutshamu go kari. A matsalani i fanele ku tsala a siku lego lomu ka cartao Registro de Publicador de Congregação (S-21).