Zitiviso

◼ Mabhuku ma to nyikelwa hi Outubro: Marevista A Sentinela ni Despertai! Lava va kombisako kutsakela va nyikeni a xitlukana Xana Wa Zi Lava Ku Tiva A Zinene? mu tlhela mu va tlhamusela a mahungu ya xona. Loku ku hi lezaku a venyi va miti va sina va hi naxo, a vahuweleli va fanele ku ti karatela a ku sangula a zigonzo za Biblia.

◼ A Longoloko wa Xikola xa Wutireli ga Nungungulu wa lembe ni lembe wu nga ta hata kota xiengetelo xa Wutireli Ga Hina Ga Mufumo. Wutshanwini ga lezo, a bandla ginwe ni ginwani gi ta amukela a longoloko wa lembe ni lembe, niku a kopiya yinwe ya longoloko yi fanele ku namekiwa laha ka kwadru ga zitiviso lomu Salawini ya Mufumo. A kopiya leyi yinwani yi ta tshama ni muwoneleli wa xikola lezaku a yi tirisa kumaheni ka ziavelo. A vahuweleli va ta simama ku amukela a tikopiya tabye ta Wutireli Ga Hina Ga Mufumo hweti ni hweti, niku gi tava ni longoloko wa viki ni viki wa Xigonzo xa Biblia xa Bandla, Xikola xa Wutireli ga Nungungulu, ni wa Mutlhangano wa Ntiro.

◼ Kusukela ka viki ga 1 ka Março wa 2010, ku ta gonziwa a bhuku “Ngona U Nzi Lanzela” ka Xigonzo xa Biblia xa Bandla. A mabandla lawa ma wulawulako a Chichewa ma ta gonza a bhuku ‘Liranzo La Nungungulu’ kusukela ka viki ga 4 ka Janeiro wa 2010. A mabandla lawa ma lavako a mabhuku lawa ma fanele ku ma kombela ka xikombelo xa wona xa mabhuku lexi xi lanzelako.