Timhaka-tshinya Ta Ntiro Wa Simu

Hi hweti ya Julho, ku humesilwe a Tradução do Novo Mundo das Escrituras Sagradas hi xiChewa. Ku rumelwe a 165.500 wa maBiblia ka 34 wa migotsovanyano ya muganga. Lezo zi wa lava lezaku a vamakabye vo tsalangana va ti karata nguvu. Hi xikombiso, a mimova yinharu ya hombe yi rwele a 96 wa matonelada ya maBiblia kusukela Beteli kala lomu a migotsovanyano yi mahelweko kona. A hofisa ya ravi yi kari yi amukela a mapapilo ya vamakabye ya ku bonga a wuhunzuluseli legi go tsumbeka ga Mhaka ya Nungungulu, legi gi va olovelako a ku gonza hi lirimi labye. Handle ko kanakana gi ta vuna nguvu ntirweni wo maha vapizani. Ahandle ka ximaho lexi xa hombe nguvu, a gotsovanyano wa lembe legi wu mahilwe hi khati go ranga hi xiMacua, niku a drama yi te jenwi ku mahiwa hi xiTshwa. Hi rinzela lezaku kuva ni kuengeteleka ka hombe ka vahuweleli va mufumo hi kota ya mizamo leyi yi mahiwako ya ku chikelela vontlhe lomu xipanzeni xa hina.