Zingheniso

Kasi ku sangula zigonzo za Biblia hi Mulongiso wo sangula wa Setembro

“Gi cile. Hi ku enzele hi xikhatanyana kasi ku ku komba mahungu yo tsumbeka ya ku vuna a sati ni nuna lezaku vava ni litsako wukatini. Hi mawonela ya wena, xini nguvunguvu xi talako ku va maha va vumala litsako?” [Rinzela hlamulo.] Mu kombe seno nzhako ka Murinzeli wa 1 ka Setembro, u kambisisa naye a mahungu ma nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Setembro

“Hi ku enzela hi ku tiva lezaku a vanhu vo tala lomu xipanzeni xa hina va karateka hi ku lava ku tiva ku hikuyini Nungungulu a vumelelako kuxaniseka. Wa tshuka u ti maha xiwutiso lexo? [Rinzela hlamulo.] Lexi xi tsakisako hi lezaku a Biblia gi komba lezaku ku tava ni xikhati lexi a hlomulo wontlhe ni kubayisa zi to mbhela. [Gonza Kuvululelwa 21:4.] A revista legi gi wulawula hi ntlhanu wa zigelo-tshinya zi mahako lezaku kuva ni kuxaniseka ka hombe. Gi tlhela gi komba lezi Nungungulu a to mbhetisa zona a kuxaniseka.”

Despertai! ga Setembro

“Hi tela ku ta ku bhulela zokari xungetano hi firiado yi tshinelako — a Siku ga Vafileko. Va kona va kalako va nga patseki ka firiado leyi hi kota ya zitlharihiso zo kota lexi xi nga lomu ka Biblia. [Gonza Levi 19:31.] A vanwani a va kholwi ku a firiado leyi ya patsa wungoma, niku ve a Siku ga Vafileko a gi bihangi, i siku ga ku hlakana. Wena ke, u yi wonisa kuyini a firiado leyi? [Rinzela hlamulo.] A revista legi gi komba lomu gi sukelako kona a Siku ga Vafileko.”