A Mhaka ya Nungungulu yi na ni ntamu wutomini ga wena ga siku ni siku ke?

A ku gonza Biblia siku ni siku zi nga hi vuna ku “zima mitsu” ni ku “tiyiswa kukholweni.” (Kol. 2:6, 7) Kanilezi kasi a Mhaka ya Jehova yiva ni ntamu wutomini ga hina, hi fanele ku ehleketa hi matshinya ya yona ya milayo hi tlhela hi hanya hi wona. (Maheb. 4:12; Jak. 1:22-25) Joxua 1:8 i komba mahela ga zigava zinharu ga ku lera hi ndlela yi bhinzulako: 1) Gonza Mhaka ya Nungungulu “mumu ni wusiku.” 2) Gonza u tlhela u “alakanya” kutani hi “gezu ga lahasi (Tradução do Novo Mundo),” lezi zi wulako ku lera hi zambo gi ku vumelelako ku ehleketa ni ku alakanyela a wutshamu ni xiyimo xa mahungu lawo. 3) “Maha zontlhe lezi zi tsalilweko ka gona.” A ku lanzela mawonela lawa zi ta hi maha hi “humelela” wutomini ga hina ga siku ni siku.