Muwoniso wu tiyisako kukholwa

9:1-7

A cikhati leci Jesu a nga hi kungangameleni kakwe i zwile gezu ga Papayi wakwe wa le tilweni na giku yena i N’wana a randzekako. Hi nga alakanyela lezvi Jesu a nga ti zwisa zvona! Handle ko kanakana, lezvo zvi mu tiyisile nguvhu kasi ku yimisana ni kuxaniseka loku a nga wa ta kumana nako. A muwoniso lowo wu tlhelile wu khumba nguvhu Pedro, na Jakobe na Johani. Wona wu va mahile va kholwa lezvaku Jesu hi yena Mesiya, niku va wa fanele ku mu ingisa. Andzhako ka 32 wa malembe, Pedro i wa ha ci alakanya cimaho leci ni lezvi ci nga tiyisisa zvona a kukholwa kakwe ka ‘mhaka ya kuphrofeta’. — 2 Pe 1:16-19.

Hambu lezvi hina hi nga kala ku wu wona muwoniso lowu wo hlamalisa, ha wona a kutatiseka ka wona. Jesu wa fuma kota Hosi ya ntamu. Zvezvanyana i ta mbhetisa ‘kuhluka’ kakwe, a hi vhulela ndlela ya ku nghena misaveni yiswa yo lulama. — Kuv 6:2.

A kukholwa ka wena ku tiyisilwe hi ndlela muni laha u wonako a kutatiseka ka ciphrofeto leci ca Bhibhiliya?