Jesu i fele mina ni maKristu kuloni

Jesu i nyikele wutomi gakwe hi kota ya vanhu vo kala ku mbhelela. (Ro 5:8) Handle ko kanakana, ha bonga nguvhu lezvi Jesu a nga nyikela wutomi gakwe kasi ku vhuna hina. Hambulezvo, zva lava ku hi ti alakanyisa lezvaku Jesu i fele ni vamakabye va mina. Hi nga li kombisisa kuyini lirandzo lo fana ni leli Jesu a nga li kombisa ka vamakabye va hina vo kala kumbhelela a ku fana na hina? Wona tindlela leti ta tinharu. Yo sangula, hi nga engetela lirandzo la hina hi vamakabye hi kurandza ni lava va nga ni matshamela yo hambana ni ya hina. (Ro 15:7; 2 Kor 6:12, 13) Ya wumbiri, hi fanele ku ti wonela ku wula kutani ku maha zvilo zvi nga khunguvanyisako van’wani. (Ro 14:13-15) Yo gumesa, loku a wokari a ku wonhela, u fanele ku tekela ku mu tsetselela. (Lu 17:3, 4; 23:34) Loku hi ti karatela ku pimanyisa Jesu ka tindlela leti, Jehovha i ta simama ku katekisa a bandla hi kurula ni kuzwanana.

WONA VHIDHYU ENGETELA KUVA MUNHU WA MU NENE!, U GUMA U HLAMULA ZVIWUTISO LEZVI:

• 

  Kusanguleni, Miki i wa ti zwisa kuyini ka bandla gakwe ga giswa?

• 

  Cini ci nga mu maha a cica a kutizwa kakwe?

• 

  A cikombiso ca Jesu ci mu vhunisile kuyini Miki a ku cica mawonela yakwe? (Mr 14:38)

• 

  A bhuku ga Mavingu 19:11 gi hi vhunisa kuyini kasi hi wona maKristu kuloni hi ndlela ya yi nene?