“A hi mbheli ntamu”

4:16-18

Hi nga alakanyela a mingango yimbiri yi hanyako ka yindlu yin’we yo karala. A wun’we wu karateka nguvhu. Kanilezvi, leci ci hlamalisako hi ku lowu wun’wani wu tsakile. Hikuyini? Hi ku na ku nga hi kale wu ta rura wuya ka yindlu yin’wani ya yi nene.

Hambu lezvi ‘a zvivangwa zvontlhe zva ha ketako ni ku xaniseka kala nyamutlha’, a malandza ya Nungungulu ma na ni kutsumba ku ma tiyisako. (Rom 8:22) Ha zvi tiva lezvaku a zvikarato lezvi hi kumanako nazvo zvezvi, ni lezvi zvi hi xanisako hi malembe yo tala zva ‘cikhatana niku zva vevuka’ loku zvi fananisiwa ni wutomi ga pindzukelwa misaveni yiswa ya Nungungulu. A ku veka kupima ka makatekwa ya Mufumo ya cikhatini ci tako zvi ta hi vhuna kuva ni litsako hi tlhela hi nga mbheli ntamu.