U nga gondza yini ka vamakabye va tireleko Jehovha hi malembe yo tala?

Mabandleni ya hina ku ni vamakabye va tireleko Jehovha hi malembe yo tala. Hi nga gondza ka ndlela leyi va tsumbekileko ka Jehovha hi yona. Hi nga va kombela lezvaku va hi hlawutela a matimu ya hlengeletano ya Jehovha ni zvikarato lezvi va kumeneko nazvo va tlhela va zvi hlula hi ku vhuniwa hi Jehovha. Hi nga ha tlhela hi ramba mun’we wa vamakabye lavo ka wukhozeli ga hina ga ngango kasi ku hi hlawutela matshango yabye.

Loku u hi makabye a nga ni malembe yo tala na a tirela Jehovha, tizwi na u tlhatlhekile ku bhula ni vaswa hi kukholwa ka wena. Jakobe na Josefa va wa tizwa na va tlhatlhekile ku bhulela a vana vabye lezvi Jehovha a va maheleko. (Gen 48:21, 22; 50:24, 25) Hi kufamba ka cikhati, Jehovha i byelile a tihloko ta mingango lezvaku ti gondzisa a vana vabye hi mitiro yakwe yo tlakuka. (Deu 4:9, 10; Lis 78:4-7) Masikwini ya hina, a maxaka ni van’wani lomu bandleni va nga bhulela vaswa xungetano hi zvilo zvo saseka va zvi wonileko lezvi Jehovha a zvi mahileko hlengeletanweni yakwe.

WONA VHIDHIO VHUVHUMISA WUMUN’WE HAMBU LOKU A NTIRO WA HINA WU BETELWA, U GUMESA U HLAMULA A ZVIWUTISO LEZVI:

• A ravi ga le Áustria gi va vhunisile kuyini a vamakabye lava va nga hanya ka matiko lawa a ntiro wa hina wu nga beletelwa?

• A vamakabye va matiko lawo va simamile va tiyisa a kukholwa kabye hi ndlela muni?

• Hikuyini a vamakabye vo tala le Romênia va nga ti hambanisa ni hlengeletano ya Jehovha, niku cini ci nga maha ku va tlhelela hlengeletanweni ya Jehovha?

• A matimu lawo ma ku tiyisisa kuyini a kukholwa ka wena?