Hlayisa wunghana ga wena na Jehovha

A kuva Kustumunyu wa Jehovha i thomo go hlawuleka. Loku hi ti hendleleta ka Jehovha, hi bhabhatizwa kota maKristu, ho hlakulela wunghana ni Hosi ya Hombe Jehovha. Wa ti tshineta ka hina hi ku tirisa n’wana wakwe. (Joh 6:44) A tlhela a ingisela mikhongelo ya hina. — Tis 34:15.

Hi nga vhikelisa kuyini a wunghana ga hina go hlawuleka na Nungungulu? Hi fanele ku potsa ku maha zvilo zvo biha a ku fana ni lezvi a vaIzrayeli va nga maha. Cikhatanyana ndzhako ka kuva va mahile civhumelwano ca kuva ni kuzwanana na Jehovha, va no ti mahela a role ga ouro kasi va gi khozela. (Ek 32:7, 8; 1Ko 10:7, 11, 14) Hi nga ti wutisa lezvi: Zvini ndzi mahako loku ndzi kumana ni zviringo? A mitiro ya mina ya komba lezvaku ndza hlayisa a wunghana ga mina na Jehovha? A lirandzo lo eta hi Papayi wa hina wa le tilweni yi hi vhuna ku potsa ku maha zvilo lezvi yena a zvi vengako. — Tis 97:10.

BISA VHIDHIO HLAYISA WUNGHANA GA WENA NA JEHOVHA (Kol 3:5), U GUMESA U MAHA ZVIWUTISO LEZVI:

• Cini kunavela?

• Hi nga ma hlulisa kuyini a makangwa ni ku khozela zvifananiso?

• A wubhayi gi yelanisa kuyini ni ku khozela zvifananiso?

• Hikuyini lava va nga ni malungelo bandleni va faneleko ku tiyiseka lezvaku va khatalela a zvilaveko zva vanghana vabye va wukati?