Vaswa — Jehovha hi yena munghana wa n’wina wa hombe nguvhu?

Loku u hi ni munghana, u tsakela ku a hi ni matshamela muni? Kuzvilava u wa ta tsakela ku ava wo tsumbeka, ava ni wuxinji ni wo hana. Jehovha i nawo matshamela wontlhe lawo. (Ek 34:6; Mit 14:17) Wa ingisela mikhongelo ya wena. Wa ku nyika civhuno loku zvi laveka. (Lis 18:19, 35) Wa tsetsela zviwonho zva wena. (1Jo 1:9) Hakunene Jehovha munghana wa hombe nguvhu!

U nga mahisa kuyini munghana wa Jehovha? Gondza xungetano hi yena lomu ka Bhibhiliya. Mu tsumbe. (Lis 62:8; 142:2) Komba ku wa nyika lisima a zvilo zva lisima ka Jehovha zvo kota N’wana wakwe, Mufumo wakwe ni zvitsumbiso zvakwe zva cikhatini ci tako. Bhulela van’wani xungetano hi yena. (De 32:3) Loku u hlakulela a wunghana ga wena na Jehovha, i tava munghana wa wena kala kupindzuka. — Lis 73:25, 26, 28.

SIXTIRA VHIDHIO VASWA — ‘RINGANI MU WONA KU JEHOVHA MU NENE’, U GUMESA U HLAMULA A ZVIWUTISO LEZVI:

• 

  U nga ti longiselisa kuyini kasi u ti hendleleta niku bhabhatiswa?

• 

  A van’wani lomu bandleni va nga ku vhunisa kuyini a ku tirela Jehovha?

• 

  A ntiro wa ku chumayela wu nga gi tiyisisa kuyini a wunghana ga wena na Jehovha?

• 

  Hi tihi tindlela to kari leti u nga mu tirelako hi tona Jehovha?

• Zvini u zvi randzako ka Jehovha?